تحياتي واشواقي لكل ابناء مدينتي الغالية مدينة ودمدني واعضاء منتدى مدينة ودمدني
25/5/76
كانت البداية
البوست ده يا اخوانا حاجزه لنفسي يعني شنو عايز اكتب بشرح عميق
لكم مني فائق الشكر والتقدير
عرض للطباعة
تحياتي واشواقي لكل ابناء مدينتي الغالية مدينة ودمدني واعضاء منتدى مدينة ودمدني
25/5/76
كانت البداية
البوست ده يا اخوانا حاجزه لنفسي يعني شنو عايز اكتب بشرح عميق
لكم مني فائق الشكر والتقدير
حي الهوارة ..... جوار المدرسة الأهلية (أ)
كانت نقطة البداية .....
مدرسة حي المدنين
بداية السلم التعليمي
ويا لها من أيام جميلة
http://www9.0zz0.com/2011/05/25/00/347655174.jpg
المؤتمر الثانوية العليا
الاستاذ قيسان رحمة الله
عليه (اشهر معلم لغة عربية)
استاذ السر (كذلك اشهر معلم لغة إنجليزية)
جامعة كسلا
كلية التربية (اسبوع واحد)
وغيرته راي جئت راجع
إلى حضن مدني ....
لم اتمكن من مواصلة الدراسة
والسبب الحقيقي هو عدم تأقلمي
مع المدينة الزمن داك اقصد الزمن
الجميل الواحد كان يفضل الموت
من المبيت خارج مدني
وحتى لو الظروف دعت الزول
يسافر الخرطوم يجي راجع في نفس اليوم
العودة مرة أخرى
إلى مدني الجميلة
والإلتحاق بجامعة الجزيرة
مركز دارسات الحاسب الآلي
ثم نظام التجسير
بالخرطوم
بنفس المركز
يتبع لجامعة الجزيرة (الأم)
سوق العمل
شتى المجالات المتعلقة
بالكمبيوتر
وسبحان الله الزمن
داك كان بالجد
زمن العز
يعني انت مهندس
كمبيوتر خلاص
ماسك الجو
هسه طبعاً اصبح
شيء اكثر من عادي
بفصل الله سبحانه وتعالى
حصلت على فرصة دراسات عليا
بدولة كوريا الجنوبية مجاناً
ربنا كريم على عباده
فاصل ونواصل .......
أنيس جارنا ..
متابعين ومنتظرين ..
حبيبنا أنـيس ود التـوم
كيفك يا الحبيب ... أخبارك
كــدي بالمناسبة دي أديـنا تحية بالكوري
من آخر مكالمة معاك وعيييك أختفيت يا منقة
تعال كلمنا عن كوريا ولا تنسى الأحداث ديييييك ؟
اقتباس:
المشاركة الأصلية كتبت بواسطة معتز الريح
تسلم ود فريقنا الغالي الاخ العزيز
معتز سنهوري
العزيز الغالي ابو مازن تحياتياقتباس:
المشاركة الأصلية كتبت بواسطة abomazeen
والله مشتاقين ما انقطعته لكن
انت عارف الغربة وهموم الغربية
لكن دائماً انتم في الخاطر اخي
كوريا 2006 كان التحدي
ارتبطت المنحة الدراسية
بالنحاج في اللغة الكورية
كشرط اساسي حتى
يتمكن الطالب من مواصلة
الدراسة والتمتع بكافة
الخدمات + منحة نقدية
علماً بأن التخصص باللغة الانجليزية
لكن كان شرط اساسي حتى تتعرف
على البلد وقانون البلد وتقدر تعايش
مع الشعب الكوري الجميل
بالجد كان تحدي بالنسبة لشخصي
الضعيف تخيل معاي تتعلم
لغة غربية وحتى حروفها اغرب
من الخيال ومجتمع اقصد المدنية
التي درسته بها في ناس
عديل كده ما شافوا ليهم
زول اجنبي قبل ولا حتى
سافر بالخارج
الفهم الوحيد السائد
كان انو اي زول
شكلوا اسمر اسود
ده امريكي
لانوا الجنود الامريكان
بجوا المناطق الطرفية
من فترة لفترة
كانت سمحة معانا
وما سمحة . سمحة
بتلاقي احترام من
الحكومة (شرطة - امن، الخ)
وما سمحة لمن تختلط بالشعب
لانوا بعتقدوا العساكر الامريكان
ديل مجرمين كلهم حتى لوكان
ابيض فبيعمل حذره منك شديد
خصوصاً في الاماكن البعيدة
كنا خمسه طلاب
اجانب
2 من افريقيا
لانوا التصنيف حسب القارات
واحد من آسيا
و 2 من امريكا الجنوبية
بدء العام الدراسي من أول
شهر زولي بتاع افريقيا
قال دي شغله تانية مسألة اللغة
وأنا ما بضيع سنة عمري
أنا راجع ،،، كان
الفهم انوا لمن يكون زول معاك
من بني جنسك بتحس بالإمان
بالرغم من أنوا ما نفس
اللغة لكن بتحس بالأمان
أقل شيء يطلع وينزل معاك
ويسأل منك ويتفقد احوالك
^_^
ربنا يعينك
