صفحة 1 من 10 123 ... الأخيرةالأخيرة
النتائج 1 إلى 25 من 249

الموضوع: خيمة الدوبييييييييييت

     
  1. #1
    فخر المنتديات
    Array الصورة الرمزية مهيرة
    تاريخ التسجيل
    Dec 2004
    الدولة
    ودمدني / أمدرمان
    المشاركات
    1,715

    خيمة الدوبييييييييييت




    عجبتني الفكرة من العزيز
    aadarob
    ورأيت أن يكون هذا الإرث الراقي الشعبي في متناول المنتدي ونحن منطقة غزيرة الانتاج شرقا وغربا وجنوبا 00 رحبوا بهذه الفكرة ونبدأ برائعة أدرووب

    قال طه :
    أخوك يا ريا وكت الخيول بدبكن
    أخوك يا ريا وكت الرماح يتشبكن
    اخوك جبل الثبات وكت القواسي بحبكن
    كم بكيت وكم قشيت دموع الببكن
    قالت ريا
    وراك اسود علي ما نمت اسع طيب
    قل طه
    بسم الله قولي اخوك طيب
    نصيح وشديد حاضر قلبي ماهو مغيب
    إلا الشفتو في النوم من هوايله يشيب
    الزول في الصحي مخدوم عليه شقاهو
    وإن غمض شويه تجي الهموم لاحقاهو
    الصف ابلبوس انا ما بخافو لقاهو
    ياليت الحلم في صحيا كان بلقاهو ...
    كان خيرولا شر بلقاهو ما بهم بالى
    وحارسنى السبات من الكبار قبالى
    وكت هسع صحيت وشفتك سالمه قاعده قبالى
    ان اتلخبت الكون مانى مبالى

    قالت ريا
    كعب نوم النهار أمس العصير كنت نايمه
    رأيت قدام الفريقنا أشوف صقوراً حايمه
    كبيرن غار علي من نومي تبيت قايمه
    صحيت مهجومه لا مفصل ولا في القايمه

    قليها طه :
    وانتي كمان رأيتي صقور عباره غريبه
    علامتا كافية ظنيت الحكايه قريبه
    هاك مني الصحيح الما بتدخلو الريبه
    هادي الحله بي عيني أشوف تخريبه

    قالت ريا
    تف الشينه ليه فاجعني ليه يا طه
    انت الدغري وانت الكاشفه ياك غطاها
    كان الدنيا هادي العقبة تتخطاها
    ما بضلل سماها وما ابتشيلني وطاها

    وقعدت ريا تبكي
    رد عليها طه وقال
    ما بفيد البكاء وكلامي احسن تنسي
    قالت ليه ريا
    كيف ما ابكي وكيف افوت مراتع انسي
    افقد كل شي عزي ورجالي وانسي
    تطلق فوقي نار عقبان تقول لي انسي ..قال طه :
    فال الخير أخير ما شفنا شيناً جدت
    كلا لشفنا أحلام في طريقه إتعدت
    قبل الليلة إيد لحمان قطْ ما اتمدت
    ما بنهد شرفنا لو السماء إنهدت

    قالت ريا :
    خير إنشاء الله خير والخير مساك وصباحك
    والفال السمح فالك يضوي مراحك
    بالضيفان أشوف عامر تملي مراحك
    شينك ما أشوف وأشوف هناك و أفراحك

    قال طه :
    خير الزول يقول مهما الامر يتهول
    قالوا الناس علي فالو الحلم يتأول
    غاية الحي فناه إن كان قرب إن طول
    يترك ذكرو والناس الوري بتتقول

