اقتباس:
المشاركة الأصلية كتبت بواسطة ود المطامير
على النعمه قناص بغداد ما يلحقها
قاعده فى العام ومن تشوف ليها حاجه كدا ولأ كدا طوااالى تنيشها
وأنا كلما أمشى العام تلقانى أتلفت منها وأدس مشاركاتى جووووووه البوستات
تجى هى تنيش التقول عندها إواكس
أهااا .. دا كلو والحاله دى مالاقيه يدها تمام ، وحات الله لو ما قبل كدا أخدت ليها
هرشه هرشتين كان لمّت ليك فيهم جبك جبك جبك
وهسى هى شغاله بنظام الضروره القسوى ، يعنى مرات بتلقى ليها حاجه تقوم تحرقها
وتقعد تتململ ويدها تاكلها وتحاول تقاوم وتقاوم وتقاوم وهووووب تنيّش ولط تجيب ليها
واحد واقع ذى ود أبرق الناشوهو بالنبله وبعد داك تقول لسيد البوست ( معليش غلبنى أسكت )
وتنفخ دخان المسدس هع هع هع
أهاا .. أكان مشيتو العام أتلفتو كويس وأخدو مواقع المتاريس المحصنّه
لا ياخ بالغت أديل كده الزولة دي إنسانة رقيقة جداً وناعمة
وقمة الذوق والفهم . . . ( لسه دقيقة ما كملت) ومليانة مشاعر
وعواطف ومتأججة الأحاسيس مفعمة بالأمل روحها جميلة ونفسها
لطيفة.
كيف واحد خريج غونتنامو يقول على زول بالشكل ده زي كلماتك
دي ، والله أنا شايف أنو بقيت بينك وبين المعتقل خطوة بس . .
على العموم أعمل حسابك وما تجي تقوم كلام دي ده في نفاجنا ده
هذا وإلا سوف أعلن عليك الجهاد.
طبعا ده آخر لوح تلج وإنتهت منو خلاص .
