عرض للطباعة
اظهر وبان عليك الامان ..........................حمدالله علىالسلامة يا توتا وبركة الشفناك طيبة ............وكتر خير ابو مزن الخلاك ظهرتى الليلة ............... كدى روقى شوية وتعالى راجعة لينااقتباس:
المشاركة الأصلية كتبت بواسطة تيسير
الرائع ابو مزن لك التحية بحجم روعتك ............... الناس ديل هروك اسئلة لكن بالجد متعتنا جد باجوبتك الرائعة..........................تسلم ايها الرائع الراقى
اقتباس:
المشاركة الأصلية كتبت بواسطة telecom
سلمتى يارايعة وشكرا كتير وماتشوفى شر
الاخ الغالي " المسؤل مننا " ابو مزن "...اقتباس:
المشاركة الأصلية كتبت بواسطة عبدالرحمن مدثر
حضورك انت يزين المكان ... ماحقول من اجمل البوستات او بالاصح من اجمل
الكراسي " الساخنة" ... لانو دة الشي المتوقع من شخصك الجميل ...
وماانا البشهد بيك انت شنو ... لانو انت سيرتك وسمعتك سابقة حضورك ...
وبشكر صحبتي " ام مزن " العسولة ربنا يخليها ليك ويطول في اعماركم لي بعض
وتعجزو سواء ....
ويخليك لينا ياخرباش وانت تخربش في جدران المنتدي برقة ووبلطافة تترك آثار
جميلة في الكثيرين ... وبصمات لاتمحي مع الزمن ....
اقتباس:
المشاركة الأصلية كتبت بواسطة عمرسنهوري
الحبيب الى قلوبنا رغم حمرته سنهورى
تسلم ياغالى على الحضور الجميل
وتخريماتك تبدا بالمطر ... والمطر عندى احساسه غير
بحب اجرى فى المطره بتحول لشافع واعيش اللحظة بكل جمالها
ساعات احساسى بطش .. وبحس انى (شاروخان ) رغم الفااااااارق الكبير
فى (الشعر ) .. وتشبع موية مطره وتدى شعرك المسدل الكان زمان حركة كدا
للخلف .. حركة جميلة ياخ مابتتوصف .. ولابتتعاد بالبطىء
مدنى عندى احساس اروع بجمال اللمة .. ومعرفة الاخوان .. جميلة مدنى ياصديقى بكم
حاضرها محفر مثل شوارعها .. وفى حاجة تانية انا عندى لفة رااس مصاحبة لحضور مدنى
بصلى فى الكريبة باتجاه .. وبجى ودازرق بلقى الاتجاه اتغير :p
اقتباس:
المشاركة الأصلية كتبت بواسطة صهيب البصير
صديقى صهيب
رمز التواصل الاجتماعى الجميل فى منتدانا
تحياتى
مشكلتى مع الدوائر انى كل مااخلص من دائرة
بخش فى دائرة تانية
والدائرة تدور على الطابور
وخليك فى الصف لحين لقاءنا الموعود
بعدها بدور الدنيا بيك
وبتختار ليك دائرة براااك:p
تحياتى ياصديقى
اقتباس:
المشاركة الأصلية كتبت بواسطة moram
اول حاجة بحكى ليك موقف خربشة من سنة اولى ابتدائى
جاءنا مدير المدرسة لحصر التلاميذ
وقال لينا البسمع اسمو يقول نعم
وبدا يقرا فى الكشف
جاء دورى وقلت نعم
نعم دى عجبتنى ليك جنس عجب وقتها
وفعلت من اجلها العجب
اى تلميذ بعدى نعم بقولها انا
نعم
نعم
وكثرت النعماااات اكيد بتجيب مشاكل
نعم الله عليك يااخوى
المدير وقف من قراءته للاسماء
وبصوت صعب سال: البقول نعم دا منو ياجماعة
الجماعة اتلفتو لاخوك:p
وبعد دااااك جاءنى صداع مستديم بسبب
ضربة موجعة من المدير
خلتنى اكره نعم ليوم الدين:p
مازالت العزلة ترتبط بى حتى الان
فى الجامعة كان هناك دور لمجموعة النوارس الادبية للخروج من قيودها
كان لها الفضل فى بعض الاجتماعيات التى اتاحتها لى داخل مجتمع الجامعة
اقتباس:
المشاركة الأصلية كتبت بواسطة ahmed algam
ليك يوم ياعلقم
مادواااااااامة
اها شيلوا شيلتكم
ناس ودالسر وعكاااشة
ناوين ليكم
استاذنا الغالى ودالطائفاقتباس:
المشاركة الأصلية كتبت بواسطة بدر الدين احمد الطائف
تسلم ياراااقى على الحضور الجميل
لكن زنقة الجمااااعة دى وسخانتها
المروحة براها ماكفااااية
لو فى اسبلت يكون احسن
بس مانكون تعبنااااااااك:p
اقتباس:
المشاركة الأصلية كتبت بواسطة محمد السر
صديقى ودالسر تحياتى
لديك هدااوة بال جميلة خلاص ياصاحبى
وسعيد انا بمعرفتك وشاى المغربية الجميل
الخلانا جزء لايتجزا من الاسرة الكريمة
والمنتدى لو جينا للاضافات فكفاية على معرفتكم
ودى اجمل اضافة عرفنا خلالها معنى السعادة الحقيقية بصحبتكم
بالاضافة الى التواصل الاجمل من خلال الافكار المتداولة هنا بكل جمال
من خلال عباقرة مفردة جميلة يعطرون المكان .. ومن خلال المشاركة
فى بعض اعمال الخير والدعوات الجميلة التى وجدناها هنا جعلتنا نعمل
من اجل دنيانا واخرتنا
وانتي شفتي حاجة... :confused:اقتباس:
المشاركة الأصلية كتبت بواسطة سامية عباس
في لواري جايا ورى...
