Waaw

ديباجة

"ذهلت تماما" :rolleyes:


القصة وما فيها .. جيت خاشي البيت في "ليلة البارحة" .. وطبعا كالعادة .. بجيب معااااااااي للبنات حلاوة .. كـ تعويض مادي عن الفقد الأبوي لمدة 10 ساعات يوميا ما عدا الويد اند ;)

أديت مشمش الحلاوة .. مسكتها كده في يدها ولأنها النوع البتحبو .. فاجأتني ليك بقولها "waaw

حقيقة أنا أنخلعت .. ويديني بردن

طوااااااااالي .. كوركت لـ أمها ... يااااااااامره البت دي بتجيب الكلام ده من وين ؟؟؟

طواااااااالي جاتني الإجابة : ما من التلفزيون وقنوات الاطفال المصاقراها اليوم كلو دي !!!

جزم .. كان مشمش بتي دي هناااااااك في السودان .. ودايره تعبر عن فرحتها بـ حاجه كان قالت لي "جد لي" ... ولا "أجش حال الحياه"

لأنو حبوباتها معاها وكل يوم ح تتعلم ليها كلمات ليست كالكلمات ... نوعية .. اللدايا .. والخرتايه .. ودلويا ملان .. والعشا أب لبن

وعليه قررت في إجتماع مع نفسي البت دي كل يوم أديها خمس كلمات سودانية .... تطلعها من شخصية الحنكوشات الدايره تخش فيها دي :mad:


لكن برضو

في كلمات كده الواحد ... بتكيف لااااااااامن يستخدمها حتى لو كان ما في محلها

الكاتب محمد عبد الماجد .. ضحكني جدا بمقال .. إنو في يوم من الأيام .. صحى من النوم بعد ما شاهد ليهو فلم أجبني .. البطل في نهاية الفلم ... دقش ليك الخائن بنيه وقال ليهو "وضعت القوانين لكي نخالفها" ;)

إحتار يقولها لـ بتاع الفول ،،، ولا بتاع اللحمه ،،، ولا بتاع الدفار

أي زول يخش هنا ... "مخسم" يخت لينا كلمه كلمتين

يا كلمه بتكيف لااااااااامن يقولها "حقت مثقفاتيه يعني"

ولا كلمة حقت حبوبات مع معناها .. عشان نعلمها لأولادنا

وهذا البوست يصب في إطار الإزدواجيه الفكرية .. للثقافات المستلبه .. وكدا :D

لقيتوني كيف بالله ؟؟؟

أرقدوا عااااااااااافية :cool:

المتفرد جدا جلالة


لك مني خالص التحايا

المشكلة ما في الناس البرة السودان
المشكلة في الناس الساكنين في البلد دي
اللسان اتعوج تب حرم وكان علي كلامنا القديم داك
تدي ربك العجب
تجتار تقول الناس دي ساكنين وين؟
الله يكون في العون

جلالة ........... مشتاقين يا ولدنا

لما ارد عليك بتعب شديد جدا" ...........يخي ده شنو ده

عموما مواضعيك بتخلي الواحد محتار في اختيار الكلمات وتوجيه المغزى

عموما انا من عشاق الفوضى والعشوائية وتذخر بلدنا بهذا النوع من طبيعة الحياة وهي الجوهر ............اتمنى ان لا نتطور خوفا من التشويه والفلهمة

قاماتنا سامقة تلامس السماء ولا نستحي او نخاف او نتواضع من قول ذلك

هي ياعثمان جلاله اجيش شى الحياة يايمه
وموضوع البنات لى حدهن
آجنا انت حى دنيا كدى وقاعد فوق البلد دى
التاكلو ينفعك ياعتمان ياولدى
يطيب خاترك ياولدى
دحين ياعتمان اخوى موضوعك ده بدور ابوعُلا
يمين الجنا يمترلك الخريته والقرقريبه والقيربانه
زى ماالخواجه قال
وزى ماقال الجنا علونى انتو معزورين ناس سعوديه
لكن ناس الحاج يوسف ديل البعزرهم منو؟؟؟؟
ناس لوووووووووووووووووووووووول
والله ياجلاله بجيك راجع بعد ما انحت الزاكره واشوف
باقى نحن زاتو خربنا
التمبلول لول لول

سجمي سجمي waaw دي حقت حناكيش؟؟؟؟!!!!
من الأسبوع الجاي إن شاءالله حأخليها, بشرط تديني كلمة بديلة وكدة:rolleyes:

تعرف جملة ( حال الحياة ) دي بسمعها من واحدة من معارفنا وما من حلتنا من حلة تانية نوعاً ما بعيدة من حلتنا, حقيقة عندها جمل حلوة بتقولها.
وحبوباتنا عايزات ليهم حبوبات يا أخوي!!!!:D:D:D

اقتباس:

---

المشاركة الأصلية كتبت بواسطة moram

!!!!



