عرض للطباعة
اخوتي .. أحبتي
أهديكم مجموعة محاولات شعرية ..
اذا رأيتم القصور فالتمسوا لي العذر فما انا بشاعر...
بداية:
حسيت بأنك جوه في أعماقي كون
يا سر غناي
قبال أشوفك مشتهيك
أتخيلك سر الجمال
سحر البريق
أتأملك فوق القمر
فايقة القمر في رونقك
يا منية ..
مستنيك زمن مترقبك ..
شبارقة
لك التحية
يامنية مستنيك زمن مترقبك
شكلك برضو منتظر معاي ..اقتباس:
المشاركة الأصلية كتبت بواسطة ابوشوتال
(2)
ألقاك وين؟؟؟
مليت خلاص سكك السفر ..
قص التذاكر والحقائب...
والمحطّات ....
والتعب....
تاه الدليل واتمردت
كل الدروب والزاد نضب
ما كان عليْ فرض الرحيل
والغربة والخوف والنصَب
شارقاني بالعبرة الدموع
والحرقة والهم الصعب
ما كان على بالك ملامحي
ولا السفر همّاك يوم ..
ولا جال على خاطرك فراقي
ومن فراقك....
ما كحل عيني نوم ..
يا شاردة زي ظبي المها
طليني نسيني الهموم
(3)
في كل خطاي متذكّرك ..
شايل معاي من دفترك..
صفحات صباك ...
وجميل وفاك ...
بتذكّرك ..
مهما الغيوم حجبت سماك ...
مهما الزمان ضيع دروب الرجعة ليك ...
أنا بيك بكون!
يا حاضرة فيني علي الدوام ..
أنا بيك بكون
عظمة وشموخ ..
لوحة جمال ..
صاغ الخيال ..
فيها الكمال ...
ضاعت رؤاي في روعتا
هيبة وجلال ...
شمخت جبال ..
فوق عزتا...
تتذكّرك
كل الثواني المارّة بي
كل الحروف القلتها
واتذكرك ..
فيض من بحور الادب انتم او نفيس من معادن الوفاء 00000000000000000000000000000لست ادري وفاء 0000ام سخاء00000ام نقاء
ده كلوا وعلى خفييييييييييييييييف ..؟؟
راجعه ليك لو كان في العمر بقيه
(4)
يا عنفوان سحر الجمال
مردود عليْ كل الجنون القلتو فيكْ
ما هزَّ في جوّاك حس جوّايْ
نذر غنَّايو ليكْ
ما رد ليْ منِّك نغم
فصَّل غنا الأوتار عليكْ
ماطر عليْ حسنك زخم
عارفاني ما بستحملو
زايد عليْ في الشوق ألم
سر من عيونك كمَّلو
قسَّم مناميْ عليْ قسَم
قلبي المحب لو تسألو
يا غافلة منّي وفيك رسم
زولاً بعيد مستقبلو
يا عنفوان سحر الجمال
مردود عليْ نظم القصيد
لو مرّة في بالك وصال
أو في الخيال لي زول بريد
تفتح جوانحو عليك درر
ويرجع يسالمك من جديد
(5)
انت حبيبي إنت
نور عينيَّ كنت
فت بعيد رحلت
وعن دنيايا غبت
ضاع مني البنيتو
وضاع صبراً صبرتَ
انت حبيبي كنت
في أعماقي حتة
وعالم من خيال
بحلم بي عيونك
جنة ريد وفال
يا ما كتير حزنت
وختَّ الشوق وشال
فاض من عيني دمعاً
بلل خدي سال
كلَّ حياتي ليكَ
آمال وابتهال
ذكراك يا حبيبي
ما غابت محال
ويوم ألقاك انت
يكون غاية المنال
(6)
أهازيج فرحة الدنيا
مسطَّرة في عيون جيلك
وبشر الكون يطل منّك
ويشرق ضي أساريرك
ترانيم الزمن صلوات
ممالك صاغا إكليلك
أفوت منّك تسامحيني
أجيلك منكسر خاطري
تسالميني وتواسيني
وأخت راسي الموجّع من زمن ملتاع
على حضنك
وافرَّغ كل همومي عليك
أشجان غربتي وسفري
أحزان بعدي من عينيك
تعب زولاً مودَّر من زمن مهموم
وتمسحي من عيوني دموع
وتجبري خاطري بي نغماً حنين هدّاي
وتنزعي خوفي من جوّاي
وتنفضي من رجولي تراب سفر طوّل
وافتح خشمي
شان أحكيلك الضنك اللقيتو وراك
ولا أقدر
ويخنقني الحديث والقول
وأغيب عن سكة المعقول
ويتوه عنَّي الكلام يرحل
وافتش عن عذر مقبول
وما أحتاج
تسامحيني بلا أعذار
(7)
صمتك صرخ
بدّد سكونك ورقَّتك
ملفوف عليك شهد الزمن
مصبوبة بالزيف والخداع
صمتك صرخ
قشع الغلاف..
