تحياتي يا ود المبارك، وكيف حالك يا شفيف؟
يا سيدي أنا مراقب دائم لمنتدى ود مدني، وحاسدك على حيازتك لإسم المنتدى! حقك الأدبي للإسم يجعلني لا أستطيع إنشاء منتدى يحمل نفس الإسم والهدف، أنا كزول ديمقراطي لا أرى طريق لتحقيق رغبتي في حيازة الإسم غير عرض الشراء هذا.
مقدم عرض الشراء:
بابكر عباس
هامش:
إستخدامي للون الأحمر، لمحاربة السواد الذي يعم المنتدى ولتسهيل القراءة للزوار
رغم ان السؤال موجه لأبوبكر .. لكن خلينا نجاوب بحكم العضوية ..
اعتقد ان حق بيع المنتدى لا يمتلكه ابوبكر المبارك رغم انه هو المالك الفعلي للمنتدى .. حيث ان لأبوبكر شريك لا بد من موافقته ايضاً وهذا الشريك هو القاعدة التي يتكون منها المنتدى وهم الاعضاء .. ان تمتلك موقع ومنتدى هذا سهل جداً ويمكنك فعل ذلك بل ويمكنك ايضاً ان تسميه منتديات ودمدني ملحقة بأي اسم اخر لزوم التفريق بين المنتديين .. يعني ممكن ودمدني الحضارة ودمدني الاصالة ودمدني العطاء ... وفي ناس كتار زعلو من هنا وعملو منتديات ما تعمل زيهم يا استاذ بدل تشتري الجاهز .. ولا شنو ؟
السواد ده وين ما شايفنو .. ؟؟
:pقلته لي مراقب يا شفيفاقتباس:
المشاركة الأصلية كتبت بواسطة بابكر عباس
ما سمعته حكاية مراقب الامتحانات الغي عرسو قبل يوم من المواعيد
بتكون سمعنا بيها بس اقول ليك ليه
لأنه كروت الدعوة تسربت :p :p
قلت لي مراقب ..... عام ول سري
يازول نيابة عن ود المبارك تدفع كم عشان نتم البيعه
سؤال بعد تشتريه حا تعمل بيهو شنو
ح أفتح لمداخلة أيمن لانو مداخلتي بتاعة الشراء غطتها! وح أرد على صديقي الشفيف غير الأنيق عباس الدسيس.اقتباس:
المشاركة الأصلية كتبت بواسطة عباس الدسيس
بعد أشتري:
- بكش المشرفين المكدسين وبدمج معظم المنتديات في العام.
- إلغاء اللائحة وتحويلها لمادة واحدة فقط
داير اقول ليك مشتاقين
دا بعد الدمج طبعا
عندي إحساس قوي يا عبد الرحمن إنو ود المبارك ح يوافق كيتا في أيمن دا، يا اخي المنتديات دي، شفافة ود المبارك دا، ما بتنفع فيها، ودايرا ليها زول لديح زيي أو زي العقاد (بالرغم من قلة ثقافته) زول يخلي المنتدى حامي، زول تقول ليهو مشتاقين يقول ليك في أحسن الاحوال: شكرااقتباس:
المشاركة الأصلية كتبت بواسطة عبدالرحمن مدثر
انت عارف يا بابكر فتحتك لمداخلتي حرقتني شديد .. لكن الكشة بتاعت الالزامية ولغيان اللائحة والتحويل خلاني اهدأ شوية ..اقتباس:
المشاركة الأصلية كتبت بواسطة بابكر عباس
لكن شكلك انت بتاع ناسات يعني لو اشتريتو الا تشتري ليك اعضاء ..