وحبوباتنا عايزات ليهم حبوبات يا أخوي!!!!:D:D:D

---

هههههههههههههههههههههه
والله دى حلوه يامرام يا اختى
فى الحقيقه امس مشيت زرت حبوبتى سوزان
لقيت معاها حبوبه نشوى وحبوبه شذا وحبوبه لولا
قالو طالعين يعملوا شد للتجاعيد
كع التمبلول لول لول

جلالة

يا اخوى لازم ترجع تب

العيال هربوا يا اخوى

مشمش اليوم قالت واااااااو بكرة ما معروف تقول ليك إكسكيوزمى يا بابى

هسع كان قاعد فى ام تريبات كان شالت البعرة وصررت الغنيمات وسخنت اللبن وجابت ليك الجمادة

اقعد عديها لى كدا واااااااو وبروفيشنال

ونقعد نحن فى حاو وتر

يا زول ارجع هوووى عشان بعدين الناس ما تقول جلالة دى معجن بناتو ساى

مشتاقين ياخ

والواو دليل الدهشة

ويظهر طولت ما جبت ليها النوع دا من الحلاوة

نحن جيلنا خلى ساى

غايتو اقل شئ البنية حتتكلم أوردو راسو عديل

فتك بى عافية

تحياتي جلالة..
أها النحكي ليك الحكاية دي
أول أمس جات مع بتي واحدة من صاحباتها..
(نحنا في السودان)
انا دايماً بحب أشتري حلاوة المولدمن مدني من ناس باردبس
عندهم السمسمية البلدي( العلف ) جميلة..
أها نرجع لقصتنا ..بنتي وصاحبتها جو داخلين البيت
في تربيزة السفرةكانت ترقد السمسمية..
وتفاجأت بالبنت تهتف..
أووووووو حشيشة..حشيشة
إندهشت طبعاً
قلت ليها يابتي حشيشة شنو؟؟

قالت لي دي مش إسمها حشيشة...

قلت ليها أيواااااااااااااااااا...
يابتي دي إسمها علف ........

.........................................
الحشيشة=العلف
غايتو...

اقتباس:

---

المشاركة الأصلية كتبت بواسطة خالد علونى

المتفرد جدا جلالة


لك مني خالص التحايا

المشكلة ما في الناس البرة السودان
المشكلة في الناس الساكنين في البلد دي
اللسان اتعوج تب حرم وكان علي كلامنا القديم داك
تدي ربك العجب
تجتار تقول الناس دي ساكنين وين؟
الله يكون في العون

---

والله يا علوني أخوي كان برضو في السودان !! ياهو دا حاااالكم .. كان كدي يا عشا البايتات القوى .. الرماده دي في خشيمنا :mad:

شفت يا علوني الدعايه بتاعت مشروب الشعير .. واااااااااااااو ... وفيها قرطعه كمااااااااان :confused::)

نورت البوست يا حبيب :rolleyes:

اقتباس:

---

المشاركة الأصلية كتبت بواسطة ود الجعلي

جلالة ........... مشتاقين يا ولدنا

لما ارد عليك بتعب شديد جدا" ...........يخي ده شنو ده

عموما مواضعيك بتخلي الواحد محتار في اختيار الكلمات وتوجيه المغزى

عموما انا من عشاق الفوضى والعشوائية وتذخر بلدنا بهذا النوع من طبيعة الحياة وهي الجوهر ............اتمنى ان لا نتطور خوفا من التشويه والفلهمة

