عرض للطباعة
http://www.asmilies.com/smiliespic/txtsmall/006.GIF http://www.asmilies.com/smiliespic/t...a0asmilies.gif الإخــــــــوة الأعـــــــــــــــزاء . مرة أخرى نلتقيكم في رحاب هذا الملتقى http://www.asmilies.com/smiliespic/FAWASEL/048.gif ضيفنا اليوم أخ عزيز وغالي علينا.. صدناه بعد أن صادنا أيام كثيرة.. فارسنا لهذا الاسبوع يمثل حلقة وصل بين جيل المحاربين القدماء وجنود اليوم.. بدءاً نتركه يتحدثاً قليلاً معرفاً بنفسه .. http://www.asmilies.com/smiliespic/FAWASEL/053.gif من هو مـــزونـــي ؟ http://www.asmilies.com/smiliespic/FAWASEL/059.gif ما له أعياه النضال بدني روحي ليه مشتهيه ود مدني ليت حظي سمح وأسعدني طوفه فد يوم بي ربوع مدني كنت أزوره أبويا ود مدني واشكي ليه الحضري والمدني آه علي حشاشتي ودجني وحنيني ولوعتي وشجنى دار أبويا ومتعتي وعجني يا سعادتي وثروتي ومجني حين سألنا حاوي الوصب من خمايل قرية القصب قالوا جات سيرتك علي النصب ونحن بين الروضة والقصب صنفه بعرها قالن إن تصب تربط الأحلام مع الخصب كان حبيبنا وحاشا ما نصبي ومن زمان فارقنا وهو صبي تاني ما سمعنا انقطع خبره يا حليلم طشوا ما إتخبروا واحدة فيهن قالت إنجبروا فقر ابونا وخدمة النبرو الكنانة أكرمت نزلي وأغدقت من خيره كل زلي إن حييت أو مت في الازل ده مقدر طبعه في الأزل غايته بختم نفثتي الخطرت بي تحية من حشاي شطرت للتدور والطايره والما طارت وسلاما ما الغصون خطرت
http://9q9q.com/March/1143873895.jpg http://9q9q.com/March/1143874572.bmp http://9q9q.com/March/1143874696.bmp
أمانة ماوقع راجل ..............
سامبا لاكن ما لقيت ليك ;) صيدة تمام اخي مزوني المنور الكرسي الساخن والله ناس المنتدى حيقعوا فيك طيخ طراخ شديد :D بس البس ليك دروع وخش بقلب قوي :cool: ويعينك المولى على الشغل الحيحصل ليك وفيك وعليك ليك رجعة :) تاني
سامبااااا لا أستغرب الإبداع .... من المبدعين
بعد التحيه والسلاااااااااااااااااااااااااام أولا أتقدم بخالص الشكر للعزيز سامبا على وهبي هذه السانحه الرائعه للجلوس مع أحبتي واخوتي وأهلي وعشيرتي بمنتدى ودمدني العريق وانشاءالله ناخد وندي مع بعض الحلو والرائع والمفيد لكن يا جماعه رفقا بالعباد أنا ما حصل عصرت لي زول في كرسي ساخن ولا بالغلط عشان كده خلوكم حنان علي اتنفقنا..................؟؟ بسم الله نبدأ :- الاسم مازن أبوبكر آدم من مواليد يوم الاثنين بتاريخ 11/11/1402 الموافق 30/8/1982 بمدينة جده قريت في ينبع من الروضه لحد ثانيه ثانوي وجيت السودان ولأول مره في حياتي سنة 1999 عشان الشهاده الثانويه وامتحنت على دفعتين 99-2000 و 2000-2001 وبعدها درست سنه في جامعة السودان فرع مدني قسم محاسبه لكن ما واصلت فيها..حولت لجامعة الجزيره كلية العلوم الرياضيه والحاسوب الدفعه 25 دبلوم واتخرجت منها في رمضان 2004 وانا الآن في الهند في حيدر أباد لمواصلة مسيرتي التعليميه من شهر يوليو 2005 الى ماشاءالله دي البطاقه الشخصيه وأرجوكم يا جماعه زي ما اتفقنا شعارنا يكون الحنيه على مزوني (هههههههههههههههههههه) اوكي وانا في انتظاركم يا أحن ناس
habibi mazenhow are you manha ha ha ha ha ha ha ha what about your result in your course"BSCIT" ha ha ha ha ha ha ha ha
حبيبي الشريف والله مشتاقين كتير يا راجل الحاصل شنو في النتايج انا حقتي أبت تظهر بتديني الرساله دي Microsoft VBScript runtime error '800a000d' Type mismatch: 'rarray' /student/new_result.asp, line 94 وانا أول مره أشوفها بس انشاءالله انت ما تكون زيي برضو هههههههههههههههههههههه مرحب بيك يا حبيب ومرحب بي كل الشباب وزي ما اتفقنا يا حبايب أنا شخصيا حكمتي في الحياه إتق شر من أحسنت إليه عشان كده ما تخلوني أخد منكم موقف بالذات كل من مر على الكرسي الساخن اتفقنا يا حلوين بااااااااااااااااااي
الاخ العزيز مازن .. مرحباً بك ضيفاً خفيفا علي الكرسي الساخن بترحاب كل الاعضاء بوجيهنا مزوني.. مع انك يعني حنكوش خالص وما شفت السودان الا في الثانوي ما هو شعورك وانت ترى وطنك لاول مره؟ حيدر اباد تلك المدينه المليئه بالمسلمين حدثنا عن عادات اهلها واختلافها مع عاداتنا؟ نخليك لي باقي الاعضاء..
