حابين يا شباب و شابات ننداح شوية كده
ونقول لينا حاجة ونقعد نشرع ونثبت ونجرب فيها
اها
رائكم شنو في المقولة
الانكسر عمرو ما بتصلح
احكي لينا تجارب ومواقف
تثبت النظرية دي او تعكسها او نص نص
عرض للطباعة
حابين يا شباب و شابات ننداح شوية كده
ونقول لينا حاجة ونقعد نشرع ونثبت ونجرب فيها
اها
رائكم شنو في المقولة
الانكسر عمرو ما بتصلح
احكي لينا تجارب ومواقف
تثبت النظرية دي او تعكسها او نص نص
ميسو منورة المنتدي بطلتك الحلوة
تعرفي مافي حاجة ما بتتصلح
بشرط واحد
انه الناس يكونوا عايزنها تتصلح
اقتباس:
المشاركة الأصلية كتبت بواسطة مدنيّة
كفيتي واوفيتي يا عثل
الانكسر عمروا ما اتصلح
حتى لو عايزنو اتصلح
وخاصة لو كانت كلمة
كسرت مشاعر انسان
الانكسر عمرو ما بتصلح ........................ والله مرة مرة
يعني في كسرة بتتصلح وفي كسرة ما بفضل فيها حاجة تشاف منها حتي ذي ( جرح الكرامة والمشاعر و الخ ) وفي حاجة بتتصلح
اقتباس:
المشاركة الأصلية كتبت بواسطة مايسة
ما كل شيء ممكن يتصلح فمثلاً
الغدر والخيانة مستحيل يكون عندها
معالجة وكذلك كلما يتعلق بالمشاعر
الإنسانية ، وحتى لا نغلق الباب
ونبقى محبطين بإستمرار ممكن
نستعمل عبارة :
( الإنكسر يمكن تجاوزه )
ولكن يبقى المكسور مكسور
والفي الخواطر في الخواطر
ولكِ الود
اقتباس:
المشاركة الأصلية كتبت بواسطة المسافر
انا مع المسافر فى الفكرة والمضمون
في الحقيقة يتوقف ذلك على شخصية الإنسان، فهناك المتسامح والمحب والذي يتقاضى عن أخطاء الغير بغية في الإصلاح والدعوة إلى الله وهو أمر مطلوب في تقويم الأنفس وبالتالي المجتمع..
طالما أنه كان (قابل للكسر) . . . قطعا" سينصلح . . .لان روح (الإنكسر) والإنكسار روح إنهزاميه تخلو من الجماليات والتسامح . . .
وفي رائي ــ الفقير ــ كل الأشياء قابلها للكسر و ( الصليح ) . . . ولا تغلقوا الأبوب . . . وخلوا الهواء ينساب . . .
مع عظيم تقديري .
جُرح اللسان أشد من جُرح السنان ( الرماح )
و هذا كناية عن أن الكلمة عندما تخرج من اللسان فأنها تسبب جُرح من الصعب إندماله
و ما أنكسر لا يعود كما كان مهما برعت الأيادي و كلمات الإعتذار في إعادة ترميمه
الإنكسر بتصلح .. لكن بكون قابل للكسر تاني ..!!
أو ما بكون زي الأصل
يعني زي الزجاج .. ممكن يتلصق بصباع امير او اي نوع
لكن ما حيكون زي ما كان شكلاً
والثقة فيو بتكون مهزوزة بعض الشيء حتى ولو كان اقوى مما كان
ومن ناحية تانية
الست قالت:
وعايزنا نرجع زي زمان
قول للزمان ارجع يا زمان
الاخت مايسه لك التحيه
انا بقول الكسير ده ذاتو خشم بيوت
فى كسير ذى شوكة الحوت لا بتبلع لا بتفوت
ذى كسر الخواطر الأرق من خيط العنكبوت
ولك التحية
في حاجات ممكن تتصلح وفي حاجات ماممكن تتصلح علي حسب الموقف أو الموضوع ..
بس انا شايفه من راي انو لابده في الحياة ان تتكسر الاشياء وان نقوم بتصليحها حتي لايكون كل شي جاهز فلابده من المعاناه من اجل الحصول علي اي شئ .
طبعا لا مستحييييييييل أنو اتصلح وبالذات اللي اتكسر بكلمه لا بتنسي ولا بتمحي
اقتباس:
المشاركة الأصلية كتبت بواسطة أزاهير
والله ياودمدثر والمسافر وازاهير كسر الخاطر ممكن اتنسي اتمحي بلحظات حلوه لكن بجي يوم وارجع تاني لكن القابل للكسر بنكسر والقابل للتصليح بتصلح
عموما الخواطر عامله زي اناء الزجاج لو اتكسر واجتهدت في اعادة تجميعوا ممكن اكون ماظاهر
عشان كده الاتكسر عمروا مابتصلح
شوفي يابت ياميوسة ..
انا حعمل ليك حركات ود النور " فلسفة " شديدة ....
