هل تشتاق الي مدني من ارض الغربه

[meshanshow]

في الغربه و عندما يتغير الحال و المكان و تبداى بحياة جديده في ارض جديده و مهما كان بها من جمال وروعه لن تنسي الايام الخوالي التي قضيتها في هذه المدينه سوف تحن لها و للاصحاب و الاهل .
روحي ليه مشتهيه ودمدني

[مختار بازى]

ديما دايرة اتنين يتغالطو فيها ولا شنو



قلبي اتولـــد يحمل هواك يا مـــــــــــــــــــــــــــــدني

[السلامى]

مدنى الحيبة دائما فى الوجدان حتى لو بعدت عنها سويعات ناهيك عن البعد سنوات وربما هذا مايميز أنسان ودمدنى عن بقية المدن وربنا يجعل الخير دوما فى أهلها

[احمدمحمدعلي]

مهما كان مهما طال البعاد حا تبقى مدني متاصلة في الدواخل 000000000ومستحيل ننساها او نرضى نوطن غيرها0000000000000000000000000راجع لك مدني 00000000000000000رنده

[meshanshow]

الشكر ل مختار و السلامي و احمد علي التعليق الجميل

[طارق التوم]

جاى ليك يا مدنى راجع شائل اشواقى وحنينى
جاى ليك فينى المواجع من بعاد ضيع سنينى
جاى لعينيك اسامر احكى لنيلك همومى
اغسل احزانى فى ترابك واملا من شوفتك عيونى

[meshanshow]

طارق التوم تعال طوالي

[الطويل]

كلنا فى الهواء سوا يا فرده ومجرسين شديد والغربه هلكتنا والكفله موريننا نجوم الليل عز الظهروياريت لو نرجع كلنا الى بلدنا وامنا الغاليه ودمدنى بس عايزه ليها حبت عزيمه

[طلال الصول]

شوق وبس هو دي بزيادة رهيبة
لوعة ووحشة واسكت خليا ساي

[meshanshow]

خلاص مادام مشتاق كده معناها ماتطول علي مدني و علينا

[اسامة الباهى]

حقيقة الواحد عند دخوله الى مدينة ودمدنى يحس بالارتياح والامان والهواء النقى ( الهمبريب ) وريحة الخضرة والدعاش .......



بقلم (تكنو )

[خالد أحمد الصول]

إبني العزيز طلال
وين يا زول ما قاعدين نسمع صوتك و غاطس كدة في الدمام دي لاقي فيها شنو ... الاخبار و الحمد لله يعني الواحد ممكن يتواصل معاك عبر النت .. علي العموم ناس البيت كلهم علي أتم عافيه و مشتاقين ... كمان إنت عند واسطة لانو مشرف ودمدنيات عمك ... ولا شنو

[معتصم عيدروس]

يا جماعة انتو في غربة عديل وسفر وطيران

انحنا القاعدين في الخرطوم ومدني ساعتين وبنمشي كل اسبوع اسبوعين بنشتاق ليها ..
الله يعينكم
ومن دلائلها ما كتبته أمس في عمود من قلب الجزيرة وقد تجدونه كلاماً غير مرتب ولا رابط بينه ولكنه احاسيس غربة داخلية .


خارج النص
مدينتي تختلف عن سواها من المدن ، يحبها اهلها ولا يدرون سر هذا الحب والوله ، هل هي ارضها التي يحفها النيل ، ام هو انسانها الرائع البسيط ، ام لانها صغيرة مثل احلام اهلها .. البساطة هي عنوانها ، والحب هو مفتاح الدخول لقلوب اهلها .. ما يحير المرء فعلاً انه مهما تغرب وساح في الارض حتماً يعود لها ، ولو لم يعود فهي تظل في ذاكرته الى الابد .. كثيرون يغلقون قلوبهم بعد خروجهم منها ولا يسمحون لاحد بالدخول حتى لا يزاحم الاصدقاء والاحباب في مكانتهم ولا يسمح له بنسيانهم .. وهكذا تستمر مسيرة المدينة الخارجة من النهر الذي تغتسل فيه كل يوم لتعود نظيفة عفيفة كانما ولدت وولدوا من جديد.. في مدني لا مكان للاحقاد والحسد ،فالجميع فيها اصدقاء مدينة القباب والشيوخ والحيران ، واخوة لم تلدهم ام واحدة .. قد لا تصدق ان كل قبائل السودان موجودة بها ، وانها سودان مصغر يمتزج في توألف غريب ونسق اجتماعي لن تجده في سواها.
لا تستغرب ان وجدت اهلها مترابطون ومتحابون ولا يطيقون فراقها فهي ام رؤوم تحيطهم بحبها وبينها وبينهم رباط وثيق لا يفك. وانت الغريب ستجدها تحتضنك مثل من عاش بها كل عمره ، ولن تجد نفسك غريباً عنها حتى لو احببت ان تكون كذلك فهي لن تسمح لك بهذا وستجبرك على الدخول في نسيجها الاجتماعي راضياً أم رافضاً.
رياضياً كانت المدينة على قلب رجل واحد يا ويل الاندية الزائرة لها ويا اشفاقنا عليها ، فلحظة دخولها استادها يصيبها الرعب من هول ما ستجده سواء داخل الملعب او في المدرجات ، ولكن يا حسرتاه فقد تغير المآل والحال واصبح الغريب في استادها هو صاحب الاستاد وصاحب الملعب وصاحب الجمهور ، فما بات يخجل من يشجع الهلال والمريخ ضد الاهلي والاتحاد والافيال بل تجده يتبجح بذلك ويحمل اعلاماً ما كان يسمح لها بحملها ايام كانت المدينة ولود ودود ويعمل الجميع من اجل رفعة علمها وحدها، لم يكن مشجعو الاهلي يرضون هزيمة الاتحاد امام اندية العاصمة ولا مشجعو الاتحاد يفرحون لهزيمة سيد الاتيام امامها ، وكان المدينة تنام حزينة ويلبسها السواد الحداد بسبب خسارة احدهما ، ولكن تغير الزمان وتغير السكان واصبح الجميع يهربون من مسئولياتهم تجاهها وتجاه انديتها ، واصبح الهلال والمريخ هما صاحبا الاكثرية في التشجيع حتى باتا لا يخشيان شيئاً في ذهابهما لاستاد ودمدني لانهم واثقون بفوزهم وبمشجعيهم الذين تخاذلوا ونسوا أن الاصل في التشجيع للمدينة .
دعونا نستعيد الزمان الجميل ونترك التشرزم والتفكك ونبدأ المسيرة من جديد من اجل عودة المدينة الى سابق امجادها وعنفوان شبابها ، فهي الباقية ونحن الذاهبون .
لا افهم ان يعمل مدنياً ضد مدينته فهو بهذا يتجرد من اهم اسباب حياته فيها ، وعليه فلندعو الجميع للعودة والأوبة لحب هذه المدينة المعطاءة الولود ، ولنعمل بجد واجتهاد من اجل جعلها قامة سامقة بين المدن ، ولنعود للعمل بتجرد واخلاص من اجل رفعتها كروياً عبر وصفة بسيطة ، ان لا نشجع غيرها ، وان نكون يداً واحدة على كل الاندية الزائرة للمدينة ، حتى يعود استاد ودمدني مقبرة للخصوم ويصبح دونهم والنصر بذل الدماء والعرق وكل غال ومرتخص.
اخيراً
شهدنا زمان في مدني كان تشجيع فريق غير فرقها جريمة ، وكم من مرة قام (شفوت) المدينة بضرب من يعمل هذا حتى ولو كان غريباً فما بالك بسكان المدينة الذين يقفون مع الاندية الزائرة ويرحبون بها ويهللون لفوزها وهي ليست دعوة لممارسة الارهاب على الخصوم ولكنها دعوة لابناء ودمدني للعودة لرشدهم والوقوف مع اندية المدينة في كل حالاتها ، وخاصة في هذه الايام التي تحتاج فيها المدينة لكل ابنائها حتى يقفوا بجانبها.