قاماتنا سامقة تلامس السماء ولا نستحي او نخاف او نتواضع من قول ذلك

---

ود الجعلي يا حبيب ... الشوق بحر والله .. والله كل شي ولا الفلهمه ... أهلنا عندهم مقولة مشهورة .. الفلهمة العميا .. شيل البطارية في القمرا ... يعني ما ممكن تلقى أخوانك يتجادعوا بالدوبيبت والمسادير والنم ... تدخل فيهم بكلام زي .. معاااااك إتبرجت غيمة ورجع فاضي الكلام مليان .. في اللحظة ديك أكيد ح ينظرو ليك شذراً ... هههههههه

منتظرك تعود .. تحكي لينا حكايات من أيام الجامعة ... خصوصا مع ناس روقو والشمباتي ... في ذات السياق ياااخ ;)

waaaaaaaaaaaaaaaaaaaaaaaaaaaaw
ياجلاله وااااااو لى درجه شنو تعود بعد عشره يوم
انشاء الله خير
ولا دى خطه عشريه واجندتك لدخول المنتدى كل عشره يوم
عساكم طيبين انت والوليدات

تعرف دي طوالي تمشي دورة تدريبية للسودان
ان شاء الله لمدة ستة شهور وترجع ليك
جماعتي كانوا معذبني في الألعاب
شيء قطر وشيء طيارة ومرات ضفادع وحصان
اي حتى تتقلب عليها في السرير تلقى فيها لعبة
المهم مشوا هناك واندعكوا ليك مع الغبش
لحقتهم بعد كم شهر والله من الغبشة ماعرفتهم
والغريب لقيت واحد منهم عندو شوكة وفيها بعرة ومعاها ورق مقوى وفاكيها في الهواء
دا شنو ياولد
قال لي دي مروحة
علي بالطلاق هنا حجار بس مكملين القروش
اها ماشاء الله شوكة وبعرة وورقة والمروحة شغالة في أمان الله
قال قطر قال

اقتباس:

---

المشاركة الأصلية كتبت بواسطة الزونية

الحشيشة=العلف
غايتو...

---

الحشيشه = سجاره البنقو
الله يصلح الحال

اقتباس:

---

المشاركة الأصلية كتبت بواسطة المكاشفى

هههههههههههههههههههههه
والله دى حلوه يامرام يا اختى
فى الحقيقه امس مشيت زرت حبوبتى سوزان
لقيت معاها حبوبه نشوى وحبوبه شذا وحبوبه لولا
قالو طالعين يعملوا شد للتجاعيد
كع التمبلول لول لول

---

:rolleyes::rolleyes::rolleyes::rolleyes:
:D:D:D:D
تعرف دي حقيقة, يعني عندي حبوبات من الجيل الأول (بفرض نحن الجيل الثالث) لكن كلامهم ما زي اللي بسمعو من حبوبات وناس المناطق الأخرى القريبة وحتى البعيدة, يعني كلامهم عادي, حتى ولو دخل فيهو شيء من كلام حبوبات بيكون بسيط .
أما حبوباتك ناس سوزان ونشوى ديل بيرضوا يقولوا ليهم حبوبات؟؟
( الواحدة تقول لي حفيدها: ما تقول لي حبوبة عايزين تكبروني يا أولاد؟؟!!):D:D:confused:

كيف اصبحتو يا عتمان اخوي لمة في الحرم ان شاءالله

http://up4.m5zn.com/9bjndthcm6y53q1w.../b3pr4umgl.gif

اقتباس:

---

المشاركة الأصلية كتبت بواسطة المكاشفى

هي ياعثمان جلاله اجيش شى الحياة يايمه
وموضوع البنات لى حدهن
آجنا انت حى دنيا كدى وقاعد فوق البلد دى
التاكلو ينفعك ياعتمان ياولدى
يطيب خاترك ياولدى
دحين ياعتمان اخوى موضوعك ده بدور ابوعُلا
يمين الجنا يمترلك الخريته والقرقريبه والقيربانه
زى ماالخواجه قال
وزى ماقال الجنا علونى انتو معزورين ناس سعوديه
لكن ناس الحاج يوسف ديل البعزرهم منو؟؟؟؟
ناس لوووووووووووووووووووووووول
والله ياجلاله بجيك راجع بعد ما انحت الزاكره واشوف
باقى نحن زاتو خربنا
التمبلول لول لول

---

هههههههههه .. منور يا أبو عبد الله .. حياااااك الله .. اليومين ديل مع الحملات الانتخابيه دي .. ثقافة شفع السودان كلها من نوعية "حشد جماهيري" وكده

