الســــــ عليكم ــــــــــلام
طبعا الموضوع يضحـّــك وغريب في نفس الوقت
في مدينتنا الجميله مدني طبعا الجميع عارف جامع الحكومه
وعارفين كمان انه دايما وخصوصا في رمضان بيتجمعو الشحاتين
والمساكين بجوار الجامع في انتظار صدقات وموائد رمضان.
وكالعادة رجال الخير مابيقصـّـرو لكن المــرّه دي الحصل شنو؟؟
كما كانت رواية معظم الناس والشحاتين ذات نفسهم انه
جا واحد شكل الخير في ملامحه نزل من البوكس بتاعه
وزّع وزّع..قسّم قسّم
الجماعه اتلمّه اخطف امسك ضربو زيييييين
بعد شويه الجماعه كللللللللللللللللهم راحو في نومه عميقه والسبب انه في الأكل مادّه مخدّره أو منوّمه.
طوّالي عمــّك لقــّط حاجات الجماعه الشحاتين كلها وبقى مارق.
اي زول حيقول الزول ده عوير يسرق للناس ديل شنو؟
لكن اتضح لمن الجماعه فاقو تاني يوم ومشو بلّغو اتضح في نهاية البلاغ بأن المسروقات والمبالغ الأجمالية وصلت مايقارب ال82مليون جنيه
يعني لو ديل شحاتين مدني عندهم ال82مليون يبقى ناس مدني ماشاء الله عندهم كم؟؟؟
*****************
رد مع اقتباس
المشاركة الأصلية كتبت بواسطة abu_ola
المفضلات