مستشفى ودمدني التعليمي - قذارة المخلفات الطبية بالصور

سلام لاهل المنتدى - للاسف هذه هي مشاركتي الاولى ولاكن انشرها لاهميتها

تم التقاط الصور السبت June /27/ 2009

ابر مستعملة وبقايا دماء التحاليل اوساخ كلها مرمية في داخل المستشفي في ممراته ومداخله وماخفي كان اعظم
والمصيبة ان النظافة مامحتاجة ميزانية جديدة او مليارات الجنيهات كل المطلوب اهتمام اداري بسيط مع العلم انو دفعوني الفين جنيه بالقديم رسوم زيارة
يعني لا دكاتره مهتمين ولامدير مستشفى مهتم ولا وزير صحة ولائي ولا اتحادي فاضي
والوالي يفتتح قسم الولادة الجديد قدام البشير وباقي المستشفى معفن

انصح كل سكان مدني الجزيره الابتعاد عن هذا المستشفى القذر وبمسائلة مدير المستشفى ولو اي زول في المنتدى ممكن يوصل الرساله دي لأي مسؤول في مدني
حتى يطهر المستشفى ويعقم من الوسخ والميكروبات

http://uploadpic.org/thumb-3705.jpg

http://uploadpic.org/thumb-3710.jpg

http://uploadpic.org/thumb-3704.jpg

http://uploadpic.org/thumb-3707.jpg

http://uploadpic.org/thumb-3706.jpg

اذا لم تظهر الصور اعلاه:

http://uploadpic.org/showpic-3705/madani_hospital1.jpg
http://uploadpic.org/showpic-3704/madani_hospital2.jpg
http://uploadpic.org/showpic-3707/madani_hospital3.jpg
http://uploadpic.org/showpic-3706/madani_hospital4.jpg
http://uploadpic.org/showpic-3710/madani_hospital5.jpg

اللهم لا نسألك رد القضاء لكن نسالك اللطف فيه لاحولا ولا قوه الا بالله العلي العظيم

اولا دعني ارحب بك اخي عمر احمد بمنتديات ود مدني وانت تدخل بهذا السبق الصحفي الكبير .

حللت اهلا ونزلت سهلا متمنيا لك الأستمتاع والفائدة المتبادلة.



رغم ان الصور خارجية الا انها تنبئ عن ما هو بالداخل .

لم اري هذا المستشفي من الخارج اسوأ وانتن واعفن مما هو علية الآن.

وصدقني اخي عمر احمد ان عيادات الأطباء الذين درسوا في اوربا بنفس هذه النتانة.

انت قلت دي صور مستشفى ود مدني؟؟

ولاّ دي السلخانه :mad:

هل ما زالت الحمير داخل المستشفي اخي عمر احمد؟


والله الألفين الدفعتها دي غايظاني غيظ شديد.

مستوي المستشفي يعبر مستوي وزارة المستشفي.

كان لنا صديق يعمل طبيبا ولكنه يتاجر في الفحم باللوري من سنجة وسنار الي الخرطوم وكان لنا صديق يرفض ان يعطية ذاك الطبيب حقنة وذات مرة قال له صديق آخر شغلك في الفحم مكسب للطب.

فهل من الأفضل ان تتولي عملية العلاج شركات اجنبية وهي تتكفل بكل شئ ام ان الحكومة ستتاجر معها ضدنا.

الغريبة أنو تذكرة الدخول للفرد الواحد أغلى من تذكرة الدخول ( للمنتزه ) والسينما . :mad::mad:

استغلال غير انسانى .

شكرا للاخ حاتم مرزوق
اتمنى انو ناس المستشفى يخجلوا شوية وينضفو البلاوي دي هم مابشتغلوا الا بالفضايح المستشفى منتهى ولو ممكن القصة تصل الجرايد عشان ينضف تاني يوم والمواطن يتعالج في مكان نضيف
- الصور داخل حوش المستشفى وبجوار المخزن ربنا يستر مامعروف مخزنين شنو
والكارثة انو القصة ماوسخ وبس بواقي الدم مرمي في الارض يعني لمن يقولو في تتنس في المستشفى ولا في غيرو من الامراض من الاهمال الواضح ياخي مدير المستشفى لو ماعاجبو يمشي ويجي زول نضيف شوية وانا ماقاصد التجريح لاكن اذا الزول وسخان في مكان عملو معناها وسخان في بيتو وفي نفسه والنظافة من الايمان

الاخ عمر اهنيك علي البوست الخطييير دا ..
الملاحظ انو مستشفي ودمدني بقي استثماري بحت الهم الاول الماااال كيف يلمو اكبر قدر منه عن طريق التذاكر اضرب ليكم مثل بسيط في مستشفي النساء والتوليد كان بخارجو اي زول الصبااااااااااااح بدرييييييي بعد ما الشمس تطلع بحجة النظافة ونظافة العنابر لكن الهم الاكبر كان دخول نفس الناس الطلعوهم ديل وبي تذاكر جديدة .. سبحان الله وله في خلقه شئون ..

