الريد ماببقي خوه ودايره تبقي خوه

[خالد هاشم علي]

كيف ياشباب... يعلم الله مشتاق ليكم شديد...
طبعاً أخوكم جاي لنج من الإجازة وأريتو حالكم يالمغتربين... وطبعا زي كل مرة بتحصل علي بكون مشدووووه وفاتح خشمي ومذبهل نص الاجازة ولمن احاول استدرك الناس وادخل في الفورمة القي الإجازة إنتهت.
طبعا الإذبهلال بالنسبة لينا نحن المساكين ديل ( المغتربين) بتكون أسبابه كتيييييييييييييييييرة . لكن أهم سبب بكون الجكس المايديك الدرب ده... وكمان يااخوانا حواء في آخر أيامها ولدت ليها جنس جكس نضيف نضافة وعلي قول ناس السودان ( جنس ارانب).. وطبعا الإجازة دي أخوكم كان منطلق إنطلاقة وهملة صاح وخصوصاً إنو المدام مامشت معاي الإجازة عشان أهلها كانو حاجيين... وأخوكم ماصدق ( هبوبك يالله علي قول جمال الماحي) المهم طبعا من ماتدخل مدني والحمد لله دخلت الصباح والشمس مفتحة والناس حايمة والجكس ماشي علي المدارس ... دخلت عن طريق حنتوب والدباغة لاني كنت نازل بالعربية ( السيارة ) علي قول المغتربين ويلا اول ماقلت كده ولفيت ليك بي الدباغة هلت ليك علي البشاير... ياربي ده شنو ده ؟؟؟ انا في الجنة ولا شنو؟؟؟ لا عبايات ولا سواد ولا لفليف ولا دمديم !!!!! بالله شوف جنس النعمة دي ( غايتو ياجمال الماحي انا كنت صنديد واتحملت المناظر دي لكن الله يستر عليك).
وبقيت اتلفت زي العوير بالله شوف الناس دي!!!!! معقولة بس !!!!! .
المهم بي قدرة قادر ومعاناه شديد وكشيف صاح وصلت بيتنا وآخر سلامات مع الحاجة آمنة وأخواني وأخواتي والجيران ( وبرضه لسه الذهللة حاصلة). وهاك ياخرفان وشية وضبايح وناس داخلة وناس مارقة ( والله السودان ده حلو حلا... يمين أحلي من راجل المرا) .
أها طبعا اخوكم داير المولد ده يخف شوية عشان كمان مواعيد نهاية المدارس والجامعات ماتفوتني لكن هيهات... مالقيت لي نفس ... وبقيت أسلم شوية علي الناس وأمشي علي باب الشارع آخد لي كشيفة كشيفتين وأجي راجع. لغاية ماليوم إنتهي .
بالليل لقيت ليك ناس البيت متلبسين وماشين لي حنة جماعة نسابتنا.. قاموا قالوا لي خلاص نحن نمشي ونسيبك ترتاح وتاخد ليك نومة!!!! بالله آخد لي نومة!!!! عليك الله شوف جنس الناس ديل!!!! انا جاي عشان أنوم؟؟؟؟. ويلا في دقايق كنت لابس ومارق مع الجماعة وعلي بيت الحفلة راس.
أها طبعا في الحفلة أسكتوا ساااااااااااااااي ( ياخواني كان رقتو أنا بوصف الشفتو) ...لانو داير ليهو حلقة براااااااااااااااهو.وح أرجع ليهو مرة تانية لكن كدي نرجع بيكم لي عنوان البوست ده( دايره تبقي خوه).
الفنان شغال وانا مافاهم منو أي حاجة وقال كده يغني في أغنية جديدة ( الريد ماببقي خوة ودايره تبقي خوة**** وتخاويني يامرحب **** إنت اصلك مابتتعب**** وشنو شنو كده ماعارف ....المهم كلام كتير لكن خلاصة الموضوع إنو الشمطة قايمة بين الولد والبت في الريد ببقي خوة ولا ماببقي خوة؟؟؟
يمين بقيت اركب العربية أسمع شريط تلاقيني الأغنية ( الريد ماببقي خوة ودايره تبقي خوة) أمشي السوق ألقي الأغنية .. أقيف في الشارع يجي بي جنبي بتاع ركشة ولا أتوس تلقاهو مشغل الأغنية.
غايتو لغاية ماإجازتي إنتهت الجماعة ديل ماإتفقوا علي حاجة ...ولي هسة ماعرفت الحصل بي وراي شنو... ياربي إتفقوا ؟؟؟؟ لقوهو ببقي خوه ولا لا... عشان كده منتظر أخوي ود الماحي لمن يرجع من الجنيد وينتهي من عرس أخوهو ويوريني الناس دي بقت علي شنو ؟؟؟؟
ولي عودة

