حلاوه خرطوم

[lola]

اليوم وتحديدا في هذه الساعه تهطل أمطارا في الخرطوم .

أرجو أن ينتبه جميع أولاد وبنات مدني لهذا الأمر.

فالمطر في مدينتي له طعم ولون ورائحه معينه ممزوجة بأريج قبة الشيخ مدني السني و سعدابي و.......

المطره- في موطني عظيمه ومقدسه يفرح بها الكبار قبل الصغار لأن لنا فيها مآرب كثيره. أما هنا فأهل هذه البلاد ما ان هطلت الأمطار حتي ملأت الأرض مياها حتي تعثرت حركة السير

بالله شوف نحن وين والناس وين...

[HAMADTO]

بسم الله الرحمن الرحيم



بالله شوف انتو وين واحنا وين ............
عندنا رطوبة تفسخ الخطوبة ............
وانتو عندكم مطر .............................

لكن حقا مطرتنا كلو كلو ما بتشبه مطرت ناس الخرطوم ....

وياسلام على مطرت الصباح ..........
والله شهيتنا في الفسيخ .............
لكل كل التحايا يا lola

[114]

ولما تصب مطره في الخرطوم، تكون قصادها أمطار وأمطار نزلت في مدني، وفعلا مدني مستعدة للمطره لكن الخرطوم ما متعودة عليها، عشان كده ما بتكون مستعدة ليها، ولا عامله حساب انو الزمن ممكن يتغير وتجيها مطره زي بتاعة مدني
في مدني تصب المطره وتتوجه براها بالخيران للنيل الأزرق الفتان، والخيران فوقها كباري، وما بتغرق إلا الأحياء الجديدة المبنية فوق المزارع والحواشات القديمة
يا بختكم يا ناس المطره، ويا بختكم يا ناس الهمبريب والدعاش وريحة المطره، عارفين ريحة المطر يا شباب؟
شكرا يا لولا على الأخبار السارة، اخبار الخير والبركة

[abomazeen]

اعــــــزائــــي الكرام
استبشرنا خيراً بالمطر على الخرطوم فنتمنى لهم مطر خير وبركة
ولكن مطر مدني غير كده ( ما بقصد الخريف ) لانو مطر مدني شمل كل السودان مطر الاقلام الكاتبة ... مطر السياسين والقادة ... مطر المفكرين بل هو مطر كل العقول . ( مع احترامي لكل العقول والقادة في كل الانحاء من سودان الخير العامر برجالة الصالحين وقادته البارزين )
مطر مدني مدد لعموم أهل السودان وهدية من تلك البقعة لكل الانحاء في الوطن العربي والاسلامي ؟ ولو عاوز استشهد بذلك المجال والذاكرة ما بتساعدني في ذلك .. ؟
ولا كيـــف يا حبايـــب ........

[صدقى]

[كلامك جمييل يا ناصر 0000 إديك العافيه

[أبوريلان]

مطرنا خير وبركة ودعاش وهمبريب وليان فى الجيب مطرنا ما زى غيرنا مطرنا خاص بخصوصية مدينتنا الجميلة ، عند مجىء فصل الخريف الكل فرحان القريب والبعيد حتى المهاجر يستنشق رائحة عبيره عبر الأثير وحتى الخيران لها هدير يشبه إيقاع الطبول كمان فرحة الحسان حين يجهزن حفرة الدخان . مشكورين على الموضوع رجعتونا بذاكرتنا لأيام لها إيقاع