نيامة ياكل الجمال...
أسعد الله كل أيامكم بالخير..
وجمعة مباركة للكل
عرض للطباعة
نيامة ياكل الجمال...
أسعد الله كل أيامكم بالخير..
وجمعة مباركة للكل
اقتباس:
المشاركة الأصلية كتبت بواسطة العاقب مصباح
من توكل على الله فهو حسبه
وش جادي شديد وصاري لمن اتكرفس :mad:
حسبنا الله ونعم الوكيل
قال شيخ قال
جمعتك مباركة عقبة ونهارك سعيد
وكل النيامة امنياتي لكم بكل خير وسعادة وهناء
اقتباس:
المشاركة الأصلية كتبت بواسطة الزونية
ولكي مثلما قلتي يا اختنا العزيزة
اقتباس:
المشاركة الأصلية كتبت بواسطة مايسة
ايواااااا اتاااري
انتي مقدمة ليهم دعوة عامة
وعاملة لينا دعاية واعلان
جمعة مباركة علينا وعليكم جميعاً ...
اقتباس:
المشاركة الأصلية كتبت بواسطة مدناوية
ساقطة جنس سقط
عشان كدة مدمده للصباح
اقتباس:
المشاركة الأصلية كتبت بواسطة خالد علونى
حبيبي علوني
صباحك فل
اقتباس:
المشاركة الأصلية كتبت بواسطة الزونية
الزونية
جمعة مباركة
اقتباس:
المشاركة الأصلية كتبت بواسطة عبير الورد "بت ام در"
طبعا مقدما لينا دعوة مخصوصة
مالينا حق نجي عليك الله
اقتباس:
المشاركة الأصلية كتبت بواسطة مدناوية
وعليك يارب
تقول إحدى النكات القديمة , أن أحد الأشخاص كان يتغدى بما قسم الله له (( كسرة بى موية )) وحينما أراد أن يبدأ فى تناولها قال :- بسم الله الرحمن الرحيم , ظهر له إبليس قائلاً :- يا زول أُكل أكلك ساى ما جاييك ,.
حاشية : تحتوى الكسرة بى الموية على معظم العناصر الضرورية التى يوصى الأطباء بتناولها لينمو الجسم طبيعياً فهى خالية تماماً من الكوليسترول ومن الشحوم ومن الدهون وتحتوى على الخضروات متمثلة فى الطماطم والعجور والبصل الذى يُجلى النظر وتحتوى على ملح الطعام والشطة وكافة البهارات الأولية , كما أنها تحتوى على النشويات , وتحتوى على الفواكه ويمثلها فى هذه اللجنة الليمون الموقر . كما أنها خالية من العناصر المُعدلة وراثياً والتى تُسبب السرطان وكافة أمراض العالم المرتاحين شديد . كما تُعتبر فاتحة شهية , فعندما كُنا صغاراً ونُصاب بالملاريا ونمتنع عن الأكل ليس لتحقيق مطالب كما يفعل سُجناء الرأى السياسى فى بلدى والبلدان الأخرى ومن ضمنها غوانتاناموا , كانوا يوصوننا بأكل الكسرة بى موية , وتكون محدقة أهم شئ , وفى حالة عدم توفرها عليك بأُم فتفت , فهى تفتح الشهية , وتجعل البطن فى حالة مُرضية , وتُبعدك عن الحالة المرضية .
فى هذه الحالة ربما تكون صورة تصبيرية , أو صورة تطمينية , أو صورة تجبيرية او صورة نيجيرية حتى .
الحالة التصبيرية منتشرة بصورة كبيرة فى السودان خاصة عندما تُريد أن تأخذ رأيك آخرين فى أمر يخصم سواء كان الأمر إيجابى أم سلبى فهم يُساعدونك فى العيش بصورة متجمدة نوعاً ما , بدرجة حرارة تكاد توازى درجة حرارة مدينة فانكوفر هذه الأيام .