    قالت ريا :
    وريني الحلم التورك مزهول

    قال طه :
    أصبري لي أروق حبل الفكرمبهول
    احكيلك شنو الشفتو والله مهول
    شفت الوحده شفت النار وشفت الهول
    أحكيلك تمام الشفتو ما بتغابه
    جايين العصير أنا وإنتي من الغابه
    سايقه ليك بهم قدامي بي رقابه
    بينا والفريق إتولعت تقابه
    قدر ما نشوف بعيد قدامنا نلقي حريق
    وقت النار علت ما شفنا تاني فريق
    باصرنا المروق ما لقينا لينا طريق
    تشكي من عطش واخوك يابس ريق
    فترتي قعدتي ,انا محتار جلست وراكى
    حاقبه الدرقة ختيت سيفي فوق أوراكى
    وكت بعد البهم لى قسعو قمتى براكى
    غسعتي وجيتي ومعاك كور صقور تبراكى
    تبت بي عجل شافنى جفلن و طارن
    غابن من عيوني وفي اللعوت اتضارن
    ما غابن كتير جن يقدلن يتبارن
    قدامن كبيرن عينني وغارن
    سل السيف ولاقاهن أخوك يالضامره
    تور عنز أم هشيم الفي المجامع دامره
    سيل تلوى اندفق فوقو السحائب هامره
    حجر الصاقعه فرتاك الصفوف العامره
    بادرني الكبير ديك إستعدن وقفن
    ما مهلتو طار راسو وجناحي يرفن
    طارن ديك وقت بي ريشو رقد اتكفن

    قالت له ريا :
    عارض ومات خلاص لي الليلة يمكن عفن ..
    نحمد ربنا الليلة مات عارِضنا
    وان كان عمروا طال يا ريا كان قارضنا
    يلحقوا بي عجل ديش همنا المارضنا
    نبدا زواجنا بكرة منو البيجي يعارضنا
    بطال البعيش في الدنيا اصلوا غناه
    ان كان مالو راح غير اهله مين يدناه
    سمح الفوق اساس ابواتو تمه بناه
    والزول دون قبيله غناه شن معناه
    ما بنفرح بي مال ونقول كفانا ورثنا
    نفخر بالرجال في الحارة يبقوا ترسنا
    نجمع ناسنا هيلنا من الكبار حارسنا
    يحضروا اهلنا فرحانين يباركوا عرسنا
    كل بطحاني يفرح بي عرسنا مناه
    ساعة جمعتن بيتنا يتم بناه
    عذاب عيش العزب يا ريا مر ضقناه
    سمح الزول صبي يلد ويربي جناه

    التعديل الأخير تم بواسطة مهيرة ; 10-03-2005 الساعة 12:55 AM
    مهـــــــــــــــــــــــــــــــــــــــــيــــرة
    ولدت في يوم ماطر
    ففاجأني الصوت وهو يتجول وحيدا
  2.  
  3. #2
    فخر المنتديات
    Array الصورة الرمزية مهيرة
    تاريخ التسجيل
    Dec 2004
    الدولة
    ودمدني / أمدرمان
    المشاركات
    1,715

    وأولي المشاركات :





    أنا بريدك بريد جيرتك
    بريد اليوانسني يجيب لي سيرتك
    أسمح من حلاوة ريا فوق تصويرتك
    لي مكرب الحزامه واردة ضفيرتك

    مهـــــــــــــــــــــــــــــــــــــــــيــــرة
    ولدت في يوم ماطر
    ففاجأني الصوت وهو يتجول وحيدا
  4.  
  5. #3
    عضو مجتهد
    Array الصورة الرمزية نبيل عبد الله
    تاريخ التسجيل
    Jan 2005
    الدولة
    طيبه الشيخ عبد الباقى
    المشاركات
    149

    نبيل البطحانى

    شكرا كثيرا يامهيره والله انا كنت ببحث لى هزه القصة زمن ياريت تواصلى القصة لو امكن وما تقيفى
    وما القصة بس يريت كل الدوبيت وشكر ا مرتا اخرى

    wadmadani.com
  6.  
  7. #4
    عضو فعال
    Array
    تاريخ التسجيل
    Nov 2004
    الدولة
    kassala
    المشاركات
    235

    االرئعة مهيرة

    فكرة جميلة سوف ابحث عن كل جميل و ارسله لكم

  8.  
  9. #5
    فخر المنتديات
    Array الصورة الرمزية مهيرة
    تاريخ التسجيل
    Dec 2004
    الدولة
    ودمدني / أمدرمان
    المشاركات
    1,715

    شكرا عزيزي نبيل عبد الله

    ونحن في انتظار اثراء الخيمة بكل ما هو مبدع من هذا التراث الشعبي الأصيل


    أختكم مهيرة

    مهـــــــــــــــــــــــــــــــــــــــــيــــرة
    ولدت في يوم ماطر
    ففاجأني الصوت وهو يتجول وحيدا
  10.  
  11. #6
    فخر المنتديات
    Array الصورة الرمزية مهيرة
    تاريخ التسجيل
    Dec 2004
    الدولة
    ودمدني / أمدرمان
    المشاركات
    1,715

