ألمنتدي في غرفة الانعاش..

ألمنتدي في غرفة الانعاش..

حمّتو خرتميّه...نوع البلمسوها بالعود...ألنفس مخموم طالع نازل....
الروح متشحتفه...الدربات بتشر شر مش بتنقط....الدكاتره شعرة جلدهم مكلبه واقفه قرون....
كر علينا يا يمّه منتدانا مالو؟؟؟؟!!!! سجمنا وكمان في غرفة الانعاش....
والله يا بت أمي أنا سمعته قالوا لمّوا فيهو الجانجاويد...أأأي جانجاويد المنتدي الغتيتين ديل ضربوهو جنس ضرب وجروهو من كرعينو وخلوهو يفرفر في نص الطريق ولما شالوهو للاستباليه والله قاطع النفس...
وناس المنتدي كلهم واقفين يتفرجوا...
لا يا بت أمي الموضوع دا حصل قبال هيجة المتوحشين ديل....قالوا المنتدي سافر السودان إجازه ساكت بس لمّت فيهو مرارية العدو ..طراش واسهال قرّبت تغطّس حجرو....
وهسع قالوا عايز نقل دم ضروري والغريبه المنتدي ما عندو قشّه مرّه أي فصيلة دم بجغما...
بس كيف ناس المنتدي يتبرعوا ليهو....ما هو يا بت أمّي عايش علي دمهم.....

غايتو الله يكضّب الشينه ....كان سلم العود اللحم بيعود....

جمال الماحي

وصف رائع يا جمال.. وعلشان ما يفوت الاوان وتطلع الروح أنحنا لازم كلنا نتصل بـ 911 أو الطواريء لزوم الاسعافات الضرورية ونجمع الاخوان والاخوات كلهم للتبرع بالدم ليستعيد منتدانا عافيته ويعود كما كان في السابق.

عزيز

فعلا والله
نعم الكلام والله
لكن انشاءالله حتكون فترة إجازة وتعدي بإذن الله
وربنا يديك الصحة والعافية

مشكور ياجمال الماحى


على اللفته الرايعه

الف شكر يا جيمي يا روعه

ويلا كلنا نبقى دكاتره ونضع خطة علاجيه عشان المنتدى ما يقع وايد على ايد ترمي بعيد

ونحن كمان بنضم صوتنا ليك يا ابوروان
وبنطالب الجميع بالعوده حتي لا يفقد
المنتدي روعته وجماله

شكراً أخي جمال الماحي .. وأنت تلمس عصب الحقيقة المرة التي عجزت لوحة مفاتيح أجهزتنا عن كتابتها ويلا مع بعض يا شباب قبال ما يصبح الموقع طارد جداً ..
واقتراح أخي أبو روان مفروض نبدأ في تنفيذه من ا ليوم ويلا يديكم معانا يا شباب دفترة صغيرة وتدور عربيتنا من جديد ..

أخونا المشرف العام الفخري عزيز...

حتي يدر الدم في عروق منتدانا المصاب بأنميا حاده فلابد من كل الاعضاء التبرع بقزازه او نص قزازه وهو اضعف الايمان.....أنا قاصد قزازة دم مش قزازة حاجه تانيه لاسمح الله...
قزازة دم = موضوع هادف
نص قزازه = مداخله
ربع قزازه = الرد ب يعطيك العافيه

جمال الماحي

أخونا الهمام مزوني...

لو الاجازه يا طويل العمر بتنشّف دم منتدانا للدرجه دي فلابد من الاحتياط بدم بدره يحل عند اللزوم
بواسطة المشرفين ويعطي للمنتدي في شكل دريات لانو بنوك الدم ملوثه..ويا دار ما دخلك شر....
ويبقي زيتنا في بيتنا ....

جمال الماحي

مرحبتين حباب التيمان....

ذيارتكم للمنتدي في الاستباليه خلّت الدم يدر في عروقوا ...أما القريشات الختيتوها ليهو تحت المخدّه اخدنا ليهو بيها شوية هيموغلوبين....
ماتطولوا الغيبه ...المنتدي والمخدّه منتظرنكم...

جمال الماحي

بسم الله الرحمن الرحيم
اخوتي الكرام طال غيابكم وما زلنا نحن علي العهد لم ننقطع عن الدار وتسالنا عنكم كثيرا 00 غيابكم ادي الي صدمة غير مباشرة 00 نتجة عنها تلك الحالة وانتم اهل الطب 00 العملية تبقي عليكم وكيس برتكان 00 وشوية سمك من عمك حسن 00 وفرشة في الطربيزة 00 تسال اللعاب 00 فيقشعر الجلد وترتجف اليد 00 فتنفض الملارياء بدون كركوين 00 بعد التكرع بكوز موية من الزير 00ياتو لك الجماعة عديييييل 00 مع تحياتي

اخونا العريس النفض الكيس أبو روان ...عظيم الشان...