[مدنيّة]

اولاً حمدا لله علي السلامة وعودا حميدا

والله ياخالد بالجد البنات بقوا سمحات سماحة خليها ساااااااااااي وخسوسا بالليل والله تشوف الوحدة الصباح تكون مابتتقابل بالمساء اللي بيحصل شنو مابعرفه
ياخوي كان في زول عارف يكسب فيني ثواب ويقولي

تعرف والله انا بسمع بالجملة دي من الاغنية بس اول مرة اسمع الاغنية كاملة قبل يومين تلاتة وبالجد الشكلة حاصلة لما الواحد قال يمشي يبلغ البوليس عشان الحكاية ما تطور وتسيل فيها دماء لكن قلنا كدي ننتظر عرس اخو ود امي دا ونشوف الجماعة ديل بصلوا لشنوووووو

همسة : ود امي بالله ماتقصر وورينا النتيجة لايف

[الفارس البنفسجي]

الاخ الكريم أبو هاشم
اولاً الريد عمروا ما ببقى خوة وكترت الأغنية دي معناه الشواكيش كترت في البلد
بس انتي وقت معرس البوديك على الحفلات شنو والبخليك تعاين للجكس شنو؟

[ابودجانه العباس]

أستاذنا وحبيبنا خالد هاشم

طبعا انا (واعوذ بالله من كلمة انا )من الناس

العقبوق وجيت للمنتدي وانت في الاجازه

واتشرفت كتيير بي الشوفه..دا أولاً..

تانيا:الشمطه الحاصله دي من زمان وما في ليها

حل طالما انو في مغتربين زينا وفي ناس عندهم قروش اصلو ما حا تنتهي

قول لي ليهخلاص قلتها):طيب انا اقول ليك ليه:

الواحد يقعد يحب ويريد في البت عمروا كله(دي الريدة)

جاء ودعمها ولا ولد جيرانم المهم مغترب قال عاوزة

طوالي النغمه في الجهه التانيه بتتغير (نحن نكون أخوان أحسن)

خوه(الخوخه التقوم ليهن في نص راسن)وكذلك الحال لمن يجي

زول مقرش وجاهز..يعني وجود العنصرين ديل في المجتمع

السوداني بمثل خطوره علي الشباب المفلس وشباب الجامعه

(ناس الجكس)..عشان كدة ما تعشم يا استاذنا انو المشكله

دي تتحله قريب..حتي لوكان بله اتحله...

ومنتظرين تكمله الموضوع..

ودمت..

[مدنيّة]

طوالي النغمه في الجهه التانيه بتتغير (نحن نكون أخوان أحسن)

خوه(الخوخه التقوم ليهن في نص راسن)

ابودجانة شايفاك زعلان زعل ساااااح
كدي اهدي وقولينا لو مريت بالخوخة دي

[مدنيّة]

الاخ الكريم هاشم
اولاً الريد عمروا ما ببقى خوة وكترت الأغنية دي معناه الشواكيش كترت في البلد
بس انتي وقت معرس البوديك على الحفلات شنو والبخليك تعاين للجكس شنو؟

هو انت في كدا ولا هو اصلا فرحاااااااااااااااان انه المدام ما جات معاه

اها يافعالي الخير مافي زول يوصل البوست دا بهناااااااك

[ابورجاء]