تُخيل نفسك أنك تُريد أن تخطب , قولو يا رب , المتزوجون يمتنعون , وتُريد أن تسمع رأى صديقك فى ذلك الموضوع , عن رأيه فى البنت , فيقول لك أن هذه البنت من أكثر بنات الحى أدباً , وأنها لم تُرى يوماً وهى حائمة حتى فى أنصاص النهار , وأنها خجولة لدرجة إنو أخوها بتتكسف قداموا , وإذا سألته عن جمالها يوصف لك طولها وكم وزنها , وطول شعرها , ومقدار السرعة بناقل حركتها , ومعدل كلامها فى الدقيقة الواحدة , ومقاس خصرها , وممثلها المُفضل , يُشبه جمالها بتاجوج أو جنيفر لوبيز أو هيفاء وهبى (( هسع الزول دا جاب المعلومات دى من وين والله شئ يحير )) تقعد إنت تفرك فى إيديك وتقعد براك فى ضل بيتكم وتسرح ويطوف بيك الخيال واحات , وتجرى الأمور من تلفونات لى مسكولات لى رسائل .
لحدى هنا كويسين يا جماعة صح .
بعد فترة تختلف مع البنت أو يكون جاها واحد أحسن منك شكلاً ومالاً وجمالاً و(حنكاً) يخطفها منك ويخلى خشمك ملح ملح , وتقوم هى ترسل ليك خطاب تعزية مع صاحبتها تقول ليك القسمة هى السبب , فى الحالة دى أول ما يخطر بى بالك صاحبك داك الكلمك عنها , تمشى ليهو ودميعاتك فى طرف عينك , اها تقول ليهو أنا وهناية أتفرقنا وهسع خطبها واحد غيرى , يقوم أول شئ يسوقك طرف الحلة , يضرب ليهو سيجارة برنجى بى مزاج ويقول ليك :- ياخ هى زاتها ما تستاهلك , البت والله ما جميلة ولا شئ انا بس زمان ما قدرت اقول ليك عشان ما تزعل منى , ويطلع ليك فيها عيوب الدنيا كلها , لا يخلى ليها خلقة ولا أخلاق ولا شئ , ومرات كمان يزيد شويه (( انا ما بقدر أشرح الباقى تموهو خيال)) ,
انت تجى بعد المحاضرة دى وبتكون مسحت الصورة ديك وحمدت الله ثلاثاً إنو البت خطبوها غيرك , يا والفؤاد ملكوهو غيرك .
هسع دى يسموها تصبيرة ولا تجبيرة ولا تجميدة , سبحان مغير الأحوال .
اها نجى لى حالة تانية , صاحبك داك غيرتو , صاحبت ليك واحد جديد , تقول ليهو لقيت وظيفة فى المكان الفلانى , يشكر ليك الوظيفة ويقول ليك ديل احسن منهم مافى وانت اكتر زول محظوظ فى الدنيا , قبل ما تستلم شغلك يجيبوا واحد قريب المدير فى مكانك , وموضوعك يطرشق , تجى لى صاحبك تحكى ليهو , يقول ليك يا زول ها بركة الما اشتغلت معاهم , ديل ناس حرامية ونصابين ساى , وانا من الأول داير اقول ليك الكلام دا لكن قلت حاجة تتمسك بيها لحدى ما ربنا يفرجها , يا زول ديل ناس احسن تكون عاطل ما تشتغل معاهم , يديك شويه معنويات ينسك همك , وتدخل فى مرحلة تجميد وتصبيرة من جديد , غايتو زول بيتلون ألوان عجيبة جداً .
ختاماً :- الشعب السودانى طيب جداً , وتصبيرى جداً يمكن ان نُصدر كمية من الصبر لبيعه فى الخارج , ليُساهم معنا فى الإقتصاد الوطنى , البترول براهو ما مغطى يا جماعة .