لغيان اللائحة عرفنا لكن المادة الواحدة دي شنو عربي ؟
كده يا بابكر بوستك ....... حلوة بوستك !!!!!! :confused:اقتباس:
المشاركة الأصلية كتبت بواسطة بابكر عباس
اصبح موضوعي اشبه لي بوست ود عبدالعال مع تغيير في المضامين
المنبر الشبابيكو كثيرة بجيب الهواء اول حاجة
اما عن اللمة الكثيرة بتاعت الجماعه قالو الكثرة غلبت الشجاعه عشان كده المواضيع بتكون ميته قدر ما تقول الناس تحيها تلقي فجأة الشفوت خطفوها لي محل تاني يعني ممكن تسميهم الصقور
اما اللائحه مادة واحده تكون اجمل لو كانت كلمة واحده (( حريات)) اتخيل لي قصدك كده
مداخلتك بتاعة العقاد لو ما نكتتو تاني ما بطلع لي بره يا شفيف
طيب ده كلو ود المبارك ممكن اعملو في لحظات ويصبح طلب الشراء بتاعك باطل و ل شنو يا عصام حسين ...طبعا الراجل مسافر لسع ما وصل ربنا اوصلو بالسلامة
اقول ليك طلب الشراء خلي مزاد انا نويت ادخل معاك ابداء وما تفصح عن ااتغيرات عشان السعر ما ارتفع
هاها
يادكتور ... ياخى تكرشنا بشوقنا ذاتو ... ليك اكيد .. وليراعك (اللديح)
بعدين لايحه (حريات ) يادسيس مادايره ليها اتفاااق اطااارى .. وحريات اربعه
بيع ما بنبيع ، إصلاح بنصلح
متحدث بإسم المكفول طبعاً
بس زي نوعك ده وعباس الدسيس القاصد يحشرني في زمرة المعارضة سبب بلا سبب ده ما بنفقدوا حتى لو ندخلوا شريك في الحقوق الحصرية
ملحوظة :بتذكر لما كنت في السلطة إنشبكت معاك شبكة سألت ربنا يفكني منك يا بابكر ، أكيد متذكرها وده كلو من عصام حسين بتاع المطايبة
مادة واحدة:اقتباس:
المشاركة الأصلية كتبت بواسطة ايمن عبد الله
عدم الإساءة للغير
ما بشتري لي اعضاء ولا حاجة!
هسع زي فتحتي ليك دي، بتجيب لي كم عضو من الراكوبة؟
حلوة، بس اوعة تكون سافي!اقتباس:
المشاركة الأصلية كتبت بواسطة عباس الدسيس
يا زول هيثم عبد العال دا، صديق عصام حسين والاتنين شفيفين وجنس دواسنا دا، ما عندهم ليهو قدرة!
نبدأ المزاد بالدولار:
ألف دولار: بابكر عباس
عبدالرحمن مدثر سألتك بالذي خلق الارض معبد مع التشلت الحاصل هنا ما عايزه ليها اتفاق اطاري
ياخ مفروض اعملو ليها برواز حديد للمشرفين ذاتم وده البقصدو بابكر لائحة عمل للمشرفين
الاعضاء مساكين ناس قريعتو راحت الواحد افتح ليهو بوست لو ما حصلو وتابعو بعد شوية الحق توتوماده ده لو ما لحقو امات طه
والله يا ود عبدالعال شراكتكم ما بناباها بس شيلو الانكوج الكلمة دي تفسيرها لي ود المطامير ممكن اباصيها لي جلاله
الشغل البتسوي فيهو ده انقلاب عديل
غايتو يا هيثم بدل اجيك واحد زي بابكر ومن قولة تيت ابدأ بي الف دولار واخطف المنتدي خليكم قريبين من ود المبارك
بابكر لو المنبر وقع ليك في المزاد انا ده طرفي منو العقاد ما عارف يعمل شنو !!!! لانو كل يويمن بتوقفني وترجعني تعملني ملطشة غير لائحة الجزاءات احتمال تطبقا كلها وتعمل ليك لائحة انضباط عام مفصله بي جلدها
اللهم لا تعجعل امرنا في يد بابكر عباس اطردنا من الصفوف الامامية للصلاة عشان كده برفع المزارد لي 2000 دولار انتا قايلنا هينين احنا ناس السعودية... الشغل مدارس الاولاد البيت ناس لم قروش
صباح الخير يا اهلنا وصباح وبطعم الشهد في حضرة صاحب البوست الانيق وكل الاخوة الكرام (بدون فرز)
عن (نفسي) لدى حتى كتابة هذه السطور عدد (6,440) مشاركة ومن (الاخر كدا) عاوز حقي ...