كنت بتكلم قبل يومين مع ود أخوي الصغير .. عمرو 6 سنوات .. قلت ليهو إنت مع منو ؟؟؟ قال لي .. لسه الناس في مرحلة الحشد الجماهيري والتعبئة الشاملة .. تصدق :rolleyes: لاااااااااامن عملت فيها الخط قطع خفت الجنى يمنطقني لاااااااامن أعرف حاااااااجه ... قسس يا حبيب :cool:

اقتباس:

---

المشاركة الأصلية كتبت بواسطة moram

سجمي سجمي waaw دي حقت حناكيش؟؟؟؟!!!!
من الأسبوع الجاي إن شاءالله حأخليها, بشرط تديني كلمة بديلة وكدة:rolleyes:

تعرف جملة ( حال الحياة ) دي بسمعها من واحدة من معارفنا وما من حلتنا من حلة تانية نوعاً ما بعيدة من حلتنا, حقيقة عندها جمل حلوة بتقولها.
وحبوباتنا عايزات ليهم حبوبات يا أخوي!!!!:D:D:D

---

يا دكتوره منوره ياااااااااااخ ... وأنتي أصلا حنكوشه .. رغم شغلك في مستشفى جماهيري ... واااااااااااو دي زيها زي سجمي :rolleyes: ...

هاااااك الجملة البديلة دي ... بدل يكون التعبير عن إعجابك بـ Waaw خليها

"التصم خشمك على حجر وحال" ;)

أها رايك شنو؟؟

اقتباس:

---

المشاركة الأصلية كتبت بواسطة المكاشفى

هههههههههههههههههههههه
والله دى حلوه يامرام يا اختى
فى الحقيقه امس مشيت زرت حبوبتى سوزان
لقيت معاها حبوبه نشوى وحبوبه شذا وحبوبه لولا
قالو طالعين يعملوا شد للتجاعيد
كع التمبلول لول لول

---

:):):):rolleyes::confused:;)

اقتباس:

---

المشاركة الأصلية كتبت بواسطة العاقب مصباح

جلالة

يا اخوى لازم ترجع تب

العيال هربوا يا اخوى

مشمش اليوم قالت واااااااو بكرة ما معروف تقول ليك إكسكيوزمى يا بابى

هسع كان قاعد فى ام تريبات كان شالت البعرة وصررت الغنيمات وسخنت اللبن وجابت ليك الجمادة

اقعد عديها لى كدا واااااااو وبروفيشنال

ونقعد نحن فى حاو وتر

يا زول ارجع هوووى عشان بعدين الناس ما تقول جلالة دى معجن بناتو ساى

مشتاقين ياخ

والواو دليل الدهشة

ويظهر طولت ما جبت ليها النوع دا من الحلاوة

نحن جيلنا خلى ساى

غايتو اقل شئ البنية حتتكلم أوردو راسو عديل

فتك بى عافية

---

العاقب أخوي .. مشتاقين والله

تعرف متعودة مشمش على "حجوه قبل النوم" ... أو حكاية قبل النوم .... وأنا دايما بحاول أحكي ليها حجا زمااااان ناس فاطمه السمحه والغول .. والحاجات دي ... يعني كل حكايه بتكون طويله جدا .. لأنو تفسير معاني الكلمات بياخد وقت .. زي "تقنت، قش، ود نفاش، التقوق قوق أنا كان أكلو .. التقوق قوق يرميني الله .. التقوق قوق في بير سعد الله :)

أمس القريبة في أثناء ما بحكي ليها في قصة "محمود الكذاب ... ناس هجم النمر :rolleyes:"

قالت لي : "يا بابا لقد خطرت لي فكرة" .... تصدق :confused:

إذا كان هي عمرها 4 سنوات .. بتقول لقد خطرت لي فكرة .. بعدين تقول لي شنو؟؟:(

أرجى الرااااااااجيك بس يا حبيب ;)

اقتباس:

---

المشاركة الأصلية كتبت بواسطة الزونية

تحياتي جلالة..
أها النحكي ليك الحكاية دي
أول أمس جات مع بتي واحدة من صاحباتها..
(نحنا في السودان)
انا دايماً بحب أشتري حلاوة المولدمن مدني من ناس باردبس
عندهم السمسمية البلدي( العلف ) جميلة..
أها نرجع لقصتنا ..بنتي وصاحبتها جو داخلين البيت
في تربيزة السفرةكانت ترقد السمسمية..
وتفاجأت بالبنت تهتف..
أووووووو حشيشة..حشيشة
إندهشت طبعاً
قلت ليها يابتي حشيشة شنو؟؟

قالت لي دي مش إسمها حشيشة...

