عرض للطباعة
دخلتا
وكنتا ذي ما شايف
طشاش
بين نفسي والحزن المريح
وابتسامة ذي خجل القمر
دي زولة .. ما بتشبه كتير
واحدة بس
المهم
دخلتا على الفرح .. شبال
وعزفتا صوتي على الوتر
كان القى لي فكرة
ولقيتا طالعة من المغيرب ضوء
منسوجة شال
ومطرزة
يا زولة كيف
الدنيا معاك .. وشقا الايام
يا زولة معاكسة الشارع في جواي
ادينا اشارة معاك .. عشان ندخل
بين النيل
وبيني انا
سكن مشوار
بيفتح علي شارعين
مساسق بيني بين
ماسك علي كف اليمين وردة
راسم عيون الليل برق
وانا والخريف اخوان .. سوا
ابشري
على الخريف مطرة
سبلوقة ما بتحمل
وطينا هش
هو ما عشق المطر بخدع
هو ما ليل الخريف ودار
وانا الركازة
واقف بين رزاز المطر و بينك
مظلة
ورنيش .. ورنيش
لماع
يا شافع هيلك والنور
ياطالع من رحم الفقر الغبيان
مدرستك .. كراسك .. ورنيشك
والنيل ما برحم
ببلع جب
الناس ما بترحم .. ولحمك طريان
الكيس الاسود طاقيتك
والقرش الابيض مابتلم
وانت جميل .. ما بتحمل هم
ست الكسره
الطرقات
طايوق اللحمة
الصاج .. فرق
فرق بينك .. وابليسك
شحاد المواقف ..
يا واحدة من عرق الكفاف
يا نازلة من عشق الصبر
طراوة
وطرادة السجم .. هبوب الرماد
وحلاوتا كسرتك
وكتين تكون مرة ...
بمبرك ميل علي الارض مشوار
كبريتك موتت حطب الوقود بالنار
يا ام العيال ..
تيابك شواهدا ريح .. لتيق المواسم
ستارة الراكوبة ..
الشتاء والصيف
نارك واقفة
والعيشة الراضية ومرضية
اقتباس:
المشاركة الأصلية كتبت بواسطة يسري الياس
حين يختلط القلم بمعناة الغير
وحين يغوص مداد الحرف في عمق الوجع
يخرج لنا بعدا خامسا يشدنا نحو عمق جراحات الحياة
صياغة جميلة لمعضلة تفطر القلب طوعت حرفك فيها ليخرجنا من عالم الجمود الي عالم الانسانية
عرفتنا علي واقع نمر به يوميا بدون ان نتحسس قلوبنا لنعرف ان كانت تخفق أم لا
نتحسس انسانيتنا المفقودة
في زمن يصر البشر علي أن يزحفوا فوق جثث بعضهم البعض
نحو الهاوية
شكرا يسري لأيقاظ بعض بشريتنا عبر كلمات قليلة
تحياتي
اقتباس:
المشاركة الأصلية كتبت بواسطة يسري الياس
وست الكسرة من المغريب تلم ويقودا
شان تعجن هم الزمن الاصبح بايت فوق الريكة
ومن المغرب بتكوس خمارة الفرح للشفع
بتعوس الكسرة شان تكوى الحسرة
الولدت من جور الزمن وربوها الساسة
وبتفتش لى كبريت النور الطشت طارت
من شعفوفت المطرة الصبت ودخلت من شباك
التكل التاكل هماً فوقا ما يتهدا
الكبريتة اللينة تلاوى ما بين الحطب اللين
وإيدا الواجفة تثبت قشة شان تمسك
ويهبل الفرح الطاشى وشارد من دارا
يسرى انت كما كلماتك بسيط لاكن لك معانى غاية فى الجمال والانسانية
وانا سعيد بان اكون فى وطن المحنة والانسانية
لك
تيبار من الولف
وكنتوش محبة
وشكرا تغريداقتباس:
المشاركة الأصلية كتبت بواسطة تغريد
لانك دائما هنا .. تعطرين اجوائنا فألاً حسن
ود سعدابياقتباس:
المشاركة الأصلية كتبت بواسطة ود سعدابى
يا زول ياجميل
انت تكتب هنا .. ما نعجز ان نوصفه
ياخي شكرا كتير
هنا المساحة تبدو غير كافية ..
اهداء .. لجميع الامهات
نص متعب لأن الكتابة فيه رغم حلاوتها .. اكثر صعوبة
انا ما رأيتك يوما تتجملين
كما النساء
انا مارايتك تضعين العطر
كما النساء
والحناء ما لمست يديك منز مات ابي
تكرمين الضيف .. بكل بشاشة
ولا تشربين القهوة المسمومة بالنميمة
كبعض النساء
ما رأيتك الا على المصلاة رافعة اكفاً بالدعاء
وتحملين صورة والدي مسبحة ان نام الجميع
وتحجيننا
كان ابوكم فارسا جميل
شعره منسدل كشجيرة العنب
رأسه مرفوعة كما الاسد
عيناه زرقاوتان كالسماء
وكان طيبا
داره مفتوحة للجميع
يحبكم... ويحبكم.... ويحبكم
حتى ننام
ونقوم باكرا لنجد امي وشاي الصباح
وصورة ابي تزين الجدار
تلك الحكاية
وتلك امي
جميلة حنونة وفية
اليوم اناديها بغربتي
ايا امي
كم وكم اشتاقك الان