صباح الخير بالمناسبة السعيدة دى
صباح الخير اخواني في النيمة
اقتباس:
المشاركة الأصلية كتبت بواسطة بت الجزيرة
صباح النور يا بت الجزيرة
عساكى بخير
اقتباس:
المشاركة الأصلية كتبت بواسطة العاقب مصباح
صباح اللذاذة والطعامة علي
عم النيامة كلهم العاقب مصباح
حسي كلامك دا ماتصبيرة زاتوا
ياود امي تصبيرة + تجبيرة + تجميدة
اقتباس:
المشاركة الأصلية كتبت بواسطة بت الجزيرة
يسعد صباحك ياستهم
صباح الخير عليكم يانيامة
صبحك الله بالخير يا ابو حميداقتباس:
المشاركة الأصلية كتبت بواسطة ahmed algam
كيفك يا زول
تمنياتى لك بالصبر عند كل لحظة تحتاجه فيها
تسلم اخوي العاقب وماعدمناكاقتباس:
المشاركة الأصلية كتبت بواسطة العاقب مصباح
اقتباس:
المشاركة الأصلية كتبت بواسطة العاقب مصباح
العاقب مصباح
الزول الفات الكبار والقدروا
نحنا الحمد لله بخير
نياموووووووووووووووووووووووووووووووووووووووا
احبكم
تحية نهارية ندية
في نص السخانة دي
اقتباس:
المشاركة الأصلية كتبت بواسطة ahmed algam
ليكم كل الحق طبعا
صباح الخير على الجميع كيف أصبحتوا إنشاء الله عافية
مدخل أول ...
ولأنني أحب أن أشاغب في إتصالاتي الهاتفية مع أمي الحبيبه ...
قمت إتصلت عليها قبل يومين عشان أتأكد إنو المصاريف وصلنها وكده :)
قلت ليها : شنو يا حبه .. تاكلو تسالينا وتنسوا أسامينا ؟؟
(عارفها يا شباب .. مقوله قديمه من الستينيات) ههههههههه
قلت أفحمها ليك ... تعرفوا ردت لي بـ شنو؟؟
قالت لي : أنسااااااااااك يااااااااااخ إنتا إنتا بتتنسي !!!!:)
لاااااااااااااااااااااامن قربت أعمل إقباس للمكالمه .. لكن غلبني:eek::)
صباح الخير يا حلوين
يا طاعمين
وخسوووووووووووسا وااااااااااااحد إسمو العاقب اخوي
الشوق ليكم
جلالة سخسيا
يا دا النور والهنا والله
متع الله الوالدة بكل الصحة والعافية
وكل امهاتنا
وتحية من النيمة لي والدة أخونا جلالة
وسمعني صلاح بن البادية
تسلم يا خالد .. والله يسلم أمهاتنا جميعاً ويرحم من فارق منهن هذه الفانية آآآآآآآآآمين
وهاااااااااااك الهدية دي ....
بكتب ليك رسالة طويلة يا أمي
واقالدك فيها ........يا أمي
واضمك ساعة في حضني ..يا أمي
****
وحاتك لا بخط عنوان
وما بكتب اسم انسان
وما برمي الجواب في بريد
وما بديه لزولاً كمان في الايد
كفاية اقيف وانقش في جناح الريح
كلامي الدايرو يوصل ليك
اخليك الريح تتر في المسافة عروس
تحيل كل الصحارى بروش
مضفرة بي سعف بلدي
مرسله ليك يا أمي
يا سلام عليك يا جلالة متقول الوالدة اليومين دي معاي هنا شيء عصيدة وشيء ملاح روب وشي أمدقوقة وكسر وحاجات عجيبة شكراً على هذه الكلمات الرائعةاقتباس:
المشاركة الأصلية كتبت بواسطة عثمان جلالة
والله كان كدي يا النويري اخوي .. ايااااااااامك سااااااااااااااادمبا هي أقصد ساااااااااا كوبيس يااااااااخ :) إنت الربحان والله ... ودي ح تكون أجمل أيام غربتك صدقني لأنك ح تكون محاط بالحنان من كل الجوانب .. وكل يوم ح تحتفل بالفوز وتشيل كأس البطولة ... يااااخ إنت أكثر سعادة من الإنتر ميلان يوم أمس تصدق :):eek:
بالله تحايا خاصة للوالده والأموره الصغيره يا نويري :)
سلامات عليكم يانيامة
ود جلالة حمد لله علي سلامة الطلة
وخالد علوني واحشنا جد
النويري منور دائما
وكل النيامة نفر نفر
اقتباس:
المشاركة الأصلية كتبت بواسطة عبير الورد "بت ام در"
وش زول فرحان
اقتباس:
المشاركة الأصلية كتبت بواسطة النويري
يسعد صباحك ياابوها
اقتباس:
المشاركة الأصلية كتبت بواسطة ahmed algam
ود علقم
والله الشوق كميااااااااااااااااااااااااااااااااااااااااااااااا ااااااات
وكيمان
والنيمة اليومين دي ما شاء الله
عيني بااااااااااااااااااااااااااااااااردة
الوناسة كتاااااااااااااااااااااااااااااااااااار
والبحر جاب سمك
والسمك دا في الموردة
تحية لي كل النيامة
هااااااااااااااااا رجال النيمة هوي سلام عليكم ....
