شهر شهرين وابو العلاعل فى السجن والحال فى حاله ، والمغتربين حالفين يمين ما عندهم ليه حاجة وناس هناى وهناية جرى وطيران وراء الاجاويد
ياعم محجوب الحقنا انشاء بى فكى وداد ، اسمعو ياجماعى زولكم دا زى ماقال
براى سويت فى نفسى ، والتسوى كريت تلقى فى جلد ،
ابو الثعالب ياخوانا دا سوق وانا اذا خليت حقى واديتكم الشيك بخش انا بدلو وانتو عارفين الايام دى مافى شغل والعيش دقتو المطرة ما جايب حقو انتو اذا عاوزين الزول دا يطلع من السجن جيبو لى قروشى ،
وابو العلاعل فى السجن مع الجماعة التماسيح الكبار واخر بسط وامبساطة واخر شواش (شية ضان بالطريق الصاح) وضبائح ولا تقول لى كبدة ابل ولا امفتفت بتاع عمك محجوب ومبسوطين يهظرو ويضحكوا وابو العلاعل ماسك ركن واخر دبرسه وهترشة انا هسه اعمل شنو براى سويت فى نفسى هسه زمان المهترش ما قال البلعب مع الكدايس بخربشنو انا زاتى كان مالى ومال الشيكات والبنوك ، الله يجازى الكان السبب ،( الله يغربلك يا عروة ) وانا كمان عامل حريف مشيت لى ابو الثعالب وكل التماسيح حذرونى منو هسه دا ما جن الواحد يشيل اصبعوا يقدبيو عينو ، واحد من التماسيح : يا اخوان ما شوف الزول البهضرب دا جيبو يتم الطربيزا
يا اخين انت مما جيت ماسك الركن دا ونحن محتاجين ليك هسه تعال تم الطربيزا دى، يا جماعة خلونى فى حالى ، يا اخى انت مما جيت خالنك فى حالك مافى زول سألك خشيت بى شنو ولا بى كم وهسة دى نحن محتاجين زول يتم لينا طربيزة الحريق دى وانت عارف العشارى الكان تامينا طلع امس انت تم لينا الطربيزا لحدى مايجى ، خلاص يا اخوان عشان انتو زملاء انا بلعب معاكم عشرة واحدة فى اليوم لحدى ما يجى العشارى ، التوزيع عنمنو عند الورل
وزع يا ورل ..، الاسكور كم ، انت يا ابو العلاعل 49 ، وزعو نشوف اخر ه، خمسيييييييين ، ياورل انت دايما فاضحنا فى السوق وفى الكوشتينا هسه السباعى يجرك خمسيين ، دا مالو قام ، يا ابو العلاعل مالك قمت ، ما حرقت ، هههههههه ، انت ماشى وين ، هنا الحريق الف قدر شيكات الورل ، تعال العب ، نلعب نسوى شنو ،يا ابو العلاعل قايتو لو سوقك زى كوشتينتك كان مرقت ما اظن تجينا تانى ،ماقلت لينا الجابك شنو ، شيك عند واحد اسمو ابو الثعالب ونقنقنق...، هسه دى مشكلتك بكرة نخارج ونجيبو هنا يلعب بدلك ، يا حضرت الصول دقيقه موبايلك ،
الووو يا عشارى اسمع فى سوق العيش فى واحد حريف بتاع حريق عاوزنو هنا معانا اسمو ابو الثعالب ،ما مشكلة تامروااا يا تماسيح ،
السلام عليكم كيف الحال ، بنسال من ابو الثعالب ، مرحب حبابكم ، انا هناى اكبر تجار القضارف وسمعت قالوا عندك عيش ، ايو ، دايرين كم شوال ، اقول ليك انا هناى اكبر تجار القضارف تقول لى عوزين كم شوال ، انت عندك كم عندى 5000 قنطار ، اشترينا ، انتو سعرى ما عرفتو تقول اشترينا ، يا زول ما قلنا ليك اشترينا كم قروشك ، 570 مليون ، يا ولد جيب القروش من العربية ، هاك يا ابو الثعالب قروشك وادينا عيشنا .
دا الشغل ولا بلاش وحد يجيك عندو كاش بالشوالات ، انا تانى بس شغل زى دا ولا ما عاوز ، هسه قروشى الكتير دى انا اعمل بيها شنو ، السلام عليكم مرحبا ، بنسأل من ابو الثعالب ، وصلتو ، انا هناى اكبر تجار تندلتى وعندى عيش عاوز ابيعو قالو لي اشوفك امكن تشترى ، السلام عليكم يا ابو الثعالب ، نحن جمعن نص المبلغ وعاوزين تفك لينا ابو العلاعل ، يا جماعة انا قلت المبلغ كلو ، حنسك حنسك حنسك ، يا جماعه انا عندى شغل ، اكبر تجار تندلتى اسمعوا يا جماعة زولكم د ا شيكو كم ، هاك قروشك يا ابو الثعالب وفك ليهو ولدم وافضى لى عشان نتفق ، سعركم كم
نحن ما عندنا مشكلة فى السعر بس مشكلتنا فى الكمية عاوزين نبيع الكمية كلها ، عندنا 15000 قنطار ، بس دى انا ما عندى قروشه كلها حاضر ، تدفع كم حاضر ، بديكم حق 5000حاضر والباقى شيكات ، مافى مشكلة ، لكن اول شيك بعد اسبوعين تمام ، طيب مع السلامة ،
الوو ، كيف يا تماسيح والسجن وانا مافى ، تمام بس صاحبك الماسك الركن كرهنا الكوشتينا ، ما مشكلة بكرة بتخارج وبعد اسبوعين جايب ليكم ابو الثعالب .
