الى كل رجال المنتدى
في جواة كل واحد فيكم في عبداللطيف الظريف الما بحب
المصاريف وما بحب حاجات تانية كثييييرة
فحبيت اعمل ليكم نافذة خاااااصة عشان تفضفضوا فيها
وتقولو كللللل العايزنو بدون اي حواجز او تعقيدات
ويكون في نوع من التحاور والمناغزات والطعين مع حواء
وفي انتظار ناس عبداللطيف
الغالية سوااار ..
اشكر لك هذه الاتكاءة ..
نعم الرجال لا يحبون المصاريف وبعبارة اصح وواوضح
لا يحبون الفلوس التي تدفع في امور هي في نظرهم غير مهمة
وليس معني ذلك انهم يتعاملون مع الامر ببخل وتقتيير
ولكن بنظرة بسيطة .. هل هذه الاموال تحصل عليها ببساطة
او وجدها بالارض ..؟؟ الجميع سيقول لا .. دوام وارهاق ومشاكل
وقائمة طويلة عريضة فضفاضة تحتوي الكثير داخلها
اذاً بيت القصيد .. هو .. الرجل يحب المراة التي تنفق المال
في وجهه الصحيح والذي يجب ان يدفع فيه ..
يحب المراة التي تجعله يشعر بخوفها علي امواله
فانها في الاخير اموالها واموال اولادهما
ولا ننسي قوله تعالي بان لانمسك فنوصف باننا بخلاء
ولا نبسطها كل البسط فنوصف باننا مسرفين
فاذا فلنجعل الوسطية هي الطريق السوي
فلا نمسك خوف الفقر
ولانسرف من اجل مظاهر كاذبة .....
دمــــــــــــــــــــــــــتي ،،
عبد اللطيف ها هاي عبد اللطيف زولا حريف
يجوط ويفور ويصرصر
ويطلع من المولد نضيف
جات تقول عبد اللطيف
عبد اللطيف يوماتي
بياتو شتوي
حتي في الخريف
نقناق نقنقه حتي في حته رغيف
لطيف مجادل مولع
بس باصات الجريف
يمشي خطوه ويحرن يقيف
سوارنا قالت :زولا ظريف
ها هاي وكمان هاهاي يا ظريف !
لو برانا كنت قلت عليك سخيف
بس ما براناوما برانا
خلي كلامنا عليهم خفيف
نقول السوق يقول :انا زولا كفيف
نقول اتلحلح يقول: انا زولا عفيف
اوووب عليــــــــنا
من وين نجيب المصاريف
ما ترد يا الزول الظريف ؟
فالح تحمر زي مجند عريف
احي منك يا مشاتر نحيف :D ..
فكره جميله ياسوار ..............احييك.........يلاياسواااح فضفض
سوااار ..
باين الناس دي الموضوع ما عجبهم
هبشتيهم في الوتر الحساس
شنو يا جماعة ما تظهروا !!!
دمــــــــــــــــــــتي ،،
غايتو ياسوارنا العسل بس بقول ليك يديك ألف عافية على الفكرة الجميلة دي،،،،
وإسم البوست الظريف دا,,,
تخريمة على قولة أخوانا::
هو من غير ماتفتحي ليهم بوست في بيت النواعم ناس عبد اللطيف لاصقين لينا،،،
الله يستر منهم ،،، بعد دا يدخلو لينا بي عين قوية،،،
وربنا يديم المعروف،،،
قال حاتم الطائي :
فلا الجود يفني المال قبل فنائه *** ولا البخل في مال الشحيح يزيد
فلا تـلـتمـس رزقا ً بعيش مقتر *** لـكـل ِ غـدٍ رزق يـعـود جـديــد
ألم تر أن الرزق غاد ٍ ورائـح *** وأن الـذي أعطاك سـوف يعيـد
عبداللطيف مابخيل لكن شوية الحياة بقت جادة وكل حاجة يلزمها مصاري وياحليل القبيلة الكان بلمها حوش واحد وبصرف عليها عبداللطيف واحد
إزيكن يا نواعم ... كويسات ؟؟
عبد اللطيف وسعيد وعباس والضوء كللللللللهم صحيح بحبو المصاريف
بس لكن ما لدرجة بتاعت عبد اللطيف دي..
هسي عليييكن الله.. وفي ذمتكن .. وبي صراحة كدة فيكن واحدة بترضى
زجوها يكون مفلس.. البترضى فيكن بالفلس التقول قدام الناس ديل..
على العموم نحن الحكاية دي مجربنها .. المرأة أكثر واحدة شعلانة..
ولكن التحية..
اقتباس:
المشاركة الأصلية كتبت بواسطة نفحات الصباح
والله التقول نحن خاشين معانا دبابات وهاون..
