عرض للطباعة
:eek::eek::eek::eek::eek:
العاقب شخصيا
والله مش نورت الكرسي بث - ياخي نورت البوستات الجمب الكرسي كلها -
- ما اني اول زول جيت - اهنيك - وارحب بيك اشد التراحيب
وجلسة هنية ان شاء الله
http://www.arabsyscard.com/pic/arbwelocm/13.gif
همسة : الترحيب كمان بالازرق - شفته كيف ؟
دا اليـــــــــــــــــــــــوم الدايرنه لك ياعقبه مبـــــــــــــروك عليك
افتشوك واسالوك ياعقبه مبــــــــــــــــــروك عليك
والعقبه لى مصباح اخوك ياعقبه مبروك عليك
لكن صدقنى يا العاقب ..سوف يكون هذا الكرسى
هذه االمر فال خير لكل احباب اللون الازرق
تعال ساى نحن من خلفك نحرر الدلوكه والنحاس
ونقطع لسان ناس الاصفر والاحمرتاكسى
فى انتظارك يا ابو الرجال العاقب مصباح
مرحبتين حبابك
http://rhmoni.jeeran.com/a5u11511zz3.gif
الحبيب الشفيف المبدع العاقب مصباح
الزول السمح ود الناس السمحين
يازول والله شوقنا لايوصف
والكرسى مزدان بوجودكم الميمون
نزلتم اهلا وحللتم اهلا وسهلا ويا نار كونى بردا وسلام على ابراهيم
اسى ماعندى سعال بس انت اتوهط واسعلنى من المويه البارده
العاقب شخصياً
ألف مرحب بحبيب الكل ود مصباح
الكرسى ده حا يكون غير
مدنا بالبطاقة عشان نجهز ليك اللازم
لالالالالالالالالا
ده يبقى كرسي الموسم:D
مفروض يقفلوهو مع رمضــان
عشان منه نصوم طوااااااااالي:p
حباب العاقب ود مصباح
حباب صاحب الخلطات العجيبه
كيوتو وما شابه:D
----------------------------------
يلا يا ولد جيب العجل ده بي جاي
ضيفنا يستاهل اكتر
http://up1.arb-up.com/files/arb-up-2009-8/anU23063.jpg
بالله بس بعدين يا ود مصباح ماتنسى تحاسب الجزار:p:p
كون انه العاقب يجي في التوقيت دا بالذات دي مقصودة
:mad::mad::mad::mad::mad::mad:
:mad::mad::mad::mad::mad::mad:
انت يالعاقب ماعارف كثافتنا براها مرفوعة
ياخ ماكان تعتذر عن الكرسي الساخن في الوقت الحاضر دا
غايتو بعد نفس كدا
مايرحب بيك هي قصدي ان شاء الله يرحب بيك
أنا جيت أدافع عن " عقبة " أي شنكبة عنكبة انا ود الصديق جاهزين :mad:
أمتثالا للمثل : أنا وابن عمي علي الغريب ,, ونحنا ابناء كنبة واحدة ;)
العاقب المصباح
اتفضل في انتظارك
والحنة جاهزة جهز العروس بس
ود مصباح 000
أمانا ما وقع ( صاحب ) 000
بعيدا عن الألوان 000
أحلي كرسي 000
يا أحلي قلم 000 وأخصب خيال 000
سؤال من النص لحدي ما ارجع للبداية 000
آخر مكالمة للسودان كانت لي منو 000
وعرفنا عليهو 000 هنا
والله يا العاقب ياصاحبي طار ليك سااااى
عشان كده هاااارب ما جيت لحدي الان
اها فتك بى عافيه
شيل شيلتك وانتظر الراجيك
ونعاين الشارع نلقاهوا
...............................
وينك يازول
الشاي في النار
..............................
متعافي انشاء الله وكلك خير
..............................
راجين جيتك
...............................
الفينا كتير
..............................
ماطولتا ....