لووووووووووووووووووووووووووووووول والله انت اول زول يقول لي الكلمه دي ( حنكوش ) لكن يالله ما مشكله مقبوله منك بالنسبه لسؤالك الاول طبعا لو قلت حاجه احتمال ما حتصدقو انا لما كنت في السعوديه كنت بكره السودان بي صوره كده ما عاديه يعني حتى كنت أتجنب احتك مع السودانيين يعني حتى وصلت لي مرحله اني في المتوسطه في الجغرافيا شرطت صفحات السودان عشان ما اعرف عنو شي وكنت بزوغ من أمي وأبوي لما يجيبو لي سيرة السودان أو لما أشوف شخصيه سودانيه في التلفزيون او لما يجونا سودانيين في البيت ...... ليه؟؟؟؟ أنا لي روحي ما عارف والله لكن حسه طبعا قلبت 360 درجه وانا حاليا السودان بالنسبه لي مدني وبس غير كده ما شايل معاي أي مدينه اخرى أما من ناحية شعوري فما كان في حاجه كده بقولوا عليا لأني الحمدلله ما عندي قشه مره محل ما بختوني بعيش لكن واجهتني صعوبات في الكلمات لأني والله ما كنت بعرف غير تلاته كلمات اللي هي ( زول , منو , شنو ) اما عن سؤالك التاني حيدر أباد مدينه جميله جدا ورائعه لأبعد الحدود والله لو قلت فيها شنو وشنو ما بقدر اديها حقها اما بالنسبه لأهلها فهم عالم براااااااااااااهم بي صراحه أي نعم هي مكتظه بالمسلمين بي صوره ما عاديه وكلن اسلامهم بالجد كده غريييييييييييب يعني الاسلام عباره عن اسم مثلا الجهله في البلد هنا كلهم مسلمين والحراميه والمحتالين ووووووو الخ يعني حسه احنا بنتعامل مع الهندوس والكريستيان ( المسيحيين) ونادرا ما نتعامل مع المسلمين لأنهم للأسف منهم خوف بي شده أديك موقف يا وهيب من مواقف المسلمين في رمضان المساجد كلها اتملت انوار وزينه خلعتنا احنا زاتنا قلنا نتشمشر ونشوف الحاصل شنو؟؟؟؟ اتخيل قالوا لينا شنو؟؟؟؟؟ قالوا ربنا غفر لينا ذنوبنا الفاتت كلللللللللللللها وفتح لينا صفحه جديده واحنا حسه محتفلين بيه!!!!!!!!!!!! ده كلام؟؟؟؟؟؟ اما العادات فاتمنى من الاخوان الشريف الهندي وbakry يساعدوني فيها وهم طبعا متواجدين معاي هنا حبايب واخوان ربنا يمتعهم بالصحه والعافيه ويوفقهم انشاءالله يا رب ( طبعا دفعه هنا وكده ههههههههههه ) من عاداتهم العاجباني بي صراحه انو البلد بعد 11 بليل نادر ما بتلقى ليك هندي كلهم بنوموا بدري والصباح تلقاهم كللللللللللللهم بعد صلاة الفجر في حالة رياضه في منتزهات بتكون متوفره في كل حي كل الأحياء شباب اطفال كبار من كلا الجنسين لحد الساعه 7:30 أو قبل كده بشويه وبعد كده الناس تمشي على بويوتها عشان البجهز للمدرسه أو الجامعه او الشغل وبرضو عندهم اجازت كتييييييييييييييييييره بي مناسبات اعيادهم الماليها نهايه ( عيد الالوان و عيد الطيران وعيد الألعاب الناريه وووووووو) كميه كده بتجنن وكلها هبل في هبل ديل القدرت أستحضرهم واخلي الباقي لاحبتي الشريف وبكوري وتسلم كتير يا وهيبو ويا ليت يا حبايبي تتعلمو من وهيب وتسألو أسئله خفيفه كده وحلوه عشان ما أزوغ لأني والله متسبب
اخوي مزوني .. سؤال علي الماشي .. ما سبب عدم ظهورك الفترة الماضية ؟؟ وما تقول السبب الامتحانات !!
حبيبو مزونى والله الشوق أبعاد وشايفك متجرس وخايف شديد من الشباب وتحذر فيهم ، لكن بعد ما صدتهم لازم يصيدوك بس أنا بعفى ليك حقى ، وما عندى أسئلة كثيرة بس عايزك تحكى لى عن أنطباعاتك عن الحباة مابين جدة ومدنى وحيدر أباد . وكمان جاوبنى بأمانة أنت : مدخن ؟ متعاطى تمباك ؟ مشيش ؟ ولا كييف منبهات ؟ شاى وقهوة ؟ ممكن تتزوج من هندية ؟ بعد الحب المتفانى لمدنى هل يمكن لمزونى بعد التخرج إنشاء الله والعودة للسودان أن يعمل خارج خارج مدينة مدنى ؟ أو العودة للمملكة مرة آخرى من أجل العمل ؟ مازن إذا وجدت عمل فى حيدر أباد عمل لا يتعارض من الدراسة من أجل مساعدة الأسرة فى تحملك لنفقات الدراسة هل تعمل وتدرس فى آن واحد ؟ ماهى السلبيات فى التعليم فى الهند مقارنة بالسودان وأنت درست بجامعة الجزيرة دبلوم ؟ الأسئلة خفيفة وعندى الكثير ولكن ما داير أطيل عليك حتى تصيدنى فى برامجك ؟ كن بخير ولنا عودة إنشاء الله .
يلا يا مزونى بنداء الامتحان طوالى بعد السلام والتحية والاشواق وكدة 1ّ>كم مدة أغترابك ؟ 2>ماذا تعنى لك مدنى الجميلة؟ 3>اكثر شخصية تحبها استثناء الاهل واكثر شخص ترتاح له فى المنتدى وبالعكس اكثر شخص يثير الضيق فى نفسك فى المنتدى وتتمنى طرده من المنتدى والخلاص منه؟ 4>اطرف موقف مر بك وااحرج موقف مر بك؟ 5>السلك التعليمي من الخلوة والروضة للجامعة مع ذكر موقع الدراسة؟ 6> لو ماكنت من مدنى من اية مدينة كنت تتمنى ان تكون؟ وماتقول لى مدنى 7>اى نوع من المكيفات تستخدم؟تمباك_هانس_راجا_سجاير اى حاجة 8> لمن زول يتخذ ليهو شخص كصديق مقرب ويجي في الاخر يخذلو ويخونو ويكون عدو ليهو زي الشحمه والنار؟؟؟ ويحاول ياذيه بشتي الطرق والوسائل ؟؟؟ صديق ليك دائما واقف معاك في السراء والضراء .. بتفرح لفرحو .. وتزعل لزعلو .. اذا غاب بتفقدو .. في لحظه .... بس .... إنكسر كل شئ ... بينكم وخلاص انو العلاقه البينكم انتهت مستحيل ترجع واذا رجعت ما حتكون طبيعيه زي الاول الاحساس بالغدر الشئ البيناتهم إندثر ضاع احساس قاسي ..بالندم علي الثقه الاديتها ليهو للولاء الاخوه البينكم لصفاء النيه للاستبداد للقهر لطيب الخاطر…. حتقول شنو … او تبرر ردود افعلاهم شنو … 9>حلم دائما براودك في اليقظة؟؟؟ 10_من هو اكثر عضو تفتقده فى المنتدى وتشعر بان المنتدى مسييييييييييييييخ من دونه???????? ماهى انطباعاتك عن الهند خصوصا انك قاعد فى منطقة فيها تاميل كتير زى ماقالو لى والتاميل هم اتفه خلق الله زى ما انت عارف؟؟؟؟؟؟؟؟؟ واخير وليس اخرا انا لسة ما جيت للاسئلة حاجيك تانى مرتين تلاتة فى زيارات بسيطة كدة
