تحياتي للكل ،
انا عايز واحد يبرر لي إرتفاع نسبة جمال بنات الجزيرة وبنات مدني عن ساير بنات السودان في المناطق الأخرى . لأنو أنا لفيت السودان دا شرق غرب شمال جنوب مافي أجمل من بنات الجزيرة . مع حبي لكل أهلي في جميع مناطق السودان .
تحياتي للكل ،
انا عايز واحد يبرر لي إرتفاع نسبة جمال بنات الجزيرة وبنات مدني عن ساير بنات السودان في المناطق الأخرى . لأنو أنا لفيت السودان دا شرق غرب شمال جنوب مافي أجمل من بنات الجزيرة . مع حبي لكل أهلي في جميع مناطق السودان .
يقال ان جمال النساء ثلاث:-
1-جمال لا يراه إلا قلب الرجل
2- وجمال تراه العيون ..ولا تشعر به القلوب
3- وجمال ينقص ويزيد وفقا لاهتمام المر أه بزينتها وعنايتها بنفسها !!!
أخى السريالى إن الجمال صفة وهبها لنا الله.
نعم الملاحظة أخي
و أقول أن الماء و الخضرة دائما تقترن بالوجه الحسن
و لنا ماء متوفر رقراق هو النيل الازرق و كل أوردته من ترع مشروع الجزيرة
و لنا الخضرة في ذلك المشروع العملاق و تلك الجناين الظليله
و لنا الوجه الحسن
احيك يا صول السودان وكلامك راقى زيكالجمال ما جمال الوجه بس الجمال ليه صفات كتيرةوالحمد لله اغلب الصفات موجودة فى مدنى (بنات واولاد)[center]وطبعا الصفات دى ما وجدت من فراق بل دليل على شباب الولاية الرائع والبنقط روعة [/;) Center]وربنا يزيد
[FONT="Garamond"]هذا الجمال والابداع اصلا ناااااااااابع من المدينه الجميله ودمدني عشان كده كل أهل مدني
جميلين وحلوين ومبتسمين في نفوسهم وفي قلوبهم وفي مدينتهم وفي رسمهم
مشكور اخي علي هذه الملاحظه الجيده[/FONT]
الرحيق يجذب النحل و الأريج العاطر في الورود يجمع الفراشات الأنيقة ... حمدا للرب أن جمع لنا هذا البوست أعزائي الحلامابي و السفير و فتاة الربيع و دووم 99
القامة صول سودان
رجل الديار الديناصور
ان كان قدرنا نحل وفراشات فانت الازاهر والنوار ماعون يسع كل قادم لتوه ومغادرا وفي نفسه شيء من حتى انتم وكل الاحبة النوار ابوزيد السلامي ، والتيمان وابو النور واخو سواح بقية راسكال وبقية العقد الفريد ابقوا عشرة على العقاب قضية اعلم انكم تحملونها بلا وصايا .
الحلامابي لك التحية والود .
ما شاء الله وتبارك الله وعيني باردة وحرم انت راجل ود رجال . أنا أهلي حاجزين لي واحدة بس أنا بعد ما كنت عايزها غيرت رايي منها . لأنو قالت لي انت شين وما بدورك لو بقيت آخر راجل في الدنيا ما بعرسك . هسة بنات مدني السمحات ديل معقول يرضن بي أنا الشين دا . ومشكلتي أنا حالف لازم واحدة سمحة . لأنو شين مع شينة دي بتكون حياة مملة . والله المستعان . أها يا الحلامابي تفتكر في طريقة واللا ننسى ؟
العزيز السريالي
اظهر وبان وليك الامان
وعشان تدخل حوش دق الباب اول
عشان ما يكون الكلام عائم بتقال
نحن في انتظار الرجال
لك الود في كل الاحوال
في ناس يقولوا بنات كسلا أجمل بنات السودان... وتعليلهم هو أن كسلا منطقة مرتفعة وبالتالي جوها يكون جميل فيؤثر ذلك على رونق وجمال الإنسان... أي أن المناطق المرتفعة تكون عاملا مساعدا في إظهار الجمال... حتى هذا الكلام يقال في اليمن وفي السعودية...
بعد ذلك ما هو ردك يا ود السريالي...
ولك مني أجمل التحايا
السريالى آخوى
جيت المطامير ؟
البيوت والحيشان وااااااااااااااااااااااااااااااسعه ولاشنو
-- الحلامابي لك التحية وكتر خيرك ما بتقصر وحيكون في تنسيق بيننا .