اها سؤالي انا
لقيتا ولا لسة؟؟؟؟؟؟
الله ياخ دي بالغتو فيها اديكم العافيه
صبحى
انيق الحروف والدواخل
بسيط الاحاسيس .. عميق المعانى
سلااااام ياصاحب
بعد ماتتوهط لينا فى الكرسى
وتدينا اللازم
وانا بكتب ليك ساامع لى مقطع حنين جوه البوست
سودانى الجوه وجدااانى بريدو
انا بتذكرنى الدورااات المدرسية
يوم ان كانت فى ضخامتها الابداعية
صوت الفلوت ... والعود ... والكمنجة .. والنأى
وعلاقة هذه الاشياء بالغربة
وحتة تانية اقيف فيها بخيالك الخصيب
يـاما الـترقب طـال وزاد
والـزاد مـواعيد فى الخيال
والـليلة فـى درب السلامة
مـن الاسـى ولـيل المحال
ارتـحت مـن شوق الغمامة
الـيـاما عـانت ارتـحال
وانا ماجاييييك شايل افراح
تملا الكرسى
باجمل منية
معليش ياجماعه
العاقب لسه كرتو ماجاء
ديييييييييييييييييييييش أبو الزفت ذاتو ...
هاهاهاهاهاهاااااااااااي ...أنا أخوك أأأأأأأأأأأألعاقب ...
والله ما وقع ( ....) ذي ما قال أبقرجة ... :p:p
غايتو أبشر بالخير ... :cool:
التلج جاااااااااااااااااااااااااهز ... :eek:
أي سخانة ( أعمل لي مس كول ) طوالى برسل ليك لوح لوحين ...
حبابك ااااااااااالغالى ...ومنتظرين الكتييييييييير المثير .
ماشى مصنع التلج وبجيك راجع .
يا جماعة حنان بلوبلو دي لسه ما ظهرت ..............
عقبة في انتظار طلتك و الجماعة محضرين أقلامهم و معليش ( ماما جات على غفلة ) من باب ( السربرايز )
منتظرين يا عقبة
الزول الجميل
العاقب مصباح
تحيات لك يا صاحب ...
سعدت لانك هنا .. وشايف مقصات الحلاقين سنينة
صلعة ولا كيف .. ما تقولي كيف
تفضل عزيزي .. نحن ننتظرك
وقلمك لا يحتاج سوى التصفيق ..
حبيبي عقبة ..
دا اليوم الدايرانوا ليك ياعقبة مبروك عليك ..
ياخ حتزرزر .. زرزرة .. اعمل نايم بس ..
دا انا جايييييييييك مخصوص ..
قالو قعدوك في الكرسي .. عقبال العرس ياباير ..
الكرسي دا عايز انفضك فيهو نفض عديل لانو في حاجات كتيييييرة
عايزة تطلع في الكرسي دا ..
بكبها ليك كلها فد مرة وتاني ماراجع ليك ماتخاف ..
اها قول بسم الله ونبدأ :
اها كدي اول حاجة سوالي ..
العاقب ورحلة الانتقال من الحرقة لـقطر ..
كدي اتكلم لينا عن المرحلة دي .. و حيثياتها .. بالنسبة ليك ..
عقبة هو منو .. ماتقول لي انا ودمصباح ..وماتنسي تقول عمرك كم .. بالقديم ..؟
انت من ياتم .. ناس الكفر ولا الوتر .. ولا ناس البزنس...؟
انزل تحت ..
هل بتمارس رياضة كرة القدم ..؟
لو بتمارسها خانتك شنو.. ؟
اكيد حارس ..
ولو في رياضات تانيه بتمارسها قولا لينا ... ؟
فنان تعشقه حد الثماله ولاتمل اغانيه .. ؟
الدندنة .. العاقب بدندن بي شنو باستمرار ...؟
اين العاقب من اغاني الشباب ..؟
وهل هي بالفعل هابطه زي مابقولوا ..؟
حدثنا عن ايامك في المدارس الاوليه .. ؟
اتكلم عن المنتدي واحكي لنا عنه ..؟
الزكريات والصبابة..
