كــاظــم فى ضـيافة جلســة ثـقافيــه

تسجيل حضور
الزعيم كاظم القريب الى القلب من خلال حروفه الدهشة

- التارجح بين الغياب والحضور .. حالة يعيشها الجميع

اين كاظم والحضور الانيق الذى نفتقده

الحبيب ود الجزولي كيفنك ياخ وكيف أيامك .. ومشكور على كباية العصير

الفكرة ... اذا كنت تقصد فكرة النص فدعنا نرجع إلى جذورها وهي (الاحساس بالنص) .. القصيدة على سبيل المثال الاحساس بها عندي احساس طبيعي مثله والاحساس بالجوع او النعاس أو غيرها من الاحاسيس المرتبطة برغبةٍ ما تحتاج إلى إشباعها .. تجوع فتأكل تنعس فتنام تحس بالقصيدة فتكتب .. وهكذا .. بهذا الترتيب تصبح الفكرة متأخرة قليلاً ..
حسناً دعنا نقف عند نقطة (الفكرة) .. هنالك عدة مسائل لا أدري هل تكفي هذه الجلسة لمناقشتها جميعها أم لا ولكن تعال يا ودالجزولي لنقف عند فكرة (الكيفية) واقصد بها كيفية ترجمة هذا الاحساس إلى نص شعري وهذا التفسير حتى لا اقع في مشكلة مع أبومازن بالطبع .. والكيفية في أن كيف ستكتب هذه القصيدة؟ واي مفردة ستختار ؟ وكيف ستحافظ على موضوعيتها وتماسكها؟ وكيف وكيف وكيف .. وصدقني يا ودالجزولي لا اذكر أنني في نص من نصوصي القليلة جداً قد اجبت على أي من هذه الاسئلة .. كنت اكتب فقط .. اكتب كيفما شاءت الكتابة وكيفما كان النص ... يقودني فقط الاحساس بما اكتب .. ويدهشني جداً كاتب يحضر قلماً وورقة ويخاطب نفسه في هدوء قائلاً (سأكتب اليوم قصيدة باللغة الدارجة في هذه الورقة) ثم يبدأ بالكتابة هكذا.. لي مشاكل كبيرة جداً مع (الفكرة) في هذا الخصوص.
دعنا يا ودالجزولي نتناول الفكرة في مرحلة أخرى ولنسميها مجازاً الكتابة في (القيم المتاحة) والقيم المتاحة هذه اقصد بها أحاسيس قتلها الناس شعراً بما فيهم شخصي وهي على سبيل المثال (الحب) او (الوطنية) أو (المدح) او او او مما تجد ان شعراً كثيراً قد دار في محاورها .. هي (فكرة) ايضاً ولكنها متاحة بشكل كبير مما يجعل مسألة الكتابة في مداها امر ليس بالعسير .. اذن هي فكرة (جاهزة) ولن تحوجك إلى كبير عناء لترجمتها لهذا ستجد الكثيرين يتسابقون إلى الكتابة فيها .. بعضهم يكتبها دونما إحساس مسبق بها ورغم ذلك فلو تاملت ما كتبوه ستجده شعراً جيداً بمقاييس القصائد الناجحة من حيث اللغة الشعرية ووحدة الموضوع ووزن النص وموسيقاه وهذا ما ولد المقولة الشهيرة (أعذب الشعر أكذبه) .. هو شعر كاذب لانه يفتقر إلى مرحلة كاملة وهي الإحساس ورغم ذلك فهو شعر (عذب) لأنه إعتمد على (فكرة) ونجح في ترجمتها بحرفية تعجب البعض.
ودالجزولي ياخي أنا ضيفك ومسالة الفكرة دي بتجرجر وللصباح ما بنفك منك كدي خلينا نتونس مع الناس شوية وتاني بجي لموضوع الفكرة الانا محتار أنك قابلتنا بيها ونحن يا دوب بنقول يا هادي.

كن بعافية يا صديق وخليك قريب

اقتباس:

---

المشاركة الأصلية كتبت بواسطة abomazeen

تسلم كتير يا حبيب يا راقي ... بس شيل شيلتك وارجى الجاييك (عميق وذو ابعاد)
اها يا حبيب ( ابقى مارق ) على شفا الحرف الندي نلتقي بكم ونجلس في معيتكم
وبعد ما تشرب كباية العصير وتبل ريقك ... يلا سمعنا اجابتك على كلامك ودالجزولي ..؟

---

ابومازن كيف قيلت ياخ ..