:mad::mad:

لاحولا ولا قوه الا بالله العلي العظيم

والمستشفى ما بنظفوها لا اكون في مسئول جاي زيارة

بكل اسف دا حال مستشفياتنا ومراكزنا الصحية
ولو في دعم بي عشره جنيه يمشي للكوره والنوادي الرياضيه
في حين انه المواطن بيموت في المستشفى من الوسخ والاهمال
اكتر من ما بيموت بالمرض
كان الله في العون

بدون تعليق...............
http://www.hammadi.com/wp-content/uploads/wppa/3.jpg

http://www.hammadi.com/wp-content/uploads/wppa/1.jpg

http://www.hammadi.com/wp-content/uploads/wppa/2.jpg
مستشفى الحمادي بالرياض... نموذج من عشراااااااات....

http://www.7ammil.com/upfiles/yCp03209.jpg
http://www.7ammil.com/upfiles/g5B03209.jpg

http://www.7ammil.com/upfiles/6En03209.jpg
http://www.7ammil.com/upfiles/q0003209.jpg

http://www.7ammil.com/upfiles/4OF03366.jpg
http://www.7ammil.com/upfiles/Xzu03366.jpg
http://www.7ammil.com/upfiles/BwN03366.jpg
http://www.7ammil.com/upfiles/eAL03366.jpg

http://www.7ammil.com/upfiles/4QE03529.jpg

الصورة دي ماشاء الله تبارك الله عيني باااردة شكلها في الخريف، الكرسي والعشب والحيط الحسن ....


لنا الله ............

http://www.7ammil.com/upfiles/kqF04029.jpg
قسم الانعاش 15/10/2007م


دي صراصير على الجدار في قسم الانعاش ... والمراوح ما مراوح ... والسراير ما سراير ....

قولوا ما شاء الله بس ...

ما شاء الله ..ما شاء الله ..التأمين الصحي ما شاء الله ....

الاخ عمر احمد

لك التحيه والشكر

اماكن العلاج يجب ان تعتمد على العلاج النفسى اى راحة نفس المريض اولا

ثم بعد ذلك التطبيب 0

نقترح للاخ نهرو ادخالهل فى برنامج نفرة أبناء ودمدنى من أجل مدينتهم 0

لا حول ولا قوة إلا بالله العلي العظيم
لك الله يا مواطم ولاي الجزيرة
و الله العظيم مجمع صحي جزيرة الفيل و مجمع صحي أبو سنون بمايو 40
أجمل بكثير جدا ً من هذه المناظر التي رأيتها الأن في هذه الصور
أيُعقل أن تكون هذه الصور لمستشفى ود مدني المدينة الثانية في السودان :(

اقتباس:

---

نقترح للاخ نهرو ادخالهل فى برنامج نفرة أبناء ودمدنى من أجل مدينتهم 0

---

.....................................

غايتو ياتيجاني & شبارقة بالغتوا في الصور دي



لك الله يامدني

لكن موضوع التذاكر دا مش قالوا انه تم تخفيضها ؟؟!!

الاخ عمر اجمل وانبل واعطر التحايا وانت تدخل علينا بهذا البوست والذى يدل على اصل معدنك وعشقك لهذه المدينة


وحقيقة اليوم قبل اكتب هذه الكلمات نما الى مسمعى خبر ونبأ خطير وفاة مريضة بالمستشفى نتيجة اهمال

والى ان اتيقن اوعدك بالكتابة انشاء الله

ياناس معقول!!!!!!!!!!!!!!!
مستشفى مدنى التأليمى بالنضافه دى كلها
معقول يكون عندو مدير طبى وبقبض راتب كمان؟؟؟؟؟
ولا ياربى شغال متطوع
ياحليلك يامدنى الماعندك وجيع

الاخ / عمر أشكرك جزيل الشكر علي هذا النقل الموجز والدليل المستندي علي

وضع مستشفي ودمدني التعليمي وهذه الصور تعبر عن مكان لتجمع القمامه


وللاسف الشديد ليس هنالك وجيع لهذه المدينه ومراقبة الدور الصحيه

اقتباس:

---

المشاركة الأصلية كتبت بواسطة moh_alnour

أيُعقل أن تكون هذه الصور لمستشفى ود مدني المدينة الثانية في السودان :(

---

عفواً أخي محمد نور المدينة الثالثة في السودان بعد الإحصاء السكاني الأخير لذا وجب التنويه؟!!

وحياتك علاقة صور مستشفي ودمدني والتحف الرائعه التانيه

زي علاقتي باللغة الصينيه ..

ماقادره اصدق انو ده كلوا في مشتشفي ودمدني والله الكوشه الجنب البيت انضفه منها بمليون مره ...

وبرضو تقولو لي ندي صوتنا لنفس الحكومة
يا جماعة اتقوا الله
ام هذه القذارة ليست مسئوليتها
ما تفهمونا يا الفهمانيين؟؟؟؟؟؟؟؟

نحن اصلو ماشين بالبركه.........والحاجه الغريبه منعو الاكياس قالو بتخل بصحة البئه........