لو لقينا الباب مقفول ... الحيط قاعده ...
يعني... بندخلا بندخلا... مافي طريقة..
لو ختو جيش... :p
بس قولو يارب الشهر مااخلص...
حقيقي من أجمل الكراسي التي مرت على المنتدى و قد أشفقت على من سيخلف أبو مُزن على الكرسياقتباس:
المشاركة الأصلية كتبت بواسطة بت مارنجان
سمحة العلم سمحة الشهادة :eek: سمحة العلاقات الأجتماعية ، لينا بي حالكم يا ناس الأحياء الراقية ;)اقتباس:
المشاركة الأصلية كتبت بواسطة بت مارنجان
أنا ليهم بقول سلام دخلوها و صقيرا حام ، براحة يا محمد الأنصاري على عمك عبد الرحمناقتباس:
المشاركة الأصلية كتبت بواسطة alanssary
أيوا عمو يا عبد الرحمن لأنو محمد الأنصاري دا كنتا في يوم من الأيام برسلو يجيب لينا الكراسي و الموية
إلا الكتوف أتلاحقت ماشاء الله تبارك الله ;)
عندما نكون في حضرة من نهوى
يكون الحديث غير الحديث.. والكلمات الحالمة تعطر المكان
القلب يهفو دائماً والعين تترقب الجميل القادم
هناك الكثير من الناس يدخلون القلوب بلا إستئذان.. لأنهم يعرفون معنى التواصل
الحبيب ود مدثر
لعلنا في السودان الفسيح تغيب عنا ثقافة التوثيق.. وما (السيل) الذي أصاب المنتدى إلا بدليل إلى الكم الهائل من القصائد والخواطر التي أخذتها أدراج الرياح.. يبقى السؤال في النفس.. هل لديكم الفكرة في طباعة بعض أعمالكم.. وأين تجد نفسك في الكتابة؟
ما عندي سؤال 000
جيت أفتح البوست بس 000
لكن لقيت أستاذنا عصمت ود الفقرا قام باللازم 000
قلتا خلاس 000
أنضف المكان من النشارة 000
وبقايا خربشة امبارح 000
وأسن ليك الإزميل للخربشات الجديدة 000
ولو عاوز ترمي ليك طرقة رهيفة 000
القرقريبة ختيتا ليك في الطاقة الفوق الكرسي طوالي 000
بس قبال ما أطلع 000
لفيت مروحة بدر الطائف الجابة دي علي الكانون 000
شوية تسخينة بس 000
لأنو البرد دخل زي ما قال ليك محمد الجزولي 000
وعشان ما اطلع من هنا (بسؤالي حنين )
قلتا أخت لي سؤال ساااااااااااي بتاعتك 000
الدفء 000
كلمة فضفاضة 000
ذات دائرة أكبر من مقاسات البطاطين 000 (مع اني من أنصار فردة شندي 000)
خربش لينا فيها 000
بكل مفاهيما 000
مع شوية وسائل للدفء ( غير الكرسي ده ) :p:p:p
اقتباس:
المشاركة الأصلية كتبت بواسطة littlestar
نجمتنا الغالية .. العالية
لطالما اعجزتنى براحات حروفك
بحس بحاجة بتخليك تطلع من اطار البوست الضيق
الى حتة ابعد من خيال
نجمتنا وحدها من تجعل من سطر واحد رواية كاملة
تشدك .. وتدهشك .. وتشدهك
نجمتنا وحدها من رواد المفردة (الطاااااااخ ) تصيبك فى مقتل
وتجعلك تعانى بين دهشة وشهقة
سعيد انا بتواجدك
واسعد اكثر لو امتد هذا التواصل عبر الجديد من معانيك الجميلة
وتراشقاتك .. ومراياتك
والجااااتك فى لابتوبك ... سامحتك
خربشة اخيرة
ان شاء الله الزغرودة الحلوة تردها ليك بثغر بااااسم ام مزن
يوم زفتك الكبرى وبحضور الجميع