الدكاتره كشفوا القلب لقو قلبو ذايد ضرب....
المنتدي بالاضافه للانيمياء يعاني من إكتئاب ونفسياتو في الواطه نتيجة العزوف الجماعي عن الزياره...ارتفاع نفسيات المنتدي بالزياره نصف العلاج....

حبيبي أه...قلبي تاه ...في يوم الزياره....

جمال الماحي

أخي عريس الموسم ولّي...Welly
ما عايزين منتدانا يبقي ذي لعب البلّي...
واحد خارت ...واحد مخروت...
وواحد دايماً ضرابو مجلّي....

جمال

أخي فقيري....


نحن وحاتك جاهزين للدفر.... لو المنتدي بقي فلوكسواجن....لكن قندراني وجارّي ليهو ترلّه يدفروهو كيف؟؟؟!!!

سنه ....سنه يا الترلّه قاطره قندراني....


جمال

أخي أبو المهتدي.....
[

كيس برتكانك أنعش المنتدي وخلاهو يفتّح عين واحده..
النعمنو المنتدي مكوفر....فبدل السمك يا ابو المهتدي وكلّك نظر ممكن تجيب طرقتين كسره موص ولآ عكاره لزوم فك الكوفاره....



جمال

وصف رائع يا جمال.. وعلشان ما يفوت الاوان وتطلع الروح أنحنا لازم كلنا نتصل بـ 911 أو الطواريء والازعاف وبوليس

اها يا ود الماحي لسه المنتدى ده
في الانعاش تصدق سنتين الا ولسه
ما فاق من الغيبوبة اها الحل شنو
يا ود الماحي يحلنا الحله بله كدي
اناجايب معاي قضيم وبليلة عدسية
قالو بتزيد الدم نجربهن والا احسن
نسفروا بره;) ....

مشاققة مع المجابدة :ــــ
والله الكان كده الا من بكره اقع بحيت
في القديم اتاريهو القديم ده حلو حلا
على وزن راجل المره :D ......


ودوما في رعاية الله وحفظه...
مع كل الود باقة ورد....

الوجيه أبو رجاء
الكترابه ...بالله سنتين إلا شويه من كتابة الموضوع دا والمنتدي لسه في غرفة الانعاش ...
يعني نفس الملامح والشبه والحمّه زاتا وشهقتو...
والغريبه الاعضاء والمشرفين وحتي الاداره لسه واقفين إتفرجوا ...
ياربي قلبنا مات ...ولاّ هو زاتو ما فينا قلب ....غايتو الله يكضّب الشينه ...

ود الماحي

اقتباس:

---

المشاركة الأصلية كتبت بواسطة Jamal Elmahi

الوجيه أبو رجاء
الكترابه ...بالله سنتين إلا شويه من كتابة الموضوع دا والمنتدي لسه في غرفة الانعاش ...
يعني نفس الملامح والشبه والحمّه زاتا وشهقتو...
والغريبه الاعضاء والمشرفين وحتي الاداره لسه واقفين إتفرجوا ...
ياربي قلبنا مات ...ولاّ هو زاتو ما فينا قلب ....غايتو الله يكضّب الشينه ...

ود الماحي

---

الغالي ودالماخي (علي قول الخواجة):D
والله القلوب ما مبته لكن اليد الوحده ما بتصفق
كدي خلي الناس دي تمد يدها وتشوف العجب
بعدين شايف الايام دي في مبادئ ورم خبيث لكن
نحمد الله عندنا دكاترة مسيطرين على الوضع
والحالة مستقرة لكن خايفين من النكسة الارتدادية
بس تأكد مدام ورانا انتو يا الخواجات عوجه تب مافي
كدي انتو ما عندكم اي ادوية بلدية تسعفونا بيها من
دكانكم القديم داك حالو يا الخواجة ...
كدي انت مسعول من الخير الخواجة عزيز ان شاء الله
عافية والله فاقدنوا كدي اليجي يشوفنا قبل الله ما ياخد امانتو :D ....
اها يا ود امي اقعد عافية وسلام للوليدات باقي متلومين ....

مشاققة مع التأميلة :ــــ
منتظرين مشاققاتك وضربات التماس حقتك ..........


ودوما في رعاية الله وحفظه....
مع كل الود باقة ورد....

