يا طيبة دوب ليكي .. الشيخ البرعي
طيبه دوب ليكي !!
***
يا طيبة دوب ليكي
طال الشوق علي مني السلام ليك
يا حرم الرسول ..
***
مشتاق متي نجيك
ندخل في رياض سورك نناجيك
فائز قاصدك ما خاب راجيك
لو كان في بلود مكناس وبلجيك
***
طال الشوق علي الساكنين بواديك
أحبابك جميع حاضر وباديك
المستمسكين بأصول مباديك
ساعين للصلاة حين صاح مناديك
***
ما خلق الإله مثلك قسم بيك
أملاك السماء مستبشرين بيك
تسعي ليك وفود الكون تلوذ بيك
بيك نباهي أيضاً نفتخر بيك
***
بالوحي الأمين جبريل نزل ليك
وتهواك الجنان حباً وشوق ليك
ثم الحور تقول يا طيبه دوب ليك
نعم المعتكف كل يوم مواليك
***
بعين الرضا يرعاك باريك
بالفيض الجزيل فتّح مجاريك
في درج الكمال من ذا يجاريك
تهتز القلوب إن جابو طاريك
***
في سورة الحشر مولانا قال فيكي
الخير والكمال كلو انحصر فيك
هاجر لك رسول الله وقبر فيك
مرفوع للرفيق الأعلي يكفيك
***
رضوان الإله زاد خيرو حاويك
فضلك ود أنس في كتبو راويك
في السماء والأرض من ذا يساويك
بي خلع الجمال تلمع كساويك
***
برقاً من ربوع سوحك وواديك
ناداني في جوف الليل مناديك
أبسطي بالمدد والرحمة أيديك
سوحك أصفي قبال ما يصيح ديك
***
صلوات من إله العرش باقيك
للنبي البسر أكواب ساقيك
البرعي يفوز ويرقي بي مراقيك
ألبس نور حلل تاجك طواقيك
***