--- صديق بلال كيف حالك ومشكور لأنو أنا سمعت الكلام دا قبل سنين إنو ناس كسلا جميلين والمبرر قالوا مش الطبيعة وبس بل أن القبايل الموجودة هناك تصاهرت مع بعض قبايل من اثيوبيا وأريتريا واليمن وطلعوا نسل جميل خالص خالص .
-- ود المطامير لك تحياتي بس ماذا تقصد بالمطامير ؟ هل هي قرية أم منطقة أم ماذا ؟ أنا أعرف إنو المطامير هي مخازن في شكل حفر كبيرة لتخزين العيش تحت الأرض . وسؤالك هل جيت المطامير ؟ يعني لي أن المطامير دي منطقة أو قرية فيها نسبة جمال عالية . وإذا كان الأمر كذلك هل ممكن زيارة ميدانية للإطلاع على حقيقة الجمال المتوفر هناك ومن ثم ......
-- يا سامي كيف حالك وحكاية البيوت والحيشان واسعة دي يعني شنو ؟
عندما تحل المناسبات تتدفق من القلب اصدق العبارت واعزب الكلمات ويتبادلهاالاحباب كتجديد للمحبة واحياء للمودة نقول كل عام وانتم بخير
اسيب الناس اهاجر ليكم اخوض النار علشان عيناكم حياتى ضحية بين ايديكم بمووووووووووت فى ودمدنى
عندما تحل المناسبات تتدفق من القلب اصدق العبارت واعزب الكلمات ويتبادلهاالاحباب كتجديد للمحبة واحياء للمودة نقول كل عام وانتم بخير
نشكرك على هذا السناء
ولكن اخى ليس كل ما تراه جميلا يراه الاخرون جميل ......
لان الجمال نسبى وفى نظرى انا الجمال هو جمال الروح .الجمال فهم ومنطق
هذه نعمة من نعم الله علينا
تستوجب الحمد والشكر
وقولو ما شاء الله
وانشاء الله جمال الدواخل
يتطابق مع جمال المنظر
الأخ السريالي مرحبتين وحبابك ألف وحقيقة البوست جمع أخوة أعزاء شاركوا بما نود أن نشارك به وما تركوا لينا حاجة حقيقة ودمدني أو الجزيرة عامة تمتاز بسماحة الأخلاق قبل سماحة بناتها وإختلاط الأنساب على أرض الجزيرة من شمالها وجنوبها وغربها وشرقها جعل من فتياتها نموذج يعتزى به في الجمال في ربوع سوداننا وكيف لا والجزيرة هي أرض العطاء في كافة المجالات
شكراً لهذا الثناء وإنشاء الله ربنا يديك واحدة من الجزيرة إذا لم تكن متزوج منها
لك مني خالص التحيات ولجميع المشاركين
أخينا السريالي لك التحية
مسألة الجمال هو جمال الروح نسأل الله أن نكون منهم ،،،
وجمال الخلقة القاصدة أنته في بوست معبر جداً للكاتب الرائع النور محمد يوسف تحدث فيه عن شكل الوجه وتأثره بتضاريس المنطقة معبر جداً ربما كان ذلك الأثر من أنبساط الأرض وخضرتها وتلاقي كل أهل السودان وتمازجهم في المنطقة قد أتى بالجمال الذي تراه أخي .
همسة: لكن بيني وبينك كنت بسمع وبقرأ عن الجسم والقوام الملفوف وحاولت أتصوره وما قدرته بس الظروف ساعدتني ورأيته في الشرق لو عاوز تشوفه عليك الذهاب للشرق حقيقتاً شفته في عروس البحر الأحمر.
سلامات يا ولدنا
زمان انا كنت زيك كده والله بقول انو زي بنات الجزيرة مافي بالرغم من انو الزول سافر إلى دول الغرب وتقريبا كل اسيا لكن لمن مشيت كسلا الكلام انتهى كدي حاول امشي على كسلا كده وشوف بعينك وتعال احكي لينا وكلامي ده ما معناه انو بنات الجزيرة ما سمحات سمحات .........................
تقبل مروري
انيس التوم
يا ناس هوي انتو لو بتكلمو عن جمال الخلقة وبتقولو انها جاية من الماء والخضرة
طيب ناس الخليج ديل لا عندهم ماء و لا خضرة
اما لو بتكلمو عن جمال الروح دا يبقي كلام تاني