كل اللي كان جواكِ بان
ما كان عشم..
القاكِ في آخر المطاف
موية رهاب
حرمان عليْ
أزرف عليك قطرة دموع
حرمان عليْ أتذكرك
يا فاتحة قلبك مهرجان
منشورة للزيف والخداع
في كل مكان
غايب عليك
انو الأصيل حيظل أصيل
رغم الزمان
وانو النفيس
ما يطولو من لهب الزمان
الا الجمال
انا بنصحك بان تعمل ديوان شعر
وتطبعو!!!
بالجد
ماشاء الله تبارك الله
(8)
أستميحك فيكي أكتب
مرّة من كلمات غناي
يا دليل خاطري المسافر
نجمة ضوَّت في سماي
من زمن أنا ليكْ بفتِّش
لي دروب بتودي ليكْ
لا المراسي تحن عليَّ
ولا السفن جابتني فيكْ
يا شبارقتنا الحنينة الغالية
مشتاق يوم أجيكْ
أحكي آلام بعدي عنِّك
وكيف دموعي بكت عليكْ
يا وهج ضي المداين
ياحنينة
لو بعدنا أنحن منّك جمعينا
فاض وزاد الشوق علينا
مدّي يدّك واحضنينا
يا ترانيم الأغاني الحانية زي
أصوات جروفك
البعيد الحنَّ ليكي
لي متين يرجع ويشوفك؟؟
الله ما ضرّاك ...اقتباس:
المشاركة الأصلية كتبت بواسطة مدنيّة
شكراً أخي العزيز بورتبيل ..اقتباس:
المشاركة الأصلية كتبت بواسطة بورتبيل
الفكرة موجودة ..
الأليف .. شبارقة ..
أمتعني هذا الشدو تماماً يا عزيزي وده يا شبارقة كلام مركز إحساس ودافق معنى
وحروف نديانة ومليانة حنين وإلفة وعتاب ..
سأظل هنا لأقرا على مهلي
ناضر تحياتي وكن بخير .. بخير أبداً ...
أيها السامق كقامة النخيل ..اقتباس:
المشاركة الأصلية كتبت بواسطة سوباوي
لست أنا من يستحق الإطراء ..
بل أنت من أطرق المدح تواضعاً له ..
لك التحية والتجلة ..
ما انت بشاعر
وليس هذا بشعر
لكن انت مبدع
وماكتبت فن ابداع جمال
في انتظار الديوان
الأخ شبارقة
هذه ليست محاولات
هذه دعامة من دعامات الإبداع الفني الراقي والذي يزخر به الشعر السوداني الأصيل
للوهلة الأولى ظننت أنها مقتطفات أو مختارات من دواوين الرائع التجاني حاج موسى أو المبدع إسحاق الحلنقي أو الفريد قاسم أبو زيد وغيرهم الكثير من أصحاب الكلمة الهادفة الصادقة المؤثرة
قصائدك أضفت على كلمات المنتدى هذه الأيام سحر من نوع خاص
بارك الله فيك وفي انتظار المزيد من السمو
لك شكري وفائق امتناني
(9)
عندما كانت في الثامنة عشر تزوجت، وفي الخامسة والعشرين ،و هي تعجّ بالشباب والحيوية توفي عنها زوجها تاركاً خلفه ثلاثة أطفال ، وتركها في عنفوان شبابها ، فدخلت ما بين البوح بما تكنّه من حوجة للحياة وحاجة الروح والجسد وما بين نكوص الكلمات،ما بين أن تنذر نفسها له ولأطفاله، فتكون سجينة الماضي!!و ما بين أن تفرد للمستقبل أجنحة مشرعة مفعمة بالأمل ... غير أن العقبات الكئود كانت أقوى منها !!