لا اله الا الله محمد رسول الله أنا خلاص شكلي ياها القدمت استقالتي يا جماعه ليه كده يا حلوين والله شكلها دي زوغه وزي ما قلت ليكم لو زغت تتحملو مسئوليتي اتفقنا
اقتباس: اخوي مزوني .. سؤال علي الماشي .. ما سبب عدم ظهورك الفترة الماضية ؟؟ وما تقول السبب الامتحانات !! والله الامتحانات خلصت من يوم 3/2 لكن كان عندي هنا كميه من المشاكل ما أنزل بها الله من سلطان ده غير النفسيات الكانت علي وغير وغير وغير لكن الحمدلله زي العاده مالها الا رجالها والفيني ما مرق الا بعد ما رجعت للمنتدى تاني وأحب أقدم ليكم كل الشكر والتقدير ساااااااااااااااااي كده لي الله ( لأني بمجرد ما أقرى أساميكم بترفه علي ) وغير كده استقالة أبو روان وسالي سوت في نفسي حببببببه كده لكن الحمدلله على كل حال
اقتباس: حبيبو عايزك تحكى لى عن أنطباعاتك عن الحباة مابين جدة ومدنى وحيدر أباد . تقدر تقول يا حبيبو يا سر انو مافي اختلاف يقولوا عليه يعني من ناحية العربات ومن ناحية الطباع السكن المطاعم وحاجات كتيره لكن لو وجد اختلاف انو هناك كنا بنكره الهنود بي كترتهم وحسه انا في بلدهم !!! دي بين جده وحيدر أباد أما مدني فدي كلام براااااااااااااااااها دي حياه فريدهبالنسبه لي مع اني ما عشت فيها غير 5 سنين و 8 شهور لكن بالجد كانت حاجه سعاده بإستثناء سنة 2003 من ألى اما غير كده فقمه من الجمال اقتباس: وكمان جاوبنى بأمانة أنت : مدخن ؟ دخنت لمدة 11 سنه ووقفت منو سنتين ورجعت ليه يوم نزلت حيدر أباد وحسه الحمدلله بديت أخفف منو بي كميات حلوه والحمدلله اقتباس: متعاطى تمباك ؟ سابقاً اقتباس: مشيش ؟ ما عندي معاها اكتراث كان لقيتها احتمال اشرب واحتمال لا أما اذا ما اتوجدت فما عندي بيها شغله اقتباس: ولا كييف منبهات ؟ شاى وقهوة ؟ والله ما برضو ما بركز معاهم كتير كان لقيتهم حبابهم وكان ما لقيتهم ما ما مشكله ( لكن بحبذ شاي الصباح ) اقتباس: ممكن تتزوج من هندية ؟ مستحيييييييييييييييييييييييييييييييييييييييييييييي ييييييل اقتباس: بعد الحب المتفانى لمدنى هل يمكن لمزونى بعد التخرج إنشاء الله والعودة للسودان أن يعمل خارج خارج مدينة مدنى ؟ أو العودة للمملكة مرة آخرى من أجل العمل ؟ أولا السعوديه بالنسبه لي كانت ماضي وانتهى والسعوديه تاني الا حج والحج بعد ما نتزوج انشاءالله ( حجه مع المدام ) أما لو الواحد كان لقى شغل في مدني يكون عز الطلب وتاني ما داير شي ... أما لو بقى الشغل خارج مدني فيستحسن أنو يكون في أوروبا أو أمريكا وما شابه ذالك اقتباس: مازن إذا وجدت عمل فى حيدر أباد عمل لا يتعارض من الدراسة من أجل مساعدة الأسرة فى تحملك لنفقات الدراسة هل تعمل وتدرس فى آن واحد ؟ طبعا أنا نفسي ألقى لي شغل هنا لكن لو اشتغلت الراتب أخير عدمو عشان كده احسن انوم وأقرا في بيتي اقتباس: ماهى السلبيات فى التعليم فى الهند مقارنة بالسودان وأنت درست بجامعة الجزيرة دبلوم ؟ والله ما في أي سلبيات لو من ناحية الجامعه .. أما من ناحية المعيشه فمرتبطه بشخص الأنسان هو بقدر يخليها ايجابيه وهو اللي بقدر يخليها سلبيه اقتباس: الأسئلة خفيفة وعندى الكثير ولكن ما داير أطيل عليك حتى تصيدنى فى برامجك ؟ كن بخير ولنا عودة إنشاء الله . يديك العوافي يا حبيبي وربنا ما يحرمنا منك ويكتر لي من أمثالك انت وسواح و وهيب والله يجازي ناس سامبا ومكتول مدني ( الله يجزاهم خير ) وربنا يديك العوافي يا حبيب
اقتباس: يلا يا مزونى بنداء الامتحان طوالى بعد السلام والتحية والاشواق وكدة لو زغت اتحمل النتيجه أوكي ؟؟؟؟ اقتباس: 1ّ>كم مدة أغترابك ؟ جيت السودان بالضبط كده يوم 2/7/1999 وخرجت من السودان 4 مرات كلها للسعوديه أول مره يومين وتاني مره اسبوع وتالت مره شهر واخر مره شهرين بعد كده أحسب اقتباس: 2>ماذا تعنى لك مدنى الجميلة؟ كل حياتي اقتباس: 3>اكثر شخصية تحبها استثناء الاهل واكثر شخص ترتاح له فى المنتدى وبالعكس اكثر شخص يثير الضيق فى نفسك فى المنتدى وتتمنى طرده من المنتدى والخلاص منه؟ الحب بي صراحه لكل أعضاء المنتدى وهو أكتر من بيتي التاني والكره في المنتدى والحمدلله ما لقيت زول بستاهل انو يتكره لي يوم الليله اقتباس: 4>اطرف موقف مر بك وااحرج موقف مر بك؟ أطرف موقف: في المعسكر كان حصل لينا حادث وكنا راكبين قدام مع السواق انا وولد جيرانا والعربيه اتقلبت بينا زي كم قلبه واستقرت مقلوبه على ناحية السواق وأنا مرقت اول زول من العربيه ولما عاينت للعربيه لقيت السواق براهو مليان دم وكان همي بي صراحه في ولد فريقنا ولما عاينت ليتو مافيش وقللبي وقف في النهايه لقيتو معلق في الباب التاني ( اللي هو حق الراكب ) لما نزلتو ومرقنا قال لي اصبر شويه قلت ليه مالك قال لي داير اجيب فردة السفنجه..... اما أقبح موقف لما أنصدم في عزيز ( أو يكون عامل فيها صاحبك الوفي ) وحصلت لي 3 مرات ......................... اقتباس: 5>السلك التعليمي من الخلوة والروضة للجامعة مع ذكر موقع الدراسة؟ سنتين في روضة الملك عبدالعزيز بينبع ومن ثم ابتدائيه أبي عبدالرحمن السلمي ومتوسطة ابي موسى الاشعري وثانوية الملك عبدالعزيز ( لحد تانيه) سنه تالته ما بين المجلس الافريقي ومعهد عبدالله صلاح والجامعه برضو سنه في فرع السودان ( بمعهد عبدالله صلاح ) ومنها جامعة الجزيره الاعداديه كلية العولم الرياضيه والحاسوب والان في سكيم منيبال في سمستر 2 اقتباس: 6> لو ماكنت من مدنى من اية مدينة كنت تتمنى ان تكون؟ وماتقول لى مدنى اتمنى اني اكون ما موجود من أصلو اقتباس: 7>اى نوع من المكيفات تستخدم؟