سنترالخرطوم السهربالكوم .. يا عوض دكام
عرض للطباعة
سنترالخرطوم السهربالكوم .. يا عوض دكام
مشكور اخي خالد والاغنية شديدة
وفعلا ده حال بلدنا لك جزيل الشكر ياغالي
انا نفسى افهم الناس ديل العاجبن فى الاغنيه دى شنو وبعدين عوض دكام ده (الله يرحموا ويحسن اليه) دخلوه فى الاغنية ليه للغافية بس ولا ليه الراجل مات ريحوه فى قبره وبعدين مع الاعتزار لرواد الاغنيه ما فيها اى معنى ولا كلمه واحدة تفيد ولا عباره مكتمله صحيحه بس ورونى هل الموسيقى ؟ اللحن ؟ شنو. ارجو الرد علشان انا باجد ماعارفه .
متابعه لما ذكرت
الاغانى السودانيه سوى كانت حقيبه او اغانى حديثة عرفت بكلماتها الجميله المعبره النقيه ليه نجيب اغانى وتخرب لينا المعروف عننا
اغانينا بتتكلم عن اصالتنا واخلاقنا الحميده عن عروبتنا وكرمنا فيها صفاتنا الحلوه ليه نضيع كل ده كده بس اتأمل اغنيه الاستاذ محمد وردى بنحب من بلدنا ما بره البلد ليييييييييييييييييييييييييييييييه يا جماعه نحن مفروض نحارب ذى الاغانى دى (كلام يا عوض دكام ) علشان ما ترسخ فى ازهان اطفالنا والجيل الجديد نقوم نشجعن ونجيبها ليون لا لا والف لا .
راى شخصى
مشكور عبيد علي المرور وفعلا دة حال السودان
يفقد الكثير ونسال الله انو الحال يتصلح
من ناحية الرياضة اوغيرة ,, لك كل الشكر,,
نهله احيك واحي فيك الغيرة علي البلد
لكن يانهله دي ماتعتبر اغنية دي زي دراما
تحكي الواقع المعاش اليوم وملموس للجميع
وسودنا والتقليد الاعمي عايز اكون زي الدول الثانية
ونحن مايهمنا البعملوه الدول الحولنا نحن يكفينا ثراث بلدنا
اومالنا من الحضارات الغربية والغيره اودي اشياء تسمي غزو فكري
ونحن لما نجي نحارب شي نضعه قدام الجميع ونسمع كل الاراء ولكل شخص راي
وفي النهاية نصل للغاية,, لكن كمان هنا نحن بنقول سودانا ينقصه الكثير
فعلا مستوي الكورة متتدني شديد جدا وكمان السينما برضو ماعندا يعني ممثلين
يمثلو السودان ولونظرتي للاغنية وهي تحكي اشياء نعيشه اليوم
والرحمة والمغفرة للدكتور عوض دكام وهزة مصطلحات السودان وجدعات السودان
وخليكي هادئة وانسي العصبية ,, ولكي خااالص ودي وتقديري,,,
الاستاذ خالد معظم الاغاني ما بتفتح ما عارفه ليه
مشكورة كيوت علي المرور
الاغنية شغالة ميه الميه
لكي خالص ودي وتقديري,,,
شكرا يارائع000 باخلودى
مشكور عزيزي بابكر علي المرور
لك كل الود ياغالي ,,,
شفت ياخالد الاغنيه ده كانت عندي نغمه قبل ما امسحها من الموبايل
اها اسع نفسي اسمعها تاني بس ما شغاله ليه ما بعرف بس شايفه نص الكلام
سنترالخرطوم السهربالكوم .. يا عوض دكام
وبس
كلام والله
مشكورين ياشباب علي المرور
سالي الاغنية شغالة ميه المية اي نص تحكي عنه
هزه اشياء معاشه اليوم ياغالية ,,,
التيمان
لكم كل الود احبائي,,
ان بكتب ليك يا بت خالتى,,,
هع هع هاهاهاىىىىىىىى
جينا للبوبار يا نلقى ناسوا كتار
الحمام كان طار سو ليه شمار
كزبره واوهام
كلام ياعوض دكام
الشباب تعبان والرصيد كملان
على العلينا كمان يجوا مختربين
يدمروا الاحلام
ها ها هاى ياعوض دكام
حلوه منك ياعالم