ياخي ودالجزولي كباية عصيرو أريت كان طلب مننا حقها قروش بدل ما يخلص حقو بالطريقة دي .. على العموم خليك قريب ممكن احتاج خيار (الاتصال بصديق)، و(العميق الذو ابعاد) كان ختيناهو عوجة تب ما بتجينا.
يضحك نهارك يا زعيم وابقى طيب ومتعافي.

(الغالي كاظم ....
تحياتي ،،،

ومع كثرة المشاغل اجد نفسي ادخل للثقافي (خلسةً) لاننا نتحرق شوقاً لاسياد (البيت) وهم كثر (مشرفي القسم المعني) وكل رواده بدون استثناء واجمل زيارة لي اعتبرها اليوم وانت في جلسة ثقافية بقياة المايسترو (ود الجزولي ) الذي عندما يكتب وكانه يعزف لحن موسيقي من نوعية (زاد الشجون) وكذلك بصحبة (الانيق) ابو مازن (غايتو ) بختك يا كاظم بهذه الجلسة الجميلة مع الناس اللطاف ...
سؤال على الماشي : متى تزعل من نفسك وحتى النوم يطير من عينك ..

تخريمة : لم ارى اختنا تغريد ؟ هلى تغرد خارج السرب ؟ أم انها مشغولة بي جريدة !!! اتمنى ان تكون بخير ونراها قريباً (بطولة جاكي شان) )

الحبيب الجندي المجهول ..
أقول ليك حاجة .. ياخي انا بحبك لله في الله كده رايك شنو؟
بشوف فيك الخير والحق والجمال و أنا ماشفتك قبل كده إلا من خلال ما تكتب هنا في هذا المكان.
حبابك في (السباتة) الفارشها ودالجزولي وعازم فيها كل الشباب ..
ودالجزولي ولد انيق ومريح جداً في التعامل مع الآخرين .. يشدك بلطافة متناهية ويجبرك على إحترام نفسك قبل ان تفكر حتى في إحترامه هو .. لم أتردد في قبول دعوته فحتى طريقته في الدعوة تختلف قليلاً عن باقي الدعوات .. وأبومازن (قندران إبداع) لكن ما بقيف في كل المحطات وأنا سعيد والله لأنو وقف هنا شوية.
واشاركك الاماني في ان تصل تغريد قبل نهاية هذه الجلسة ونراها بيننا.

الجندي المجهول ياخي انت شكلك ما قريت العنوان بتاع البوست كلو يعني بس قريت كلمة جلسة ونسيت كلمة ثقافية عشان كده هجمتني بالسؤال بتاع (متى تزعل من نفسك) .. هسة عليك الله ده ما برنامج بتاع زرزرة ساي؟ يعني لو كان مثلاً (كرسي ساخن) كنا نقول معليش لكن جلسة ثقافية تبقى قصد عديييييييل كده.
على العموم يا جندي أنا بزعل من نفسي لو حسيت انو قلت كلمة ما في محلها لزول او ناس في أي مكان واقسم بالله يا الجندي ممكن الكلمة دي تكون حتى الزول القلتها ليهو ما انتبه ليها أو اتعامل معاها عادي لكن انا أقعد الليل كلو أبهدل في نفسي بأني (كيشة) و (أشتر) وما بعرف اتعامل مع الناس لحدي ما اضطريت في النهاية انو أسأل زول بتاع علم نفس وقال الكلام ده عندو علاقة بالتربية ونظر لي كم تنظيرة كده ما فهمتها وفي النهاية اقتنعت انو القصة ما عندها حل. ياخي ما عندك حل يا الجندي؟

تحياتي يا حبيبنا الجندي وخليك شوية معانا

اقتباس:

