بسم الله الرحمن الرحيم
اخوتي الاعزاء
( النيامة الكرام )
ارى نزف المشاعر لايزل
والسبب ( سوء ) فهم .. عمقه المتداخلون في بوست ( بكل صراحة ... وبدون زعل )
خلونا نتكلم ( بالدارجي ) , عشان الاحساس يصل المرة دي صح
تابعت مداخلات الغالبية بعد احداث اليوم داك ( غااااااااايتو ذكرتوني احداث الحادي عشر ....... )
المهم
والله انا مستغربة انكم ماقادرين تلاحظوا لمقدار احترامي وتقديري لكل النيامة وضيوفهم
وبغض النظر عن اي كلمة حسيتوا بيها ( اساءة ) انا ويعلم الله بحترمكم جدا وبحترم بوست النيمة وزي ماقال البعض ( عمل مني عضو فضي , برونزي . وماسي )
عدم احساسي بالرضا عن بعض مشاركاتي ما اعتقد انه فيه اساءة ليكم لانه دا _( تقييم شخصي لنفسي )
وفي الاخر ( حز الكلام في نفوس البعض ) ومن ضمن البعض ديل ناس صراحة زعلهم ماهاين علي اطلاقا اقلاها لانهم بالجد فهموا الكلام غلط وبالرغم من كدا ما حاولوا ( يجرحوني بالكلام او يتهموني بحاجات _ اعتذر بشدة لاني رغم اننا في شهر كريم لن اغفرها ابدا ومستحيل اسامح فيها لانها دخلت في حتة اعمق من مجرد جرح فكرة او قلم على سطر )
لكل النيامة
اعتذر عن سوء فهم حصل
واتمنى من العلي القدير ان يبلغنا واياكم خيرات هذا الشهر الذي يمضي مودعا ومعه صحائف اعمالنا خلاله والتي نتمنى ان تكون قد ملئت بالطاعات وما يجيرنا في يوم عظيم
وفي الختام
لكم مني كل الاحترام