الحكومة تبيع وتفرط وتوزع في البهايم (الماشية التي تم تصديرها إلى (مصر) وفصل الجنوب ... وووو وما (لقينا ولا حاجة/التكتح ما لقيناها)
اها بالنسبة للمنتدى في حالة ( موافقة الحبيب ود المبارك في البيع) .... لازم تعملوا جلسة مع (كل الاعضاء) بدون فرز (الموجودين ) اما غير الموجودين (فيتم الاتصال بهم واخطارهم) ومنحهم مهلة (كالتي ) تم منحها (لمزارعي) مشروع الجزيرة ....
تخريمة : البيع بالدولار ( المختفي هذه الايام والايام القادمة باذن الله)
باللفة : ود المبارك (ممكن يبيع عمره ولكن لا اعتقد انه سيفرط في -بوست- من هذا الموقع) لكن لو ( لمة فيهو -كوز حرك ونشط ووفر ليهو وظيفة مع الجماعة وعمارة في كافوري "طبعا اذا ما لقاها شطبت" وعربية اخر موديل وتصديق وتوكيل وووو ) امكن يفكر يبيع !!!
واعرشوا على كدا ،،،،
نمسكا واحد واحد اللائحه خليناها لي ود عبدالعال حسب التخصص بداية من كشة اللمة
بالصدفه اليوم دخلته علي ملفي الشخصي وبعد غياب طويل وجدت الرسالة دي:
إجمالي النقاط 0
سبب آخرالتاريخ منتهيةالنقاط
ملف المخالفة
سبب آخر: Spammed Advertisements
31-01-2012 07:11 AM
بواسطة ahmed algam
منتهي 1
غايتو بالغتو وليهو حكم
مخالفاتكم اصبحت زي كمرات الرياض
الواحد ما اكتشفا الي ادخل حسابو برقم الاقامة في النت
ياخ اعملو لينا رسالة اشهد الله ما شفتها كان اليوم
يعني لو ما ساقتني رجلي الجاية كانت في كوبر
بي طريقتكم دي علي قولة ام قبس ما عايزين نطور ولا نغشي الوضع المتطور
رجعونا لي مرور مدني احسن لينا من كمرات المراقبة معاهم بنتخارج بي الساهلة
ذكرتني الحاج المحامي الله اطرا بالخير ونحنا داخلين مدخل مدينة المناقل ومع صواني الانقاذ القامو فيها قالو تجميل المدن !!!!!! حكاية عجيبه !!!!! ناس المناقل عاملين ليهم عسكري شايل حمامه الشمس سهكت ومحت لونو لما بقي ابيض استاذ الحاج قال لي يا ولدي يا عباس العسكري ده تطلع ليهو جنيه حسي افك الحمامه الفي يدو .........
جنس الكلام ده البخلب بابكر اتماسخ عليكم
المزاد وصل كم
وحات سيدي الحسن، يا هيثم، ما متذكر، معقولة بس أنا أشاكل لي زول إسمو هيثم! وصديق لعصام! عليك الله أعفي لي.اقتباس:
المشاركة الأصلية كتبت بواسطة هيثم عبدالعال
ببيع يا جندي...اقتباس:
المشاركة الأصلية كتبت بواسطة الجندي المجهول
نوع الكلام دا، سمعناهو كتير من ناس ود البدوي (شركة الأقطان) خطيب جامع أبوسنون، حمامة الجامع، القوي الامين! لا أحد يستطيع الوقوف أمام إغراءات الأخضر! الناس المولودة في الرياض والعمارات سقطت في إمتحانات الأخضر، خلي ناس حي البان الجنهم شريك للطير!
ألف دولار: بابكر عباس
هامش:
المشتري الجديد يقبل كسير التلج
اقتباس:
المشاركة الأصلية كتبت بواسطة بابكر عباس
بابكر وحات سيدك الحسن اول مره نسمع بديقراطية بالقروش.
غايتو لوعملته ليك منتدى بنفس الاسم واديت كل عضو مرتب شهرى وحافز لصاحب اكتر مشاركات بدل فضى ودهبى بتاعت ود المبارك دى انا بضمن ليك منتدى يحسدك عليهو ودالمبارك زاتو .
اقتباس:
المشاركة الأصلية كتبت بواسطة بابكر عباس
هههههه والله بتجيب ياخي ..