اقتباس:
المشاركة الأصلية كتبت بواسطة سامية عباس
السامية فكرا وموضوعا
والسحابة الجات صباح
والبت الموشحة بالصبر
والامنيات خاطر العمر
اختنا الغالية سامية عباس
اجمل حاجة بتذكرها انو لحظة توقيع اول احساس اخوة حقيقية
كان فيه درب اخضر .. ومشوار انضر .. ودموع
لاتفارق مخيلتى ابدا تلك الزيارة التى ذهبنا وفى ايدينا الامل
فرجعنا منها بالالم المتمدد فى كل المساحات
نوقف شريط الذكريات .. ونقيف فى محطة المايقوما بنفس العربية ذاتها
ونخلى المساحة لابوعفان
تميل خطواتى نشوانا
تعانق دربك الاخضر
وحات اللوعه والاهات
يا مشوار ماتقصر
على دربك زرعت الحب
جمـــــــــــــال و كمــــال
ريــــــــــــــــاض وزهـــــور
غزلت صبابه العشاق
امـــــــانى تزيد
صبـــــاح وعـطور
شلت اللهفه والاشواق
هيام وســــــــــلام
ومنـــــــــــــابع نور
مواكب روعه وابداعات
سلام وخيال قصاده شعور
مابدلت الايام ولا فى مره اتغير
وحات اللوعه والاهات
يا مشوار ماتــــــــــــقصر
امانه تطــــــــــــــــــول وتتجدد
وروعه تبقى لينا حـــــــــــــــدود
عليك مقصر الاعمار و وعود و وصال
ماقاسينا نارحــــــــــــــــــرمان
وما عانينا جــــــــور وصــــدود
وكم مرت بــــلاك ايــــــــــــــــام
وقفته فى طريق مســـــــــــــدود
وشوفوا الليله واشــــــــــــــراقات
سنـــــــــــــــــا و نــــــــــوار بيتقطر
وحات اللوعه والاشواق
يا مشوار ماتقـــــــــــــــــصر
يا مشوار يا رائع
بدون اول بدون اخـــــــــــــــــــر
معانــــــــــى لا نهــــــــايئــــــــــا
عليك دفق حنان زاخـــــــــــــــــــر
عليـــــــــــــــــــــــك روح
واحضــــــــــــــــــن قلـــب
وابــــــــــــــــهج عين
وســــــــــــــــر خاطـــــــر
فيك يا شوقى ماترتاح
وفيك افضل دوام ســــــــارح
معاك فرهد شباب الحــــــــــــب
ورف على جناح اخضــــــــــر
وحات اللوعه والاشـــــــــــــــــواق
يا مشوار ماتقصـــــــــــــــــــــــر
اقتباس:
المشاركة الأصلية كتبت بواسطة ام قبس
الانسانة .. الانسانة .. ام قبس
انا مازلت ابحث عن احساسى .. عن انسانى فى زمن اللاانسانية
وانا اكتب لك ردى هذا
مر امامى طفل صغير مشحون بالامل
ضحكته اكبر منه
من دون (ارجل ) تخيلى المنظر
وصنع له (خشبة مربعة الشكل ) وربط تحتها عجلات اربعة
هو الان يمرح بها بين صالات سوق السجانة ويطلب المساعدة
توقفت عند هذه المحطة
وسرحت معه وهو يمضى بعيدا
ابحث لى عن (ربع ) رضا
ولااجده
بس بتكيف شديد هنا (لرضا )
وفى انتظار دعوته لحضور (كدا رضا )
اقتباس:
المشاركة الأصلية كتبت بواسطة خالد 000 ابقرجة
انت عارف يامطر
الحياة بكون عندها حلاوة بطعم النعناااااع مع مزن صغيرتى
كدى خلينى اتوهط واحكى ليك ساى بدون تقيد بلغة فصحى
فى الحتات دى بحس انها بتقيدنى ...