جميل ان تتحفنا بهذه التجربة الثرى وتشركنا معك بها وفي انتظارك وانا من الراكبين في هذه الرحلة وفي انتظار المحطة القادمة
آآآآآآآآآآآآآآآآآآآآآآآمين وأنتِاقتباس:
المشاركة الأصلية كتبت بواسطة آلاء عبد الرحمن
وشكراً على المرور
تسلم اخي ابن المدينةاقتباس:
المشاركة الأصلية كتبت بواسطة ابن المدينة
فائق شكري وتقديري
كورس اللغة الكورية
كان يوجد دافع قوي
جداً لتعلم اللغة الكورية
عشان الواحد يقدر على
الاقل يضمن استمارية
الدراسة وكافة المخصصات
وكانت بالفعل
بعض الطلاب الكوريين
لديهم عنصرية
خصوصاً لمن تكون black
وجاي من افريقيا بتلقى
بعض المضايقات سوء
في قاعات المحاضرة
او في السكن
تحسست كتير جداً
من الحاجة دي
ومشيت تظلمت لمدير الطلاب
الأجانب بمذكرة تظلم واضحة
انوا يا يوقف الطلاب دي
من حركات العنصرية
او أنا ارجع محل ما جئت
الراجل بكل برود قال
يا مستر انيس اثبت ليهم
وجودك في المحاضرات افرض
نفسك عليها تميز عليها
بتلقى التعامل اختلف قال لي
بحكي عن نفسه أنوا درس
في امريكا وتعايش مع اجناس
اخري حصل ليه نفس الشي
بعتباره آسيوي وقال لي كمان
الشعب الكوري شعب جميل
تعلم لغته وتقاليده صدقني
ما حتشكي تاني
وفعلاً بتوفيق من الله عز وجل
نحجت في السنة الأول بأمتياز
واحرزت درجة منافسة
وبالفعل تغير التعامل بل وجدت
تعاون كامل من الطلاب حتى
التخرج
بفضل الله الامور مشت تمام التمام
لكن كان دائماً التفكير في الأهل
بصورة مستمرة مهما الزول عمل
وعمل ما يقدر يوفي اهله
حقهم ,,, يعني ممكن الواحد
يكون عايش مرتاح لكن لو ما قدم
شيء لأهله ولو شيء قليل
ما بكون مرتاح حتى لو كان
اهل ما محتاجين لكن بطبعاً
قلباً حار (السودان واهل السودان)
فكرت في العمل أثناء الدراسة
ووجدت أنوا ممكن اشتغل لكن اشتغل
شنو ؟؟؟؟؟؟؟
بحمد الله وفضله دخلت مجال الترحمة
حاولت استفيد من انوا انا اساساً بحضر
باللغة الانجليزية يعني لغتي بقت كويسه
يعني ممكن اترجم وبالفعل كانت البداية
طبعاً الترجمة علم ما ساهل
وبخت الناس الدرسة ترجمة
المهم عصرت نفسي شديد
جداً عشان على الاقل اقدر ادخل
مجال الترجمة
والترجمة هنا ما محتاجة
الزول يمشي للشركة أو التلفزيون
أو اي جهة ما
الموضوع بسيط برسلوا ليك ملف على الايميل وطبعاً
عندهم ناسهم (قسم التصحيح)
فشلت في اول ملف
واعطوني فرصة تاني بعد شهر والحمدلله
قدرته اترجم بالصورة المطلوبة
والامور مشيت
يبدا اليوم الدراسي من الساعة
9 صباحاً وينتهي الساعة خمسة
ترجع السكن تصلي وتراجع دروسك
وتقعد تترجم
لحدي قريب الساعة 3 صباحاً
طبعاً الزول في الأول بياخد
زمن طويل لكن مع مرور الزمن
الامور بتمشي
ده كلوا كوم والاكل الكوري
كوم تاني لأول مرة طبعاً الزول
يسمع اسطوانة ده حلال وده حرام
لانوا الزول اتولد في بلد اسلامي
ما سمع بالكلام ده
اصبح الاكل مشكلة الكبيرة
وطبعاً الجامعة بتوفر الاكل
لكن مسألة حلال حرام دي
مشكلتك ,,,
تخيل معاي تقعد حوالي شهرين
تأكل رز بالسكر وسمك وخضروات
حتى الخضروات هنا شكلها
قريب جداً
والوقت داك الزول لسه ما شاف العاصمة
لانوا الحاجات الحلال كلها في العاصمة
والجالية السودانية وربنا يقدرنا على جزاهم
ما قصروا معانا ابداً ايام الدراسة وحتى
لمن الزول قرر يقيم بصورة دائمة
وجد منهم كل التعاون والاحترام
والتقدير والتكاتف
بعيدين جداً والزول عشان يمشي هناك
مشكلة لأنوا البلد هنا منظمة
شبكة سكة حديد تحت الأرض
والزول لسه فارة مشكلة بالجد
اقتباس:
المشاركة الأصلية كتبت بواسطة انيس التوم
مدنى الحبية فراقا مابنطاق ولو دقيقة
أخى الكريم أنيس التوم رحلة ممتعة أمنياتى بالتوفيق
طبعاً كنت بعصر نفسي
ومرة مرة بأكل فراخ
طبعاً الفراخ هنا ما بنذح
خنق عديل الظريفه
في الأمر بعد ما اشبع
اقعد اتأسف ....