قلت ليها أيواااااااااااااااااا...
يابتي دي إسمها علف ........

.........................................
الحشيشة=العلف
غايتو...

---

والله يا الزونيه أختي .. شهيتينا السمسميه البلدية :rolleyes:

ويسألني الله أول مره أعرف حشيشة = علف ــــ نحنا بنقول ليهو القش ;)

وحشيشه دي ودتني حته تانية

المهم

أها كتر خيرك أديتينا معلومة جديدة .... وربنا يحفظ ليك أولادك كلهم

وكان في طريقة ..رسلي لينا حبة سمسميه بلدية:D

اقتباس:

---

المشاركة الأصلية كتبت بواسطة المكاشفى

waaaaaaaaaaaaaaaaaaaaaaaaaaaaw
ياجلاله وااااااو لى درجه شنو تعود بعد عشره يوم
انشاء الله خير
ولا دى خطه عشريه واجندتك لدخول المنتدى كل عشره يوم
عساكم طيبين انت والوليدات

---

كتر خيرك يا أبو عبد الله على السؤال ... لي عشره يوم او يزيد بفتش لي في سكن جنب الشغل ... يكون مناسب حجما وسعرا وكده .. مخسوس اخدت للموضوع دا إجازة ... عليك أمان الله لى يوم الليلة في حااااااااو وتر:mad:

اقتباس:

---

المشاركة الأصلية كتبت بواسطة أبوحراز

تعرف دي طوالي تمشي دورة تدريبية للسودان
ان شاء الله لمدة ستة شهور وترجع ليك
جماعتي كانوا معذبني في الألعاب
شيء قطر وشيء طيارة ومرات ضفادع وحصان
اي حتى تتقلب عليها في السرير تلقى فيها لعبة
المهم مشوا هناك واندعكوا ليك مع الغبش
لحقتهم بعد كم شهر والله من الغبشة ماعرفتهم
والغريب لقيت واحد منهم عندو شوكة وفيها بعرة ومعاها ورق مقوى وفاكيها في الهواء
دا شنو ياولد
قال لي دي مروحة
علي بالطلاق هنا حجار بس مكملين القروش
اها ماشاء الله شوكة وبعرة وورقة والمروحة شغالة في أمان الله
قال قطر قال

---

:):)

حبيبنا أبو حراز .. أولا بركه الشفناك طيب .. وكيف الأهل جميعا؟

وفكرتك ممتازة وجديرة بالتنفيذ والله ... :rolleyes:

وإحتمال كبير البت دي تجيني بتعرف حتى "المشاط" :)

كتر خيرك ع المرور .. ودايما منور كل البوستات ... يا سيد الناس

اقتباس:

---

المشاركة الأصلية كتبت بواسطة ابوالنور

كيف اصبحتو يا عتمان اخوي لمة في الحرم ان شاءالله

http://up4.m5zn.com/9bjndthcm6y53q1w.../b3pr4umgl.gif

---

منور والله يا حبيب

حلاااااااااااااااتن يا أبو النور إن شاء الله بنياتك يا ود عمي قول آآآآمين :)

اقتباس:

---

المشاركة الأصلية كتبت بواسطة عثمان جلالة

والله يا الزونيه أختي .. شهيتينا السمسميه البلدية :rolleyes:
ويسألني الله أول مره أعرف حشيشة = علف ــــ نحنا بنقول ليهو القش ;)
وحشيشه دي ودتني حته تانية المهم
أها كتر خيرك أديتينا معلومة جديدة .... وربنا يحفظ ليك أولادك كلهم
وكان في طريقة ..رسلي لينا حبة سمسميه بلدية:D

---

غايتو الحمد لله ما استعجلت وقلت انا زاتي ما بعرفها
كان تقولوا حنكوش وكدا
حشيشة شنو
نحنا الحشيش البنعرفوا دا طوااالي السجن
والنظام العام WaaaaaaW
بالله الحشيشة عندكم حلاوة وسمسمية كمان
بختكم يا البتحلوا بالحشيشة
ويا جلالة لو رسلوا ليك ادينا معاك نفس وكدا