لكن داير بيهم شنو ؟
باكمبا بوستك ده مكرر اذكر نزلته في المنتدى قبل السيل ( الكبير ) ياخي جدد شوية و لا انت بتحب تكرر نفسك
يبدو لي ده في علم البيطرة اسمه ( الاجترار ) اي ان تلوك الشي حتى تفقده لونه وطعمه شفت الثقافة زي ماقال محمد المهدي ( المطوفش ) انا شدة ما مثقف الثقافة كاتلني عديل كده
برجع ليك تاني انشاءالله
عامل لي فيها لابت يا عقاداقتباس:
المشاركة الأصلية كتبت بواسطة عبدالله محمد العقاد
خطير والله يا باكمبا الطلعت الراجل
عقاد شنو يعني بطول مننا الغيبه يعني الواحد البت ليك في اسواق الولو
حكاية الجرة حلوة
العيب الوحيد ختيتها بتعبير حلو (( واجترار الذكري وطيفك في خيالي احوم ))
اقتباس:
المشاركة الأصلية كتبت بواسطة عباس الدسيس
عبس يا وجيه و انيق غصبا عن الحاقدين و (حمّالين ) الحطب ، موجود والله و متابع لبوست ام سماح حق بشرى سارة لكن كنت ملاوز من المشاركة لانه كان اغلظت القول لام سماح في بوست ايقاف محمد النور و فضلت اكون متابع فقط
شايفك يا وجيه في استراحة الينابيع تقدل في الساحة
عقاد يا وجيهاقتباس:
المشاركة الأصلية كتبت بواسطة عبدالله محمد العقاد
بابكر عباس انا بعذرو في التعابير
الراجل يومو كلو مع الدواب والابل
عشان كده رشاك بي حكاية الثقافة بدر ليك
قدلة بدون شعر يا عقاد
عبس ياريت تحضرنا و تصبح لنا حكم دون تحيز بينا و بين باكمبا
بسم الله نبدا
الغرض شنو من البوست ده يا باكمبا اي لو فعلا اخونا ابوبكر المبارك باع ليك المنتدى يعني ح تعمل شنو سؤال
الفرق بين الثقة في النفس والوهم خيط رفيع لن يشعر ( الموهوم ) بتجاوزه له و لكن نحن كمراقبين يمكننا ذلك با حبيب
في راي المتواضع اي انسان بيتعتقد انه قادر على التغيير وفقا لرؤيته الشخصية والفردية ( موهوم ) و ماخد في نفسه ( ألم ) كبير
اقرب مثل سعادة البشير و قبل دكتور الترابي هذه امثله لاناس اعتمدوا على رؤاهم الشخصية ثم اورودنا موارد التهلكة نحن والبلد اجمعين .
باكمبا الثقافة ليس غاية في حد ذاتها و انما وسيلة لغاية و الغاية هي ان ينعم الجميع بالقيم والمبادي التي تقودهم لبر الامان و ان تجعلهم احرارا في حدود ليست كتلك التي ( ابتدعها ) الحبيب ايمن و الذي لقب بعدها بايمن ( هوا )
اذا الثقافة يمكن ان نختصرها في اعتبار الاخر و ان لكلا حدود تنتهي عندكم في دوران بانت .