تمباك_هانس_راجا_سجاير اى حاجة والله السجاير خلاص على وشك انو يتخلى والحمدلله غيروا مافي اي حاجه اقتباس: 8> لمن زول يتخذ ليهو شخص كصديق مقرب ويجي في الاخر يخذلو ويخونو ويكون عدو ليهو زي الشحمه والنار؟؟؟ ويحاول ياذيه بشتي الطرق والوسائل ؟؟؟ صديق ليك دائما واقف معاك في السراء والضراء .. بتفرح لفرحو .. وتزعل لزعلو .. اذا غاب بتفقدو .. في لحظه .... بس .... إنكسر كل شئ ... بينكم وخلاص انو العلاقه البينكم انتهت مستحيل ترجع واذا رجعت ما حتكون طبيعيه زي الاول الاحساس بالغدر الشئ البيناتهم إندثر ضاع احساس قاسي ..بالندم علي الثقه الاديتها ليهو للولاء الاخوه البينكم لصفاء النيه للاستبداد للقهر لطيب الخاطر…. حتقول شنو … او تبرر ردود افعلاهم شنو … انت داير تطفشني صاااااااااااااااااااااااااااح؟؟ والله زي ما قلت ليك حصلت لي مع تلاته اتنين منهم علاقتي معاهم ما زي اول لكن برضو حلوه ما بطاله والتالت لو لميت فيه احتمال أقتلو عديييييييييل وهو برلومي وأنا جبتو الهند هنا وشفت منو العجب بعد ما جا اقتباس: 9>حلم دائما براودك في اليقظة؟؟؟ بس داير أرجع مدني اقتباس: 10_من هو اكثر عضو تفتقده فى المنتدى وتشعر بان المنتدى مسييييييييييييييخ من دونه???????? والله كلللللللللللهم بدون فرز والله على ما أقول شهيد اقتباس: ماهى انطباعاتك عن الهند خصوصا انك قاعد فى منطقة فيها تاميل كتير زى ماقالو لى والتاميل هم اتفه خلق الله زى ما انت عارف؟؟؟؟؟؟؟؟؟ والله اتخيل التمل والحمدلله ما كتار عندنا هنا لكن تقريبا بتكتروا في مدراس يعني مرتااااااااااح منهم اقتباس: واخير وليس اخرا انا لسة ما جيت للاسئلة حاجيك تانى مرتين تلاتة فى زيارات بسيطة كدة الوقت داك حتلقاني زغت من المنتدى
كيفك يا مزوني ان شاءالله بخير وعافية .. صنديد ومتمكن من الكرسي حتى الان ما شاءالله عليك .. وهاك دي شوية اسئلة خفيفة 1- لاحظت في ردودك حبك الشديد لمدنيتنا العظيمة ودمدني فما الذي يعجبك فيها اكثر؟ تحدث لنا قليلا عن ما تعنيه لك 2- ما هو الملفت للنظر في الهند ايجابيا وسلبيا؟ 3- هل كنت تتمني ان تدرس في مكان اخر غير الهند بعد ان ضاقت بك السبل في السودان؟ 4- هل تنصح الاخرين بمتابعة دراستهم هناك؟ ولم؟ 5- ماهو رايك بالمستوي التعليمي بالهند مقارنة بالمستوي التعليمي بالسودان؟ 6- هل تستسيق ما تدرسه الان؟ هل تحس انه مفيد لفكرك وعقلك ام تحس بانك تقراه فقط لتنجح؟ هل تحسب الايام حتى تتخرج وتنفذ ما درست عمليا ام تحس ان الواقع يختلف عما تتعلم؟
العزيز الغالي الآدمن حبابك ملايين والله ونورت علي لكن تصدق مما قريت أسمك كآخر مشاركه الصراحه قلبي وقف قلت خلاص انا موضوعي انتهى لكن الحمدلله جات على خير اقتباس: 1- لاحظت في ردودك حبك الشديد لمدنيتنا العظيمة ودمدني فما الذي يعجبك فيها اكثر؟ تحدث لنا قليلا عن ما تعنيه لك بي صراحه تقدر تقول انها عواطف داخليه لمدني وأكتر ما يعجبني فيها ناسها أكتر من أي شي آخر وبعدين الواحد لما يكون موجود في مدني بتجيه أحاسيس غريبه وحللللللللللوه الواحد لا بحس فيها بي زهج أو قرف الا في حالة انو يكون ما منها يعني انا الخرطوم الجنبنا دي أول يوم أبيت فيها أيام الاجراءات لكن زمان بعمل اجراءاتي وبمجرد ما اليوم انتهى برجع مدني وتاني الصباح برجع الخرطوم رايك شنو؟؟؟؟ اقتباس: 2- ما هو الملفت للنظر في الهند ايجابيا وسلبيا؟ انا بي صراحه مما جيت الهند غيرت مسرى حياتي يعني ما زي السودان علاقات ومعارف وطلعات وكلام زي ده..!! لا هنا لامي نفسي في البيت ونادر ما أمرق يعني حتى لو مرقت ياها يا داب قريب قريب من البيت عشان كده ما قدرت لغاية حسه اني أكون أي معلومه يقولوا عليها عن الهند لكن بالعرفتو لغاية حسه ايجابا :- هي دوله جميله والواحد ممكن يستفيد منها بالذات في المجال العلمي وكمان متوفر فيها أي شئ برضو كالطب ممتاز جدا خاصه في مدينة مدراس سلباً :- ما لقاني لحد الان غير نطقهم السيئ للغه ( بقول عليه جبان جدا ) اقتباس: 3- هل كنت تتمني ان تدرس في مكان اخر غير الهند بعد ان ضاقت بك السبل في السودان؟ أقول ليك النصيحه؟؟ أنا أصلا فكرة التصعيد ما كانت في حساباتي لكن كانت فكرة الوالد ( الله يطيل في عمرو ويديه الصحه والعافيه ) يعني من دخلت الجامعه وهو بقول لي تصعد وانا كنت رافض,, حتى اني نزلت في تلفزيون الجزيره عشان أقفل السيره . لكن تاني اتفاجأت بي الوالد ( الله يطيل في عمرو ويديه الصحه والعافيه ) انو يقترح علي الهند . طبعا كنت رافض للفكره من البدايه لكن مع مرور الزمن فكرت فيها ولقيت انو الدبلوم ( مابأكل عيش ) ولقيت نفسي في الهند..!! هههههههه لكن بي صراحه ما كان عندي أي فكره لأي دوله أخرى.. اقتباس: 4- هل تنصح الاخرين بمتابعة دراستهم هناك؟ ولم؟ 5- بي صراحه !! معظم الدارسين من فئة الشباب والشباب بعد داك بنقسم الزول الجادي وداير قرايه وبس ده ما بتجيه عوجه والله بنصحو بي شده أما النوع التاني اللي هم بحبو البرامج وما عارف ايه فالنوع ده ماااااااا أنصحوا بالجيه خير شر عشان ما ( يتدقس ) زينا لكن من ناحية العلم فأبشر بلد ممتازه جدا جدا وبعد ده كلو العلم هنا رخييييييييييييييييييييييييييييييييييص اقتباس: ماهو رايك بالمستوي التعليمي بالهند مقارنة بالمستوي التعليمي بالسودان؟ مافي أي مقارنه .. الدراسه هنا متطوره جدا وكل سبل التعليم متوفره لجميع الطبقات .. اقتباس: 6- هل تستسيق ما تدرسه الان؟ هل تحس انه مفيد لفكرك وعقلك ام تحس بانك تقراه فقط لتنجح؟ هل تحسب الايام حتى تتخرج وتنفذ ما درست عمليا ام تحس ان الواقع يختلف عما تتعلم؟ أمووووووووووت فيه وبي صراحه مع اني دخلت مجال الكمبيوتر بالغلط لكن الحمدلله حبيتو أكتر من صديق وأنا بحاول أعرف فيه بقدر ما أقدر يمكن أنا معرفتي نوعا ما لحد الان في التصميم ( على خفيف طبعا ) وشويه في الصيانه وهنا بحاول أطور نفسي انشاءالله في التصميم والبرمجه والشبكات ومن ناحية حساب أيام والله شغال أحسب فيها بالثواني حتى بحاول اني اتحايل بكل السبل عشان اصعد ماستر واتخارج من البكلاريوس وانشاءالله يا حبيب أكون أوفيت معاااااااااك؟؟؟؟