الغالي حبيبنا ود عم هاشم الجميل الرائع
اولا حمد الله الف على السلامة واجازة سعيدة
وللمعلومية سعيدة دي ما جكسية دي نوع من انواع
الوصفات السحريه في الحالات الزي ديه ...
المهم في الموضوع انو لمن نزلت الاجازة المره الفاتت
كانت شغاله راجل المره ده حلو حلا بنفس الاسلوب يعني
في الحلم انا كنت بسمع بيها في اي ملف تلقاها المهم برضو
ده موضوع تاني... انت عارف مشكلتنا مع الجكس دي شنو
لانو هنا بنشوف غربان عشان كده الواحد لمن ينزل اجازة
اول شئ بتلفت نظرو الجكس عشان الحرمان وشوفو كل
يوم في الغربان بعدين جكسينا زاتو بقى يعمل في حاجات كده
تستغرب فيها زي ما قالت عمتى مدنية الصباح تشوفها ما تصدق
لو شفتها بالليل والله كلام راغب علامة شكلو اثر فيهن .....
وخونا صاحب المشاققات ود الماحي الله يستر عليهو زي ما قلت
وربنا يرجعو سالم لانو لو رجعت موضة اغنية راجل المره ده حلو
حلا الا يحلو الحله بله ولو بله اتحله ود الماحي يحلو الله .....
ولحدي ما يجي الوقت داك ارجع تم لينا الجكسية اقصد القصة ...

ودوما في رعاية الله وحفظه....
مع كل الود باقة ورد....

[ابورجاء]

هو انت في كدا ولا هو اصلا فرحاااااااااااااااان انه المدام ما جات معاه

اها يافعالي الخير مافي زول يوصل البوست دا بهناااااااك

يا عمتي البوست وصل من زماااااااااااااااااااااااان
والدليل انو عمنا خالد جاء من الاجازة قبل اكثر من اسبوع
لكن فعايل البوست ادت الى حبسه حبس انفرادي لمده اسبوع
من قبل الحكومة لانو حاجات زي دي ما بتفوت عليكم يا حكومات....
ده ما كلامي دي معلومات من مصادر غير موثوق بها شمارات نت...

ودوما في رعاية الله وحفظه...
مع كل الود باقة ورد....

[امير عبدالباقي]

الحبيب الغالي ودهاشم
اولا حمدلله علي سلامتك
والله كنا مشتاقين لبوستاتك دي فيها خفه وجمال ؛ بس كدي ماكملت لينا الموضوع نحن منتظرنك
هو في ريده بتنقلب خوه ياخوانا الله اعلم في زمن راجل المراه حلو حلا

[Madanawi]

والله يا خالد حسدتك عديييييييييييييييييييييييييييل كدا

ماشاء الله يا معلم استمتعت بالاجازة وما خليت الحفلات والنواعم و حتى الريدة ما بتبقى خوة غنيتها...


لكن يا فردة لقيت يدك ما الحكومة مافي ، لكن بيني وبينك الفكرة شديدة وحا نستفيد منها في مقبل الاجازات انشاء الله. منكم نستفيد يا استاذ ,,,,,,,,,,,,,,,,,,,,,,,,,,,,,,,,,,,,,,

[بنت الرفاعي]

يا أبوي ده شنو ده وكلام شنو ده؟؟؟؟!!!!

[بنت الرفاعي]

أبو رجاء انت مالك بتاع مشاكل كدة؟؟!!
مع اني بصراحة مامنهم لكن كلامك ده غياظ عارف معناهو شنو؟؟؟؟













معناهو انو بنات أمس ماكانوا شيك ولا كانوا سمحين!!.
قال راغب علامة قال.

[مدنيّة]

http://up.9q9q.net/up/index.php?f=DBbcD8vtr

[محمد السر احمد]

اخونا خالد حمد لله علي السلامة
يا زول ما ريدة تبقي خوه لكن الاخوة ممكن تبقي ريدة ودائما الجكس بفصل ذي ما داير
وتسلم يا ود هاشم

[ابورجاء]

أبو رجاء انت مالك بتاع مشاكل كدة؟؟!!
مع اني بصراحة مامنهم لكن كلامك ده غياظ عارف معناهو شنو؟؟؟؟













معناهو انو بنات أمس ماكانوا شيك ولا كانوا سمحين!!.
قال راغب علامة قال.

