عرض للطباعة
مساء الخير عليكم جميعا
يااخوانا خلونا نتكلم بصراحة كدا
والله انا ( وصلت حدي وصبري فات حدود الصبر زاتو )
يااخوانا انا اتغربت واتبهدلت وانتوا السبب
ايوا انتوا السبب
عايزين تعرفوا الحاصل شنو بالضبط ؟
جيبوا لي (كبيركم الذي علمكم السحر اولا )
ايوا انا عايزة (admin) شخصيا
بعدين نتفاهم
التوقيع : زولة بتتكلم جد والله العظيم
أم محمد
الحاصل شنو؟
يا أدمن
تعال سريييييييييييييييييييييييييييييييييييييييييييييييي يييييييييييييييع
اها نعم انا جيت ..
دقيقة النركب مكنة ابوبكر ..
عندي احساس انو الموضوع فيهو كاميرا خفية ..
واحساس الزول مرات بيظلم .. !
لكن غربة .. وبهدلة ..
ونحن السبب !
الموضوع شنو يال ملكة ..
الليلة .. شكلها كبيرة جد !
السلاااااااااااااااااااااام عليكم ورحمة الله تعالي وبركاته
اللهم اجعلو خير .. لكن احتياطيا كدا المسؤولة من الموضوع دا مدنية
بصرااااحـــه بصرااااحـــه بصرااااحـــه
وتاني
صــراااحــه صــراااحــه صــراااحــه
جابني الشمـــار
وهدا الادمن جا والدقايق فاتت
والزول ده دقايقو بالدولاااار
بالله استعجلي لينـــا هااااااااتي ماعندك:cool:
ااااادمناقتباس:
المشاركة الأصلية كتبت بواسطة admin
ماخيبت ظني فيك والله
ياوالدي العزيز
انا عضوة عادية جدا في ودمدني منذ شهر مايو 2008
اتولدت هنا
بقصد اني من يوم ماحبيت اكتب على الملاء كتبت هنا
والحمد لله استمريت بفضل تشجيعكم وتشجيع الاعضاء رغم الخرمجات البعملها احيانا كثيرة
المهم وانت والاعضاء كاسرتي الكبيرة الاولى استحملتوني جدا وماقصرتوا ابدا ابدا
وجاء يوم لونه كحلي طفش الباكب بتاع المنتدى
وقلنا ماشي
وقمتوا رجعتوا لينا المفقودات وقلنا شكرا
المهم كبرت العضوة العادية وبقت (مخضرمة) حيث انها واكبت ماقبل الميلاد (بقصد قبل طفشان الباكب) لكن وللاسف الشديد لقيتكم غيرتوا لي ديكور غرفتي( بقصد المنتدى كله )
بصراحة غلبني (آتاقلم) معاه نهائيا كدا
وإتشردت واتغربت ولقيت نفسي لافة في شوارع الاسفير حيث انه لم (يروق )لي الاستايل الجديد وماااااااااف زول يقول لي غيري المستعرض (عشان والله غلبت حيلة معاه) وماف طريقة ماجربتها لكن ماف أمل
بالواضح والصريح كدا (انا اشتقت لبيتي الكبير)
ويعلم الله ماقدرت استمر في اي مكان جديد لاني حاسة بعدم (انتماء)
وحاليا انا مصابة بحالة فقدان شهية كتابة لدرجة الاكتئاب
الله يرضى عليك يا admin شوف لي حل للمشكلة دي قبل اخش في مرحلة صمت القلم الدائم ( والله عندي اعراض الحالة دي )
لذلك كتبت اليوم هذا الموضوع عشان تلحقوني قبل الحالة تستفحل وتستعصي وتبقوا اتلومتوا فيني
همسة: مدنية عزيزة وغالية لكني واثقة ان الحل عندك انت يا admin
اتخيلي انا الموضوع دا ذاتو مزهجني
والاستايلات الموجودة حاليا والموجودة حتى في سوق الاستايلات ماعاجباني
اها تم النقاش حول الموضوع على مستوى مجلس الادارة الجديد .. وانا والسيد نائب رئيس مجلس الادارة اتصلنا بالفعل بشركتين متخصصات في اعمال تصميم المنتديات وحصلنا على العروض اللازمة منهما .. والان في مداولات مع الشركة الثالثة .. والشركات دي كلها كبيرة ومتخصصة لدرجة كبيرة .. والاتفاق ان يتم عمل تصميم خاص بمنتدي ودمدني الحالي مع ترقيته للجيل الاحدث .. وحل كل المشاكل الموجودة حاليا .. وتفاصيل اخرى كلها تعني بتقديم ماهو افضل .. وانتهز هذه السانحة وارحب بكافة مقترحات الاعضاء باسماء اي شركات متخصصة في هذا المجال حتى يتم النقاش معاها والوصول الى افضل التصاميم.