عندك زكريات وصبابة .. ؟
عارف اجابتك طبعا .. طيب كلمنا عنها ..؟
اول مرة تحب فيها عمرك كان كم سنه .. اعترف...؟
بنحب من بلدنا ومابرة البلد ... الكلام دا رايك فيهو شنو ...؟
حب تنتهي صلاحيتو قبل الزواج ..تسميه شنو ..؟
وهل ممكن يكون هناك زواج ناجح بلا حب ..؟
بحبِك .. كم مرة قلتها بصدق .. ؟
وكم مرة قلتها خدعه لمصلحه ... ؟
واخر مرة قلتها متين ..؟
ولمن تقولها الان ومن هنا ...؟
الي اي حزب سياسي ينتمي المصباح ..؟
لو طلعت كوز غايتو ......؟
لو سمحت شويه كلمات لهؤلاء البشر ... :
الرئيس البشير ... ونائبه الاول ....
ناس المعارضة .. وخاصة العدل والمساواة ...( خليل وعبدو )
حسن الترابي ..
الاعلام السوداني .. عموما
رؤساء العرب ..
نظرتك لمستقبل السودان ...سياسيا .. اقتصاديا .. اجتماعيا .. وفنيا ..؟
شتّان مابين كوالالمبور والخرطوم .. صاح .. طيب وضح لينا ...؟
حدثنا عن :
الغربة .. ومعاها مطرا ...؟
وهل هي فعلا اصبحت كلام فارغ وبلافائدة ...؟
ومن كم سنه وانت متغرب .. ؟
وهل عندك نيّة الاستقرار النهائي في بلدك ... ؟
الشوق والحنين ..الي من تملأه التشاويق وباستمرار لاينقطع ... ؟
الناس وفاء وخوة صفاء .. الكلام دا لسه في ... ؟
بتذكرك يايمة وكت الناس يقولوا قايمين البلد ..ماذا انت قايل من هنا لست الكل ..
رحمها الله رحمة واسعة .. ؟
نصيحة خاصة منك لي انا شخصيا .. شنو ... ؟
الناس ديل برضو ماننساهم .. قول ليهم حاجة ..
ادارة المنتدي ..
المدير العام ..
المشرف العام ..
المراقب العام ..
الاعضاء ...
مشاققة :
الاسئلة دي كلها الرد عليها اجباري ماتقول لي كاني ماني ..
ودمت سعيدا ناجحا وموفقا ومحفوظا من كل شر ..
والله يعرس ليك ..
قول امين .....
الليله ووووووووووووووووووووووووووووب عليك
والله محقق بس خلي لينا سؤال واحد ياخ ده شنو قطعت نفس الراجل ده ياانتهاقتباس:
المشاركة الأصلية كتبت بواسطة هيثم ادروب
http://up.graaam.com/p15ic/d27fe47987.gif
وبنجيك بروااااااااااااقة :)
هلا ... هلا بصاحب القلم الرائع والاسلواب الارقى .....
العــــــــــــــــــــــــاقب نورت والله واتمنى ليك اقامـــة طيبة ...
اتفضل اقعد في الاول بعدين نبدء اسئله :D
http://www.9m.com/upfiles/Lq135384.jpg
هِوَآيآتِك,طُمُوحِك,وأحلآمِك ؟؟؟؟
ما هي ؟؟ وَ سَنَغُوصُ مَعَك في بَحرِ شَخصّيتِك عرفنا بها ؟
ما رأيك بالذي يضحي بنفسه من أجل الآخرين و هو على علم بأنهم لن يقدروه؟
متَى يكون نزفُ قَلَمك حزينآ ومتى يكونُ سعيدآ ؟
ولي عودة ............
مرحباً بود المصباح
شايف الجماعه سخنوا ليك
شد حيلك
وكان الله فى عونك
ياربى ده هيثم ادروب ولا
زاهر يس
ولا
عماد عبد الشكور
(الله يطراكم بالخير ويرد غيبتكم)
ولا انا ماشايف
ولا فى الحقيقه انت ياعقبه وين لى اسى ماظهرت
مرحبا بالعاقب ود المصباح الرجل الجميل في الكرسي الساخن
حللت اهلا ونزلت سهلا
هي فرصة لنا لنتعرف عليك عن قرب .
