صباح الامنيات الخضر
عدنا اليكم
بعد عطلة الويكاب اند
وموعدنا غدا مع الرائع هيثم ادروب
فكونوا معنا
نرافقه
وننداح معه
ونطلع زيته بالاسئلة
عرض للطباعة
صباح الامنيات الخضر
عدنا اليكم
بعد عطلة الويكاب اند
وموعدنا غدا مع الرائع هيثم ادروب
فكونوا معنا
نرافقه
وننداح معه
ونطلع زيته بالاسئلة
ادم دا شاكلته والبينى وبينى انتهت بعد ما المدام قالت لى ولا تخليهو ولا تخلينى
اها انا رضيت بأقل الضررين وخليت الما يتسماش دا... وهو زاته حاجه شينه وما بتندار ...ما تقول هارشانى يا تنين هوى...
عثمان بتاع البوش دا ضرورى ياخ من يوم 15 فى الشهر بنقبل عليهو رغم كراهيتى ليهو فى ال 15 يوم الاولى ومكره اخاك لا بطل
زعمطة الحلاق دا امس شاكلته ولو سمحت امسح الرقم من التلفون...
على امجاد دا ما تكلمه داير منى حق مشوارين والشاعر خليته ليهو
حنان ست الشال دى منو.... الدنيا سخانة ياخ وما بلبس شال...
الجلك دا واحد صاحبى ياخ بس عشان الجلحات مسميهو الجلك وهو بيشبهك تماما ولا بيشبه ود مدثر ضع دائرة فى مكان الجلحات الصحيحة
جكس الجامعة شنو ياخ الرقم دا ما حقى ما تكضب ساى...مسحتهن زمااااااااااااان ...واسال بت مارنجان
وين المغترب النقاطة دا .... كدى اعمل ليهو مسكول ياخ يمكن يتصل ونوصيهو
الباقة ولا الياقة... لو قصدك ياقة القميص دا بيكون الترزى ياخ.... دخل الرقم دا ووديهو الدولاب ياخ
مواهب بتاعة الرصيد دى بعترف ليك وهى ما قصرت معاى بس كم مرة زغت منها وغاشيها انى بحبها عشان تحول لى جنيه وكدا
المكوجى دا اساسى والله.... ما دام المدام قالت ما بتكوى... وانا ما بحب زعلها... وكان زعلت بتلحق محاسن
سكة الكلب
بخاف من الكلب
وعضة الكلب
وانا صغير جريت منه جرى شديد
وجنى وجن البيت الفيهو كلب
كان هوهو ساى بيجيب ليك خوفه من مافى
عليك الله ما تجيب سيرته هنا
الواحد هسع بيديها جرية
والمشكلة فى الحقن ال25 البيدوك ليها
كان سعران ولا ما سعران
ومعاهو رفيقته الكهرباء
جنى وجنها
اول مرة اجى الخرتوم كان من زمنا بدرى
وانا جاى زول عربى ساى
اهل عوض وكدا
والعمارات
والبنات السمحات
واكل البيرقر
والايسكريم
والزبادى
ما بنسى اجمل وجبة اكلتها فى الوقت داك
كانت جدادة مكرفسة
وانا جاى مستعد نفسيا لتلك الوجبة
اعتقدت انى اراها كاملة العدة والعتاد
تجلس القرفصاء فى وسط الصحن الكبير
طلبت واحد فراخ مشوى كما مكتوبة فى تلك الورقة
اتانى النادل يحمل رجلا واحدة
ومعها قطعة خبز
منذ ذلك اليوم وانا متحسر على ان حلمى لم يكتمل
صرت ارى النادل ((عشرة عشرة من الغبينة))...
ومن يومها انهار حلم الخرتوم عندى
واصبحت ظالمة لى
واصبحت لا اطيقها
العرس يا ميدو متوقف على حاجات كتيرة جدا من ضمنها العروس نفسها
العروس لقيت النص الاول والنص التانى فى طور البحث
يعنى لقيت الحب .... والقلب ......ناقص شويه حاجات اقناعية وكدا
الشيلة حسب راى العروس
والشنطة لو بالايد اودى 24 فى 24
والشبكة بى عمرى كله ياخ
كترى من الشينات دى عليك الله
نحن ناقصين شين يا ميدو
يا عقبة السلام عليكم بلاي يا عقبة تسجيل حضور وكدي انت عارف براك المشغوليات وكأس القارات والحنك دة
مسافر من فرح لى شوق
ونازل فى حنان ليها
عدم النوم قبل يوم من السفر
منذ ذلك الوقت
ونحن يافعين
عندما يتم اخبارنا بإصطحابنا الى المدينة
يقسم النوم ان لا يرى عيوننا ولو خلسة
خوفا من ان نفوت علينا متعة السفر والترحال....
ارد عليك وانا استمع الى (( التلاتة بنات شغلن قلبى لمن باص الرصيرص فااات))
تلتوى الطرقات وتنطوى بسرعة تتبعها عيوننا فى الالتفات يمنة ويسرى ونحن نحاول ان نتعرف على القرى فى جانبى الطريق
ونتعرف على الوجوه
والخضرة
والماء
وعلى اصدقاء جدد
اصدقاء السفر يمكن ان تبدأ العلاقة حين يسألك شخص ((الساعة كم)) او (( الجو سخن))
يقتلنى الشوق قبل الوصول بمسافة
اتمنى ان اظل فى حالة اقتراب لحظى
تلك اللحظة لطالما اشتهيتها
لحظة ان اكون مقتربا
يسيل الشوق منك
وتتصبب لهفة
وحين تصل وتقابل الاهل والاصدقاء
فى بدايات السفر كنت ابكى حين اصل ولو غبت اسبوعا واحدا
يبدو ان العمر له علاقة بالقسوة فصرنا نغيب سنينا وشئ عادى
ود مدثر مالك ياخ
السلام عليكم
وصل التنين ولهبو منطفي من هواء مدني الجميل
اها ياعريس الاخبار شنو
ليك علي ياود امــــــــي
انا احننك
الحنة الماخمج
واقعد في البنبر واسخن الدلوكة واغني ليك
سيرو سيرو
سيرو بنات امو جو الليل
ومابين الحنة ولهفة شوق تنزل دمعة
دمعة فرحة بالزول العريس صبوحة العسل
وايووووووووووووووووووووووووووي
ابشر يالعريس
ياخوى العاقب
اعنقريب بتاعك دا مع ضل النيمه فاقدلوا زير كارب كدى
تخريمة
شفت السوق بتاع المقاشيش الجنب مجمع الاوقاف فيهوا ازيار تسيل اللعاب اخد ليك كاروا واطلع جيب ليك كلفنيتر بدون عاز وماتنسى تدى يكشح الزير كل عشرة دقايق بى كوز مويه كدا من بره عشان المكينه بتاعت الزير Made in Chaina
بسم الله الرحمن الرحيم
نرحب من جديد بجميع الحضور
ها ناس قربوا شويه كدا
عشان نبدا مع العريس هيثم ادروب
ونقول ليهو دبايوا اتنينا
ونجيب ليهو فنجان جبنة
فنجان جبنة بى شمالوا يسوى الدنيا بى حالو
يا ادروب يا ولوف انت
حبابك انت فى عنقريبك
وندى الواطة رشه مويه جديدة
حبابك الف
ويلا اتحكر واخد راحتك