ااولا التحية للاخ بابكر عباس بحكم عملو قدر يطلع الجماعه من جحورهم ههههههههههههههههههههههههه عباس اخوي مالك بقيت زي المكوجي فهمو في مكوتو ............... اي واحد ممكن ايدي زول مخالفه هسع في السودان عسكري المويه بعد دمج العساكر ما بديك مخالفه زكرتني يا عباس بداية دمج العساكر جاء عسكري صيد لبتاع سجائر والبرنجي كان فيهو ازمه وعائز يسوقو السجن طوالي نطه ليك فيهو قال ليهو هوووووووووووي انا ببيع في سجائر ما ببيع في قرود عشان تمسكني معليش يا عبس غايتو نقول شنو عقاد ياخي ليك وحشه قدر ما نحاول ننلم فيك ما قادرين اتوقعت اشوفك ولكن نقول شنو بس حكمتو يا باكمبا كما يحلو للعقاد مدعبتك اها لوقعتليك البيعه عندي كماقتباس:
المشاركة الأصلية كتبت بواسطة عباس الدسيس
مفترع الراعي بابكر عباس انا من حسي برشحو بامتياز ولو الجماعه سمعو كلامي اركبو ليهو ديباجة بشرط ناس الكشه اتفرجو فقط ممكن اتعلمو منو مادام دخل فيهو العقاد وصلاح الطاهر بقي اجدع فيهو.اقتباس:
المشاركة الأصلية كتبت بواسطة عبدالله محمد العقاد
حكاية ((هوا)) ظريفة يا عقاد الله اجازي محنك
اها انا بتفرج في الدواس ده بحياديه ونشوف شكل التغيير كيف
غايتو يا عباس بوست باكمبا كما قال العقاد جاب قونو اها حكموك تكب الزوقه شوف يا عقاد عبس ده انا عارفو اول عكاز بجيب اخرو اها نشوف اخره شنو شكيت محنك ياعباس الدسيس ياخي كان لقيت كلوركس ولا اسيد سويتو في قدومك ده ما كان افضلاقتباس:
المشاركة الأصلية كتبت بواسطة عباس الدسيس
ود الطاهر اشهد الله ما عايز افتل البوست انت قلته السيرة بتاعت حامض الاسيد
نستأذن صاحب الابل اسف اقصد صاحب البوست دكتور بابكر
ونستأذن العقاد راحة شوية من الدواس:
الي مضابط الرواية بتاعت الاسيد مفروض تكون في بوست منفصل للاسف حقوق النشر استلمتها الراكوبه الظاهر حا اجيب ((هوا)) يا العقاد.
اولا تعريف:
ماهو حامض الاسيد:
تشتق منه موية النار التي تستعمل في بطاريات السيارات وحامض الاسيد يعتبر مركز اكثر من موية النار وهو حامض يذيب اللحوم ويجعلها مياه جاريه وهو من المواد الخطره والمحرم استعمالها.
لو كشحتو في زول ببقي هيكل عظمي.
خارج الموضوع :
مشكله حصلت بين باكستان في السعودية وكان الخلاف حول المال الذي دائما يفرق بين الاخوان المتهم حضر ليلا للمجني عليه وبعد النقاش الحاد والاشتباك بالايادي المجني عليه ضرب المتهم تدخل بعض المعارف وتم فض الاشتباك ذهب المتهم واحضر حامض الاسيد ودلقه علي وجه المجني عليه كانت حادثه مشهوره حيث تحول المجني عليه الي هيكل عظمي.
نواصـــــــــــــــــــــــــــــــــــــل
اقتباس:
المشاركة الأصلية كتبت بواسطة بابكر عباس
تعرف عصام حسين ده من شدة ما شفيف إترجاني أدخل حجاز في شمطتك بتاعت الميدالية الأولمبية وطمني إنك صاحبو شديد وبعرفك تمام لكن الظاهر ما عارفك قطيم وقال شنو كمان قول ليهو عصام بسلم عليك ، في النهاية غنيت كان مالي إن شاء الله سوداني واحد يشيل ميدالية مافي لغاية ما الأولمبياد دي يبطلوها ذاتو
ياخي أنا زاتي بحب الشبك وكان المنتدى ده مشى على وتيرة تسلم ويا رايع وما فيهو علالة كل يومين ما بلزمني وبتوسط ليك عند بكري يوهبو ليك عشان يموت ليك في يدك
نواصل بعد فاصل ود عبالعال
دائما بيوت الاعراس والبكاء بتلم وهنالك الونسة الجانبيه التي تتفقد احوال الاهل والاصدقاء وفي بعضها علي قولة النسوان تلقي القطيعه.
لاحظت علي احد الاصدقاء بعض التغيرات في الشكل وطبيعي السؤال التقليدي ((يا فلان انت مالك ضعفته كده ... أو سمنته ..أو شكلك اتغير وبقيت شين ....الخ)).
بدأ صديقنا في روايته مع العروس الجديده !!!!!!!!!!
