عرض للطباعة
أخوانا وأخواتنا في المنتدى ..
تعالوا نفكر .. كيف نقدر نخلي موضوعاتنا في المنتدى جاذبة
وتلم الناس .. وتخليهم يشاركونا .. تعالو نختها في نقاط ..
بسم الله نبدأ
1. أول حاجه اختيار الموضوع الجيد ..
يعني فكر شوية وحاول تجيب موضوع ما مكرر ولا ممل .. موضوع يهم شريحه كبيرة من الأعضاء .. وفكر مره ومرتين قبل ما تكتب ..
وحاول تكتب الموضوع بطريقه ظريفه وما تكون جامده
تابعوا
نواصل :
2. عرض الموضوع في نقاط مختصره وواضحه ومباشره
لتسهيل المتابعه (نظرية جيفارا)
3. محاوله البعد عن الأخطاء الإملائيه ..
(اتعبوا شويه وراجعوا الموضوع)
تابعوا
نواصل :
4. التعقيب والرد على جميع المشاركين في الموضوع ..
5. البعد قدر الإمكان عن المهاترات والمزاح إذا كان الموضوع جادي..
6. احترام وجهات النظر .. يعني ما تتوقع كل الناس توافقك في طرحك
وما تعتبر وجهة النظر المخالفة لك عداء شخصي ليك
7. وياريت لو يكون الاقتباس حسب النقطه المراد الرد عليها ..
يعني ما تقتبس المشاركه كلها وانت تكون عايز ترد على جزء صغير ..
8. محاولة التركيز على الموضوع الرئيسي وعدم البعد عنه ..
نواصل :
9. نجي للنقل والمواضيع المنقوله ..
يعني لو لقيت الموضوع مهم ومفيد للأعضاء انقلوا
واذكرانو منقول وياريت لو جبت الرابط حقو ..
وحاول التركيز على المواضيع المنقوله تكون بتهم مجتمعنا وعاداتنا
ما تكون بتخص بيئه تاني .. نحنا ما ناقصين ..
أو تكون فيها معلومات طبية أو دينيه أو علميه مفيده
نسيت حاجه مهمه ..
ما تنتظر الناس تجيك في موضوعك وتعلق عليهو
من غير ما تزور مواضيعهم وتعلق عليها
الحكاية مشاركة
أي واحد عندو زياده يساعدنا ..
للمصلحة العامة ..
وفي انتظاركم
الحبيب ود الريح كلامك زى الدهب
واحب اقول انو الاعضاء ماشاء الله عليهم
ملتزمون ومرحون وربنا يديم المحبه
حبيبنا المكاشفي ..
تشكر على المرور ..
وأنا منتظر منك ومنهم الأفكار وإثراء الموضوع
تسلم
موضوعك جميل ياود الريح وياريت نمشي بيه خطوة خطوة
وبي صراحة المنتدى بقى فيه ملل وملل شديد لعدم المواضيع الجادة وعدم الردود وعدم التفاعل
ويديك الف صحة وعافية
الحبيب رهيب ..
يدي بيدك ويد باقي الأعضاء وربنا يسهل ..
وأكيد الأمور حتظبط
مشكور يا الحبيب
انت ما عرفتة النظرية الجديدة
1/ جيب ليك اول حاجة موضوع مستفذ .
2/ هاجم أول واحد يرد عليك .
3/ هاجم المشرفين .
4/ كرر هجومك وواصل فيهو بين الحين والأخر على المشرفين وأول واحد ردا عليك .
5/ ركز الهجوم على الاعضاء الفاعلين .
في خلال ساعة تلقى الزيارات فاتت المية + الردود تلقاها فوق الخمسين!!!!! .
قبل ما يتقفل الموضوع لازم تكون متواجد على الدوام للرد وغيرو لانو حايكون عندك 12 ساعة قبل ما يتم إجراء اللازم .
ملحوظة :- ناس المنتدى هنا كل حبايبنا واخوانا سريعين في المعارك تلقاهم مستعدين وتلقاني أنا أول واحد واقف في الطابور ودائما مستعد . طبعا دا بالتجربة والخبرات التي كسبناها من المعارك السابقة وما في داعي أقول حاجة اخليها تولع تاني .
بس بصراحة الواحد بيحب جو الحماسة والمشاكسات طبعا بدون ما الواحد يلمس أي أمور شخصية أو عدم إحترام لإي شئ سواء عقيدة أو جماعة أو حاجات تانيه حاميـــــاني هههههههههههههه .