الحبيب أبو رجاء
شوف عيني وما جابوهو لي المنتدي اليومين ديل لامّين فيهو جانجاويد ملثمين وأساميهم مستعاره وراكبين حصين وأندروبلات وكوامر حيكومه ...يخبتوا ويقوموا جاريين ...يغيروا حصينهم أقصد أساميهم المستعاره ويجوا راجعين ..وتاني يجبتوا ويجروا ...والحيكومه تعاين والامم المتحده تعاين والولايات المتحده تعاين وحتي الصينيين أولاد بسم اللاي يعاينوا بي عويناتم المقرمات ديل ...
مشاققه ...
الخواجه أريتا حالتك ...قال ماشي يقضي إجازتو في هاواي ....

ود الماحي

اقتباس:

---

المشاركة الأصلية كتبت بواسطة Jamal Elmahi

الحبيب أبو رجاء
شوف عيني وما جابوهو لي المنتدي اليومين ديل لامّين فيهو جانجاويد ملثمين وأساميهم مستعاره وراكبين حصين وأندروبلات وكوامر حيكومه ...يخبتوا ويقوموا جاريين ...يغيروا حصينهم أقصد أساميهم المستعاره ويجوا راجعين ..وتاني يجبتوا ويجروا ...والحيكومه تعاين والامم المتحده تعاين والولايات المتحده تعاين وحتي الصينيين أولاد بسم اللاي يعاينوا بي عويناتم المقرمات ديل ...
مشاققه ...
الخواجه أريتا حالتك ...قال ماشي يقضي إجازتو في هاواي ....

ود الماحي

---

الحبيب دوما من قلبي قريب ود الماحي صاحب البسمة
الرسمة والناس الديمة منقسمة في الريد منسجمة
والله يا ود امي لا جانجاويد لا خرابيط ما يقدروا علينا
عارف المنتدى عندو كم مشرف اسه نحمدوا ونشكر فضلوا
اكتر من 3000 مشرف شفت نعمة التعدي على حرمات
الاخوة الصادقة يا ود امي بتعمل شنو, البيجي يشابي وبي درابو يهابي بيلقى مية واحد
محمر ليهو والبيجي يسلم ويشاركنا الفرحة بتلقى الاف مادة اليد تسالم وتقالد
ووجوة منشرحة تقابلوا تحضن فيهو الفرحة, وكل واحد عايز يكون شوكة
حوت والله الاخوان يبلعوهو وفي شربة موية يفوت, ارقد قفا يا ود امي الا برضو
محتاجين الانتعاش عشان يمرق حبيبنا من غرفة الانعاش ......

تخريمة مع الشوق الكتلنا كتل :ـــ
قلت لي الخواجة ماشي هاواي ونحن منتظرنو بيجاي :D ....

ودوما في رعاية الله وحفظه....
مع كل الود باقة ورد...

اها اها نحن جداد على المنتدى
وهو من الزمن داك فى الانعاش وفى نفس السرير
وقبال كم يوم فى دكتوره كدى لمت فيه تشليع شالت الدنمو
هى قلبو واسى برا اى قلب الشئ ده ماش حكمتو بالغه



والله اجماعه خوفتونى بى كلامكم ده وانا خايف اود الماحى
نكون منتظرين لنا (عبوب)

ازيك يا ود امى كيفنك انشا الله كويس والله مشتاقين شوق بحر والدموع مطر كيفنك
شنو الغيبه الطويله دى كنت وين راقد مستشفى مع المنتدى ولا شنو طولته مننا كده
اها وبعد الدربات والاسعافات دى انشا الله فى تحسن وبعد تمرقوا (من المستشفى) ورونا كتبوا ليه شنو ما تنسى منتظرنك على احر من الجمر

الغالي ود الماحي .......
انت ماياك القلب في المنتدى اقعد ضخ سااااااااااااي وماتقيف ... وانشاء الله بقوم على طوله من جديد وقول يارب

المنتدي سيخرج انشاء الله من غرفة الانعاش التي وضعناه نحن فيها .. من غيرنا سيخرج المنتدى من الحالة التي هو عليها الآن؟ المطلوب مننا جميعا أن نضخ دماء صالحة في المنتدى فان لم تصلح الدماء والدربات حا نجيب العلاج الجديد الاسمو الراجمات ،،

اقتباس:

---

المشاركة الأصلية كتبت بواسطة المكاشفى

اها اها نحن جداد على المنتدى
وهو من الزمن داك فى الانعاش وفى نفس السرير
وقبال كم يوم فى دكتوره كدى لمت فيه تشليع شالت الدنمو
هى قلبو واسى برا اى قلب الشئ ده ماش حكمتو بالغه



والله اجماعه خوفتونى بى كلامكم ده وانا خايف اود الماحى
نكون منتظرين لنا (عبوب)

---

المكاشفي آآآعشاي البركه فيكم إنتوا ...كان ما إتبرعتوا ليهو بقزازات الدم كان لحق فطينه بت موحمد الطرشه ...وكيس البرتكان الكنته شايلو ليك إتدفق مني في زحمة المواصلات ...علاّ بعكّر لي قرين وبجيك ...

