عرض للطباعة
تقام حالياً علي أرض الجزيرة مدينة دريم لاند السودان و التي تضاهي دريم لاند المصرية بشراكة سودانية مصرية و المهم في الموضوع إنو المدينة مبنية في ولاية الجزيرة في حدودها الشمالية مع ولاية الخرطوم و يقال أن اسعار الشقق لا أقول الفلل سوف تكون في متناول الجميع يعني يا جماعة نسكن في ولايتنا و بالقرب من العاصمة كما أن مجمع جياد الصناعي بالقرب من المدينة يعني سكن مريح و شغل قريب و كمان في ولايتنا .............. و الله تمام
و لا شنو يا شباب:d
بداء البناء فيها ولا لسة ؟
لانه الكلام دا سمعناه ليه تلاتة سنوات
طمني بالله وقول لي البناء فيها بدا :D
كلام جميل جدا
أنشاء الله تري النور قريباً
وتكون الأسعار في متناول الجميع
عشان الناس تقدر ترفه شويه
اقتباس:
المشاركة الأصلية كتبت بواسطة محمد أحمد الشيخ
كضاااااااااااااااااااب يابسطة والله انت من مدني شبر واحد ما بتقدر عارفك انا
اللدر يعني نجي السودان خلاس
ياليت يكون صحيح وينفذ علي ارض الواقع وفي انتظار الجديد من الاخبار
يا شباب الكلام ده جد .. عشان نبدأ نحوش من الان ونشوف لينا شقه ونرجع لبلدنا
نقول يا رب .. تكون مدني والجزيرة دوما
دار .. ابويا .. ومتعتي .. وعجني
،،،،،،،،،،،،،،،،،،،،،،،،،،،،،،،،،
و الله الكلام صحيح 100% و بدأ البناء الآن و الما مصدق يمشي يشوف بي نفسو .
الطرف الثاني من السودان هو الاستاذ عصام الخواض و هو نائب رئيس مجلس إدارة المشروع يعني برضو و لدنا
والله الكلام ده جد
والله ده خبر جدا مفرح خلاص الواحد يستغر في بلده وهو مرتاح
شكرا ليك يا اللدر
بس ياريت تدينا خبر اول ما يبدا البيع
ربنا يسهل الامور
الله يجعل كلامك صح يا اللدر وتكون الاسعار مناسبه للجميع ؟؟؟؟؟؟؟؟؟؟؟؟؟؟؟؟؟؟؟؟
ه
والله بشرى سارة
وما شاء الله المخططات السكانية في السودان في إذدياد
بس إن شاء الله تكون في متناول الجميع
الله يبشرك بالخير ياللدر
والله تشكر يا زوق بس معلوماتك ناقصه نحن دايرين ارقام يعني السعر بكم والتاريخ متي - وبرضو تشكر
الشكر كل الشكر لكل من:
معروف الجزولي
mohalnour
ناصر عمر دبيب
علياء
Madanawi
الزبير محمد عبدالفضيل
روبش
s nger
علي المرور.... إنشاء الله بوافيكم بأخير الاخبار أول ما تصلني
مشكور اللدر
المشروع سمعت به قبل فترة والمطور رجل أعمال مصري
صاحب قناة دريم لذلك سمي دريم لاند
أتمنى إفادتنا بتفاصيل أوفى عن المشروع
سيكون أراضي, مباني جاهزة, شقق؟
ما الخدمات والأسعار وكيفية الإطلاع على تفاصيل المشروع؟
نحن في بلاد الغربة بقينا نخاف من اللدغ
عنوان شركة دريم لاند السودان شارع 60 مقابل مسجد سيدة سنهوري
تليفونات شركة دريم لاند السودان
00249155151816
00249155152201
00249155152202
فاكس :
ولكم الشكر 00249155151817
لك التحية اخونا الدر
بشراك كتبت بتاريخ 28 يناير 2008 وبكل أسف حتى تاريخ اليوم لا يوجد جديد يذكر بالرغم من الاعلانات المتكررة فى قناتى دريم
الذى يمر اليوم لا يجد سوى مدخل انيق وبعض الفلل التى لم تكتمل حتى الآن
ياريت تورينا الاسباب
وكذلك أرض الاشغال التى منحت لصاحب الدريم فى مدنى شرق الدار الزراعى لايوجد فيها جديد منذ تكسيرها فى العام الماضى والتى كان يفترض ان يقام عليها فندق 5 نجوم !!!
والحديث عن هذه الارض (الاشغال) يحزننى جدا لانها كانت قلعة الخديوى عباس وكان السودان يدار منها عندما كانت مدنى عاصمة للسودان فى العهد التركى
سامح الله المسؤليين الذى اعطوه هذا المعلم التاريخى
فندق خمسة نجوم يالضمياطى وين للضرايب .ياخ فى مستثمر بسيط عمل محل ايس كريم العائلات بقت تجى تتنفس فيهو الوالى الجديد الحال ماعجبو طلع قرار وشمل معاهو كل اصحاب المحال الحديثة الجنبو .وتقول لى استثمار وحنتطور
عيش ياااااااااااااااااااااااااااااااااااااااااااا
الناس عقليتا يا ها زاتا
ياهو دا السودان
ياالدر انت بقيت سمسار وفتحت ليك مكتب عقارى؟ وبعدين (فى متناول اليد )دى خشم بيوت
شكرا يا اخي د.شمس الدين علي المرور لكن يا اخي دي و الله خدمة انا بقدمها لاخواني في المهجر و ليس هنالك مصلحة شخصية كما تظن ... علي العموم التلفونات عندك ممكن تتصل و تعرف بنفسك انو دي تلفونات الشركة....