وإذا رحموك وتم تعليق مشاركتك أو منعوك من الدخوا فترة أستحمل وما تكررها تاني عشان ما يزيدو المدة .
يا جيفارا الحبيب ..اقتباس:
المشاركة الأصلية كتبت بواسطة معتز الريح
يعني عملنا ليك نظريه وسجلناها عشان الحقوق
وعجبتنا النظريه جيفارا 1
لكن جيفارا 2 دي ما معانا
معتز موضوع جميل شديد تسلم
تقبل مروري
الاخت غيداء ..
تشكري على المرور ..
لكن منتظر تشاركونا بأفكاركم وإضافاتكم
والله نصائح اخونا معتز دي حقو الناس تعمل بيها
وشوفوا ماشاء الله ماشي بي خطي ثابتة وربنا يزيد ويبارك
ونشوفك مشرف في القريب العاجل
الأستاذ معتز
تقبل تحياتي بدأً على هذه اللفتة الجميلة
ثانيا أحب أثني على مسألة الأخطاء الإملائية لأنها فعلاً تقلل من استمتاعك بالموضوع مهما كان شيق .
والنقطة الثانية احب اعلق عليها هي مسألة التشويق والإثارة والعناوين الدعائية , يعني العنوان مفروض يكون مرتبط و متناسق مع الموضوع ويعبر عنو التعبير اللازم , والابتعاد عن المبالغة في عنونة المواضيع بغرض الإثارة وجذب الإنتباه للموضوع , لأن القارئ ممكن يفقد الثقة في الكاتب , وقد يمر لاحقا بموضوعات فعلا مهمة من غير ما يقراها خوفاً من انو يطلع الموضوع فالصو .
لازم نراعي الموضوعية في الكتابة وفي اختيار العناوين في البداية
وشكرا
الحبيب مختار بازي ..
شكراً على المرور وانت من المميزين والمداومين على هذا المنتدى
تسلم
الأخت samar - tahaاقتباس:
المشاركة الأصلية كتبت بواسطة samar_taha
إضافتك جميله وفي مكانها ..
لك الشكر
سؤال مهم لابد أن يسأله أي عضو لنفسه.
لماذا سجلت بهذا المنتدى؟
تنمية مواهبك الأدبية والفكرية
المشاركة الهادفة مع الإلتزام بأدبيات الأختلاف مع الآخر
بإمكانك التواصل مع الأعضاء من خلال المواضيع أو الرسائل الخاصة أو البريد
تقديم يد العون للجميع حسب إمكانياتك ومجال خبرتك
الاستفاده من الأعضاء وإفادتهم
جعل المنتدى ارشيف لكل اعمالك وحفظها من الضياع
الإحتكاك مع أصحاب الخبرات وتطوير قدراتك
وأسئلة أخرى
ماهي أهداف هذا المنتدى؟
كيف السبيل إلى تحقيقها؟
هل يمكن أن أساهم في تحقيقها؟
بمشي وبجيكم عشان نكمل المشوار
الأخ الحبيب ضياء ..
وجودك مهم ومشاركتنا الأفكار جميله ..
منتظرين عودتك
معتز موضوع جميل وأنا أستفدت منوا كتير
وياريت لو تعملوا زي ماعاملين النواعم
في كعب الموضوع او الرد تنوهوا على مواضيع الكاتب
اقتباس:
المشاركة الأصلية كتبت بواسطة جيفارا
ما أتوقع إنو منتدى زي دا هادي وهادف يتحمل فكره زي فكرتك دي
مع كامل إحترامي ومودتي
والله يا معتز في بعض الاوقات بفكرررررررررررررر كويس
رضاك يا صفيه
هههههههههههههههههههههههههههههههههههههههههههههههههه هههههههههههههههههه
هنا مدني كلامك هووووووووووووووو الجايب سوق
بجد زي ما قلتي
رضاك يا صفيه
هنا مدني ..اقتباس:
المشاركة الأصلية كتبت بواسطة هنا مدني
القصد من البوست هو الفايده العامه ..
اقتراحك جميل .. نحولوا للمشرفين ..
لك الشكر
ود الريح الظريف
انا داخل ازيد ليك الدخل
وطالبك مداخلة
سلام
الحبيب الجميل رضا ..اقتباس:
المشاركة الأصلية كتبت بواسطة رضا حسن محمد
زيارتك دي هي الدخل كلو ..