    ونحن في انتظار ابداعك
    يا aadarob

    ياسايق الفيات يا ابن الشرق الأصيل

    وهاك الجدعة دي :






    وكذب القال ينافس لى اصولنا يضارع
    ابناء عز واعظم دوحة مــجدنا فارع
    نحنا قبيلة منبت كل عالـــم ووارع
    اقطاب دين واسياد طين جـزر ومشارع

    مهـــــــــــــــــــــــــــــــــــــــــيــــرة
    ولدت في يوم ماطر
    ففاجأني الصوت وهو يتجول وحيدا
  12.  
  13. #7
    فخر المنتديات
    Array
    تاريخ التسجيل
    Jul 2004
    الدولة
    أحلى وأحن المدن
    المشاركات
    4,251

    هااااااااااااااااااااااااااااااااااااااااااااااااا اااااااااااااااااااا

    أبشرى بالخير يا مهيرة

    طبعا فيها شبال دى

  14.  
  15. #8
    عضو ذهبي
    Array الصورة الرمزية ابراهيم
    تاريخ التسجيل
    Nov 2003
    الدولة
    مدني الجميلة/جزيرة الفيل
    المشاركات
    4,172

    مرحبتين الاخت مهيرة

    أحيي الفكرة


    المابيك ساكت من غير سبب ما تسكو

    واشطب اسمو من آخر ضميرك حكو

    شتتو في الخلا وعكس الهبايب فكو

    وادد من يوادك والبدكك دكو

    ولكم أطيب التحايا

    وأنا هل كنت إلا ألقاً ذاب في عينيك وهجاً أبديا
    او فتوناً فوق خديك إنتشي بهجة عاد بها الحس إليا
  16.  
  17. #9
    عضو برونزي
    Array الصورة الرمزية ياسر فقيري
    تاريخ التسجيل
    Dec 2004
    الدولة
    القسم الأول
    المشاركات
    808

    الرائعة مهيرة .. تسلمي يا ستي على هذه الفكرة الراقية والرائعة .. وبإذن الله أدور في ذاكرتي عن بعض الأوتاد القديمة عشان أساهم معاك في بناء خيمة الدوبيت ..




    وجاري البحث عن أوتاد للخيمة

    التعديل الأخير تم بواسطة ياسر فقيري ; 10-03-2005 الساعة 05:04 AM
  18.  
  19. #10
    فخر المنتديات
    Array الصورة الرمزية مهيرة
    تاريخ التسجيل
    Dec 2004
    الدولة
    ودمدني / أمدرمان
    المشاركات
    1,715

    YRELAN
    وأبراهيم

    وياسر فقيري

    لكم جميعا معزتي وفخري بكم يا أهل النّمة وأخوان فاطمة

    وشبال بناتكم وصفات الغنا ووصفات النسمة في ريحة الدعاش

    حبابكم :



    الخُمرية في غاية الكدر هي وسيدا
    بدُّور أب عَلال الباهتا ما بزيدا
    الشاقا المارقدا قوزّن المرميدا
    زي البرعي ما بريد الحرم بتريدا

    مهـــــــــــــــــــــــــــــــــــــــــيــــرة
    ولدت في يوم ماطر
    ففاجأني الصوت وهو يتجول وحيدا
  20.  
  21. #11
    عضو فضي
    Array الصورة الرمزية waheeb
    تاريخ التسجيل
    Dec 2003
    الدولة
    أبوعشر
    المشاركات
    1,073

    الأخت العزيزه مهيره...

    حركت فينا كل الشوق لهذا الارث الجميل... واهنئك علي هذه الاطلاله الرائعه ..

    وأقول ليك..

    أبشري مهيره بت عبود...
    اكيد لينا عوده ان كان في العمر بقيه..