ما قصرت يديك العافية مزوني .. يلا اتخرج بي سرعة شغلنا كتير في موقع ودمدنيوالمنتديات ومستنيين الكفآت الزيك كدا
اخى وحبيبى مزونى سؤال على الطاااااااااااااير كدة انت فى الهند شعورك شنو لو جاك خبر خطيبتك اتزوجوها تانى جاى راجع ليك
اقتباس: ما قصرت يديك العافية مزوني .. يلا اتخرج بي سرعة شغلنا كتير في موقع ودمدنيوالمنتديات ومستنيين الكفآت الزيك كدا عزيز الادمن حبابك والله وانا في الخدمه يا حبيبنا
اقتباس: اخى وحبيبى مزونى سؤال على الطاااااااااااااير كدة انت فى الهند شعورك شنو لو جاك خبر خطيبتك اتزوجوها كدي خليها تجي وبعداك نشوف الحاصل شنو؟؟؟ وبعدين الواحد لما يحب او يخطب يحاول يخت حساب حاجه زي دي صااااااااااااااااااااح...؟ الواجد ما يبقى اقع بي وشو ولا شنو ؟؟؟؟؟ اقتباس: تانى جاى راجع ليك جاي وين يا اخوي كده كفاااااااااااااااااااااااااااااك وما قصرت وشكرا ليك على سؤالك هههههههههههه
الاخ العزيز مزوني ...ما تخاف نحن ممكن نساعدك لو في اي ورطه كده ولا كده لانه بصراحه انا حنيت عليك شديد شكلك كده رقيق على الشغل التقيل بتاع الجماعه ديل ووالله انا بشووف انك لسه بدري عليك وهذا الكرسي البشوشو ..على العمومما تخاف نحن معاك قلبا وقالبا بس عندي ليك سؤال صغيروني ولو بايخ خليه وذي كانك جاوبت وهو ....ليه بالذات الهند بالرغم من الفوارق الكتيره اللي زكرتها هل هو تنسيق او رغبه منك شخصيه او ماذا....؟
[COLOR=Green]الاخ العزيز مزوني ...ما تخاف نحن ممكن نساعدك لو في اي ورطه كده ولا كده لانه بصراحه انا حنيت عليك شديد شكلك كده رقيق على الشغل التقيل بتاع الجماعه ديل ووالله انا بشووف انك لسه بدري عليك وهذا الكرسي البشوشو ..على العمومما تخاف نحن معاك قلبا وقالبا بس عندي ليك سؤال صغيروني ولو بايخ خليه وذي كانك جاوبت وهو ....ليه بالذات الهند بالرغم من الفوارق الكتيره اللي زكرتها هل هو تنسيق او رغبه منك شخصيه او ماذا....؟ :)
اقتباس: الاخ العزيز مزوني ...ما تخاف نحن ممكن نساعدك لو في اي ورطه كده ولا كده حنينه والله زي أصلك وما بتقصري يا غاليه اقتباس: لانه بصراحه انا حنيت عليك ههههههههههههههههه تثلمي يا ماما ثلوى وربنا ما يحرمنا منك اقتباس: شكلك كده رقيق على الشغل التقيل بتاع الجماعه ديل بس في دي قلبتي هوبه عدييييييييييييييييييل ( شي حنكوش وشي رقيق المره الجايه يا ربي حتطلعوني بستعمل ديانه ولا شنو؟؟؟؟؟) ههههههههههههه اقتباس: عندي ليك سؤال صغيروني ولو بايخ خليه ما عليك زود يا بنت أمي خدي راحتك في الأسئله ( لكن ما تزويديها بس ) هههههههههههههههههه اقتباس: ليه بالذات الهند بالرغم من الفوارق الكتيره اللي زكرتها هل هو تنسيق او رغبه منك شخصيه او ماذا....؟ الصراحه يا سلوى أنا أساساً من انا صغير كانت رغبتي لو ما ادارة أعمال محاسبه لكن من 2002 وتحديدا وانا في اول سنه محاسبه بدت فكرتي تتغير وتتجه للحاسوب وتاني صار حبي ليه ما ليهو حد يعني حتى بعد ما تمت السنه ولاااااااااااااا اتلفت قلت أغير مجالي طوالي وطبعا الحاسوب كانت رغبة الوالد ( الله يطيل في عمرو ويديه الصحه والعافيه ) لكن طبعا في البدايه ما قدر يقول حاجه قدام حبي الشديد لإدارة الاعمال ولما قلت ليه اني داير احول لمجال الكمبيوتر داير يطير من الفرح ورحب بالفكره على طول .. والهند طبعا لو ما اخاف الكذب هي أحسن دوله في العالم في تدريس مجال الكمبيوتر بجميع تخصصاته وما اظن في محل أحسن منها وبعدين دراستها مقارنه بي اماكن تانيه رخييييييييييييييييييييييييصه شدييييييييييييييييييد وغير كده ما في أسهل من انو الواحد يحصل على شهادات ( أون لاين من مايكروسوفت ) وطبعا لو لقيتي الشهاده دي تاني الزيك منو ؟؟؟؟ لكن المشكله طبعا انو الواحد هنا ما بقدر يبرمج ويعيش حياتو زي السودان بالذات هنا في حيدر أباد لكن في العلم ماشاءالله ما يحتاااااااااااااااااااااااااج وبعدين أحسن وأرخص الدراسات كلها عندنا هنا يعني الواحد انشاءالله لو شد حيلو ولعبها صح بطلع من البلد دي ومستقبلوا مضمووووووووووووووووووووووووووووووووووووووووووووووو وون دي أسبابي يا غاليتي أم أحمد وأشكرك للمره التانيه على سؤالك الخفيف اللذيذ يا لذيذه وربنا يديك الصحه والعافيه ويا ناس مكتول اتعلموا شوفوا الناس دي بتسأل كيف ؟؟ جايني بي جريده وتقول لي امتحان !!!!! عجباً والله ..... هههههههههههههههههههههههههههههههههههههههه
عذرا اذا وهنت الاقدام على جسر التواصل............ وعذرا اذا شيد الزمن حصنا دون اللقاء .......... فابقى فينا يا مازن كالجرح الطاهرلا يدمى ...... بل ينمو بالطهر ليضئ الدرب ...... فالتصدق المحبه الى حين لقاء باذن الله حبابك السيد مزوني حبابك ملايين في الكرسي النور بيك وزادت نارو بنورك طبعا أنا مقدر ظزوفك كويس وحاسي بيك جدا وخصوصا اليومين ديل وانت في ( بونه ) العليك ماهينه لكن انت عارف الكرسي ده اسمو الساخن وطبعا مامكن تمرق منو ساي خصوصا أنا أول زول اتكوى بنار (صادوه ) لكن انت عارف ما حأكتر عليك كلهم خمسه وعشرين سعال من بيت الكلاوي بس انت اتجهز كويس ومعليش يعني ....... بس دقايق وأجيك تاني . . . . . . .
