في البدء اوجه تحياتي لكل اعضاء منتدى ودمدني واخص منهم اعضاء الزمن الجميل الذي مر به هذا المنتدى (( هذا ليس تقليلاً من شأن المنتدى في هذا الزمان )) واتمنى للجميع دوام التوفيق

كل على علم تام بالعلاقة التي تربطنا نحن ابناء الجزيرة عامة وابناء محافظة ودمدني على وجه الخصوص ، وها انذا جئت لأسطر بعض كلمات خرجت من يراع شاعر فداسيي المولد والمنشأ والمسكن والعشق لكن حروفه خرجت وهي تتكلم عن ودمدني .
لك التحية اخي وصديقي العزيز الشاعر محمد الامين خليفة (( ودفور )) وانت تتحفنا دائما بروائعك دمت موفقاً بأمر الله

مدني يا أم الجزيرة
نفخر بيك يا أصيلة
إنتي بكرمك ما بخلتي علينا
عطاك وخيرك يمتد وتدينا
يا وطن الثقافة حبك مزروع فينا
نشتاق ليك كل ما البعاد طال بينا
نتحسس فنونك وتحي بفنك اراضينا
حنيني إليك حنين زولاً عشق نغماتك الحنينة
ورددناها ودندنا وغنينا
بحس الكاشف شمسك طلعت فينا
وملامح النيل رمال وخيال يقولوا علينا
زي خضرة جمالك ما لقينا
نعتز بيك يا مدني يا مدينة
نحن في حضنك ربينا
من نيلك شربنا وارتوينا
تاريخك تراث ونور القبة في عينينا
شيخ السني نشتاق ليه لو غبنا ومشينا
مهما كتبت فيك حروف وزادت قوافينا
ما بتوصف احاسيسنا واشواقنا الدفينة
بنهواك يا مدني وانتي بالفن اطربتينا
ونفضل ديمة نردد غناك خمسة سنين وبخاف
غياب الغربة يطول بينا وينسينا