حكاية الدكتورة سالي

[omerahmed5]

قال الحاج فلسفه الكل بيسمع هذه العبارات البقولوها الناس عن المرض:
المرض سلطان ..... كفارة ليك يا زول المرض ما بكتل ليه زول .... المرض زكاة الجسم ..الخ.
الليله داير اتكلم كتير عن مرض شخينا الكبير ......الكلمته بين اهله ليها مكانة وتقدير .....مافي زول بتعداه لامر براه يدير........ اقعده المرض شل حركته خلاه راقد في عنقريبو الوسير ...... وده للمستشفي وشكي آلامه للدكتور ...... وضح للاخير انها ممكن تكون بواسير ....... بقت مسألة الكشف دي امر خطير ....... كيف يقنعوه علشان يرقد لفحص السرير ... لانه الكونصلت كان بتكون من دكتوره سالي دكتورة اماني دكتورة نضال والممرضه ام الخير .... والمجموعه دي متخرجين من الكلية قبل شهور .... إلا انت يا ام الخير يا خبره ..... يا العينيك غلبن دخيل الخيت في اللبره...... المهم نادو ليه رئيس الوردية ..... وقال الان لازم يدخلوه العملية . وفي ثواني عملوا ليه البنج طوالي ..... فالنترحم كلنا علي روح (الوالي) .... وفي داخل العملية قالوا ما نبالي ...... وعلشان تكون لكشر نشيل الزايده طوالي .... وبالمره نشوف امكن يكون عندو دوالي ....... لانه حسب كلام اهله تناول كمية كبيره من التسالي ....... اخرجوه من العملية لعنبر الطواري .... شعاره من هنا و المقابر طوالي ...... وفي المساء سمع من جواه طالعة اغاني ..... اغنية بتقول من عيونك يا غزالي و مره يسمع كلام الو الو الو ايوا يا سالي ..... وفي اليوم التالي ....... زارته الدكتورة سالي ...... وطلبت من اهله يرجعوه لعيادة الطواري .....سالوها ليه قالت ليهم لاني انا يظهر في بطنه ناسيه جوالي

[المكاشفى]

ياخى ميه ميه
والله ياعمر ياهو حال
الدكاتره اليومين ديل
الحمد لله الماكانت ناسياه
شغال هزاز

[محمد أحمد الشيخ]

حبيبنا يا عمر أحمد
والله مبالغة ، تعرف يا المكاشفي لو كانت ناسياهو
هزاز كان عمك أنشرط .
والعجب المسجات كل ما جيها مسج عمك تمسكو طعنه .
كتر من الذي ده يا عمر
لك ودي

[ريانية]

والله دي حاجة ثانية كمان تنسى الجوال كويس غنها مانست حاجة ثانية من أدوات العميلة ولا كان راح فيها .. وتشكر..

[omerahmed5]

إحتمال يا ريانية يكون في حاجه تانية وهي ما مذكراها شكرا علي المرور