---

المشاركة الأصلية كتبت بواسطة عبدالرحمن مدثر

تسجيل حضور
الزعيم كاظم القريب الى القلب من خلال حروفه الدهشة

- التارجح بين الغياب والحضور .. حالة يعيشها الجميع

اين كاظم والحضور الانيق الذى نفتقده

---

حباب ودمدثر عبدالرحمن .. الانيق الرقيق

سؤالك ياخ سؤال زول (عمدة وود عمد) والله .. تفقد الغائبين والسؤال عنهم صفة الاوفياء والنبلاء ..
يا ودمدثر (للحياة سكرات) فما بالك بحياة المنافي.. الامسيات الباردة والشوق الملحاح .. ما بالك بالابتسامات المثلجة والوجوه الزجاجية التي تقابلك كل صباح .. ما بالك وانت عندما تخلد إلى فراشك تنام على غربة ولا تصبح على وطن وتسأل نفسك بشكل يومي ترى اين انا الآن؟
لا اظن ان هذا بالعذر الكافي لغياب يتكرر كثيراً عن هذا المكان ولكنني في بعض الأحيان أجد نفسي عاجزاً عن المشاركة ولو بكلمة طالما أن ما سأقوله لن يكون بالصدق الكافي .. واحيان اخرى تجد أن ما ستشارك به لن يكون ذا اهمية مطلقاً لهذا ستفضل الانزواء قليلاً .. وفي احيان أخرى وهذه (مشكلة كبيرة والله) تجد ان ماطالعته لا يعبر عنك ولا يعجبك بالمرة فتصيبك حالة من الإكتئاب اللحظي تفضل معها إغلاق جهازك والانشغال بشئ آخر .. ووووووو .. والمحصلة انك ستجد نفسك (غائب) رغماً عنك.

حبابك مرة تانية يا ودمدثر وعليك الله خليك قريب أنا برضو دايرك في الجلسة دي.

من قراءتـــى لكاظــــــــــــم

كتـــب كــــــــاظم :

كلمات كتبتها في زمان مضى الي صديق ... لا زال كما الانبياء يأكل الطعام ويمشي في الاسواق

لساك مجدع ..
في العتامير الحريق
أنساك مزعزع وصاري في طرفك طريق
الاك موزع ..
شكليش تلاقيلك رفيق

في العتمة ضلك منكرب ..
سابقك علي الشمس الطشيش
ضهب المداخل والرمض ..
وهن الخطيوات .. الدويش
رهق احتمالك للمشي ..
زامل عذاب كونك تطيش
صحرا قدامك .. وراك ..
حسرة تملالك عمر ..
ويضيع عشم انك تعيش

شكليش تلاقيلك رفيق ..
والضلمه فاتحالك سما
العبرة سادالك طريق
والجرح قدامك رمى
قدرك تشيل حلم البريق ..
والسكة في عيونك ... عمى
تسكن تفاصيلك ... تضيق
تعرف ملامحك ... تسأما
تتناطى للحرف الشليق
والحزن في جوفك سما

شكليش تلاقيلك رفيق
ما ادلهمت في فيافيك الحقيقة ..
وصاحب الخطوة التعب ..
من غربه او طولة مشي
وانسكنت بلا وطن ..
يدي المسافرين الهوية ويدي لي جسدك وشي
وانتظرت براك قطار ..
في سكه لا جابت غريب ..
لا مرة صافاها المشي

يا ضل مساماتك عليك ..
رقراق غباين وانهزام
تحتك مشاويرك نجيع ..
ومغموتة في كفك غمام
لملم فضاءاتك هزيع ..
واحزم مواعيدك ................ قيام
الجميل كاظم
كم جميل هو حضورك
ادى الناس فرصه تقراء النص وبرجع ليك يا حبيب

اقتباس:

---

المشاركة الأصلية كتبت بواسطة كاظم

القلم الأنثوي ساحر ... التعريفات البسيطة للمرأة أنها (مخلوق عاطفي) .. هذا يعني أنها تعمل مشاعرها حتى في أكثر الأمور جدية وخطورة .. تأخذ حقوقها المغتصبة بالجمال فقط لا أكثر ولا أقل.

---

هذا كلام قلته في مكان ليس بعيد من هنا وفي حادثة حديث ما ...
دعني أتوقف عند أول ثلاثة كلمات من عالي حديثك ذلك
حدثنا عن السحر الأنثوي الماثل في كتابات عن تلك الأنثى
ثم عرج بنا إلى تطويعها للجمال في أخذ ما سلب منها؟
(أتمنى أم لا أكون قد شطحت بعض الشيء) ...! عذراً

*بسرعة بسرعة قبل ما تجينا نحلتنا تغريد ... ما بنقدر نسال بعد كلامها !!