اتململت
من شدة الوجع الدفين
واتوجَّعت
بي كل سكون الكون بكت
واتألّمت
واتحيَّرت ...
شفقانة كان قلب الصغار ما ينفطر
واسترجعت ...
ظنّت بحقها في الحياة
واتذكّرت
زمناً جميل في خاطرا
واتبعثرت كل الحروف
الفي الفؤاد متناثرة
واترددت
في كل سطر من دفترا
واتلعثمت
كل المقاطع والجمل
واتحسّرت ..
لمن نضب حبر القصيد
مات الكلام قبّال يكون
واتشجّعت تكتب حرف
واتوجّلت ...
لما الحروف اتمرّدت
كيفن تكون!!
في سكّة الخوف والشجون!
كيفن تكون والكون يجابد حقّها!
كيفن تكون ما بين بكا الأطفال
ومابين سعدها
كيفن تكون والناس صفوف
من قبلها ومن بعدها
ما اتكلّمت!!
اتسهّدت ..... واتنهّدت
بي كل سكون الكون بكت!
من غير يحس بيها الصغار
ظنّت بأنها ماها روح
وانو التعب ما راح يروح..
واتمدّدت من غير كلام !!!
شبرقية ..... زهرة الشمس ...
لكنّ أزكى ما يحمله الصديق لصديقه ...
هذا من لطفكنّ ورفيع ذوقكنّ ...
لكنّ خالص الود...
(10)
مشتاق ليكي شوق الفات
وخاطرو معاك
ودر من غربتو وسفرو
طمح في قلبو ريدك وكان
سبب في وحشتو وسهرو
يزيد جوّاهو سحر الريد
مع الأيام
قلب حبّاك من جهلو
يخاف كتر البعاد ينسيك
ويزيد من لوعتو ووجلو
رصف لي سكتك أبعاد
ورتّب ليك خطاويهو
وبعثر كل حروف الكون
وطوَّع ليك غناويهو
يصارع موجك الريّاد
قدر ما يفيض يزيد فيهو
ولا ليل البعاد ينداح
ولا فجر الوداد جاهو
متين غايب السنين يرتاح
ويشوف بي عينو منجاهو!!
مشتاق ليكي شوق الفات
وخاطرو معاك
ودر من غرتو وسفرو
طمح في قلبو ريدك وكان
سبب في وحشتو وسهرو
يزيد جوّاهو سحر الريد
مع الأيام
000000000000000
لادرى كيف تمسك بلجام الحروف تقودها تسرج بها بعيد
وفى خيالى زكريات انت نحتها با نسياب واخذت ما تبقى من عقلى
رائعة تلك الكلمات الشا مخة وفى انتظار تدفق نهرك الثائر
والى الامام والابداع مستمر
هنا صمت الكلام هنا تتوقف الاحرف
تتلجم الاحاسيس تتوقف الكلمات
تزهو انت شبارقة بالحرف النغم
والنغم الحرف تناجينا وتنادينا ان
هلموا واقطفوا ثمر الحب الحق
لك الله وزادك من نعيم حلو الحرف
وجميل النزف اعلم اني خربشت لك
في اجمل الصفحات لكنها النفس تهفوا
للجمال فتعانق حرفك زدنا وامتعنا ايها
الفارس الممتطي فرس الكلم الجميل
نحن عطشى فارونا ولي شرف العودة
الى هذا الديوان بأذنه تعالى....
