عرض للطباعة
كان الوقت
يادبو ليل في اولو
ياداااب بلملم في النجوم
وانا كنت واقف بسألو ..
عن زول هناك
بهواه كتير ...
وعيوني غير نظراتها ليه
حاشاها يوم ما اتحولو
شداني شوق
حسيتو بحرق في حشاي
ما عرفت كيف استحملو
شديت وتر شوقي الدفين
وعزفت اغنية الرحيل
لحبيب هناك
جواي كامن معقلو
رنيت على هاتف هواي
وقعدت بى لهفة وشجن
صوتها الرقيق متأملو
وانا منتظر ...
(قالت الو)
ساقتني مني عليها شوق
فجأة الوجود اصبح حلو
ادفقت جواي فرح
واتعطرت دنياي بي
همس الحبيب ما اجملو
استاذى إبراهيم
بنقول ليك الو رغم البعاد الساكن جوانا
صدق مشتهين حروفك وابداع ... حتى خطوتك ملامحها تاتينا من كوكب آخر
به مزيج من الصدق والإرتحال
اشكرك على هذه الكلمات التى لن تبرح دواخلنا
قد تدفعنا امواج الاحداث الى شواطى بعيدة
ولكن هذا البعد لايمحى عن الوجدان صورة
من نحب
فما يكتب بماء الحياة لايزيله الى الموت
ابراهيم يارائع
دمت لنا
كلمات رقيقه ومعبره
تشكر عليها يا ابراهيم
وننتظر المزيد
كلمات رقيقات تحمل إحساساً رائعاً ووصف أروع ..........
لك التحايا أعطرها ........
الشفيف إبراهيم ...
القلوب معقل الحبايب .. والشوق رسول العشق .. والهمس رزاز العلاقة ...
لطيف يا سيدي توقيتك المغيبي هذا لمحادثة الحبيبة والقلب موصول بها والأعين معقودة أجفانها بالسماء
لمراغبة تلك الصورة البديعة لحركة جمع النجوم ... أو تخفي بهذا المكر الجميل البدر لأنه يحمل ملامحها..؟!!
آه .. يا عزيزي ما هذا الذي تكتب يا إبراهيم النص ملئ بالإحساس فأترفق متئداً في قرأته .. أنه تدفق أنيق
لمشاعر رقيقة .. شكراً نقياً لك وأنت تنفح ذائقتنا بالصادق من الكلم والدافئ من المعنى ..
تحليق : لو أنها تدري لقالت "آلو" ألف مرة عند كل رنة هاتف ....
مرحق تحياتي وكن فائض على الدوام ...
فقدنا الرومانسيه يا ابراهيم فقدناها وحزنا عليها جدا اصبحت الحياه خاويه بحق ... لا شي يداعب روحك من الداخل لا شيء يحرك فيك اوتار الاحساس الجميله ولو كلمه عبر الاثير .. كلمه واحده تبثك مباشره مع الحياه ... شكرا ابراهيم ذكرنا كلما نسينا ... اننا كتله من الاعصاب التالفه لا نبض فيها ,,,ذكرنا واجعلنا نحزن طالما لم نستطع ان نفرح ..
شكراً ود بدر لهذه الإطلالة الرقيقة
كما تعودناك ...
حضورك جمال يملاء المكان
ونسمة تعطر الكيان
لك مودتي دوماً
جميل هذا الاحساس الذي يتوسد كلماتك اخى بكرياقتباس:
المشاركة الأصلية كتبت بواسطة bakri
في الاحاسيس لا تتقيد بزمان او مكان
ولن تلهيها تداعيات المسافة
تحياتي لك ايها الجميل ومودتي
معطر تحياتي ...
استاذنا عمر غلام الله
فبكم دوماً تجتمع لحظات الجمال
وتحتفل الدواخل ..
لك تقديري ومودتي
خالد كسلا ..
كلما طالعت كسلا التي تعانق اسمك
تواردت خواطرى لترحل الى هناك ..
السواقي .. توتيل .. مكرام
وما اجملها من لوحة ..
وهكذا اهل كسلا
رقة ورهافة وذوق
شكراً لتذوقك ..
اقتباس:
المشاركة الأصلية كتبت بواسطة سوباوي
خليتنى اقراها تاني وتالت ورابع .. زي كأنك جبت موية دهب وطليتها بيها
عجبتني والله هسى بس بعد ما جوهرت الكلمات يا سوباوي
كلامك الفوق دة براهو لوحة وقصيدة واحساس تاني.
اصبت في كل حرف كتبت ايها المبدع ومفردة مبدع هذي اتت من نسيج (نور) حروفك وتشكيلات أخرى شكلت في الدواخل سوباوي الفنان وهانتذا تشكل وبلمسات رزينة حروفي الخجولة وتغازلها بلطف.
اقتباس:
تحليق : لو أنها تدري لقالت "آلو" ألف مرة عند كل رنة هاتف ....
مرحق تحياتي وكن فائض على الدوام ...
لو كنت اعلم انك تجوهر النص هكذا ما كنت حبسته
(وينك يا زول مالك بقيت رقراق)مع مودتي وتقديري
اقتباس:
المشاركة الأصلية كتبت بواسطة اميمه عشريه
دوماً نتوق لأن نفرح ...
حتى في عز احزاننا فلننال شرف المحاولة إن عجزنا
فتوهم الجمال تفاؤل .. والحزن لا يقتحم إلا القلوب الرحيمة غالباً
اذن لنسعد بقلوبنا الرحيمة ..
الغالية أميمة ...
انا تلميذ في مدرستكم
انهل واتعلم من محرابكم وسأكون نجيباً بحضوركم
فكونوا بالجوار لنذاكر ونتذكر
ولكي تقديري دوماً
الانيق ابراهيم :
تعرف التلفون ده اكبر مصيبة
غير المشاكل والهواء البارد ما جايب لينا شئ
لكن مع الحبايب ما في احلو منو
يقرب المسافة ويرحيك وتسمع ليك شويه كلام حلو
لكن اعمل حسابك من الفاتورة اخر الشهر :D
دمــــــــــــــت ،،
ياسلام عليك يا ابراهيم ، بس ماوريتنا انت قلت شنو بعد ماهى قالت الو ؟
ابراهوما قدر ده لكن ما مباااااااااااااااااااااااااااااااااااااااااااااااا اااالغة ما كنته قايلاك للدرجه دى جنس تكسر ياشباب
سواح
لمن تحن في غربتك
تبكي وتئن في وحدتك
لمن تغالب دمعتك
ما بين حنين وشجن تشاقق سكتك
اها وانت غرقان في المهرجان دة
حاول ترن للناس الساكنة فيك
حتدفع وانت متكيف وممكن تزيد
لك تحياتي ومودتي
استاذنا صاح فرح
تحياتي ..
انا قلت الكلام الفوق دة وحاجات تاني قدر ما حاولت اكتبها الكيبورد عصلج والحروف بقت صغيرة
وقلت خلاص النية واصلة ..
لك تقديري ومودتي
اختنا الغالية نهلة حيدر
عاطر تحياتي ..
الواحد ما ينداح اصلو
كان قلنا تقولو تكسر
وكان سكتنا تقولو غتيتين
ننطط يعني:D
ليك احتراماتي