ما في وقت محدد لانجاز المهمه .. لكن على الاقل اتوقع ان تبدا العملية في موعد اقصاه الاول من يونيو القادم ان شاءالله
وعلى فكرة الموضوع مكلف جدا ولربما تقم الادارة المالية بطلب تبرعات من الاعضاء لتغطيه هذه النفقات .. لكن الامر لم يتم البت فيه بعد من قبل مجلس الادارة
** يعني الموضوع دا مسؤول من نائب رئيس مجلس الادارة السيد ابوزيد بالانجليزي ما مدنية عشان ما تجي تدور فيني من الصباح هههههههههه
جلالة الملكة المتوجه إختيارا على قلوبنا
سلمت يداك فقد تحدثت نيابة عن معظم الأعضاء
فعلا إستايل قبيح و غير مواكب ويسد النفس فعلا..
مع إحتراماتي لأخونا الأصغر (( بكري )) إلا أن رده
غير مشجع .......
قولوا تبرعات نقول آآآمين ... لكن مسألة الإستايلات
الفي سوق ما بتعجب دي ما منطقية ....
نحن في عصر أصبحت فيه الخيارات بالملايين وتحتاج فقط
عدد واحد كليك .
ولكم العتبى
السادة الكرام
تحياتي
كنت في الأول داير اخش خشة بتاعت زول فاكر إنو الموضوع فيه كاميرا خفية
ليكن قلت أشوف الحاصل شنو في الأول
كدي جربوا معاي دي وإن شاء الله بتكون معاكم أوكي
ولو ما جات زي ما عايزين قلولوا علوني قال
متصفح أوبرا
http://www.opera.com/download/get.pl...=true&sub=true
بعد كدا تختار الاسلامي أو القلب النابض
وما فيه لحدي اللحظة دي مشاكل
لكين القديم جميل والله
يا حليل مدني زمان
رجعونا لي القديم يا جماعة
يا جماعة والله ما وقوفاً مع ابوبكر ولا شي .. ولاني مكتوي بالمسالة دي في منتدى اخر كلفنا بإدارته سأقدم هذه الشهادة فعلاً سوق الاستايلات مافيه اي ستايلات تشجع يعني الملح مافي ليهو طريقة خالص .. سواء ان كان هذا على مستوى المنتديات اصدار 4.06 (الجيل الرابع) او المنتديات اصدار 3.8.4 او اي من الاصدارات الاخرى كل الاستايلات (غبية) ولابد من تصميم ستايل خاص بالمنتدى سبشل ستايل وانا عن نفسي اجدها مضطرة اي النفس لاستخدام الديفولت (ودمدني الافتراضي) رغم انه علة في الخطوط بالذات الخط الديفولت ويجبرك على تغيير الاحجام وانواع الخطوط عشان تطمن ان مشاركتك واضحة ومرئية لبقية الاعضاء زي ناس ود الجزولي وناس النظارات ديلك
ملكة يااااخ خلعتينا .. هسة أنا قلت الموضوع كبير اكبر من كيلو
يعني هسي انا في رايكم بصبر الوقت دا كله
يااخوانا صدقوني انا جاتني حالة اكتئاب
قسما بالله حاليا عندي قريب العشرة منتديات باعتباري عضوة فيهم لكن يشهد الله ولا واحد احتل بداخلي مساحة تعينني على البوح والكتابة بكل راحة
مع العلم بانهم بستخدموا استايلات بتشتغل عندي 100% وجائز تكون حديثة ومواكبة ( تبقى المشكلة وين؟)
ماعارفة ليه مابقدر انداح واكتب بمزاج الا هنا
يمكن لان هذا المنتدى هو مسقط راس قلمي واول كتاباتي للعلن
همسة: يا admin خاطبتك بصورة شخصية واسعدتني سرعة تداخلك واجابتك
مع احترامي للجميع انا اطالب باعادة الاستايلات القديمة في حال ماكان في استايل مناسب لينا كلنا( وبلاش نلاحق تطور الاستايلات وفي المقابل نفقد الاعضاء الفقدوا شهية الكتابة بسبب تعقيد الاستايلات الحديثة )
على فكرة ( ماتفكروا في الاعضاءالخبرة في الحاسب والانترنت بل فكروا في الاعضاء الجائز جدا يكونوا مابفهموا في صناديق الكتابة والية الاقتباس واظنهم مع تعقيد الاستايل فضلوا ماينحرجوا قدامنا وقعدوا يتفرجوا بس)
كدي هسي اسئلوا نفسكم ( اين غالبية الاقلام التي تتضح معالم عشقهم لهذا المكان من خلال تواجدهم الشبه دائم في وقت سابق؟؟)
التوقيع: قلم يحتضر
زماان في حكايه كدي عجبتني ..