الأخ العزيز / ماااااااااازن ... تحيــــــــاتي يا غالي .. ومنـــــــور ذي القمـــــــــر ... عبر هذا اللحن الجميل لفنانك المفضل معتز صباحي أرجو شاكرا لك أن تصحبني في جولة سياحية ... وهنا أترك لك حرية إختيار مدينة بخاطرك لهذه الجولة .. وفي كلمات من عندك صف لنا هذه المدينة ولماذا وقع اختيارك عليها ... ولك كل الود يا غالي ...
هههههههههههههههههههه والله نسيت حاجة ... المرة دي جيتك خفيف مش كده ؟ إعترف ..نظام سياحة وكده .. لكني معاك على طول الطريق يا حبيب .. وبكرة وبعده تاني بجيك .. أمسك الخشب كويس .. ههههههههههههههههههه
الوريف مازن .. يسعدني تماماً أن أكون أحد حواريي هذه الملمة الجميلة في حضرتك وتمتعني فيك هذه التلقائية الأنيقة وصدق المشاعر الفائح من كلماتك تجاه الجميع .. سيكون الحوار معك معبقاً وذلك لما ستكون قد أكسبتك أياه تجاربك الثرة وأنت لا زلت في مقتبل العمر ما بين المملكة والسودان – جامعة الجزيرة – الهند .. ولا أعتقد أن الأعزاء الذي سبقوني قد تركوا لي شيء لأقوله أو سؤال لأنتعله تجاهك ولكن دعني أبدأ بك من حيث أنت موجود الآن وأرجو أن لا ترهق نفسك في الإجابات يا عزيزي لأنني فقط ما قصدته في بوستك هذا أن نستفيد منك وأحاول جاهدا أن نستفيد نحن أيضا معك والآن سأتجول معك في الهند ثم نعود لجده ومنها للسودان .. يبدأ التحرك من حيدر آباد لنذهب لأجمل الأماكن .. إلى تاج محل ... تاج محل هو من أجمل المباني الإسلامية في الهند من حيث الروعة والزخرفة والتصميم الهندسي. وهو مبنى عملاق يشرف على مدينة أكرا بالهند، والتي كانت عاصمة المغول في ذلك الحين إلى أن قام الإمبراطور شاه جهان الذي حكم الهند قبل أكثر من 300 سنة بنقل العاصمة من أكرا إلى مدينة دلهي والتي هي عاصمة الهند حتى اليوم. وقد شيدَّ هذا البناء الضخم الإمبراطور شاه جهان تكريماً لزوجته وشريكة حياته والتي كان اسمها (ممتاز محل) حيث كان الإمبراطور يحب زوجته كثيراً لأنها كافحت معه وكانت مخلصة له وأنجبت له ستة أولاد، ولما توفيت في عام 1630 حزن عليها زوجها الإمبراطور حزناً شديداً وقرر أن يقيم لها أجمل مقبرة يمكن أن يشاهدها إنسان، فاستدعى المهندسين المعماريين من كافة أنحاء العالم من الهند وتركيا وفارس والجزيرة العربية ليتعاونوا في وضع تصميم مميز لهذا البناء، وبعد 18 عاماً أصبح البناء جاهزاً بعد أن اشترك في تنفيذه أكثر من 20 ألف عامل، وقد جلبوا له الحجارة الجميلة والرخام الأبيض المصقول من الهند ومصر والجزيرة العربية والتبت.وبعد وفاة الإمبراطور دفن في نفس البناء إلى جانب زوجته. الآن دعني أسألك أخي مازن ماهو الشعور حقيقة الذي يكتنفك وأنت في تاج محل تلج إلى الضريح بعد العبور على الحدائق الواقعة داخل تلك المساحة المطوقة التي تعتليها بوابة كبيرة إلى حيث جمعت المساجد والأضرحة الأخرى -للزوجات الأقل حظا- وأنت تقف بين النصبين التذكاريين لكل من "[[ممتاز محل]]" و "[[شاه جهان]]" أو ا هل أنتابك شعورا بأن الحب عظيماً حقا ويستحق كل هذه الفخامة التي أحاطها به "شاه جهان" وأن "ممتاز" إمرأت فوق التصور ... ************************************************** **** الآن عزيزي مزوني .. دعني أقودك في إلى عوالم دينية غريبة التقاليد بين تلك الجماعات التي تعج بها الهند فكل ما قادني التفكير إلى التمعن فيها أقول لنفسي أنها دولة عين الأنتحار فها أن يولوك رئاستها وذلك لتعدد الديانات بها والتي تصل الى 120 ديانه بعضها متشعب من ديانات اساسية و بعضها متشعب من مذاهب و معتقدات وثنية... و يشكل المسلمون نسبة 8% من السكان اي ما يعادل 800 مليون هندي كما يشكل الهندوس نسبة 80% من السكان و باقي السكان موزعون على باقي الديانات والمعتقدات الاخرى .. أتتفق معي أخي مازن في أن مدن الهند برغم هذا التباين الذي تظن أنه سيوتر أي أجواء يجتمع فيها أكثر من خمس هنود وبالرغم من ذلك فتلك المدن مرحة فرحة تحس ببقايا أحتفال عالقة بذاكرتها على الدوام .. الرحيب مازن ما ذكرته لك عن مرح يخالط أجواء مدن الهند لا ينفي أن هناك توترات بين الجماعات الدينية فلنخوض قليلاً في التعرف على تواريخ و تفاصيل هذه الجماعات حتى يكون حوارنا بمرجعية ثابتة فمثلاً الديانة البوذية نجد أنها فلسفة وضعية انتحلت الصبغة الدينية ، وقد ظهرت في الهند بعد الديانة البرهمية الهندوسية في القرن الخامس قبل الميلاد ، وكانت في البداية تناهض الهندوسية وتتجه إلى العناية بالإنسان ، كما أن فيها دعوة إلى التصوف والخشونة ونبذ الترف والمناداة بالمحبة والتسامح وفعل الخير . وبعد موت مؤسسها تحولت إلى معتقدات باطلة ، ذات طابع وثني ، ولقد غالى أتباعها في مؤسسها حتى ألهوه . ومؤسسها هو سدهارتا جوتاما الملقب ببوذا 560-480ق.