مساء الجماااااااااااااااال
عرض للطباعة
مساء الجماااااااااااااااال
ياسر تسلم والله علي دعم البوست بالفيديو
وتكملة التوثيق للاغاني
ابو ايثاراقتباس:
المشاركة الأصلية كتبت بواسطة أبا إيثار
مساء الجمال
وسعيدة جدا بمرورك علينا
-----
تسلم كتير والله
اغنية الليلة بمناسبة الصباح الباهي اللي شهدته منتديات ودمدني اليوم :)
--------
الصباح الباهي لونك .. وضاحة يا فجر المشارق ..
غابة الأبنوس عيونك .. يا بنية من خبز الفنادق ..
شيدت في جواي صوامع للفرح ..
وفتحت في دنياي مسارح للمرح ..
وبقيت لي سكة وعيون .. لا قدرت اطولك شان أجيك ..
لا قدرت من غيرك أكون .. وأنا بيك ماليني الكلام ..
حركت بيك عصب السكون ..
جلبت ليك الغيم رحط .. طرزت ليك النيل زفاف ..
حرقت ليك الشوق بخور .. و فرشت ليك الريد لحاف ..
لا السكة بيك بتنتهي .. ولا معاك مليت طواف ..
ياريتني لو أقدر أكون .. وضاحة يا فجر المشارق ..
الصباح الباهي لونك .. يا بنية من خبز الفنادق ..
غابة الأبنوس عيونك ..
للشاعر أزهرى محمد على والحان وغناء مصطفى سيد أحمداقتباس:
المشاركة الأصلية كتبت بواسطة مدنيّة
مساء الجماااااااااااااااااال
الله يخليييييييييك ياسر
الاغنية دي رهيبة جدددددا
-------
مسامحك يا حبيبي
مسامحك يا حبيبي مهما قسيت علي
قلبك عارفو ابيض وكلك حسن نية
وما خطرت لقلبي سلوى تحيدو عنك
ما ممكن اعاتبك وياخد خاطري منك
انا عارف خصامك وغضبك في كلامك
ما من جوة قلبك كله على لسانك
مسامحك يا حبيبي..
واسال عني طيفك وزكراك هم شهود
وياما اشتقت ليك ورجيتك لو تعود
وحشتني الابتسامة عيونك بي كلامها
تداري في اشياقها وتفضح لغرامها
مسامحك يا حبيبي..
سيان عندي عدلك وجورك عليا
تكابر او تداري حبك باقي لي
بترجع لي تاني وتسالي عن مكاني
تجدني زي ما كنت زايد في حناني
مسامحك يا حبيبي..
ظلموني القالو عني و غيرني البعاد
وحيات نور جمالك زاد البي زاد
واصبح شوقي اكتر حبك عندي اكبر
املي في هواك نامي ولسه اخضر
http://www.youtube.com/watch?v=GwKV-Kuen60اقتباس:
المشاركة الأصلية كتبت بواسطة مدنيّة
كلمات الشاعر السر دوليب الحان وغناء الفنان الراحل عثمان حسيناقتباس:
المشاركة الأصلية كتبت بواسطة مدنيّة
مااجمل التسامح والعفو عند المقدره ...اغنيه رائعه واكثر من رائعه
مساء الجمااااااااااااااال
الملكة تسلمي كتير والله
----
ياسر ماعدمناك
---
ملك دائما منورة الدنيا كلها
الاغنية دي رهيبة جدا
وربنا يرحمك يازيدان
----
اسير حسنك يا غالي
في ريدك كم بغالي
اشيل من طبعك انت
واصبح حالي حالي
يا عبير يانسمه هاشة
ويافرح مليان اعاشة
شيل سنيني وشيل
نداها وشيل معاك
كل البشاشة
قول لي الغيوم
لو تاني رحلت وين
بين ظلال عينينا ماشة
سر جمالك في عيونك
غيمة تحضني وتسافر
تملي كل دنياي فرحة
وتبقي بكرة امل لباكر
يا حلات دنياي جمبك
ويا حلاتك وانت نافر
مستحيل دنياي تبسم
اوتفرح مرتين
ما خلاص ادمنت ريدك
ولهتك عيني سنين
وريني لما يطول غيابك
والقي تاني الفرحة وين
كلمات الشاعر التجانى حاج موسىاقتباس:
المشاركة الأصلية كتبت بواسطة مدنيّة
الحان عمر الشاعر
غناء الراحل زيدان ابراهيم
راح الميعاد
كلمات الشاعر اسحق الحلنقي
ألحان عبداللطيف خضر
أداء عثمان مصطفى
راح الميعاد وزمانى راح
والجرح لانام لا استراح
لكنى متكتم عليــــه
كم من جراح أحيت جراح
****************
يا قلبي ما تسهر معاي
ما أظن يفيدنا الأنتظـــار
عزيني في روضة هنــاي
سكت النغم سكت الكنـــار
جفت ورود الأمنيـــــات
يا حليل زمانو الإخضـــرار
يا حليل حبيب كان ليا نــور
كان ليّ ساعة الغــربة دار
*******************
يا ريتني لــــو اقدر أعيد
لحظات من الماضي البــعيد
وأهدى الزمان كل الحــنان
وأكتب لعمري ربيــع جديد
لكن رجعت وقلت مـــــا
يفيدني أحلم ما يفـــــــيد
تلقاني بين الناس هــــــنا
وأنا في الحقيقه هنـــاك وحيد
********************
ياحليل لياليــــــنا المضت
من غير أمــــــاني تنّورها
يا غالى يا أمـــــــل الحياة
ومعنى الصفـــــــات النيّره
طول البعـــــــاد ما أظن يفيد
آمـــــــــالي فيك ما بغيرها
*******************
هنا أرشفة للجمال الباقي ,,,
مدنية ,, ياسر .. الملكة ,, كل المتداخلين
صباحكم عافية ومساء أتمناه لكم كما روحكم .