يشترو منهم ويعملو ليهو رسوم وضرائب ويخزنو بعدين يخزنو لمن سعرو يبقي اعلي من السوق وبعد داك يشوفوكم عايزين شنو.
اولاً : مدينة دريم المصريه هى مخططات تم تمليكها بموجب قرار من رئاسة الجمهوريه للمستثمر المصري احمد بهجت برغض تاسئث سكن فاخر على هئية فلل وشقق تملك فى مدينه متكامله الخدمات من مدارس ودور عباده وملاعب وكافه الغراض الترفيهية والاخدميه ولاجتماعيه وغيرها وهى كلها تحت مدينة دريم ولها سور خارجي يفصلها عن مدينة دريم السودانية
ثانيا : مدينة دريم السودانية مقابله لمدينة دريم المصريه من ثلاثة اتجاهات وهي الشمال والغرب والجنوب وتبعد من القصر الجمهورى او شارع النيل بالخرطوم مسافة 35 كلم وهى فى طريق الخرطوم مدني بعد منطقة سوبا وقبل منطقة الباقير ويحدها شمالاً كل من الشركه الافريقية للدواجن ومنطقة الخرطوم المحوريه وشرقاً دريم المصريه وهى على الطريق السريع الخرطوم مدنى وتبعد من النيل الازرق 3كلم ومن اتجاه الجنوب مصانع الباقير.
ثالثا : تختلف المساحات في مدينة دريم السودانيه باختلاف المخططات وهى تتراوح بين 450 متر مربع الى 900 متر مربع وما يلي باختصار اهم العروض حالياً:-
1- مربعي (21/ 1 ) هما درجه اول فاخر بمساحات 450 م م و 500 م م وما يميزهما انهما مقابل دريم المصريه مباشرةً والسعر كما يلي :-
1 - مربع (21) مقابل سور دريم المصريه ( مميز )هنالك 80 ارض بمساحة 500 م م وسعرها شامل رسوم التسجيل والتوثيق والضريبه (8000) $ وبدون الرسوم اعلاها يخصم 750 $
2- مربع (21) داخل المخطط هنالك اذا كانت الارض داخليه وناصية سعرها (7000)$ شامل الرسوم اعلاها ويخصم (750) $ اذا كانت بدون رسوم.
3- مربع (1) جميع القطع المقابله لدريم المصريه يمتلكها فرد وهوالمالك السودانى لارض دريم المصريه ولا يرغب في بيعها حاليا حيث ان لديه مستثمر شريك ولا يرغب فى المناقشه .
4- اما مربع (1) فهنالك اراضي داخليه سعرها النهائي شامل الرسوم (7000) $ وبدون رسوم يخصم 750ارسل ايميلك او تلفونك للمفاهمه - - 070600
عنوان شركة دريم لاند السودان شارع 60 مقابل مسجد سيدة سنهوري
تليفونات شركة دريم لاند السودان
00249155151816
00249155152201
00249155152202
السلام عليكم
ياجماعة كدي فهمونا انا في جريدة الوسيط ماشابها اجد دائما اراضي معروضة للبيع في منطقة دريم لاند ، هي الاراضي دي ملك منو ؟؟؟؟؟؟
اقتباس:
المشاركة الأصلية كتبت بواسطة ودالبدري
عنوان شركة دريم لاند السودان شارع 60 مقابل مسجد سيدة سنهوري
تليفونات شركة دريم لاند السودان
00249155151816
00249155152201
00249155152202
كنت اتمنى ان يكون هذا المشروع الكبير في مدينة ودمدني حتى ينعش حاضرة الولاية ويعيد لها ولو جزء بسيط من مااخذته الايام وحتى يستفيد انسان الولاية بصفه عامه وييساهم في حل مشكلة السكن في ودمدني ويؤدي الى انعاشها اقتصاديا وسياحيا اضافة الى ذلك فان قيام مثل هذه المشروع في اقصى حدود ولاية الجزيرة شمالا عرضه لان تضم هذه المنطقة الى ولاية الخرطوم قريبا ونكون رجعنا الى العلة الرئيسية وهي تمركز كافة الاستثمارات في العاصمة كما ان وجود هذه المدينة في هذه المنطقة ماهي جدواها الاقتصادية وهل يترك الناس اعمالهم ومصادر دخلهم ليرحلوا شمالا ؟؟؟
زمان كان فى جماعه برضو قالوا الامور تمام ولكن يظهر الجماعه ديل ادونا الطراوه والاحلام وبرضو صابريناقتباس:
المشاركة الأصلية كتبت بواسطة مدنيّة