المغتربين البؤساء

[بابكر]

المغتربين البؤساء

--------------------------------------------------------------------------------


المغتربين........ كلهم.... الواحد.. فيهم يقضي تلاتة ارباع عمرو في الغربة... وفي النهاية يرجع اهلو ايد ورا وايد قدام.....و اباطو والنجم......وحصيلتو الثقافية..... العربية سيارة... والمرا الحرمة..... والقروش الفلوس....ويجيب لو ولد وسميهو محمد ويدلعو بحمودي.....ويصاب بشلل تام في علم الانساب لدرجة انو ما بيقدر يميز بين.... كفيلو.. وابوهو.... ومرتو.. البيرجع معاهو قرشين منهم.... يرميهن في حافلة والله امجاد......ويقعد يجري وراها طالع نازل...نازل طالع.... وما يتم الحول الا ....وهو رجع مفلس ولحق رفاقتو.........

واحد منهم ربنا ياخد بايدو...... رجع متفائل وكلو امل وطموح.... في ان يصعد سلم الراسمالية...... ولكن........ شوفو الحكاية........ قابل جماعة ..قال لو يا زول قروشك ديل سوهن في سكر علينا اليمين السنة الجاية اليدفرك ما يرميك.... الكلام دا زمن السكر فيهو ندرة وفي السوق السوداء..... كمد القريشات كلها في السكر... مشى الجنيد... اشترى شحنة لوري كاملة.....قدر قريشاتو...وركب مع اللوري وعلى بنطون رفاعة....... اللوري في البنطون..وهو معاهو.... ويولع سجارة ويطفي سجارة..... تعال انت يا بنطون الجن اغرق.... بكل مافيك.... الناس مرقو... والزول معاهم..... وقف مسافة يعاين للبحر...وبعد شوية بقى مباري القيف... ويدخل اصبعو في الموية ويضوق.....ويكورك ....حرم لي هنا حلوة...... حرم لي هنا حلوة...... وماشي....ماشي....وقالو لحسي مباري البحر..... ويضوق فيهو....ويسوي في اللي هنا حلوة......
دا حين يا المغتربين....... اوعكم من السكر... كفاية السكر الفي دمكم

عجبنى 00نقلتو ليكم

[خالد هاشم علي]

هههههههههههههههههههههههه حلوة ياعم بابكر والله ... ربنا يسترنا ومانركب الزلط

[بابكر]

وانت لسه ماركبتو يا خلودى0000!!!!


__________________
تبقي سيرتك هي الكلام * وتبقي صورتك هي الرؤي الحلوة البعيشا في صحوتي أو حتي في عز المنام

[امل حياتى]

والله يا اخى بابكر كلامك كله صحيح وده نحنا الان خايفين منه
واذا العربية مصدومة يسمونها السيارة مدعومة ههههههههههههه والكفيل بالارباب ربنا يكون فى عوننا