[سفيان]

انتى من وين يابنية وناوية على وين السفر قلتي مدني الجميلة مدني يا اجمل خبر فيها قضيت الطفولة واحلى ايام العمر

[سفيان]

شباب ربنا ارد غربتكم واجمعكم بالاهل والاصدقاء والاحبة

[سفيان]

فى رحاب المدينة الرحبة بابناءها وزوارها

[anwar12545545]

طبعا أنا مريت على كل التعليقات ، ونحنا قاعدين في الخرطوم ،لكن لسان حال الموجودين في مدني يقول:

نشتاق ليك وأنتي معانا يا ملاذ أفكارنا الهيمانة

شوفي وين تيارك ودانا

ربنا يعين الجميع ويرد الغائبين ،حتى يرتموا في أحضان ودمدني.

[الطويل]

شباب ربنا ارد غربتكم واجمعكم بالاهل والاصدقاء والاحبة

اللهم آمييييييييين
مشكوووور يا سفيان وربنا أديك العافيه

[mcreio]

مشان شو هادا الحكى

احبها لانها كيانى ووجودى, هى ما احتاج اليه دوما هى ...هى الحبيبة ولا استطيع الا ان اشتاق اليها.
ذالك الكيان المتفرد

مدينة الحب والجمال

اشتاق اليك كثيرا و...و..... واشتااااااااااق اليك

فعلمنى ان لا اشتاق علمنى كيف اقص جزور هواك من الاعماق

ذلك العشق السرمدى ابدا لن يزول

نعم اشتاق اليها

[meshanshow]

تعرفو يا شباب مدني جميله و الواحد مابعرف قيمتها الا بعد امشي بلد تانيه حتي لو كانت الخرطوم

[فتاة الربيع]

مدنى الزيها مافى ولا حيكون ودى كلمات بسيطة تعبر عن شوقنا لى ودمدنى الحبيبة اكيد لو بينا الف محيط بشوف الفرق بينا بسيط ولو يفصلنا مليون ميل اكيد مشوارى ببقى جميل ولو غطتنا ظلمة ليل اكيد احساسنا اقوى دليل ودمدنى فى وجدانا وما غابت عن ذكرانا لحظة فى الغربة نتمنى نرجع ولو ثانية جميلة فى مدنى مهما ابعد عن عيونك ما بقول فى لحظة انسى لو مراكب شوقنا تاهت بكرة بالافراح بترسى تبقى لى احلا واحة ولى دروبنا الطايلة مرسى انت دايمنا فى خيالى وفى ذكرااااااااااااى هسة

[طلال الصول]

مدنـــــــــــــــــــــــــــــــــــــــــــــــ ــــــــــــــــي
بس انطق الاسم وشوف احساسك حيكون كيف

[meshanshow]

مدني يا اجمل خبر

[صلاح عمر أحمد]

]فعلا وطنى ولو شغلت بالخلد عنه نازعتنى إليه فى الخلد نفسى

ولكن نقول أنها سنة الحياة هى التى فرضت علينا الإغتراب والبعاد وربنا يرجعنا سالمين غانمين ولو بتحقيق جزء من طموحاتنا]

[صلاح عمر أحمد]

الى أرض المحنة والى قلب الجزيرة
تحية شوق وجدانى ترفرف فى سماء الوطن الغالى ،،،، تهبط على كل منزل تهديهم التحايا الغالية والشوق والحنين