كان في واحد من اهلنا اسمو المستشار جاء الخرطوم يدور على شغل وفعلا حصل شغل واستقر في الخرطوم وهو مابعرف يقرأ ولا يكتب المهم خلال فترة عملو اتعرف على واحده من بنات الخرطوم وبقت في علاقة حب بينهم . في يوم من الايام جاتو البت وادتو رساله ومشت وصاحبنا طبعا لا بقرأ ولا بكتب يبقى يدور على واحد يقرأ ليهو الرساله ولازم يكون واحد قريب منو عشان احتمال يكون فيها سر وفعلا مشى لصاحبو شاكسس هههههههه قرأ الرساله ووشو قلب 360 درجة ورجع الرساله لصاحبنا وقال ليهو تاني لا بيني لا بينك دي أخر صداقتنا وخوتنا الله يسامحك ومشى خلاهو صاحبنا احتار الرساله دي فيها شنو خلا شاكسس يقول كده ومن كتر زعلو قابل واحد في الطريق اداهو الرساله قال ليهو اقراها لي الزول قرأ الرساله وشتم ليك صاحبنا ورجع ليهو الرساله ومشى صاحبنا اتضايق شديد وبقى مافاهم حاجه يبقى الرساله دي فيها شئ خطير اي زول ياقبلو يديهو الرساله الزول يشتمو ويرجع ليهو الرساله ويمشي يخليهو صاحبنا زهج وقرر يسافر البلد عشان ابوهو يقرأ ليهو الرساله وفعلا سافر ولم وصل البلد قابل اختو اول شئ اداها الرساله اختو قرت الرساله وزعلت شديد وقالت ليهو انت لا اخوي ولا انا بعرفك بقى يحنس فيها عشان تشرح ليهو الرساله فيها شنو مارضت ومشت سابتو صاحبنا مشى لابوهو واداهو الرساله ابوهو قرأ الرسالة ومسكو ضربو وشتمو وقال ليهو انت لا ولدي ولا انا بعرفك من يوم الليله ومشى كلم ام صاحبنا بالحصل الام برررررضو اتبرت من صاحبنا وهو طبعا ما فاهم حاجه زعل ورجع الخرطوم ومن الخرطوم سافر مصر قال عشان يعتزل الناس وفعلا سافر مصر واشتغل هناك وكل يوم لم يخلص شغل يمشي البحر ويقعد مع نفسو لغااااية ماتغيب الشمس يرجع بيتو . مرة جاتو واحده وقعدت معاهو وسالتو قالت ليهو انا لي شهر كل يوم بشوفك قاعد هنا لا تلكم زول ولا زول يكلمك خير في شنو ؟ صاحبنا زوغ منها بالكلام وما رد عليها قال ليها ده سر وما عايز اكلم بيهو زول البت قالت ليهو خلاص مامشكلة بس انا عايزه اجي اقعد معاك لو مافيها مشكلة صاحبنا قال ليها خير وبقو كل يوم يجو يقعدو مع بعض البت وقعت في حبو والعكس الاتنين واقعين لشوشتهم واتفقو على الزواج وفعلا تم الزواج لكن البت لسه السر ما عايز يطلع من راسها وفي يوم اصرت على صاحبنا انو يحكي ليها السر وألحت عليهو صاحبنا قال ليها خلاص انا بحكي ليك السر لكن البيني وبينك حاينتهي بعد ما اكلمك البت وافقت لكن صاحبنا كان عندو شرط انو الشئ ده لازم يتم في نفس المكان الاتعرفو فيهو على بعض اللي هو البحر . وفعلا الجماعة مشو البحر وصاحبنا قص عليها الحكاية وقال ليها اقري لي الرساله وطلع الرسالة من جيبو عايز يديها ليها الرساله طارت ووقعت في البحر واخدها الموج بعييييييد عنهم . ولا انا ولا انتو ولا هو ولا هي في زول عارف الرساله فيها شنوووووووووو ؟
ههههههههههههههههههههههههههههههههه
شكرا
رد مع اقتباس
المفضلات