ود الماحي

اقتباس:

---

المشاركة الأصلية كتبت بواسطة ابورجاء

الحبيب دوما من قلبي قريب ود الماحي صاحب البسمة
الرسمة والناس الديمة منقسمة في الريد منسجمة
والله يا ود امي لا جانجاويد لا خرابيط ما يقدروا علينا
عارف المنتدى عندو كم مشرف اسه نحمدوا ونشكر فضلوا
اكتر من 3000 مشرف شفت نعمة التعدي على حرمات
الاخوة الصادقة يا ود امي بتعمل شنو, البيجي يشابي وبي درابو يهابي بيلقى مية واحد
محمر ليهو والبيجي يسلم ويشاركنا الفرحة بتلقى الاف مادة اليد تسالم وتقالد
ووجوة منشرحة تقابلوا تحضن فيهو الفرحة, وكل واحد عايز يكون شوكة
حوت والله الاخوان يبلعوهو وفي شربة موية يفوت, ارقد قفا يا ود امي الا برضو
محتاجين الانتعاش عشان يمرق حبيبنا من غرفة الانعاش ......

تخريمة مع الشوق الكتلنا كتل :ـــ
قلت لي الخواجة ماشي هاواي ونحن منتظرنو بيجاي :D ....

ودوما في رعاية الله وحفظه....
مع كل الود باقة ورد...

---

الوجيه أبو رجاء إتا آآآبوي الكلام السمح دا بتجيبو من وين ؟؟!! كان من دكان بورتبيل أحسن أننكرب والحق أفتح لي عندو دفتر جروره ...ياربي بجررني لغاية صرف الحواشات !!؟

ود الماحي

اقتباس:

---

المشاركة الأصلية كتبت بواسطة مصباحيه

ازيك يا ود امى كيفنك انشا الله كويس والله مشتاقين شوق بحر والدموع مطر كيفنك
شنو الغيبه الطويله دى كنت وين راقد مستشفى مع المنتدى ولا شنو طولته مننا كده
اها وبعد الدربات والاسعافات دى انشا الله فى تحسن وبعد تمرقوا (من المستشفى) ورونا كتبوا ليه شنو ما تنسى منتظرنك على احر من الجمر

---

حباب مصباحيه ...
كر علي يا مصباحيه ما بتفقدي أخوك بي عمود فطور ولاّ حتي عمود كهربا ...المنتدي أنا ملازمو من يوم رقد ...أضاني طرشه كفاره ساكت ما سمعتها منّك ...نسيتي موجبي ليك في رقاد خالك الاستباليه ...أها أنا منتظرك قدام العنبر ...يا تعالي بالعمود الماخمج ولاّ أطبقي لي الموجب...أي زول واجبتو ما جاني في مرض المنتدي دا ما عافي ليهو ...والادوني شيكات طايره شتحتهم فوق أبجلابيه الما بياكل الطعميّه ...

ود الماحي

حبيب القسىود الماحى ...ياحليلنا منها الزايله...
انا من زمان كاتم دموعى لكن الليله جعرته لمن الله غفر لى وبى جيتكم يايابا المنتدى فتح عيونه وقال ادونى مويه باااااارده وبعد داك صنقر واتشهد وقال لا اله الا الله حبيب القسى ود الماحى جاء وسال من عزيز عيسى ود الماذون وابوشوارب وبابكر وصلاح سامبا وسوباوى
بركه الجيت ياود الماحى وباركه الله فيك ياودالمطامير ...ماياهو حبيب الكل ود الماحى جانا
وانا شدة ما فرحان لامن قالبنى الكلام اقول لكم ايوووووووووى وتانى ايووووووووووى
هوووى ياجنيات افتحه الزريبه الليله ما يوم فرحاتا منتدنا شم العافيه ود الطاهر ود المطامير
نحن فى حواكم ومدد ياشيخى ابوقانايا..ابشرووو يابنوت وجيبو الدلوكه وياابورجاء كتر الصعوط

اقتباس:

---

المشاركة الأصلية كتبت بواسطة الشريف الهندي

الغالي ود الماحي .......
انت ماياك القلب في المنتدى اقعد ضخ سااااااااااااي وماتقيف ... وانشاء الله بقوم على طوله من جديد وقول يارب

---

حباب الشريف ود الاشراف
ساعدونا إتو آآآبوي بي جكّه والدعوات ...