    [كفى بالموتِ واعظاً يا عبِاد]
  22.  
  23. #12
    عضو فعال
    Array
    تاريخ التسجيل
    Nov 2004
    الدولة
    kassala
    المشاركات
    235

    هاكم الرمية دي



    الازاني وخلاني انضم كُتُر كـتُر

    جدي الريل اب سفنجاتاً .... خُدُر

    تبري انتي من مشي الكرعين

    .....وتبري انتي من دق الكُدُر

  24.  
  25. #13
    فخر المنتديات
    Array الصورة الرمزية مهيرة
    تاريخ التسجيل
    Dec 2004
    الدولة
    ودمدني / أمدرمان
    المشاركات
    1,715

    الطمبور وهو من أهازيج أهل الوسط وجنوب النيل الأزرق ويؤدي بطريقة جماعية وترقص البنت أو البنات في الحلقة وتؤديها المجموعة من الرجال مع ترديد الكلمة الأخيرة الحركة الدائرية ويسمي بالطمبور الجابودي


    ومن هذه النماذج :

    :
    قاعدين في خلانا
    متونسين برانا
    فوقك تقيل يا مطرق الخيدرانة
    ****
    جدياً دابو قرم
    يرعىَ العسين والبرم
    شعرو سواد شبه الليل الضلم

    مهـــــــــــــــــــــــــــــــــــــــــيــــرة
    ولدت في يوم ماطر
    ففاجأني الصوت وهو يتجول وحيدا
  26.  
  27. #14
    عضو فعال
    Array
    تاريخ التسجيل
    Nov 2004
    الدولة
    kassala
    المشاركات
    235

    وقت العيش طلبه حر

    لوريه بالسكه كرة

    وقت العيش بقي معدوم

    فتح ديوانه ستة خشوم

    وقت العيش بقي بالقبض

    النعيم حاشاه ما جحد

    فتح ديوانه وقعد

  28.  
  29. #15
    عضو فعال
    Array
    تاريخ التسجيل
    Nov 2004
    الدولة
    kassala
    المشاركات
    235

    انا ما عارف الفرق بين الدوبيت والمسدار أخوكم طبعا هدندوي داير زول يشرح الفرق


    دايراك يا على تكبر تشيل حملى

    الجار العشير الكان أبوك بيدى

    والغنى والفقير الكان أبوك حامى

    السولب من العلج الحرير أكسى

  30.  
  31. #16
    عضو فعال
    Array
    تاريخ التسجيل
    Nov 2004
    الدولة
    kassala
    المشاركات
    235

    انا شايف نفسى بكتب كتير الناس لازم تدخل عشان يسخن شوية
    ا

    لناس في العروض .. لا تقيسها بي تيبانا

    لا يغرك لباسهم والعروض عريانة

    ديل حراس رِزِق .. مِتلَ التكنِّي أمانة

    زي إبل الرحيل .. شايلة السُقى وعطشانة

  32.  
  33. #17
    فخر المنتديات
    Array الصورة الرمزية مهيرة
    تاريخ التسجيل
    Dec 2004
    الدولة
    ودمدني / أمدرمان
    المشاركات
    1,715

    تسلم يا أدرووب




    وسـط الدارة نزلـن من قصورن
    عامـن شوقـن قلبـي البـدورن
    هج وضج في ود عينـي نـورن
    وطابت روحي من نفحـة عطورن

    مهـــــــــــــــــــــــــــــــــــــــــيــــرة
    ولدت في يوم ماطر
    ففاجأني الصوت وهو يتجول وحيدا
  34.  
  35. #18
    عضو فضي
    Array الصورة الرمزية madaniboy
    تاريخ التسجيل
    Oct 2004
    الدولة
    قلبها
    المشاركات
    2,524

    لا

    يسلموووووووووووووووووووووووو


    --------------------------------------------

    ----------------------------------------

    ------------------------------------------
    Love is not a game to play..Love is not a word to say.. Love dosn't start on March ana end on May !!!
  36.  
  37. #19
    عضو فعال
    Array
    تاريخ التسجيل
    Nov 2004
    الدولة
    kassala
    المشاركات
    235

    حليل أهلى البشابيلن تقول مفطوم
    حليلن هم كل ما أطش أشوفن فى
    سمايا غيوم
    و فارقنا أعز الناس

  38.  
  39. #20
    فخر المنتديات
    Array الصورة الرمزية مهيرة
    تاريخ التسجيل
    Dec 2004
    الدولة
    ودمدني / أمدرمان
    المشاركات
    1,715

