لا للوضع المخفى ...............
خطا المنتدى خطوه جاده للامام هذه الايام ....
بفضل جهود اعضاء اقل ما يقال عنهم انهم حادبون على رقيى هذا المكان ... وأن صاحب هذا المخاض بعض الصعوبات والتى لعمرى نتيجة طبيعيه لاى تغيير .... فلابد ان تتكاتف الجهود للنهوض بالمنتدى و تحقيق الأهداف التي نسعى اليها جميعاً ....
ظل معظم الاعضاء فى الاونه الاخيره يسجلون دخول للمنتدى على نظام الوضع المخفى .... ونرى ان عدد المتواجدين بالمنتدى فوق المائه دائماً ولكن عندما ننظر لقائمة من زار المنتدى هذا اليوم نجده اقل من ربع عدد المتواجدين بالمنتدى .... وبالتاكيد ان من المفرح لنا جميعاً ان نفتح المنتدى ونرى اسم كل من زار المنتدى مسجلاً فى القائمه ....
بختصار كدا .............. ( لا للوضع المخفى بعد الان .....)
لماذا نشر الغسيل على الملأ بهذه الصورة ....؟
اقتباس:
المشاركة الأصلية كتبت بواسطة ايمن عبد الله
صراحة عن نفسي . لا اجد مبرراً لاي عضو يدخل بشكل متخفي ..
مهما كانت الاسباب .. يعني يا الاء حتى لو كنتي بعيدة من الجهاز او في الشغل برضو ده ما بديك السبب المقنع انك تخشي متخفية .. لو في الماسنجر معليش ممكن تكوني مشغولة وما دايرة تزعلي زول عشان كده ممكن تخشي اوف لاين .. لكن المنتدى مافي حد ح يطالبك انك لازم تردي ليهو .. لانه نظام المنتدى كده الواحد ممكن اكتب موضوع والتاني يرد ليهو بكرة .. مافيها خصم نقاط يا الاء .. ولا شنو ...
نمرة (2) مصطفى هاتريك .. الحبيب الغائب ..
ياخ انت تعال متخفي راضين بيك المهم امرق تعال بس .
نمرة تلاتة : اب سفروق انت ما الكلس ما تتدسا عارفنك تب .
نمرة اربعة : أبو النور والله ما في زول يضغطك ولا شي كدي جرب تعال بس وخش عديل .
نمرة : خمسة : الخفاشة انت معروفة خفاشة .. وقبل كده اظن اتناقشنا في بوست مايسة الاوف لاين في النفاج .. ووصلنا لي حل اعتقد حينئذِ
تاني اقول ليكم شنو :
بالمناسبة اكثر ناس بخشو متخفيين هم المشرفين .
وانا هسة عارف ليكم كم واحد بخش متخفي .
اها مرة كده رسلت ليك رسالة لي ود الجزولي .. وطبعا انا شايفو تحت مافي .. لاني فتشت وفتشت لي عشان طبعا اضغط على اسمو واخش الملف الشخصي وارسل ليهو قمت لقيتو تحت مافي فتشت ليهو مشاركة وضغطت على اسمو ورسلت الرسالة .. بالله كان بعد شوية جاني ليك الرد .. هي يا ناس الله الزول ما تاري خاش بالدس ..
اها مرة برضو دورنا ليك كلام في بوست .. والكلام كان بجيب كلام .. بعد شوية تلفوني كرن كرن كرن كرن .. القا ليك علقم رديت عليهو وبعد السلام والتحيات والبتاع قام قال يا ايمن الكلام ده ياخ .. وووووو نبهني لي حاجات .. اهاااا عاينت لي علقم تحت ولا في اي اثر ليهو .. اها عرفت ليك الزول خاشي بالدس برضو ..
اها افت ليك تاني يا سارية ولا افتح الله ..
هع هع هع
هوووووووي الفتيت ليهم ديل ما يزعلو .. خلو البساط احمدي .. عادي ياخ بتحصل في ارقى المنتديات ..
فتكم بعافية ..
سلام وتحايا وتقدير يا أبو أسيل
كيــف حالك وأحــوالك أستاذ أيمن
صراحة لم يعجبني كلامك بعاليه (الملون)
يا أخي الموضوع ده كان بينك وبينهم دون علمنا
فلماذا نشر الغسيل على الملأ بهذه الصورة ....؟
صراحــة لم يحالفكم التوفيق هذه المرات أخي العزيز
ومثل هذا الأحداث كثيراً ما تترك أثراً في النفــوس الطيبة
وصدقني لو بدر منك شيء كهذا معي صدقني آخذ منك موقف