يا زول ربك رب الخير في جماعه انا بمشي ليهم طوالي صداقه بيني وبينهم ناس اولاد قبائل يوم لمحته ليك بت عندهم الجن ركبني زولة ماشاءالله اتقول بت حور لونا كيف كيف ما تعرف تقول اصفر لا تقول اسمر لا تقول خمري لا المهم لون ربنا جعل فيهو ايات جمال الالوان (( كسره خارج الموضوع طبعا الراجل البحكي مولانا ودقنو لي صرتو)).
نرجع لي حكايته: الشعر بالله تقول الديسه كثيف ماشاءالله زي سواد الليل مديها مع وشها مسحه من الجمال ملائكيه اما باقي الوصف ... اعوذ بالله احسن الواحد اسكت ما اجيب ليهو سيئات بي حكاية الجسم والطول والتقاسيم نقيف هنا لانو الموضوع بجر ......... اها من شوفتها قلته الزولة دي فوله مقسومه وبعيده مني ربنا سبحانه وتعالي هداني ليها دي زوجتي التانية ذاااااااااااااااااااااااااتا.
كشكرته الجماعه لقيت موافقه مبدئيه قلته في قلبي البت صغيره امشي اظبط نفسي واجيها.
مشكلتي الوحيده ما الدقن زي ما انت شايف دقني وجيهه مشكلتي السنون لون سنوني صفر مشيت لي مستوصف اسنان للتنظيف بعد الكشف الدكتور قال لي التنظيف بي 500 ريال لااااااااا حولااااااااااا المشكله قالو بعد شهرين تلاته السنون بترجع لي الحالة القديمه قلته والله دي ميزانيه حكيت الموضوع لي زول صاحبي استعين باجابة او وصفة لتنظيف الاسنان رخيصه لانو العرس بعدين مصاريفو بتكون كثيرة تصدقو قال لي شنو:
حامض الاسيد لو عملتو خفيف بشيل الاصفرار نهائي بعدين اشتري ليك حاجة بي خمسة و ل عشرة ريال الباقي ادفقو بعد تخلص لانو خطر تصدقو بالله يضع سرو في اضعف خلقو.
مشيت اشتريتو وفي وقت ميت المدام ما تشوفني خشيت الحمام برااااااااااااحه طلعته فتيل الاسيد وكبيت منو في الفرشه ... بالله الفرشه اكلا ليك في ثانية خلاها زي ملاح التقليه السايل في نص الصينيه قلته يا ولد البتاع ده تقيل خففو بي مويه وكبو في غطاية الفتيل ودخل طرف اسنانك كتجربه .
لا اله الا الله محمد رسول الله وقت مديت طرف اسناني بداية ما شعرته بي حاجة قلته اغرق لي تحت بالله ما اشم ليك الي ريحة الصوف طالعه من الشنب وريحة الشية طالعه من الجزء العلوي للشفه والسخانه انطلقت في جسمي قلته نبرد الحكاية بي شوية موية كشحته مويه في خشمي بالله انطلقت فيني نار جهنم تاري المويه بتزيد احتراق الاسيد ... المهم ربك رب الخير الشلوطه وقفت قلته اعاين للمرايه اشوف حالي بالله لقيت ليك الشنب نصو ضاع والشفه العليا فقدت جزء كبير من اللحمه زي ما شايف انت وباقي الاسيد طار في اليد لونا برص دخلت براحه اوضة النوم وغتيت وشي من المدام ودخلته البطانيه قلتا ربنا اصبحا عشان امشي الدكتور.
تاني يوم مشيت الدكتور شرحته ليهو الموضوع بالله الدكتور طار من الكرسي لي فوق نوع الدكاتره المصريين اللئيمين اول كلمة قالا لي دي جناية يا بيه لازم الشرطه ده انت كنت متخاصم مع المدام وهي دفقت فيك اسيد لازم اتصل بالشرطه ....... قعدته مع الدكتور في حاو .. وتر ... وجنس جرسه بالله ما باقي لي غير امسك كراعو وبيني وبينك مع الخوفه بكون مسكتها ...يا ود الناس والله انا العملته كده وبعدين انا انسان راشد وعاقل ما شايف الدقن دي معقول اكذب عليك انا كنت بفتش للسماحة عشان اشيل الاصفرار في سنوني وربك لطف جابا كده.