اقتباس:

---

المشاركة الأصلية كتبت بواسطة محمد الجزولى

كتـــب كــــــــاظم :


يا ضل مساماتك عليك ..
رقراق غباين وانهزام
تحتك مشاويرك نجيع ..
ومغموتة في كفك غمام
لملم فضاءاتك هزيع ..
واحزم مواعيدك ................ قيام

---

الحبيب كاظم
لا زلت مندهشا امام هذا الابداع المتدفق
واستخدامك لمفردات لا يجيدها الا كاظم نفسه
سؤالى هو : المفرده والجمل الفريده لدى كاظم هل هى نتاج بيئه عاش فيها كاظم
ام هى نتاج قراءات طويله شكلت مفردات لغويه خاصه بكاظم
وراجع ليك يا الحبيب

الاخ كاظم تحية طيبة
من هو كاظم؟ البطاقة الشخصية
لماذا لايكتب بالاسم الحقيقي؟
ومن هم كتابه المفضلون وماهي المؤثرات التي وجهت اهتمامه للكتابة؟
وتحياتي

الاخ كاظم
أتينا باحثين عن عن جمال الحرف . باحثين عن صدق المشاعر . باحثين عن ابيات تفسر لنا عما يجيش بخواطرنا . وتقشعر لها مساماتنا . فوجدناها فشربنا منها حتي الثمالة و ابحرنا معها في عالم الا وعي بين

اقتباس:

---

صرت لا اسمع صوتى

ليس عندى ما يقال


كل ما فى الارض شئ من رمال

حينما تنهار فينا ...

دهشة الاشياء ننسى

كل معنى ..للسؤال

---

اقتباس:

---

من يعيد الحرف بعد الحرف للكلمات

ويعيد الصوت بعد الصوت للنغمات

---

شئ من هذا وذاك كلمات طالما وقفت عنا كثيرا
فأين مقعدي والله اني لن ابارحة

اقتباس:

---

المشاركة الأصلية كتبت بواسطة محب

الاخ كاظم
أتينا باحثين عن عن جمال الحرف . باحثين عن صدق المشاعر . باحثين عن ابيات تفسر لنا عما يجيش بخواطرنا . وتقشعر لها مساماتنا . فوجدناها فشربنا منها حتي الثمالة و ابحرنا معها في عالم الا وعي بين


شئ من هذا وذاك كلمات طالما وقفت عنا كثيرا
فأين مقعدي والله اني لن ابارحة

---

الحبيب محب
وحضورك جميل
يضيف للمكان القا ككلمات فاروق جويده اعلاه
والتى اغنتنى عن كل الكلام

لك كل الود اخى محب

من اين اتى هؤلاء

تعبير حقيقى وصادق من علامة فى تاريخ الادب العالمى صاحب اكبر سفر

بين مواسم الهجرة الى المنافى من دون خيار آخر ..

المؤسف حقا انه بعد وفاته جاءت عملية الترقيع بين بحث عن تسميات لقاعة ما

او مطار ماء باسمه .. بعد رحلة غياب ارهقته كثيرا


لديك بداية قوية عن الوطن .. والذاكرة الثقافية .. بين الادلجة والشمولية والحالة الديليتية

لكل من لايعبر عن فكرة بعينها

هل هو قدر هذا الطويل القامة الحافى القدمين ان تكون ثقافته مرهونة بالاقصاء

علاقة القلم والدواية واللوحة والصوت الحنون بتسلط البندقية الماسك بزمام الامور فى بلادى










خربشة

لنهى عجاج تجربة تستحق التوقف عندها (بهاجر ليك ) من خلال روائع النخلى والكتيابى وغيره

من العمالقة الذين مازالو ينحتو على جدار صم فكرة (على كيفى )



ومساااااااااافر ليييييييييه وجرحك نىء

والله انا جيت قلت النقعد مع ناس الجلسة ديل "ثقافية ماركزت فيها شديد"

اها لما لما جيت لقيتها بالجد ثقافية
ولما الجندي "حاول" يطلع برة الخط عينك ما تشوف الا النور هههههههههههههههههه