ودوما في رعاية الله وحفظه...
مع كل الود باقة ورد....
شكراً أيها الرائعون ،، ب\لست أنا من يستحق الاطراء والمدح ،، بل أنتم ..
لكم كل الشكر
انظري أيتها الساحرة
خلف قناعك القاتم قوس قزح!!
ما انتهيت
ماشي وبجيكم ..
تاخذني اشياء واكوان من الطرب الجميل
وانا في حضرة الابداع
الشبارقة
عرفت اخي صالح منها
وكم اخذني السؤال من اين هذا الابداع الذي يملاءه
الان عرفت
قراءة لشبرقية وقبلها كثيرا لصالح يوسف
والان
اقراء لك ولا اكاد اكمل النص حتي اعود من جديد للبداية
كي ما اقارب ما بين النشوي والاندهاش
دامت الشبارقة تلك الغيمة التي تمد ارضكم بالابداع
ودمتم
الدرويش
تاخذني اشياء واكوان من الطرب الجميل
وانا في حضرة الابداع
الشبارقة
عرفت اخي صالح منها
وكم اخذني السؤال من اين هذا الابداع الذي يملاءه
الان عرفت
قراءة لشبرقية وقبلها كثيرا لصالح يوسف
والان
اقراء لك ولا اكاد اكمل النص حتي اعود من جديد للبداية
كي ما اقارب ما بين النشوي والاندهاش
دامت الشبارقة تلك الغيمة التي تمد ارضكم بالابداع
ودمتم
الدرويش
تتذكّرك
كل الثواني المارّة بي
كل الحروف القلتها
واتذكرك ..
يارب يخليك لينا يارب
وما عدمناك ولا عدمنا هذا الحديث العذب
وان شاء الله اول نسخة من الديوان هد يه للمنتدي
بتذكّرك ..
مهما الغيوم حجبت سماك ...
مهما الزمان ضيع دروب الرجعة ليك ...
أجيك مشتاق...
اسالم فيكي...حس فكرة غنا الجنيات...
بهللو ... بي جديد يابا...
هدية ...زول مسافر ....
طال عذابو زمن...
موّدر ..
ما سكن جواك...
بفتش...
فيك من يوم...
ودوروا السكة...
جماعات...
جاية...
جوه الزول...
شبح صلابهم الجمعة ...
وخطب...
ود الزمان الفات
عفواً...
أذا ضل الدرب عن خطوي...
وتاه الشوق...
مقتولاً علي بابي ...
بأمر الحاكم العادل...
ضحية فجرا المأمولِ...
كنت...
وصرت الان...أنا القاتل...
أعدل...فاق ...عدل...
معذبي...
الارحم...
وهل يعقل...
وهل يُفهم..
هنالك في مدي المجهول...
نجاتي...
والرجاء الاجمل...
بعيد منك...
قريب والله..
بعيد...
والفرقة...
حد الشوق...
شلاتيت...
من غنا الجنيات...
وحس تبروقة...
سامعة الصوت...
تسابيح...
فجرت باكر...
سلامات...
يا جميل ... الشوق...
مفارقك...
والله دون خاطر...
وجاييك... في الرضي الجاييك...
مسِكّين...
غلا جد حابييك...
وفكرة... إنو زول فاكر..
وصاين...همسك القلتو..
وحافظ كل حكاوييك ديك....
شكرا شبارقة...
شكرا يا ابن مدينتي الطفلة...
ما أن ترفع صوتك مُناديا لاحد فيها حتى ترد عليك المآذن والبيوت والدكاكين...
والمدارس العريقة ...
وقلوة البن...
في ضل راكوبة... ولمة ناس...
وصوت أمات ... بنادن لي حبيب عاد...
ويقول لبيك
مولود اليوم الشاعر
فالطفل في بلدتي يولد شاعرا
وعلي ابواب البوت قصيدة
وفي مدخل الطرقات ...دواويين محبة وأغلني
أنت منها..بل أنت فيه الشيخ والمعلم والابن البار...
وأنا إن أذنت لي...