في انتظار قدومك الميمون.
هلا بود المصباح نور المنتدى
يا أخوانا أنتو ود المصباح دا حجزتوه و لا لسع أها دفعتوا العداد ولا لا
يا زول الحكاية شنو الناس نازلة أسئلة شمال و يمين و أنت لا حس ولا سمع و الله ليك حق هلالابى و تجمد سيدك و سيد بلد كمان عشان كدا يا عمدة براحتك تجى وقت ما تجى أن شاء بعد كورة يوم السبت و تكون منتشى بفوز أبو الهل زعيم البلد . مرحب بيك تانى يا عقبة
العاقب مصباح الزول الروعة لحظة تمنيناها لك منذ أمد أشرع سيفك و كلنا قلوب صاغية
همسة بالدارجي
الكرسي مبروك عليك تكسروا بي ململة العافية وش شمتان شديد:p:p
بسم الله الرحمن الرحيم
والصلاة والسلام على خير خلق الله
سيدنا محمد وعلى اله وصحبه ومن والاه
ثم اما بعد
معاكم تكون المشاوير انيقة
تجينا الورود والزهور بى رحيقها
وبيكم بيصبح حلمنا حقيقة
وتسرح غناوى الحروف فى الحديقة
فمنكم شيوخ الادب والمعانى
كدرويش وحافى مسكت الطريقة
لقيت الصداقة
ولقيت الاخوة
ونعم الشقيق ونعم الشقيقة
لكم محبتى سادتى
ولكم كرنفال كلماتى وهى تفرح بلقاءكم
وباالمسير خطا متوازيا معكم
اشقاء المنتدى
اولاد منتداى
وبنات منتداى
واعمام منتداى
واولاد منتداى (( دى كضبت فيها صح )):d:d
لكم انا شاكر لتلك المساحة من الحضور بينكم
اتمنى ان لا اسبب ولو شيئا من الضيق لأحد
وأن يكون الكرسى متكأ وظلا ورافا
لكم محبتى
ولمن هاتفنى فى هذا اليوم يبحث عنى
ولشخص آخر ((قطع قلبى))
هسع انا قلت ابقرجة ياخ
حبابكم الف فى داركم وبيتكم
الاخ العزيز .. الموتور الرشاش .. عقوبة
ان شاء الله الكرسي يكون بارد وما يتعبك
وداير اسألك سعال .. انت اي شي فيك رائع الخلاك تبقى رشاش شنو ؟
تبقي نفسك في مستوى الموتورات ديل ياخي خربتها عديل كده ..
ايويييييييييي يوووووووووووووي يووووووووووووووووووووووووووووووووووي
دا اليوم الدايرنو ليك يا العاقب مبروك عليك ياخ شيلوا يا بنات
ياخ انا الليلة فرحانة جنس فرح انسي بس:p:p:p
نرجو الاتصال بشرطة البحث الأسفيري للقبض على المتهم المذكور أعلاه للاستماع الى أقواله في التهمة الموجهة له ألا وهي:
الأبداع العمد مع سبق الإتقان والتعمق
يا ربى تهون القاسية
يا محمد النور التقول بتقدم فى الطيب صالح
سلامات ياخى
وممنون على الاستضافة البدون إذن دى
يعنى كان عملت مسكول ساى كان بتخسر شنو ياخ
العزابى ود النور
شاكرا جدا لكلماتك الجميلة فى حقى
والتى احسبها اكبر منى
ومن حدود العطاء الذى انثره هنا
اقتبست كلمات فى كتاب التخريج الذى تشرفت بكتابة مقدمته الى الان مستمرة فى عقلى (( تجيش المعانى بأعماقنا وتستجير الاحرف بالجمل وتمتد الكلمات إمتداد افق البصر ... لتعلن وبكل فرحة... معناقتى لكرسيكم الساخن شوقا... وأتلهف لسماع اسئلتكم... وأسال الله ان اكون على قدر ما تضعون من مساحة....
لك محبتى يا صديقى....
البطاقة الشخصية :-
المكتب ما فيهو اسكنر ياخ كان بصور ليك بطاقة الاقامة وفيها توقيع الكفيل كمان...