وكله كوم وكلام عبدالرحمن مدثر "مابين الحضور والغياب دي كوم"
زمان كنت شاكة فيك ياابومزن
لكن هسي خلااااااااااااااا
ببصم ليك بالعشرة ثقافة الف

اها يااخوانا كلامكم الكبار كبار دا انا مابعرف ليه

النقول ليكم ازيكم وكيفنكم وياكاظم بقرا من بعيد لبعيد "كان نتثقف"



و"لو" ممكن - لاحظ للو دي ياكاظم :cool: - عرفنا بنفسك
لانك حاصر نفسك في الثقافي فقط والناس هنا اغلبها ببتعارف زي اهل البيت الواحد

كاظم مدنية دي جاتك بي الخط الاحمر
تعرف لو ما جاوبت بطلعوا ليك الكرت الاحمرررررررررررررررررررررررر
جاوب سريع للناس المابتعرف الكلام الكبار كبار
همسة : جاوب بسرعة قبل الرجعة

الإخوة الأكارم محمد الجزولي, و الرائع كاظم
أسترق بعض اللحظات و أتسلل للمنتدى الثقافي
و رغم قساوة المرض و مرارة الألم إلا أنني وجدت في هذا البوست ما يسعدني و ينسيني ما بي من ألم
العزيز كاظم انا متابع بهدوء و لي عودة إن شاء الله

ودالجزولي كيفنك
بدي الناس فرصة تقرا النص لكن يا حبيب (الفيك اتعرفت)
أبقى طيب ياخ

[QUOTE=abomazeen;488416][COLOR="Blue"]
[SIZE="5"][CENTER]


هذا كلام قلته في مكان ليس بعيد من هنا وفي حادثة حديث ما ...
دعني أتوقف عند أول ثلاثة كلمات من عالي حديثك ذلك
حدثنا عن السحر الأنثوي الماثل في كتابات عن تلك الأنثى
ثم عرج بنا إلى تطويعها للجمال في أخذ ما سلب منها؟
(أتمنى أم لا أكون قد شطحت بعض الشيء) ...! عذراً

*بسرعة بسرعة قبل ما تجينا نحلتنا تغريد ... ما بنقدر نسال بعد كلامها !!

أبومازن يسعد نهارك ياخي

1970 أجرى صحفي سوري حوار مع الشاعر الرقيق الراحل نزار قباني .. سأله ذات السؤال وان اختلفت الصيغة قليلاً وكنت حينها مغرم بنزار إلى حد بعيد واحسست قبل قراءة إجابته على السؤال ببعض الإثارة فالرجل كل حروفه تسكنها الأنثى إلى الحد الذي يجعلك في بعض الاحيان تتحسس قصائده في حياء الذي شاهد إمرأة متبرجة .. أدهشني نزار برد لا زال قابعاً في ذاكرتي كالحجر .. أجابه نزار في هدوء أننا نكتب للأنثى التي كان يجب أن نكونها واسترسل شارحاً النطفة التي ربما كانت ذكراً وربما أنثى وعن إحساس يسكن تلك النتفة من الخلق وعن حيادية هذا الاحساس وتأرجحه ما بين عاطفتين ثم يشاء رب العباد ان تصير ذكراً يكبر وينبت له شارب ويحب انثى ما ويكتب فيها شعراً ولربما كانت هذه الانثى تعيش في مخيلته فقط ولكنك لو طالعت ما كتب لدهشت من رقته وصدقه فهو يكتب عن نفسه لانه كان انثى في لحظة ما.
لا اعتقد أن الانثى قد نالت حظاً كبيراً في ما كتبت على قلته.. وقد تصادفك هنا أو هناك في بعض الأحيان وهذا بالطبع لتثبيت حقها واقتلاعه ان جاز التعبير بجمالها الآخذ وعنفوانها الصلب .. هي تستطيع ان تاخذ لها مكاناً حتى في أحلامك فما بالك بما تكتبه .. وهذا ربما أغناني عن إجابة السؤال الخاص بقدرتها على استخدام سحرها في اقتلاع ما سلب منها.

بصراحة يا أبومازن أنا ماعارف الاسئلة دي جاتكم في راسكم كده ساي ولا المسألة فيها تخطيط؟

ياخي حضورك أضفى على يومي لون آخر .. جميل.
كن بعافية يا رجل وبالجوار