انا حاخد تشبيه بسيط .. لو عندك كباية قزاز او اي شي قابل للكسر قامت وقت منك اتكسرت او اتخدشت .. انتي
ممكن تصليحها وتجمعيها .. وحتي ممكن تتدخلي فيها تعديلات تغطي علي الكسر او
الشرخ الحصل .. بس عمر الكباية مابترجع زي ماكانت حتي لو كانت التعديلات جميلة
وغيرت منظرها .. بيفضل الكسر او الشرخ القديم موجود مع انو ماظاهر ولا بيتشاف ....
وقعت ليك ياميوشة انو الاتكسر اصلا مابيتصلح لانو اتكسر .....
الاتكسر بتصلح وكل شي بتصلح بشرط الناس تدي نفسها فرصة
وعلى فكرة ااااااااااي شي بيتصلح
واتصلح كمان
وبتلات زوايا ;)
اقتباس:
المشاركة الأصلية كتبت بواسطة علي النعيم محمد نور
الله يديك العافية
مايسه سلام ...
الكسر خشم بيوت ...
لكن اصعب كسر يصعب اصلاحة هو كسر الثقة ...
وكمان الكسر فوق الكسر ... دا حتى الدكاتره بقولوا صعب يجبر ...
وأقعدي عافية ..
اقتباس:
المشاركة الأصلية كتبت بواسطة مدنيّة
كلامك فيهو جزء من الصحة - يعني يا مدون لو هسه قلته ليكي انتي شينة واناا بكرهك -(بمزح طبعا - ضرب مثل بث) كده انا كسرته فيكي حاجة - راح تنسيها لي بسهوله ؟؟اقتباس:
المشاركة الأصلية كتبت بواسطة esmat
اخي عصمت - اليس الزمن كفيل بأن يضمد الجراح - واقصد بالزمن انو الفترة الزمنية فكل ما طالت المدة فان الجرح يلتئم .
اقتباس:
المشاركة الأصلية كتبت بواسطة ولاء الدين
جرح الكرامة والمشاعر - الا تتفق (ي) بأن الاعتذار يكون بمثابة المسكن لهم وبعدها يأتي الزمن فيقوم بالباقي . كدي اضرب لي مثل بالحاجات البتتصلح دي
اقتباس:
المشاركة الأصلية كتبت بواسطة المسافر
معاك بث تعال نحسبها - قلت بان الغدر والخيانة مستحيل - نضرب مثل بخيانة الزوج لزوجته (طبعا الامثلة كثيرة جدا) - ماذا تفعل الزوجة - يجب عليها ان تتاقلم مع الوضع وتخلق الاعذار - خصوصا اذا كان في ثمرة من هذا الزواج (والحديث يطول) - دمت ومشكور على المروراقتباس:
المشاركة الأصلية كتبت بواسطة عبدالرحمن مدثر
شنو يا عبد الرحمن - (وين المقوله البحب دائما مسامح والمسامح هو الكريم)
اقتباس:
المشاركة الأصلية كتبت بواسطة صديق بلال
كلام حلو جدا - هسه انت بتسامح بسهولة ولا لا - ولا بتحرن وخلاص الموضوع انتهي
اقتباس:
المشاركة الأصلية كتبت بواسطة علي النعيم محمد نور
ال Boss شخصيا :eek:- نورتنا والله - اتقصد بأن الانسان مرن - ويتشكل ويتاقلم على حسب الظرف الذي هو فيه - وان الانكسار لا يمثل الا جزء بسيط من كينونة البني آدم - وهو (الانسان) الذي يقوم بالتحكم في هذا .
اقتباس:
المشاركة الأصلية كتبت بواسطة moh_alnour
من الصعب اندماله لكن يمكن ان يندمل بمرور الزمن - وبعض من الادوية والعقاقير التي تتمثل في الاعتزار وعدم تكرار السبب المسبب للجرح - واكيد الانسان بطبعه ينسى
(انت بتنسي ولا لا) ؟
اقتباس:
المشاركة الأصلية كتبت بواسطة ابراهيم
ياخي كلامك مؤثر جدا جدا
بث وين التسامح والسماح من ده كلو
اقتباس:
المشاركة الأصلية كتبت بواسطة ابوخالد
لك التحية - فعلا الخواطر والمشاعر والاحاسيس جميعها تمثل شعرة - ولكن هل اذا انقطعت هذه الشعرة - الا يمكن ان تحل محلها شعرة اخري ؟
قال تعالي {قُل يا عباديَ الذينَ أَسرَفوا على أَنفُسِهم لا تَقنَطوا
مِن رَحمةِ الله إنَّ الله يَغفرُ الذُّنوبَ جَميعاً إنَّه هوَ الغَفورُ الرَّحيم} [الزمر: 53].
والله يا مايسة انا كنت منتظرة اقرأ ردك على الناس ديل
وبالجد فاجاتيني لان ردك ما كنت متوقعاهو
جد اسعدتيني كتير بي ردودك
وانا بالنسبة لي
مافي شي ما بتصلح
بس الناس تدي بعض فرصة
وتنوي تسامح
وبعد كدا كل جرح بيندمل
والاية الذكرتيها خير دليل وبرهان
يعني رب العالمين بغفر الذنوب
وكل ما اذنبت بغفر ليك وبسامحك
بس المهم تكون في نية التوبة
فما بالك البشر الذين لا يساوون شي
امام رحمة رب العباد