الغالية بتي الطيبة مرام الحنينة
بالعكس يا بتي بنات امس الزيهن منو حشمة وزوق وحياء
ورقة وجمال رباني لا كيلي لا ديانا لابدره لا حاجة من الازدخانة
ولا روز لا بتسابقن على الاولاد من اجل الفوز الله لينا نحن من
بنات امس وييييييييييييييييييييييييييييييييين نلقاهن تاني .....
بعدين قلتي لي بتاع مشاكل مشكاكل شنو يا بتي الله لا جاب مشاكل
ده نوع من الشمار الدقاقا الغير مغربل جيدا .....
ودوما في رعاية الله وحفظه....
مع كل الود باقة ورد.....

[خالد هاشم علي]

[COLOR="Redكدي ننتظر عرس اخو ود امي دا ونشوف الجماعة ديل بصلوا لشنوووووو

همسة : ود امي بالله ماتقصر وورينا النتيجة لايف
[/COLOR]

الغالية مدنية...
مشكورة يابت أمنا كلنا علي الترحيب الحلو ده.... وأريتو جمال الماحي يفضي لينا ويخلي نطيط العيون لانو برضه الحكومة حقتو مانزلت معاهو السودان... ودي فرصة ماأظن ود الماحي يضيعها بي أخوي واخوك يعني حيكون مذبهل ويعاين للنبق ده لمن يرجع لي أم العيال.
عشان كده لازم نشوف لينا مندوب الداخل زي ناس ود الصول ولا التيمان ولا اي زول من قواتنا في الداخل.

[خالد هاشم علي]

بس انتي وقت معرس البوديك على الحفلات شنو والبخليك تعاين للجكس شنو


بالله شوفو جنس قتاتة الجنا البنفسجي ده!!!!!!!!!!!!!!!! إنت ياخوي أنا معرس ولا من جماعة طالبان؟؟؟؟؟؟؟؟؟؟؟؟؟؟

[خالد هاشم علي]

[QUOTE=ابودجانه العباس;152203]أستاذنا وحبيبنا خالد هاشم

طبعا انا (واعوذ بالله من كلمة انا )من الناس

العقبوق وجيت للمنتدي وانت في الاجازه

واتشرفت كتيير بي الشوفه..دا أولاً..


[SIZE="5"]الغالي أبو دجانة....
ياخي والله انا سعيد بيك و بي كل الشباب اللي إنضموا للمنتديات في الفترة السابقة وحقيقة انتوا إضافة جميلة للمنتديات....
بخصوص المغترب وإنو بقلع الجكسوية من جكسيها وبعرسها فده إنتهي ياأبو دجانة لاو والله مشيت لقيت ليك المغترب بقي يعادل ( الطبقة الوسطي) في المجتمع السوداني وطبعا في السودان مافي طبقة وسطي ... يعني ياتكون فوووووووووووووق ياتكون تحححححححححححححححت والفرقة الفي نص دي تقدر تقول حقت المغتربين... وتعرف ياابو دجانة زمان المغترب ده ظااااااااااهر بي نورته وبي قشرته وبي عربيته وزماااااااااااااااااان كان بي ساعتة الكاسيو وشنطة السمسونايت لكن تعال شوف هسة يمين كل الناس نايرة اكتر من المغترب وكل الناس قاشرة احسن منو ومعظم الناس راكبين عربيات أحسن منو... لكن برضه المغترب بكون ظاهر ... عارف بي شنو ؟؟؟؟؟ بي نطيط عيونو وخلعتو زي التور الدايرين يدخلوهو البنطون يعني بكون عامل كده:[/ SIZE]eek:

[خالد هاشم علي]

هو انت في كدا ولا هو اصلا فرحاااااااااااااااان انه المدام ما جات معاه

اها يافعالي الخير مافي زول يوصل البوست دا بهناااااااك

[COLOR="Magenta"]هييييييييييييييييييييييييييييي مقدرة يامدنية سيبي الجمجرة............ راجل المرة ده حلو حلا[/COLOR]