من النوادر الجميلة كنت بمشي نص البلد
والشرطة هنا طبعاً اغلبها بنات
في بت تابعة لشرطة المدنية
كلوا ما تلاقني تقول وين الهوية
اقوم اديها الهوية استمر الحال
ده كذا مرة لمن مرة قلته
ليه ما عندي ومحل ماعايزه تمشي
امشي المهم دخلته مع البت في
مشكلة وسبحانه الله اصبحت
البت هي مفتاح البلد يعني
قدمت لي مساعدات كبيرة سبحانه
الله وحتى لمن تزوجت كنت
من اصاحبها المقربين في الحف
بقى الحل الوحيد لمسألة الاكل
هو اكل البحر يلا اي حاجه
تخطر على بالكم في البحر
الحمدلله وياريت لو وقف الامر
على كده حتى الحشائش البحرية
ما سلمت مننا يعني أول شهرين
كانوا براهم امتحان لو ما الزول صبر
كان ممكن يرجع من أول اسبوع
ونواصل ........................
الجليد
اكبر التحديات في كوريا
http://www12.0zz0.com/2011/05/25/11/165104033.jpg
الشعب الكوري
الانضباط الإجتهاد
العمل الضاغط
تحت شعار لا تأجل عمل
اليوم للغد
ده كلوا كوم والصدق والامانة
بالرغم من أنهم لا يعتنقون
الاسلام إلى القليل القليل
ولكن اخلاقهم حميدة
يحترموا الاديان الاخرى
ويستحيل واحد يناقشك
في مسائل تخصك
http://store3.up-00.com/May11/azt25668.jpg
الحياة الضاغطة
اثناء الدراسة
الجامعة ، الدرش
http://store3.up-00.com/May11/VuW26278.jpg
الاحتكاك بالجنسيات
الأخرى ومزيد
من الخبرات في شتى
ضروب الحياة ,,,,
http://store3.up-00.com/May11/Ggd26515.jpg
طبعاً السكن في الداخليات
مريح للأبعد الحدود
وحوافز مالية لكل صاحب غرفة
نظيفة والغرفة مكونة
من غرفة نوم+ حمام+ مطبخ
في حالة العكس تخصم من
مصروفات النقدية اخر الأسبوع
يعني لو الأربعة اسابيع الغرفة
ما نظيفة ممكن تخسر 100 دولار
وتتراكم عليك
http://store3.up-00.com/May11/amh29803.jpg
طبعاً الناس ديل ما بعرفوا
زول عيان جاء مثلاً مكان الشغل
او الجامعة عايز اورنيك ده دليل
على أنهم شعب يحب العمل
ود الحاجة الاستفادة منها الزول
بعدين
اذكر مرة جئت الجامعة وكانت
عندي نزلة شديد المهم وصلته
لحدي الجامعة وقابلته الدكتور
المسؤول منا وطلبت اورنيك مرضي
رده علي ببرود شديد طالما انت
قدرته تجي هنا انا بعتبرك حصور
لانوا لو كنت عيان كان تكون راقد
وبما انك قدرته تحضر ما عليك
الا أن تواصل ,,,,,
نشكر ليك مشاركتك لنا رحلتك الممتع ..
واصل .. وبجيك بتعليقات على الصور ..
واصل ومتابعين ^_^