ود الماحي

اقتباس:

---

المشاركة الأصلية كتبت بواسطة Jamal Elmahi

الوجيه أبو رجاء إتا آآآبوي الكلام السمح دا بتجيبو من وين ؟؟!! كان من دكان بورتبيل أحسن أننكرب والحق أفتح لي عندو دفتر جروره ...ياربي بجررني لغاية صرف الحواشات !!؟

ود الماحي

---

الغالي سيد الفهم والراي ود امي الجمال للماحي
الكلام السمح منكم شربناهو شراب والباقي سفوفه:D
نحن ما جينا لقيناها بااااااااااااااااااااااااارده لقيناكم مأسسين
لينا قاموس من الكلمات الجميلة وصارن كلمات في زمن الغفلة
الشتت كل الناس كيمان كيمان ضليلة وشجرة تلم الضهبانين
اها نحن منكم كنا وبيكم شبينا بي سنونا ومن غيركم لا كنا ولابنكون
ابقوا قراب امنعوا عننا الدراب والبارى دربكم تب ما خاب اها بروح
اشوف البقى على العقاب .........

ودوما في رعاية الله وحفظه ...
مع كل الود باقة ورد.....

اقتباس:

---

المشاركة الأصلية كتبت بواسطة Madanawi

المنتدي سيخرج انشاء الله من غرفة الانعاش التي وضعناه نحن فيها .. من غيرنا سيخرج المنتدى من الحالة التي هو عليها الآن؟ المطلوب مننا جميعا أن نضخ دماء صالحة في المنتدى فان لم تصلح الدماء والدربات حا نجيب العلاج الجديد الاسمو الراجمات ،،

---

حباب مدناوي
لانعاش المنتدي ناوي
أريتو ما إبقي حكاوي
أنا عليّ البرتكان والبركاوي

ها ازول ها .. انا ما جايب خبر يا ود الماحي .. بالله عليك المنتدى كان راقد في اللستباليا عديل
لا حول ولا قوة الا بالله .. انشاء خير ويكون بقى عافية تب .. ليك الحمد يا رب

الا النسالك .. نحنا دمنا ملخبط بينفع معاكم ولا تشوفوا ناس دمهم رايق؟؟؟

كدا انا من ما قالو ليا المنتدى راقد قلتا الا اصلو .. واشوفو ... الله يدي العافية
آميييييييين

اقتباس:

---

المشاركة الأصلية كتبت بواسطة نزار حسن محمد

حبيب القسىود الماحى ...ياحليلنا منها الزايله...
انا من زمان كاتم دموعى لكن الليله جعرته لمن الله غفر لى وبى جيتكم يايابا المنتدى فتح عيونه وقال ادونى مويه باااااارده وبعد داك صنقر واتشهد وقال لا اله الا الله حبيب القسى ود الماحى جاء وسال من عزيز عيسى ود الماذون وابوشوارب وبابكر وصلاح سامبا وسوباوى
بركه الجيت ياود الماحى وباركه الله فيك ياودالمطامير ...ماياهو حبيب الكل ود الماحى جانا
وانا شدة ما فرحان لامن قالبنى الكلام اقول لكم ايوووووووووى وتانى ايووووووووووى
هوووى ياجنيات افتحه الزريبه الليله ما يوم فرحاتا منتدنا شم العافيه ود الطاهر ود المطامير
نحن فى حواكم ومدد ياشيخى ابوقانايا..ابشرووو يابنوت وجيبو الدلوكه وياابورجاء كتر الصعوط

---

أبو النسب ود حسن ..
المنتدي لامن تغيب إتا آآآلخزين يغبّي تب نقرّب نكسّر ليهو عويناتو...نحرسو شايلين ليهو الشهاده إسبوع..الروح كارّه والقلب يضرب زي الهبابه ..الله يلم شملنا عشان الروح ترد في منتدانا ويعمر زي زمان ...وهسه الشباب مامقصرين لكن كل عضو ليهو فرقتو ومكانتو...

مشاققه...
بركة الله ومحمد رسول الله كل الاحبه الغائبين يرجعوا ويرجع منتدانا ونرتاح من المساسقه للاستباليه وشيل العواميد...بالله يدينا إتملّخن ...

ود الماحي