[خالد هاشم علي]

يا عمتي البوست وصل من زماااااااااااااااااااااااان
والدليل انو عمنا خالد جاء من الاجازة قبل اكثر من اسبوع
لكن فعايل البوست ادت الى حبسه حبس انفرادي لمده اسبوع
من قبل الحكومة لانو حاجات زي دي ما بتفوت عليكم يا حكومات....
ده ما كلامي دي معلومات من مصادر غير موثوق بها شمارات نت...

ودوما في رعاية الله وحفظه...
مع كل الود باقة ورد....

هوووووووووووووووي ياابو رجاء يمين أنا صعب وعيني حمرا وشرارة ... أفو أنا كمان بخاف من الوليه ( زي الآدمن وصالح أبو شوارب) يمين أنا تقول لي صباح الخير سااااااااااااااااااااااي إلا أقوم عليها بي عكازي .... أفو أنا أخوك....
أنا الأسد النتر...
أنا الصعب المتكل بالشعب...
أنا....
خليني ساي...

لكن أنا قايل الكلام بتاع الجكس والحاجات دي تكون بيناتنا ومافي داعي تتهوروا وتوصلوا الموضوع ده وخصوصا في ناس شمشارين وخاتين راسهم مع أم عيالي ( زي ناس الآدمن وصالح وأمير وأبو روان وعزيز عيسي) . أوع تفتكر كلامي ده خوف لا أبداً بس ده.....
يازول آآآآآآآآآآآآآي خوف بس النبي فيكم مافي داعي للفتن.

[عماد عبدالشكور]

حمدا لله على السلامة

[خالد هاشم علي]

الحبيب الغالي ودهاشم
اولا حمدلله علي سلامتك
والله كنا مشتاقين لبوستاتك دي فيها خفه وجمال ؛ بس كدي ماكملت لينا الموضوع نحن منتظرنك
هو في ريده بتنقلب خوه ياخوانا الله اعلم في زمن راجل المراه حلو حلا

أبو أحمد ياحبيب....

مشكور علي المرور اللذيذ ده وغايتو نحن منتظرين ود الماحي يدينا الخبر بعد مايجي ويشوف الجماعة ديل إتفقوا علي شنو؟؟؟

مشاققة بالحواشات....
كدي لمن تمشي الإجازة زوق من أم ريان وشوف برااااااااااااااااااااااااااااااااااك بي أأأأأأأأأأأأأاااااينك :cool:

[خالد هاشم علي]

لكن يا فردة لقيت يدك ما الحكومة مافي ، لكن بيني وبينك الفكرة شديدة وحا نستفيد منها في مقبل الاجازات انشاء الله. منكم نستفيد يا استاذ ,,,,,,,,,,,,,,,,,,,,,,,,,,,,,,,,,,,,,,

يافردة الأعمار مابالأيد ( والعمر من وين بشترو؟؟؟)
عشان كده من هسة وإجازتك دي زوق من الولية وقول ليها علماء النفس قالوا لازم المتزوجين يإجزوا من بعض ولو أصرت عليك وصلها بيت أهلها وشتت برااااااااااااااااااااااااااااااااك ولاقيها آخر يوم في الإجازة

[خالد هاشم علي]

يا أبوي ده شنو ده وكلام شنو ده؟؟؟؟!!!!

مرام مرحب بيك ...ومشكووووووووووووورة علي المرور برغم إعتراضك علي ماكتبت.

[خالد هاشم علي]

اخونا خالد حمد لله علي السلامة
يا زول ما ريدة تبقي خوه لكن الاخوة ممكن تبقي ريدة ودائما الجكس بفصل ذي ما داير
وتسلم يا ود هاشم

الغالي محمد السر....
والله انا خليت الشمطة بي وراي قايمة والعجاجة لي رب السما... وبيني وبينك انا ماعارف البنية كانت دايرة الخوة ولا دايرة الريدة؟؟؟