يحكي قديما ان هناك كنز قيم جدا في مكان بعيد جدا ..
فقرر احد بان يصل الي هذا الكنز ..
وبد سفر طويل ورحله شاقه جدا..
وصل الي الكنز ..
لم يجد شي ..
فسال رجل حكيم اين الكنز هنا ..
فقال له الكنز في الرحله ..
مع اناس احببتهم بصدق
وساعدوك من غير طمع في الكنز او حتي يقاسموك ..
لذلك يا بت اخوي من وجه نظري كده ..
الحكايه في لمه الناس وحبهم لينا حتي لو اتملينا في كوشه انا شايف احسن من عدمو ..
مجرد راي ...
هيع والله يا التوم ما عرفتكـــ :)
معاك حق نشجب ونستنكر
وانا شكيت وبكيت
عشان الاقى طريقه اخش المنتدى
وفى النهايه خشيت الايميل
عشان الاقى رساله قديمه
اخش بيها وهو الحال حتى الان
اقتباس:
المشاركة الأصلية كتبت بواسطة التيمان
هههههههههههه
لكن(الكوش) انواع يا انتوا
والله ياتوماس انا فعلا بحب ناس ودمدني ولمتهم الحلوة لكن اللمة دي ناقصاها حاجة بتساعدني كتير في الكتابة وهي صندوق الحوار الممكن جدا يساعدني في التعبير وتنسيق الكلام بشكل جميل
احترامي قائم دوماً لكل من كتب وسيكتب هنا بإذن الله
بس يا جماعة ويا أهلنا عاوز أقول كلام يعبر عن رائي الخاص
الاستايلات الموجودة حالياً دي عيبها شنو بكل أمانة يا شباب ؟؟
بقليل من التدبير ممكن توصل لينا الفكرة وبالنقر على الانتقال إلى
الموضع المتطور ممكن يتم أجمل وأحسن اخارج فني للموضوع ..
دي نقطة فنية بسيطة جداً وانا على تمام اليقين بأن الجميع يستطيع ذلك
النقطة الأهم ومرمى الهدف أنا بقرأ للجميع هنا بقصد كتاباتهم في نفسها
يعني ما بعني لي الشيء الكثير التلوين والإخراج الفني الجميل المنمــق
يكفيني أنا تلامس حروفكم نفسي وتحرك في هذا الساكن حنى انداح
واترنم على شجى الحرف الندي ... يعني أنت وحرفك الهدف
ولا مانع من بعض الجماليات الموجودة هنا فهي تكفي
وأنا على استعداد لاصل معكم لشاطيء الأمان
واستطيع الدخول على أجهزتكم طبعاً
بعد السماح والإذن منكم لنعالج ذلك
مرة ثانية احترامي قائم للجميع
وما عاوزين نضيع الموجود
حتى تحل المشكلة جذرياً
تقديري واحترامي ...
اتمنى أن يُـفهم كلامي كما هو ويفسر كأنه نقد بس أو رد للكاتب...