أحد حوارريك...
وصبيانك...
وتلميذ...
ينهل الغنوات علي يديك...
يديك العافية
اقتباس:
المشاركة الأصلية كتبت بواسطة درويش
لك حبي ومودتي
ولكلماتك في حق من اهوي..احترامي
ارد هنا من باب الصلة والتواصل والمحبة للكاتب وللدرويش...
ففي باب المحبة فصل العز
صفحة الابداع
تقرأ يا درويش الحرف الاخضر
تقرا كلمة بالخط العريض...بالقرب منها كلمات ولكنها الاوضح
الشبارقة
هكذا تقرأها وهكذا نحبها ....
شكرا للادهاش فقد اهشتنا الشين العربية شبارقة ..درويش
دام العز ...للدراويش...
في بحر الحرف النابض بفكرة الحياة
صاااااااااااااااااالح
درويش : هذا من كريم أصلك ، لك كل التحية والتقدير
مختار بازي : لك الشكر ، وأول نسخة ـ اذا كان ما نكتبه يصلح أن يكون شعراً ـ لمشاعرك الراقية..
ود أهلي الحبيب صلوحي : يلا ننسج من كلام حالنا المحال ..
لكم كل الود
جاييكِ لما الليل فرد
من لونو في لحظة عبور
شمعة طريق ما سبتها
جاييكِ لما النيل حسر
مد موجو في ساعة كمون
ضفة زمن
اجتزتها
جاييكِ من رحم الخطر
راجع من اللا عودة ليك
مليان كلام
من مدة كنت بقولو فيك
وسمر قديم راسمو القمر
بي نورو في طرف الفريق
مليان مستّف
بالهواجس
والخواطر والظنون
مليان وغالبني الكلام
خايف أكون
ضيّعت مفتاح العبور
لي زول بيعيش جوايَ كون
ضاعت حروف سرّو المعاي
في سكة الخوف والشجون
جاييكِ لما خطايَ في دربك
سهت واتلعثمت
خارت مداركي على الطريق
واتحيّرت
ما بين تماس الرجعة
واحساس الخضوع
اتململت
لامن رسم طيفك عليْ
طلّة أمل ظنيتو خاب
واستنى من قلبي الملوّع
من زمن لحظة عتاب
طبطب عليْ في رقة
لامن خاطري طاب
وهناك عرفت أجيكِ كيف
جاييكِ لكن
برضو خايف من جديد
يكسرني احساس الخضوع
شبارقة انت فنان
وفنان
وفنان
انا ماقايلاك فنان
ما قلت لى ليه انك فنان
وشكرا ليك يا
فنان
يعني يا بت أهلي أمسك عود واطلع في الفيصلية وادندن عشان تعرفوني فنان!!اقتباس:
المشاركة الأصلية كتبت بواسطة شبارقاوية
همسة:
دي محاولات بس
اجتزتها
جاييك
شايل حس زمان غيتو ليك
يا بت سفر
انا للقدر
لا سكة جابت لاخبر
انا زول هناك
زول متنسي...
الدنيا جات...
وانا متنسي...
الفكرة ماتت من زمان والحلوة فات فيها الفوات...
زلانتي جنبك ... لاني شئ...
انا حاجة منك...
لا ها مبدية ...
ولا شافت تمام ...
أنا اهتمام منك وليك ...
وقصة مكتوبة ...بعذابتي الصبر...
شكرا علي فتح ابواب الروح لتنسل منها بعض الاشواق لها
ماتت بسببهم ... ولكنها حية للابد ...فيا...أنا الميت ... ولسه بطاقتو مكتوب حي...
شكرا بن عمي...
الخليفة
التمام
ياكا صالحاقتباس:
المشاركة الأصلية كتبت بواسطة صالح شرف
بي رشاقة حسك التواق
وبي قلمك تصالح
رغم جرح الدنيا
بي فرحك تمازح
أبقى راجع
ابقى راجع
ابقى راجع
وينو صالح؟؟؟اقتباس:
المشاركة الأصلية كتبت بواسطة شبارقة