السودان يخسر

[بدرينا]

خسر منتخبنا الوطني الاول لكرة القدم تجربته الاعدادية عصر أمس بهدف دون مقابل
امام نظيره الاثيوبي في اطار تحضيراته لمواجهة موريشوص في الجولة الثالثة من
التصفيات الافريقية المقامة في الرابع والعشرين من الشهر الحالي بموريشوص ..

[sami_alkaer]

حتي الحفتيين بقوا يغلبونا
هذا زمنك يامهازل

[همسة شوق]

مامشكلة دى فى النهاية مباراة إعدادية
نقدر نعرف فيها مستوانا ونصحح الاخطاء
اهم حاجة مانخسر مباريات التصفيات

[الفارس البنفسجي]

نحن نقعد ننظر وننظر
لكن تلاتة حاجات والله ما بتصلح ولا بتتقدم في السودان
التمثيل
والكورة
والإقتصاد

ربنا يلزمنا الصبر

[بدرينا]

حتي الحفتيين بقوا يغلبونا
هذا زمنك يامهازل

شكرا على المرور أخي..
كيف ما نتغلب بفريق بيتكون في ثلاثة أيام
بتمرن اليوم الرابع ويسافر اليوم الخامس..
ياخد راحة يوم.. ويلعب اليوم السادس.. يتغلب
ويرجع في السابع.. عشان حضرات اللعيبة المحترفين (المحترمين).. في
الناديين العالميين (هلال مريخ).. يرجعوا يلحقوا أنديتم.. الأهم من المنتخب..
وياريتم لو جايبين (عَمَار)..
أهي حال كورتنا.. الناس بتصارع في العلالي.. ونحن بنتمرمط من أثيوبيا وما شابه ذلك..

[بدرينا]

نحن نقعد ننظر وننظر
لكن تلاتة حاجات والله ما بتصلح ولا بتتقدم في السودان
التمثيل
والكورة
والإقتصاد

ربنا يلزمنا الصبر

(أمين يا رب)

[بدرينا]

مامشكلة دى فى النهاية مباراة إعدادية
نقدر نعرف فيها مستوانا ونصحح الاخطاء
اهم حاجة مانخسر مباريات التصفيات

نعرف مستوانا في حالة في استقرار في المنتخب..
لكن لو المنتخب بتفرتق من المطار على طريقة إلى حين إشعار آخر
(مباراة ودية أخرى.. أو قبل مباراة التصفيات بأسبوع)..
على الطلاق بالتلاتة بالطريقة دي لي يوم الدين ما نشوف لينا مشاركة
في نهائيات خليك من الكأس الأصلاً مستحيل..

[عمار هبّار]

والله ربنا يعينا ..
ويعين كل الجماهير السودانية على حال الكورة الماثابت يوم فوق ويوم تحت .. وبعدين ذي ماقلتوا سوء الإعداد والتنظير الكتير هي سبب كبير جداً في الهزيمة دي ..
على كل حال نمني نفسنى واهميين بأن نرى السودان قريباً في نهائيات كأس الأمم الأفريقية وكأس العالم ..
ولو نمت كتير صحوني عشان الحلم ما يطول ونشيل الكأس ..