مابننغش لكن اصحى يا مغشوشنا
ترسم في الخطط قصدك تجينا تحوشنا
كضبك انت والله بفهمنو دحوشنا
سبحان الكريم جايينا في نص حوشنا
مو موضوع شبارقة ماف زولا انغشابو
التلفيق ببين من لهجة الليك جابو
كان شيتا بجيب الريح اخير سد بابو
والقول الصعيب لكن حبابو حبابو
مالو شبارقة حلت عليهو الحكايه بعدنا
بقى اتجارى لمن شافو سكاهو كلبنا
ويضاري لمن شنينا عليهو حربنا
ما بنسيبو الا يشوف برقنا رعدنا
يااهل الدرايه اليوم دحين افتونا
مالا الناس بقت بي اللخبتات مفتونا
تبسم ليك و الحقد الدفين في عيونا
في نشر الحكايات زي وكالة سونا
الحاسدين خلاص نار حقدهم عمتنا
لفقو للحكايات شان تروح كلمتنا
كضبة ناس شبارقة و الله ما همتنا
ونسوان الشبارقة يمين ما بفرقن لمتنا
نضميك الملفق شامي لي فيك ريحه
لي هذا الاوان ما جابو لي تصريحا
الداير نهاية لي لمتنا قصدو يزيحا
سائل المولى يبلاهو وعروقو يسيحا
رد مع اقتباس
المشاركة الأصلية كتبت بواسطة امير عبدالباقي
المفضلات