الدكتور قال لي.... وينا الدقن المحروقه بالاسيد دي يا ابن النيل ده انت شنبك نصو طار بعدين سماحة ايه يا بيه ده انت لو بدلو وجهك بي واحد تاني مش حا تكون سمح قال سماحه انت تعرف عشان ترجع لي حالتك القديمه مستحيل اولا الشفه السفلي عايزه ترقيع بعملية تجميل بمبلغ وقدرو اما الشنب خلاس راح فيها الحامض اكل البصيلات قال سماحه وزواج علام ما تحمد ربها.
ربك رب الخير فكاني من الدكتور المصري بعد شاف حالتي تحنن اداني مرهم بي 300 ريال لمعالجة الجروح فقط .... حكاية والله غريبه ابينا ننظف بي 500 ريال اشترينا مرهم بي 300 ريال.
توكلت ومشيت علي البيت.............
بالله المدام من شافتني كشت لي غادي وقالت بسم الله الرحمن الرحيم يا ابو فلان مالك انت برصته اعوذ بالله من الشيطان الرجيم المرض الجاك جديد ده شنو لا لا لا لا لا طلبتك بي النبي ما تقرب علي الاولاد من هنا والدكتور امكن تعاديهم ........... هي ما عارفه انا الدكتور عايز اوديني الشرطه.
اها بقيت اباصر في القديمه ما تطير مني حكمت ربنا نفتش لي جديده القديمه بقت في حصبيص ومباصره.
فاطني ليييييييه؟
لا ما تزوغ موية النار ما كدي؟اقتباس:
المشاركة الأصلية كتبت بواسطة عباس الدسيس
جيب البقية ولا أقوم أفت المغتا؟
كلم نهرو ذاتو ما خائف يا زول؟
لكن لقيتك ختري في الأخراجاقتباس:
المشاركة الأصلية كتبت بواسطة عباس الدسيس
أها بيعتوا ولا لسع
واحد طفشان ومطوفيش كمان
لكن لقيتك ختري في الأخراجاقتباس:
المشاركة الأصلية كتبت بواسطة عباس الدسيس
أها بيعتوا ولا لسع
واحد طفشان ومطوفيش كمان
انت بتتفطا يا عولياقتباس:
المشاركة الأصلية كتبت بواسطة عاطف عولي
طبعا عولي قال للراجل يا الخو خشمك ده حمام تكب فيهو الاسيد
نهرو خليهو مع الامور الجاتو جديده لسع في نمبر ون ما دخل حكاية الثانية والاسيد
كتاحة يا عقاد كتاحة .. ما تلخبت .. :cool:اقتباس:
المشاركة الأصلية كتبت بواسطة عبدالله محمد العقاد
إجترار أو صقع الجرة وفيها يقوم الحيوان بإرجاع الغذاء الذي لم يتم مضغة جيدا، لتكسيره وخلطه باللعاب لتسهيل عملية التخمير (الهضم) داخل الكرش. هذه العملية يا عقاد، تختلف عن إعادة محاولاتي المتكررة لشراء المنتدى.اقتباس:
المشاركة الأصلية كتبت بواسطة عبدالله محمد العقاد
"كملت كوتة التمباك صقعنا الجرة" مقصود بيها إعادة سف التمباك بعد بصقه، وهذه العادة موجودة عند عمال الزراعة المطرية البعيدة عن القرى والمدن
صاحبو دي كتيرة!اقتباس:
المشاركة الأصلية كتبت بواسطة هيثم عبدالعال
يا أخي نحن لما كنا زمان نجي جنب بيتم، بننزل من العجلة إحتراما له!
مسعول من الخير، أستاذ النجيب معانا هنا ولّ مع الحردانين في مدني نت؟
بالرغم من انو المثل بقول: "لا يصلح العطار ما أفسده الدهر"، إلا انني كرسول معرفة، لا أستسلم، ولو ود المبارك باع لي، ح أحاول أبشر بقيمة قبول الآخر ومحاولة زرع الإيجابية الإجتماعية.اقتباس:
المشاركة الأصلية كتبت بواسطة عبدالله محمد العقاد
باقي مداخلتك طويل ومجروح