اسي إنتَ يا ابو مازناقتباس:
المشاركة الأصلية كتبت بواسطة abomazeen
كيفن بتنسق مشاركتك بالشكل دا
اعتقد انها طالعة شكلها ( كمثرا :)) ( صاااح :confused::D )
اقتباس:
المشاركة الأصلية كتبت بواسطة بت أم درمان
بــتــــو .. تسلمي على مرورك وتعليق المدهش ده
تعرفي الحكاية بسيطة وصدقيني الاستايلات الموجودة
دي ممكـن تعملي فيها أكثر من حاجة وشكل - كلو ممكن
عليك الله يضيع التعب ولا يضيع الشكل والتنميق ...؟
عارفه يا بـتـو ممكن أكتب اسمك في شكل مشاركة
استاذي الغالي : ابو مازناقتباس:
المشاركة الأصلية كتبت بواسطة الملكة أسماء (ام محمد)
لو رجعت لمشاركتي السابقة جائز جدا تعرف اني لست خبرة في الاستايلات
على فكرة لو تابعت كتاباتي فانا انسانة ارتجالية جدا وماعندي وقت افهم فيه الاستايلات وكيفية الاستفادة منها
لاني في لحظة ممكن اخش المنتدى بفكرة جميلة ولكن لان الستايلات معقدة ممكن جدا انسى الفكرة واتخارج
ومين سمعك يا عمو ؟اقتباس:
المشاركة الأصلية كتبت بواسطة mahagoub
همسة : اها يا جماعة وصلنا لشنو ؟
يا أدمن الحاصل شنو ؟؟؟
اكتر من ساعة انا باحاول انزل موضوع في التراث ..
ولكن (ستين ابدين) رفض ...
في حاجات كتير بتحصل
الملكة لك التحية ولك التجلة والتقدير ، اضم صوتي الى صوتك واناشد الجميع في التعاون والمساهمة في الوصول الى ما تصبو له الملكة فقد تكون هنالك مشكلة فعلا يجب حلها وتدارك عدم تكرارها وكما ترون في توقيعها
"لاتشكو للناس جرحاً انت صاحبه
لا يؤلم الجرح الا من به الم " "
فلو لم تكتوِ جدا ما اشتكت" فالجميع يعرف مقدراتها في التجويد والتجلي في خلق الأفكار وتطويع القلم لتسطر كل دواخلها وتلونه بالبنفسج وتخرجه لنا طازجا له النكهة المعروفة عن الملكة فاتوقع من الجميع تذليل هذه العقبة لتعود البهجة ونسوح جميعا طربا في حقول الملكة الخضراء المعطاءة .
أما من جانبي أجد ما قاله الاخ والصديق الغالي ناصر ابومازن ينطبق عليَّ تماما .... ولكني ايضا اعاني من كثرة تكرار الرسالة " Log in " باستمرار ولا يمكنني التصفح الا بعد تسجيل الدخول ولا مانع عندي من تسجيل الدخول ولكن هناك من يحاول الاطلاع على المنتدى ليقتنع بما فيه من كتاب وكتابات ليقرر هل يقوم بالتسجيل والانضمام الى قائمة اعضاء المنتدى ام لا ، فلا يمكنه ذلك "التصفح" الا بعد التسجيل وكنت احسب ان هذه مشكلة خاصة بي او بجهازي ولكن وجدت من الاعضاء من يعاني من ذلك ايضا .
فلو كانت هذه مشكلة عامة فاعتقد اننا بهذه الميزة او الخاصية قد حرمنا كثيرا من الناس من الوقوف على ابداعات اهل مدني واسهامات اهل مدني فكرا وسلوكا واخلاقا ونضالا وتضحيات
والتحية اليك ملكتنا والتحية للادارة والقائمين على المنتدى والى الجميع
الأبن / أحمد علقم ،،
كلمات هنا لها وقع السيف والورد معاً ،،
تجرحنا ،، وتعبق أنوفنا بأطيب الطيب ،،
لك مع خالص الود والأحترام ،،
بعد إذنك يا ملكة أضافة صغيروووووونة لي كلامك :
في رأيي لو شالوا شريط الاهداءات البيتمر فيهو قدام عيونا كل يوم كلمات محددة حفظناها عن ظهر قلب ... وجابوا محلوا الشريط الزمان كان بتظهر فيهو آخر مشاركة من اي عضو وفي ياتو متتدى أنا شايفة أحسن بدون ما أضطر كل مرة أرجع للصفحة الرئيسية للمنتدى عشان اشوف جديد المشاركات ودي كانت من مميزات اللوك االقديم للمنتدى ... غايتو مجرد رأي !!!!
أها سلام يا أخوانا