طبعا مزونة مشت الروضة (تمهيدى وكدا ) ومزعلانى ليك حتة كل يوم اسالها
ادوكم شنو ... تقول لى : فوووول
يوم كدا قعدت ليها بمزاج حفظتها قصيدة
يارب تجيب المطر
عشان نزرع الزهور
وناكل العجور
ونطير مع الطيور
ونغنى فى حبور
تصدق حفظتها طوالى .. هى دى قصيدة مولودة من حاجة كدا عندهم
لكن الظاهر على زدتها موية ... بعد يومين ضربت لى ماما (سمية )
مديرة الروضة ... قامت سالتنى قالت لى : مزن دى جابت العجور من وين
اخوك كالعادة كان بره الشبكة
عجووور شنو يااستاذة
قالت لى فى قصيدة كدا مفروض تحفظها بدون عجور واسمها
ربنا ياربنا ... ربينا يجيب المطر
والبت مصرة على مقطع ماعندنا
(نااااااكل العجور ):p
عندها ضحكت لمن بكيت ... قلت ليها معليش يااستاذة مقطع العجور دا خاص بى
ماتقطعوا العجورة انا بحصلكم بجى اشيلها
خربشة
احلى حاجة فى مزن لما تقول (نااااكل العجور)
بتعمل معاها نططططططططة كبيرة
ماعارف السبب شنو
وحالتى فى مقطع نسيت مااديتو ليها
(ونشرك للزرزور)
كان حتبقى حكاية متلتلة يقومو يجيبونى ويجيبو (ودابرق )
ويجيبوك انت زاتك بتوقيعك دا
داير اواصل لكن الانصارى دا لو ضرب عليك تانى
قول ليهو ودمدثر مشتاق ليك
ونفسوا يشوفك ويقالدك ... ويعضيك:p
اقتباس:
المشاركة الأصلية كتبت بواسطة عبدالرحمن مدثر
ابومزن يارائع يارايع
ياخي كلامك حلوو
احلى من اللالوب والنبق
طبعا بموت في اللا لوب والنبق وحلاوة دربس
والله لي يومين افتش في العضو الاسمه الخرباش في قوائم اعضاء المنتدى .. اتاري دا الهلالابي عبد الرحمن مدثر !!!!
والله يا ابو مزن لو ما نيمة وداد لقيتك بتقول جااااي من الكرسي الساخن وراجع
انشاء الله الجماعة ما سخنو بيك ...
عايز اقول ... اجمل حاجة شلت الطاقية اللبنية دي
والله وبي حليفته كمان يا عبد الرحمن
لا توجد كلمة تساويك
- همسة : ياخي انا بضحك من قبيل وخفته يجيبو لي الكشة بالجد
- تسلم مزن وتسلم ماما سامية معاها
بركة الماقلته الزرزور - كانت خربت كلوكلو
باين نحن دائماً متاخرين
وغير محظوظين
وحتى عرس الرائعين فى الكرسى الساخن
عرفناه متأخرين
اخونا الرائع عبد الرحمن مدثر ابو مزن 1
لك التحايا وتقبل عزرنا
ورجاى ان الكرسى كان معك برداً وسلاماً
......................اقتباس:
المشاركة الأصلية كتبت بواسطة moh_alnour
اقتباس:
المشاركة الأصلية كتبت بواسطة بورتبيل
ابونا مدثر .. بورتبيل
بوجودك بيننا كان للثقافى نكهته
لان حضورك كان يفوق الاناقة بدعمك وتشجيعك
اسعد بانك اول من استقبلنى فى هذا المنتدى واعطانى الدعم اللازم
واليوم اشتاق لامطار حروفك والرزاز
حقيقة غيابك المؤثرة لاتحتاج الى جدال
اتمنى فقط ان تعود الينا كما كنت بكل الالق والنضار
لنمضى سويا فى رحلة الابداع والفخار
تسلم يارائع على الحضور
واتمناك حضور دائم
اقتباس:
المشاركة الأصلية كتبت بواسطة ابوالنور
ملعقة صباحية من عسل ابداعك تكفيك
وتسعدنا
اقتباس:
المشاركة الأصلية كتبت بواسطة أبو حمزة
دوما لحضورك نكهة خاصة تنطط معها بنات اشواقى
نكهة الفراولة نمزجها لك فى هذه المساحة
ونقول ليك حمدالله على السلامة
وربنا يديك الصحة والعافية حتى تمنحنا كل السعادة
من خلال ابداعك الدفاق
وروحك المرحة
واحساسك النبيل