والحساب يجمع ..
انت من بركات ؟
الوريف ود الريحاقتباس:
المشاركة الأصلية كتبت بواسطة معتز الريح
نحنا حياتنا كلها ساكنين فى بركات
بعدين لما الوالد الله يديه الصحة والخير كله اخد المعاش فى 1997 سكنا فى حى المنيرة
وبيتنا قريب من الكلية الاعدادية يا ريت لو تشرفنا بزيارة انا شهر سبعة شايل البلد
سلاميا فردة
التحية لأجمل وألطف شباب عرفتهماقتباس:
المشاركة الأصلية كتبت بواسطة رضا حسن محمد
أولاد بركات
كدي طالبني مداخلتين ..
لك الشكر
ود الريح لك التحية على هذه الاشراقة الجميلة والاساس القوي لطرق التعامل مع الاعضاء في المنتدى واحترام مواضيعهم ومشاركاتهم ورؤاهم وأفكارهم.
أضيف على ما ذكرت .. أن يتواجد بداخلنا الدافع لتقديم المفيد والايجابي لانه سيدر علينا جميعا الخير الوفير .. فنتبادل المعلومات القيمة .. ونتعلم فنون الحوار وأدب الخلاف .. ونرتقي بفكرنا فتستنير ألبابنا .. الطرح الايجابي يجد طريقه بسهولة لعقول وقلوب بقية الاعضاء فيتدافعون نحوه بحب وود يلتمسون فيه الاهداف التي من اجلها نحن هنا.
أيضا الصدق في ما نكتب مطلوب .. فكيف نكون اصدقاء ولا نصدق بعضنا البعض؟
المسئولية بيننا وبين أنفسنا .. فما نكتبه يجب أن نعلم مدى مسؤليتنا تجاهه فبالتأكيد هو يؤثر أيجابا أو سلباً على بقية الأعضاء.
البعد عن النقد غير المؤسس وأنتقاص أفعال الغير .. فهي بلا شك بؤر لخلافات لا نحب أن نراها في منتدانا الحبيب ... فليس المؤمن بطعّان ولا لعّان ولا فاحش ولا بذئ.
دمت بكل الود .. ومزيداً من المواضيع ذات النكهة المتميزة ،،
حبيبنا أبو أحمد ..
منور يا ولدنا .. انت كده جبت المفيد ..
يعني يا حبيب كملنا بعض
انت جبت المعنوي
وأخوك جاب الفني
كده كملت
تسلم
أستاذ والله أستاذاقتباس:
المشاركة الأصلية كتبت بواسطة معتز الريح
لكن بي دي ذكرتني عزيزي المشاهد
حبيبنا ..اقتباس:
المشاركة الأصلية كتبت بواسطة أبوياسر
مش أخير مما اذكرك هيفا وهبي
تسلم على المرور
حبايبنا ..
الليله بلاش .. بكره بقروش
أخي معتز بما أنك عضو فعال الفكرة جميلة والترتيبات أجمل لكن أنا عندي مشكلة لدي الكثير من المواضيع المفيدة لكن المشكلة ما اقدر أنزل المواضيع على المنتدى الرسالة أنو الملف خاطي يعني الموضوع بكون من عدة صفحات ما مكن أعمل ليهو نسخ ولصق بصير ممل ما عارف رأيك شنو
شاكرين
الاخ معتز :
والله المعلومات القلتها مفيدة جدا جدا
عندي اضافة بسيطة :
المفرض الواحد اشارك بي موضوع واحد كل فترة عشان ادي البقية فرصة لي اضافة مواضيع جديدة وعشان العضاء اعرفو بعض يعني مافي اليوم الواحد اكتب 3 لى 4 مواضيع كدا انا شايف كتير .
ودمتم
اخوكم : هشام / Doom99
الحبيب ايمن جعفر ..
نتمنى أن يمر على البوست من هو قادر على حل مشكلتك
وشكراً على المشاركة ..
الحبيب هشام ..اقتباس:
المشاركة الأصلية كتبت بواسطة Doom99
والله يا حبيب وجهة نظر تحترم ..
مشكور
الحبيب مختار بازي ..
انا رافع الموضوع ده عشانك ..
أضيف ..
* ما تقطع مواضيع من راسك ..
* ما تكتب مداخلة لو ما كونت فكرة طيبة عن الموضوع ..