اقتباس:

---

والغريب لقيت واحد منهم عندو شوكة وفيها بعرة ومعاها ورق مقوى وفاكيها في الهواء
دا شنو ياولد
قال لي دي مروحة
علي بالطلاق هنا حجار بس مكملين القروش
اها ماشاء الله شوكة وبعرة وورقة والمروحة شغالة في أمان الله

---

يا ابو حراز يعني زي ما قالوا الجماعة
نلعب من مما نصنع وكدا ياها زاتها

اقتباس:

---

المشاركة الأصلية كتبت بواسطة عثمان جلالة

والله يا الزونيه أختي .. شهيتينا السمسميه البلدية :rolleyes:

ويسألني الله أول مره أعرف حشيشة = علف ــــ نحنا بنقول ليهو القش ;)

وحشيشه دي ودتني حته تانية

المهم

أها كتر خيرك أديتينا معلومة جديدة .... وربنا يحفظ ليك أولادك كلهم

وكان في طريقة ..رسلي لينا حبة سمسميه بلدية:D

---

..


جلالة مالكم انت وعصمت؟؟

السمسمية البلدية إسما علف...

البت..ماعارفةكلمة علف..
قالت الله... حشيشة....
يعني بالنسبة للبت العلف والحشيشة واحد...

[QUOTE=esmat;479894]غايتو الحمد لله ما استعجلت وقلت انا زاتي ما بعرفها
كان تقولوا حنكوش وكدا
حشيشة شنو
نحنا الحشيش البنعرفوا دا طوااالي السجن
والنظام العام WaaaaaaW
بالله الحشيشة عندكم حلاوة وسمسمية كمان
بختكم يا البتحلوا بالحشيشة
ويا جلالة لو رسلوا ليك ادينا معاك نفس وكدا ..

ياعصمت
السمسمية البلدية إسما علف..علف علف....

يازول حشيشةشنو؟؟؟
الحشيشة دي قالتها البت ...
غايتو عالم!!!!!!

وبعدين مابتعرف العلف؟؟؟
كان ماناس باردبس في مايو!!!!
واااااااااااااااااااااااااااااو
waaaaaaaaaaaw

اقتباس:

---

المشاركة الأصلية كتبت بواسطة moram

:rolleyes::rolleyes::rolleyes::rolleyes:
:D:D:D:D
.
أما حبوباتك ناس سوزان ونشوى ديل بيرضوا يقولوا ليهم حبوبات؟؟
( الواحدة تقول لي حفيدها: ما تقول لي حبوبة عايزين تكبروني يا أولاد؟؟!!):D:D:confused:

---

يرضى منو يابتى هى كان لاحقه امات طه بتشوف رقبتها مادلين طبر
بقولو ليها ماما وهى تقول لهم ياحفيدى العزيز
والله جنس مسخره
تعيش كتير تشوف كتير
وياحليل ناس ... دفعتلك
قالتلك كم!!!!!

اقتباس:

---

المشاركة الأصلية كتبت بواسطة عثمان جلالة

كتر خيرك يا أبو عبد الله على السؤال ... لي عشره يوم او يزيد بفتش لي في سكن جنب الشغل ... يكون مناسب حجما وسعرا وكده .. مخسوس اخدت للموضوع دا إجازة ... عليك أمان الله لى يوم الليلة في حااااااااو وتر:mad:

---

ربنا يجمع ليك بخير يالحبيب
وتلقاها خدره ومخدره شقيش ماقبلت
ياعتمان ياولدى

أسمت يا حبيب ... تشرفت بتزيينك البوست ... ووصيتك في البال:rolleyes:

لكن لو ... الكميه بسيطه .. خت لـ أخوك العذر برضو :)

الزونيه : كتر خيرك ع التوضيح ..... ربنا يحفظ ليك أولادك جميعا .. ودايما تامين ولامين


المكاشفي : شكرا على دعواتك الكريمه ... يعلم الله زي دعوات حبوبتي .. ربنا يجيب الـ فيهو الخير


مرااااااااااااام : يا حنكوشه .. في أول زياره ح أتشرف بالجلوس مع حبوباتك ديل "الله يحفظن":)