الإسم :- العاقب محمد العبيد مصباح...
الجنسية سودانى
اسكن قريب من حدود ما تشتهوا من محبة ... وما تودون من مودة... الحرقة شرق مدنى......
حاليا فى الدوحة قطر....
الحالة الإجتماعية عارفنها والحال بيغنى عن السؤال ياخ... ممكون وصابر والصبر جواى ممكون برضو....
الدراسة :- الحرقة الابتدائية... الحرقة الثانوية... جامعة السودان للعلوم والتكنولوجيا ... كلية الدراسات التجارية قسم التكاليف والمحاسبة الإدارية.....
ومن ديك وعيك ....
الوضع الإجتماعى :- فقير شديد (( دى جديدة عليكم صح ))....:d:d:d
تانى شنو .......
العمر بيد ربنا .... ما عايز اقوله عشان ما تقولو باير....
لو فى شئ ناقص كلمنى بقوله ليك
يا جماعة الراجل قاعد في ضل النيمله المرشوشه في السخانه دي ما هاميهو كان الكهرباء جات ولا قطعت طوالي تختوه في الكرسي الساخن ده وين لجنة لحقوق النفاج؟!
ما تخاف نحنا معاك
اقتباس:
المشاركة الأصلية كتبت بواسطة مايسة
مايسة
سلامات يا شقيقة
ياخى عندك عقاب حاجات خليتهن فى الكرسى لما كنتى هنا
عليك الله كان تجيبين معاك
حبة عصائر وحبة وردات وحبة بنات حلوات
يا نسيبتى والله انتى المنورة جد
وما نتحرم من طلتك ونورك الساطع فينا حد جهرنا
أى رحبى بالازرق ياخ ما تحرمينى من لونى المفضل المكبكبنى عديل كدا
تسلمى شديد يا مايسة
اقتباس:
المشاركة الأصلية كتبت بواسطة نزار حسن محمد
نزار حفيد الجد الكتل الاسد
ياخى من قولة مبروك مبروك عاينت لى يدى
قلت الحنة شالت ولا شنو
ما تخلعنا يا نزار اخوى
ما عارفنا على الهبشة
وكلمة مبروك دى ما بقولها الا للعرسان الجديد
يا رب اكون عريس جديد
وكمان فيها دلوكة
ياخى والله ما ناقص الا اسمع زغرودة وبعدها نغنى سوا
مشكور نزار شديد والله
على جيتك الحلوه
وعلى امنياتك الطاعمة
بفوز الهلال
على البطيخ
ويا رب تهون القاسية
تسلم للغاية اخوى نزار
اقتباس:
المشاركة الأصلية كتبت بواسطة المكاشفى
المكاشفى
صاحب القلب الابيض
ويا راقى شديد
سعيد انا بعودتك
وبالشوق الطامح حدادى مدادى
ومشتاق ليك يعلم الله
يا زول يا نقى
وفى انتظارك تكون متواجد معاى
ما انت روحنا وحبنا
سافرنا فى عينيك سنين
وقلوبنا بيك متجننة
شكرا اخوى مكاشفى
اقتباس:
المشاركة الأصلية كتبت بواسطة عوض صقير
ارضا حروف
ارضا كلام
ارضا لكل شئ دون قامتك النبيلة
املا جديدا قادما
فرحا جميلا
قوس قزح
مرحى بك اخى وصديقى عوض صقير
والبطاقة فوق تلقاها يا صاحبى
اقتباس:
المشاركة الأصلية كتبت بواسطة محمد حسين (المميز)
مميز
يا مصادم
ويا مقاوم
ويا اصيل
كلماتى دون كرمك
اسمح لى بأن اذبح بعض الحروف لك إن لم تستطع تذوق الخروف معى
والعجل دا خليهو لى العرس ياخ
يبقى ليك نقطة
وهنا شامه وهنا نقطة وبسكويت
سمح انت وبسكويت
حبابك يا مميز شديد
العاقب واثر الغربة في النفوس سلبا وايجابا دايرين تفصيل ممل