التيمان كمان جبت ليها ايضااافات من عندك
كلااااااااااااام ياعوض دكااااااااااااااام
ههههههههههههههه كلام عجيب والله بس صدقني يا استاذ خالد حلفت كلو كلو ما تشتغل الاغنيه دي
الظاهر ما عاوزاني اسمعها بتقول شغاله بس انا ما شايفاها شايفه بس المكان فاضي وفيهو العنوان بس
سالي سلامة نظرك لي الدرجة دي ياسالي
الاغنية ميه المية اومافيها كلاااااااااااااام
والله حيرتني خلاص انا حيرتها الاغنيه
بس ياريت طلب خاص انك ترسلها لي في الايميل حقي
saly_salysaly@yahoo.com
وتبقي مشكور ما قصرته
طيب ياسالي برسله ليك عبرالمنتدي
راجعي رسايلك تحصليها موجودة
رسلها لى انا برضو ياخلودى
mjrjr_122
هوتميل _ ياهووو
مشكور التيمان علي المرور
التيمان سوف تصلك راجع رسايلك عبر المنتدي
الف شكر ليك ياغاااالي....
ياسلام يااااااااااااااااااااااااااااااااااارايع
ولك التحيه ياخالد موسي والله انحنا
في الغربه دي دايرين شغل زي داااا
والله يرحم دكام ولك مني التحيه
وطلب صغنون لو تورينا طريقه حفظ
السنتر دي في السنتر العندنا00000
ده حلال ده حرام-----يا عوض دكام
بلبسو الجينزي-------يا عوض دكام
بحلقو مارينزي-------يا عوض دكام
بمشو للجكسي----يا عوض دكام
شايلين الوسكي-----يا عوض دكام
حرام ما حرام---------يا عوض دكام
كلالالالالالالالالالالالام يا عوض دكام
كلام في كلام يا عوض دكام
كسرو العربات ...............ياعوض دكام
كسرو اللمبات................ياعوض دكام
يوم قرنق يوم مات..........يا عوض دكام
كلالالالالالالالالالالالام يا عوض دكام
كلام في كلام يا عوض دكام
قلنا مابنفوت،،ياعوض دكام..
إلا نسمع صوت،،ياعوض دكام..
من خلا وبيوت،،ياعوض دكام..
شان نقهر الكهنوت،،ياعوض دكام..
دى الغبينه كتيره،،ياعوض دكام..
والقضيه خطيره،،ياعوض دكام..
شبابنا هدتو الحيره،،ياعوض دكام..
وضيع أجمل سيره،،ياعوض دكام..
كلالالالالالالالالالالالام يا عوض دكام
كلام في كلام يا عوض دكام
قلنا ما بنجامل،،ياعوض دكام..
بس هدفنا تفاعل،،ياعوض دكام..
وتانى مافى تساهل،،ياعوض دكام..
مع كل جهل قاتل،،ياعوض دكام..
ديل شباب حلوين،،ياعوض دكام..
فى صدق متآلفين،،ياعوض دكام..
بالأدب مكتسيين،،ياعوض دكام..
ولودمدني أبدا راعيين،،ياعوض دكام..
كلالالالالالالالالالالالام يا عوض دكام
كلام في كلام يا عوض دكام
شوفو ناس ايناس ..................ياعوض دكام
شوفو ست الناس...................ياعوض دكام
ناس مدني الحلوين ..............ياعوض دكام
ديمة مافاضين .............ياعوض دكام
كلالالالالالالالالالالالام يا عوض دكام
كلام في كلام يا عوض دكام
(ناس مدني الحلوين ..............ياعوض دكام)
شكرا يا سالي
وشكرا يا خالد
ورحم الله الدكتور عوض دكام
ههههههههههههه
حلوه والله تجنن انا سمعتها في السودان كانت بترقص عليها بنت عمرها سنه
ههههههههههههههههههههه
والله تجنن
يديك العافيه
يارائع
كلالالالالالالالالالالالام يا عوض دكام
كلام في كلام يا عوض دكام
مشكورين ياشباب علي المرور
elfatihshosho
سالي ,, مشكورة علي الااضافة
114
روبي
فدوي الحسن
لكم كل الود احبائي..