ههههه نفحات ياعسل تسلمى يا غالية والله سوار ادتنا ضوء اخضر بعد كده مش لاصقيين نايمين عديل فى منتدى نواعم وعايزين نجيب عنقريب انا واخوى ود الماحى ونشرب فيه قهوة وشيشيةاقتباس:
المشاركة الأصلية كتبت بواسطة نفحات الصباح
يلا بسرعة يا ود الماحى
في البداية ، مشكورة يا سوار لمنحنا هذه المساحة لنتكي ونحلم ونرد على كيد النواعم كيف لا وكيدهن عظيم ،،،،
ثانيا اود ان اوضح بان ليس كل فرد في قبيلة عبد اللطيف الظريف جنو وجن المصاريف لكن بكل تاكيد لا يتوافق مع النواعم في بعض بنود الصرف لاسباب كلكن تعلمونها جيدا ولكم منها قيض من فيض:
1/ المرة تنظر في اغلب الاحيان تحت قديمها ولا تنظر امام ناظريها ، يعني معاك قروش عيش اللحظة.
2/ قليل من النساء من يحسن ويجدن لعبة التدبير والتوفير والادخار لليوم الاسود.
3/ الرجل له التزامات كما للمراة ولكن دائما التزاماتها ذات اولوية من وجهة نظرها.
4/ اولويات الرجل تختلف عن اولويات المراة وبالتالي بنود الصرف تتضارب.
5/ المرأة تصبح شحيحة بمجرد فقدانها الزوج لاي سبب من الاسباب وتصاب بداء التكديس عندها.
6/ الاسرة لها تدخلات سلبية - يعني يقولوا للمراة كملي قروشو عشان ما يعرس تاني وتالت.
7/ تتأثر المراة بالعوامل الخارجية فكثيرا ما تنشد محاكاة صديقتها او جارتها فتضغط على عبداللطيف.
8/ الطلبات المفاجئة للمراة وغالبا ما تكون وليدة لحظة وذات اولوية عالية عندها.
9/ مال الرجل هو مالها ، اما مالها فهو لها وحدها...
10/ بعض النواعم سقف احتياجاتهم عالي جدا فمهما كان الرجل مرنا ومتفهما ويدفع كمن لا يخشى الفقر الا ان كل ذلك لن يرضي المراة ، فتقول دائما هل من مزيد.....
ولكن من الود عذبه،،،،،،،،،،،،
اقتباس:
المشاركة الأصلية كتبت بواسطة سواااح
الغالي سواح
اوافقق الرأي ولاكن ماتنكر انو عبداللطيف كان لقى فرصة ما بتردد انو يكره المصاريف
في نسوان هم اصلا زي عبداللطيف وموجودات بكثرة في حياتنا وهم ممكن السبب يكون منهم انو عبد الطيف يبقى كدا
وتسلم على تعقيبك الجميل
يا ميمي يا عشريةاقتباس:
المشاركة الأصلية كتبت بواسطة اميمه عشريه
مالك يختي محروقة عليهم كدا
انت زااااااتك شكلك عايزة تفضفضي
اقتباس:
المشاركة الأصلية كتبت بواسطة samah
سموحة الجميلة
الله يخليك يا عسل
والحمد لله انو عجبك
واستني على ربع المجتمع ديل
لقو ليهم تصريح شرعي يدخلوا بيه
وتشوف عينك الحيحصل لقدام
اقتباس:
المشاركة الأصلية كتبت بواسطة نفحات الصباح
نانا حبيبة قلبي
تسلمي لي يا عسل
وردا على الخرم بتاعك
هو النصيحة منتدانا ده بلا ربع المجتع مسيخ
والعندو غير الحقيقة ده يورينا وشو
تسلمي لي انتي على مرورك
يا مراحب بيك يا غسان في ركن عبداللطيفاقتباس:
المشاركة الأصلية كتبت بواسطة غسان
وفعلا الحياة الزمن ده بقت حدث ولا حرج
ويااااااااااااااحليل اي حاجة كانت في زمن الخير
تحياتي ليك
اقتباس:
المشاركة الأصلية كتبت بواسطة بدرينا
عبداللطيف (بدرينا)
احنا كويساااااااااااااااات نحمد الله
واكيد مافي وحدة نحب زوجها يكون مفلس
لاكن برضو ما يكون منشفها على الاخر
الرحمة حلوة برضو ولا شنو
اقتباس:
المشاركة الأصلية كتبت بواسطة امل حياتى
امل حياتنا كلنا
وينك غايب كدا عننا
نورتى النواعم والله
وياااااااااااامرحب بيك انت وعم الماحي تأنسو وتنورو
واحد شيشة للمعلمين وصلحوااااااااااااااا
مين دول اللى ربع المجتمع ؟اقتباس:
المشاركة الأصلية كتبت بواسطة سوار الياسمين
يكون كلامك صاح والدليل إنو ربنا حلل الزواج من أربعه
علشان إنتو كتاااار ونحنا شويه , خلاص من بكره بعمل إعلان
وأدعو الرجال بالزواج من أربعه واللى عندها إعتراض
تورينا وشها . بس ما تكلمى أم عمرو وتقولى ليها أنا اللى
قلت الكلام دا طيب ؟
هلا هلا إعترفن إنو الحياه من غيرنا مسيخه
أها .. المصاريف ..