حنية
الشاعر إسماعيل حسن الحان وغناء العملاق وردى
لو بكايا هماك ولو شقاي اشقاك
ما كنت يوم فارقتنى خاصمتنى عذبتنى
ياما دربك كنتا بفرشو ورد وحنيه واماني
ياما عهدك صنتو وما خنتو وكان ليك حنانى
ياما من ليلى ونهارى ودمعى بنسج لك أغانى
وكل كلمة من غناي فيها من حبك معانى
إن نأيت برجاك وإن نسيت بطراك وإن قسيت بهواك
********************************
جيت اعاتبك واشتكيلك واشرح الحب من بدايتو
قلب خادع ما برافع بس عليك تسمع حكايتو
انت حاكمو وانت مالكو وانت فى إيدك وصايتو
انت لو حكمت قلبك ما اظن ترضى بنهايتو
العهود صونوها أوعو لا تخونوها دا حرام تنسوها
********************************
تبقى جنبي وننسي كل الدنيا نغرق فى الأمانى
واشتكيلك يا حبيبي منك انت ومن زمانى
فى غيابك ياما ليل الغربة بالالام رمانى
ابقى عينى وابقى روحى وابقى قلبى يا حنانى
يا أمل يا لطفى يا حنية وينك من عيونى
لو تعود وتجينى القى فيك حنينى وانسى بيك انينى
***********************************
ابتسامتك ربيع دنياي ياما عشتا فيها
فتحت فى دربى اشواق الليالى البشتهيها
دى السعادة المن زمان بسأل عليها
بكيانى بشبابى بحياتى افتديها
الإله يرعانا بالغرام ضمانا ونحن ما أحلانا
*****************************
مساء السعادة حبيبنا ابا ايثار...اقتباس:
المشاركة الأصلية كتبت بواسطة أبا إيثار
انت بدر السماء
على المساح وابراهيم الكاشف
انت بدر السماء في صفاك
قولي من عيني من خفاك
حبيبي متى وفاك
******************
قلبي دون الناس إصطفاك
روحي تسمو سماك الفاك
الممات والحياة بين شفاك
فيك نفور الظبا في صفاك
****************
قلبي واله بيك ما نساك
عاني فيك العنى من أساك
قصدى زورة طيفك عساك
ياحبيب القسى سيب قساك
********************
إنت كعبة حب لليطوف
إنت جنة ودانيات قطوف
إنت كل الحياء واللطوف
إﻻ قلبك قاسي ماعطوف
*****************
مالو بدر السماء ماشروق
ما الحماهو ومنعو المروق
خدو زهري وبسمو البروق
غير أشوفك أنا مابروق
*****************
حاجبه يحكي النون والهلال
طرفه فيه معاني الدلال
فاه فيه الدر والزلال
وجيدة اتلع ظبي التلال
******************
ياحليل زمن الجهل بين
تلال الربا في السهل
من جروفنا بنشرب نهل
يازمن هل من عودة هل
********************
العزيزة
كلمات الشاعر سعد الدين ابراهيم والحان عمر الشاعر
الغناء للفنان فتحى حسين
العزيزة الما بتسأل عن حروفنا
الوحيدة الما بتحاول يوم تشوفنا
************************
المواعيد لسة حزنانة بتنادي
والأماسي بتبكي في أسى ما إعتيادي
ما كنتي بهجتا براوئع قوس قزح
والله ما طلانا من بعدك فرح
العزيزة الما بتسأل عن ظروفنا
الوحيدة الطال عشان جيتك وقوفنا
**************************
سلميلنا على ضفايرك موجة موجة
وكلميها
قولي ليها حرام تتوه فيها المواسم
ونحنا بالجد نشتهيها
سلميلنا على شفايفك زى صباع مختوت عليها
سلميلنا على عيونك يوم تسهي تغروديها
ويبقو تفاحتين خدودك بس خدودك وين شبيها
سلميلنا علي ايدينك وشملة الريد أنسجيها
سلميلنا علي خطاكي عزة العاملة ومشيها
والله أحضانك بلد يا حلوة ما تنفينا فيها
العزيزة الما بتسأل كيف ظروفنا
الوحيدة الطال عشان جيتك وقوفنا
*****************************