سلام خاس للجميع بدون فرز وبهدي لحن الختام للود الحليوة
"سلطان العشاق"
ولي ميادة بالسوق العربي وهي تكابد حر الخرطوم :p
صباح الخيرات
اقتباس:
المشاركة الأصلية كتبت بواسطة عثمان جلالة
ياااااااا ابو عفان شديد ياود امي
سلام خاس للحجة وقول ليها تدعي لي ياخ :o
واعمل لي اقتباس هنا بالدعوة :o
يا مارنجو ياااااااااااخ مشتاقين وكده :rolleyes:
كيفنك ... يا بت بلدي يا سودانيه يا اسمى معاني في زول بيعاني؟؟
ليك عليُ أكلم الحاجه .. عشان الدعوات يا هنايه :o
وهاك الهدية ..دي لواحد من شعراء بلادي
القصايد سيبا تقدل
درِّج النَّم في سطورك
وابني للطيبين خلاوي
وزاوية في قمَّة شعورك
وأبقى جايْ شرِّف ضرانا
وكل يوم سجِّل مرورك
ووزع الخير والتحايا
للمجافيك والبدورك
وواصل الزول المبعِّد
وأكرم الزول البزورك
وبشِّر البمشي النفاير
قولُّو في الجنات قصورك
جنكب الزرع الزرعتو
بكرة ينجبرن كسورك
كبِّر القدح المدنكَل
وشتِّت العيش بين طيورك
وعزِّل التيراب واحرص
كل عام حسِّن بذورك
إنت مستقبل بلادك
وعارف الدور بكرة دورك
صباح اللذاذه واللطافه
يانيامة
ود علوني
الزونية
مارنجو
يسعد صباحكم ياالحبان
اقتباس:
المشاركة الأصلية كتبت بواسطة عثمان جلالة
ابو عفااااااااااان ياسلام ياخ ...
تعرف قبل يومين راكبة الرقشة وبتاع الرقشة مركب
"الام بي ثري" وردي "عرس السودان"
والله كيفني كيف قربت اطش من بيتنا ...
ومن هنا اهداء خاس لجميع بتاعين الرقشات وبقول ليهم
عليكم الله ماتدقشوني تاني :(
صباحك ورد ياعلقم ...اقتباس:
المشاركة الأصلية كتبت بواسطة ahmed algam
وعربيتك وين ؟؟ أوع يكون صادروها ناس المفوضيه ؟؟:):eek:
تبرى يا يمه إنتي وعربيتك من ناس المفوضيه :)
مسعوله من الخير يا هنايه .. شنو قصة المساكن الشعبيه الـ ببنوا فيها في الجزيرة دي ؟؟ عندك عنها فكرة
كل حضور النيمه الكرام .. تعظيم سلااااااااام واحترام ...وعساكم طيبين وتمام التمام؟
اقتباس:
المشاركة الأصلية كتبت بواسطة ahmed algam
... وصباحك طلة الياسمين
ياوريف