شفو الخريات ياعوض دكام
نصهم بايرات ياعوض دكام
شوفو الخرجين ياعوض دكام
كلهم فاهمين ياعوض دكام
كلالالالالام فى كلالالالالا م ياعوض دكام
اضافه بسيطه
:) :) :) :) :) :)
اخيرا اشتغلت تصدق
بعد المعانه دي كلها
ولي اكتر من تعليق في الاغنيه دي
يادوبها اشتغلت
ناس مدني الحلوين ..............ياعوض دكام
ديمة مافاضين .............ياعوض دكام
وده طبعا بمساعده من الاخ سامبا
ليك الشكر سامبا
لا شكر على واجب .. سالي ..
روووووووووووووعه والله رووووووووووعه
والله يديك العافيه
فاقد
مشكووووووووووووووور وهذي حالة السودان
حلوه والله تجنن انا سمعتها في السودان كانت بترقص عليها بنت عمرها سنه
ههههههههههههههههههههه
والله تجنن
يديك العافيه
يارائع
جميلة شديد شديد
لك تحياتي
بسم اللة الرحمن الرحيم هلا بكل المشاركين في المنتدى ود مدنى الرائع المتالق بافرادة ان عايز غنية عوض دكام
:dالاسبلين غلط الخريجاتاقتباس:
المشاركة الأصلية كتبت بواسطة بات مان
لا الخر يات
والله الكلمات جميلة ومعبرة عن واقعنا اليومي
بس ما عارف الناس ليه بتنظر ليها علي اساس انها كلمات
هابطه طيب معني الكلام ده سلوك الانسان السوداني برضو هابط
وطه ما غني كلام مؤلف في مجتمع تاني ما هو حال السودانين
والله كلام في كلااااااااام يا عوض دكام
اعزائي
أي مستوى من الانحدار وصلت له الاغنية السودانية ؟؟؟
منذ القدم والأغنية السودانية تحكي واقعنا وتناقش القضايا الهامة والحيوية لكن بطريقة جميلة وأسلوب راقي وموضوع أما أن تكون هذه هي الطريقة التي نطرح بها انتقاداتنا ومشاكلنا ونبحث من خلاله عن المعالجة فهذا هو الانحدار بعينه
والشي المؤسف أكثر أن هذه اللونية من الاغاني كانت فعلاً متداولة منذ القدم ولكن تحت مسمى ( أغاني بنات ) بمعنى أنها تتغنى بها البنات في الجلسات والحفلات الخاصة بهن فقط , ولا تصاحبها الالات موسيقية حتى , أما الان ويا أسفي أصبحت أغاني أولاد يغنيها شباب جامعيين في مقتبل العمر ويسوقونها بين من هم في مثل أعمارهم وأصبحت تغنى علناً في الحفلات الخاصة والعامة والأدهى والأمر أنها وصلت للتلفزيون القومي الذي من المفترض أن يكون أكثر تحفظاً فيما يعرض على شاشته .
أصبحت الاغاني الرديئة والضعيفة ظاهرة عامة ومتداولة في شارعنا السوادني و تراجعت الأغاني القديمة والطرب الراقي الأصيل من مثل تلك الاغاني
فلنساهم في إعادة الذوق للمستمع ونعيد أمجاد المطربين المبدعين في بلادنا ولا داعي للانسياق خلف تلك الظواهر .
لكم مني الشكر
بالنسبة للأخت نهلة
الأغاني صاح مفروض تكون مليانة كلمات ومعاني
بس لازم يكون في أغاني لعموم الشعب يعني بالعربي العاوزين طرب
وشكراً