م وبوذا تعني العالم ويلقب أيضاً بسكيا موني ومعناه المعتكف . وقد نشأ بوذا في بلدة على حدود نيبال ، وكان أميراً فشب مترفاً في النعيم وتزوج في التاسعة عشرة من عمره ولما بلغ السادسة والعشرين هجر زوجته منصرفاً إلى الزهد والتقشف والخشونة في المعيشة والتأمل في الكون ورياضة النفس وعزم على أن يعمل على تخليص الإنسان من آلامه التي منبعها الشهوات ثم دعا إلى تبني وجهة نظره حيث تبعه أناس كثيرون . من وصايا بوذا : لا تقض على حياة حي ، لا تسرق ولا تغتصب ، لا تكذب ، لا تناول مسكراً ، لا تزن ، لا تأكل طعاماً نضج في غير أوانه ، لا ترقص ولا تحضر مرقصاً ولا حفل غناء ، لا تتخذ طبيباً لا تقتن فراشاً وثيراً ، لا تأخذ ذهباً ولا فضة . هل تعتقد أخي مازن أن البوذيون لو أنهم أخذوا بوصايا بوذا كتطبيق حرفي ومن غير إضافة أي نظريات فلسفية هل كان سيكون وضعهم غير ما عليه الآن . ولنذهب الآن يا عزيزي نحو الهندوس قليلاً لنجد أن الديانة الهندوسية مزيج من الفلسفة الهندية والديانتين اليهودية والمسيحية كما أنها عقيدة محدودة الأتباع . ويعتقد الهندوس أنها جاءت عن طريق الوحي ، ولو صح هذا فلا بد أنه قد حصل لها الكثير من التحريف والتبديل حتى أصبحت أسلوباً في الحياة أكثر مما هي عقيدة واضحة المعالم . وتشمل من العقائد ما يهبط إلى عبادة الأشجار والأحجار والقرود والأبقار .. إلى غير ذلك من أنواع الوثنية التي تتنافى مع أبسط قواعد التوحيد . أتتفق معي عزيزي مازن في أن الهندوسي أكثر هذه الجماعات ضحالة في أفكاره وأن نظام الطبقات الذي ارساه لم يعد إلا وبالاً عليه وهذا سبب ما سيؤلون إليه من تصدع أكبر وذلك إن يخسف بهم الله الأرض وذلك لأنالتقسيم الطبقي فيها يتعارض مع كرامة الإنسان ويجعلها بعيدة عن الوحي الرباني ؟ معذرة صديقي مازن للولوج بك في هذه العوالم المتوترة التي لا يطيقون هم أنفسهم التحدث فيها إلا فيما يخص جماعتهم فقط .. ولكن للسيخ نظريات أخرى وغرابة أطوار ما أنزل الله بها من سلطان ونجد أنهم جماعة دينية من الهنود ظهروا في نهاية القرن الخامس عشر وبداية القرن السادس عشر الميلادي داعين إلى دين جديد زعموا أن فيه شيئاً من الديانتين الإسلامية والهندوسية تحت شعار " لا هندوس ولا مسلمون ". وقد عادوا المسلمين خلال تاريخهم ، وبشكل عنيف ، كما عادوا الهندوس بهدف الحصول على وطن خاص بهم ، وذلك مع الاحتفاظ بالولاء الشديد للبريطانيين خلال فترة استعمار الهند . وكلمة سيخ كلمة سنسكريتية تعني المريد أو التابع . إن عقيدة السيخ تعتبر إحدى حركات الإصلاح الديني التي تأثرت بالإسلام واندرجت ضمن محاولات التوفيق بين العقائد ولكنها ضلت الطريق حيث لم تتعرف على الإسلام بما فيه الكفاية من ناحية ولأن الأديان ينـزل بها الوحي من السماء ولا مجال لاجتهاد البشر بالتلفيق والتوليف واختيار عناصر العقيدة من هنا وهناك . هل تعتقد عزيزي مازن أن حادثة المعبد الذهبي قد تركت أثرا كبير في نفوس السيخ في ما يحملوه من حقد وبغض تجاه الآخرين والتي كانت على إثر المصادمات المستمرة بين الهندوس والسيخ حيث أمرت أنديرا غاندي رئيسة وزراء الهند في شهر يونيو 1984م باقتحام المعبد الذهبي في أمرتيسار حيث اشتبك الطرفان وقتل فيه حوالي 1500 شخص من السيخ و 500 شخص من الجيش الهندي .أنا في رأي أنهم الأكثر حقداً حتى ولو من غير هذه الحادثة .. أتوافقني ؟ وأخيرا مزوني دعني أعود بك عائداً للملكة العربية السعودية واستناداً لتجربتك الشخصية في المقارنة بين الهندي في موطنه والهندي بالمملكة العربية السعودية ؟ يجوز أن تكون لنا رحلة حوار عزيزي مازن نتمطق فيها الحديث ما بين السودان وينبع وجامعة الجزيرة أتمنى أن أوفق في العودة إليك مرة أخرى .. وإن أخذتنا طاحونة الزمن في رحاها فلك مني معبق الود وجزيل التحيات ...
Hi mazony i don't have questions for you, because my brothers and sisters have everything asked i come to wish success only greetings :) lamis
يديك العافية مزوني في غربتك العلمية ناس الهند ديل بشبهونا كتير في اللون القمحي ( بتاع ناس الجزيرة ) يا ربي السر شنو ؟ بمعني مرات ما بنفرز السوداني منو والهندي منو وخاصة اللون الاسود المشترك ( كيرللا) سينمات مدني الشهر كله نلقي اعلانات الافلام هندية في الشوارع ياربي السر شنو ؟ بمعني الثوب السوداني ياهو ذاتو ( الساري الهندي ) والزمام والغويشات ولبس الدهب عامة زائدا الحناء بسؤال آخر الناس ديل بشبهونا في حاجات كتيرة وخاصة بعض العادات والتقاليد مزوني شوف لينا حلل ؟
حبيب قلبي الشريف حبابك والله لكن كان جاييني بالتقيل من حسه أحذرك أخير ليك خليك في كلاساتك يا ولدي أنفع ليك أنا ما بنفعك بي حاجه يا حبه وربنا يوفقك يا حبيب طبعا بونا بي جاي نفسياااااااااااااااااااااااااااااات بلد سمحه خالص وناسها حلوين وشباب مدني أحلى و أحلى يا حبه كدي لما أجيك أديك الشمارات يا قلب هههههههههههههههههههه
اقتباس: الآن دعني أسألك أخي مازن ماهو الشعور حقيقة الذي يكتنفك وأنت في تاج محل تلج إلى الضريح بعد العبور على الحدائق الواقعة داخل تلك المساحة المطوقة التي تعتليها بوابة كبيرة إلى حيث جمعت المساجد والأضرحة الأخرى -للزوجات الأقل حظا- وأنت تقف بين النصبين التذكاريين لكل من "[[ممتاز محل]]" و "[[شاه جهان]]" أو ا هل أنتابك شعورا بأن الحب عظيماً حقا ويستحق كل هذه الفخامة التي أحاطها به "شاه جهان" وأن "ممتاز" إمرأت فوق التصور ... والله تصدق يا حبيب لي حسه ما شفت ولا حاجه من ديل كلهم لكن انشاءالله الواحد بعد ما يجي من السودان حيبدا برنامج حوامه تقييييييييييييييييله اقتباس: أتتفق معي أخي مازن في أن مدن الهند برغم هذا التباين الذي تظن أنه سيوتر أي أجواء يجتمع فيها أكثر من خمس هنود وبالرغم من ذلك فتلك المدن مرحة فرحة تحس ببقايا أحتفال عالقة بذاكرتها على الدوام .. تصدق يا حبيبي سوباوي ان البلد دي أشبه بي دول يعني كل ولايه قائمه بي حد زاتها يعني أبسط حاجه أمسك شرايح الموبايل أنا حسه جيت بي شريحتي لي بونا وطبعا الشريحه ما حتشتغل الا يكون عندك رصيد وبخصمو منك كان مستقبل أو ضارب انت وبخصمو خصم خيالي جدا يعني انا حسه الا أشتري شرحه حليه من بونا يوم رصيدي يقطع ...!!! أها رايك شنو....؟؟؟ دي أبسط حاجه فما بالك بالعادات والتقاليد وما الى ذالك اقتباس: هل تعتقد أخي مازن أن البوذيون لو أنهم أخذوا بوصايا بوذا كتطبيق حرفي ومن غير إضافة أي نظريات فلسفية هل كان سيكون وضعهم غير ما عليه الآن . !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!! ديل وين ديل والله زي ما يقول السودانيين كلام جرايد ساااااااااااااي هو المسلمين ما شغالين بالكلام ده كتير خليك من باقي الجماعات التانيه والله اعلم ..... اقتباس: أتتفق معي عزيزي مازن في أن الهندوسي أكثر هذه الجماعات ضحالة في أفكاره وأن نظام الطبقات الذي ارساه لم يعد إلا وبالاً عليه وهذا سبب ما سيؤلون إليه من تصدع أكبر وذلك إن يخسف بهم الله الأرض وذلك لأنالتقسيم الطبقي فيها يتعارض مع كرامة الإنسان ويجعلها بعيدة عن الوحي الرباني ؟ أكيد أتفق معاك وبي قوه كمان لأنو بالجد العندو قروش هنا خلاااااااااااااص ما عندو فرق من ربنا والعياذ بالله يعني الناس بتعبدو وتخدمو بي يدينو وكرعينو وسيد القروش يستحلى الحكايه ويشطح شدييييييييييييييييييييييييييييييد ربنا غالب اقتباس: هل تعتقد عزيزي مازن أن حادثة المعبد الذهبي قد تركت أثرا كبير في نفوس السيخ في ما يحملوه من حقد وبغض تجاه الآخرين والتي كانت على إثر المصادمات المستمرة بين الهندوس والسيخ حيث أمرت أنديرا غاندي رئيسة وزراء الهند في شهر يونيو 1984م باقتحام المعبد الذهبي في أمرتيسار حيث اشتبك الطرفان وقتل فيه حوالي 1500 شخص من السيخ و 500 شخص من الجيش الهندي .أنا في رأي أنهم الأكثر حقداً حتى ولو من غير هذه الحادثة .. أتوافقني ؟ أكيد بتفق معاك وحتى الكلام السمعتو والله اعلم ان السيخي تلقى شعرو كتيييييييييييييييييييييييييير وما بحلق الا لما يقتل مسلم .....!!!!! ( والله أعلم ده الكلام القالوا لينا السناير ) يعني لو لقيت سيخي شعروا خفيف أعرف انو قاتل ليه مسلم قرييييييييييييييييييييييييب اقتباس: المقارنة بين الهندي في موطنه والهندي بالمملكة العربية السعودية ؟ والله وااااااااااااااااااااااااااااحد الهندي ياهو الهندي كان طال الزمان ولا دار عمروا ما بتغير الا من رحم ربك يعني انا هنا بالجد ما لاقاني هندي وسط يعني الفوق فوق والواقع في الواطه وقعتو سوده يديك العافيه أخوي سوباوي على المعلومات الحلوه وبالجد ما كنت عارفها وربنا ما يحرمنا منك يا غالي
الغالي سامبا حبابك والله وطلتك عكس ما اتوقعت يا سكر خليك كده طوالي يا حبوب من ناحية الفسحه طبعا حأجيبك لي مدني واعزمك على منتجع الكاسح طبعا ده انت زي ما حاضرو لكن قالوا حاجه روووووووووووووووعه لأبعد درجه رايك شنو؟؟؟؟ عشان تخلض تمشي تبيت مع ناس بيتكم طوالي هههههههههههههههههههههههه عشان ما تقعد تبكي علي بليل وتقول لي داير بزازه وحركات زي دي هههههههههههههههههههههههههه وانا في خدمتك يا حبوب
تسلمي كتير يا لمسه والحمدلله على السلامه ونورتي المنتدى كتييييييييييير يا غاليه ودي الطله ولا بلاش دخولك معاي هنا براه بالدنيا وللمره التانيه الحمدلله على السلامه
اقتباس: يديك العافية مزوني في غربتك العلمية ناس الهند ديل بشبهونا كتير في اللون القمحي ( بتاع ناس الجزيرة ) يا ربي السر شنو ؟ بمعني مرات ما بنفرز السوداني منو والهندي منو وخاصة اللون الاسود المشترك ( كيرللا) سينمات مدني الشهر كله نلقي اعلانات الافلام هندية في الشوارع ياربي السر شنو ؟ بمعني الثوب السوداني ياهو ذاتو ( الساري الهندي ) والزمام والغويشات ولبس الدهب عامة زائدا الحناء بسؤال آخر الناس ديل بشبهونا في حاجات كتيرة وخاصة بعض العادات والتقاليد مزوني شوف لينا حلل ؟ الغاليه مهيره حبابك والله ومنوره كتير وزدتي الكرسي نووووووووور لكن يا بنت أمي الكلام البتقولي فيهو ده ما مبالغات حبه كده وبعدين الهنود السود محصورين تقريبا في مدينه اسمها مدراس وهي مدينه ساحليه والحنه ما بخلوها لحد ما تصير سوداء تلقيها دايما برتقاليه يعني ما بصبروا عليها من الاخر كده أما السينمات فدا حال السينما السودانيه بي صوره عاااااااااااااااااامه لكن ليييييييييييييييييييه؟؟ أنا زاتي ماعارف والله لكن بس مااااااا تبالغي في الشبه لدرجة انو ما بنتفرز منهم يعني حسه انا مرات لما أهبش لي شافع بخاف ويبكي ويكورك لما أشك في نفسي أنا بعاتي ولا شنو؟؟؟؟ والله نفسي ألعب لي مع شافع في البلد دي لكن يالله والله طبعا لقيت لي شافع سوداني مع أمو وأبوه في بونا بعاين لي ساااااااااااااااااي لا داير يضحك ولا لا لا لا ومع انو امو سودانيه وابوه سوداني وجاي من السودان قريبات دي لكن الظاهر انو الشفع الهنود بدو يعادوه الله غالب وشكرا ليك للمره التايه يا مهيره ومرحب بيك يا غاليه اوعى من السلبطه هههههههههههههههه والله هو في حبة حاجات كده اي نعم بتشابهو معانا فيها
صف لنا احرج موقف مررت به ولك شكرى :D
ها يا مزونى يا حنكوش قولى اول مرة تركب المواصلات فى السودان احساسك كان شنو(اكييد الحافلات كلها فاتتك وبقيت تتلفت براك فى الموقف)هههههههههه :)
اقتباس: المشاركة الأصلية كتبت بواسطة ريم عبد العزيز ها يا مزونى يا حنكوش قولى اول مرة تركب المواصلات فى السودان احساسك كان شنو(اكييد الحافلات كلها فاتتك اقتباس: المشاركة الأصلية كتبت بواسطة ريم عبد العزيز وبقيت تتلفت براك فى الموقف)هههههههههه :) هههههههههههههههههحلووووووووووووووة( والله يا مزوني وقعتك بمبي )..