من شهرين وبت المطامير حقتى حلفت إلا هى تمسك المصارف وقلعت منى بطاقة الصراف الآلى وأول الشهر مشينا البنك وإستلمت القروش من الماكينه مسخنات وأها مشينا البيت وفى المساء أول مره أحس بإحساس عمرو وشجن لما يقولوا لى يا بابا أدينا عشره دراهم وأقول ليهم ما عندى وعويناتهم تدمع يا حليلهم أها .. حسيت بإحساسهم دا لمّا قلت لبت المطامير أدينى عشرين درهم لبانزين العربيه أكان قالت لى ما عندى وبعدين إنت العربيه مكمل بانزينها حوامه فى الفارغه ساااى , أكان لقيت عويناتى بقت ذى عوينات ناس شجن لمّا أقول ليهم ما عندى , أها .. قلت ألطش من باقى مراسيل الدكان أكان لقيتها حافظه الأسعار كلها , وناس شجن وعمرو شمتانين علىّ شديد وقبل يومين ضربت البنك وبعدما تأكدوا من شخصيتى قلت ليهم بطاقتى ضاعت وطوالى كنصلوها ورسلوا لى اليوم واحده جديده بالبريد وهسى بت المطامير فرحانه قالت الراتب بعد يومين هع هع هع هع البطاقه المعاها التعملها قرفه تعوس بيها الكسره
المصاريف ... هى وينى المصاريف ؟ الدهب ما خلّى لينا إلا الحترب الفى كورنة الجيب .
اول شئ الف مبروك على القسم والاشراف اختي العزيزه سوار
وليكم وحشه كلكم والله كميه كميه كميه
وشايف الشباب انداحو اندياحه غريبه غايتو حاسيهم كدا بتكلمو من قلبهم تعابانين تعب غريب :d
ههههههههههههههههههههههههههههههههاقتباس:
المشاركة الأصلية كتبت بواسطة ود المطامير
الغالي حبيب القلب شوق بحووووووووووووووووووووووووووووور
تحياتي ليك والاولاد
قبل أي حاجة با بنتي سوار أدم بصفة عامة ما بخيل
ولكن حواء معروف عنها بأنها مبذرة ودائماً الصرف
عنها بدون وعي ولا إدراك وزي ما معروف بأن
تفكيرها محدود في الأمور المادية . . . وعندما يتدخل
أدم لتوعيتها أو لتنظيم الصرف المادي يتضح وكأنه
بخيل في نظر حواء !!!!!!!!!!!!!!
ولكِ كل الورد
لك جزيل الشكر على مداخلتك الجميلة دهاقتباس:
المشاركة الأصلية كتبت بواسطة Madanawi
اقتباس:
المشاركة الأصلية كتبت بواسطة ود المطامير
هاي ياااااااااااااااا جنا المتامير
الله معاك يا خوي وموفق في عمل الاعلان
العايز اثنين ولا ثلاثة ولا اربعة
الظاهر عايز تطبق المثل البقول ( جنا على روحو ود المتامير )
على وزن ( جنت على نفسها براقش)
اي صحي نسيت ام عمرو قالت ليك هي راجياك بهناك عايزة تحدسك
سمح اوعى تنسى :D
سلام يا اخت وليكم جميعا
بس عاوز اقول لييه عبد اللطيف اصبح
جلده او قيحه
السبب هن امهات الكيد وصاحبات الوجوه الملونه
والمزركشه وزى مابقولوا (كوز مويه واحد اخليها خراب)
لانه جمييع ما يجمعه في سنيين مستعده نضيعه هي بس في تسريحه
او روج بس تكون تحس بي نفسها بقت حلوه (لكن لو اصبحت جميله
الله اعيينك من ما يحصل بعد داك)
1/انسا موضوع طبييخ(كل شي لازم اجي جاهز من المطعم (نواشف)
2/ انسا موضوع غسيل ملابس كل شي لازم شغالة في البيت
3/ الاولاد لازم يمشوا المدرسه بالسياره حتي ولو كانت بي ضهر البيت
4/ المناسبات لازم لي كل مناسبه توب ولبسه كامله و جزمه وموبايل
اخر موضه
وياويلك لو شافت في الطريق ولو بي باب المصادفه واحده بتعرفها
حتي ولو من اهلك لازم ترضيها بي خاتم او غويشه او علي الاقل
سلسل ذهب
والله احلي ايام
واصلي ياسوار الياسمين
ياسلام على ناس الزمن الجميل
اين سوااار الياسمين ، اين اميمة عشريه ، اين امل حياتى ، اين بقية العقد الفريد
اتمنى ان نراء تلك الاسماء تلمع مجدداً فى بيتنا الكبير