    الله يا أدرووب علي النسمات الحلوة دي

    وشكرا ليك يا فاقدالحنان علي المرور ودايرين مشاركتك الفعلية

    مهـــــــــــــــــــــــــــــــــــــــــيــــرة
    ولدت في يوم ماطر
    ففاجأني الصوت وهو يتجول وحيدا
  40.  
  41. #21
    فخر المنتديات
    Array الصورة الرمزية مهيرة
    تاريخ التسجيل
    Dec 2004
    الدولة
    ودمدني / أمدرمان
    المشاركات
    1,715

    قمر السبعتيـن قدلت حمـامـة
    غطـت جملتن متـل الغمـامـة
    محزوز جيدها فوق بانة قوامـه
    مجروح ريدها وين يلقى السلامة

    مهـــــــــــــــــــــــــــــــــــــــــيــــرة
    ولدت في يوم ماطر
    ففاجأني الصوت وهو يتجول وحيدا
  42.  
  43. #22
    فخر المنتديات
    Array الصورة الرمزية أبوبكرحامد
    تاريخ التسجيل
    Dec 2004
    الدولة
    مدنى - بانت
    المشاركات
    2,748

    الأخت الغالية مهيرة......................تحياتى

    مبادرة رائعة تستحق الإشادة ، وقد كانت الفكرة على بالى ، فإذا بى أطالع خيمة الدوبيت التى ستظلنا من هجير العولمة ، أشكر لموقع مدنى هذا التناغم الجميل بين الأعضاء وهذه المودة التى ترفرف على الجميع .
    بين يدى كتاب عن الشاعر الهمباتى الطيب البطحانى ، سأقوم بتلخيص أهم ماورد به وسيكون هديتى لك ولأدروب على هذا التميز والتألق.
    مع أكيد التقدير

    ود الماذون

    أجمل النقد ماكتب عن مَحَبَّة - الراحل / أميل حبيبى
  44.  
  45. #23
    عضو جديد
    Array
    تاريخ التسجيل
    Mar 2005
    الدولة
    العيكورة-مدني -دردق
    المشاركات
    35

    التحيه للأخت مهيرة

    بعد ما كت ميقن وصبري مني موفر
    طريت العهدو لي ومن سواي متنفر
    هفالي المضى وموجة دموعي تدفر
    بقيت متجرسا،لي اليتيمه تغفر

    محمد عبد القادر الحاردلو

    التعديل الأخير تم بواسطة ابوبكرعيكوره ; 13-03-2005 الساعة 11:52 PM
    وقنعت بكون نصيبي من الدنيا
    كنصيب الطير
    لكن-سبحانك - حتى الطير لها أوطان
    (مظفر النواب)
  46.  
  47. #24
    فخر المنتديات
    Array الصورة الرمزية مهيرة
    تاريخ التسجيل
    Dec 2004
    الدولة
    ودمدني / أمدرمان
    المشاركات
    1,715

    كاتب الرسالة الأصلية أبوبكرحامد
    الأخت الغالية مهيرة......................تحياتى

    مبادرة رائعة تستحق الإشادة ، وقد كانت الفكرة على بالى ، فإذا بى أطالع خيمة الدوبيت التى ستظلنا من هجير العولمة ، أشكر لموقع مدنى هذا التناغم الجميل بين الأعضاء وهذه المودة التى ترفرف على الجميع .
    بين يدى كتاب عن الشاعر الهمباتى الطيب البطحانى ، سأقوم بتلخيص أهم ماورد به وسيكون هديتى لك ولأدروب على هذا التميز والتألق.
    مع أكيد التقدير

    ود الماذون

    أهلا بيك عزيزي أبوبكر في خيمة الدوبيت

    وفي انتظار ابداعاتك في هذا التراث الممتع

    مهـــــــــــــــــــــــــــــــــــــــــيــــرة
    ولدت في يوم ماطر
    ففاجأني الصوت وهو يتجول وحيدا
  48.  
  49. #25
    فخر المنتديات
    Array الصورة الرمزية مهيرة
    تاريخ التسجيل
    Dec 2004
    الدولة
    ودمدني / أمدرمان
    المشاركات
    1,715

    كاتب الرسالة الأصلية ابوبكرعيكوره
    التحيه للأخت مهيرة

    بعد ما كت ميقن وصبري مني موفر
    طريت العهدو لي ومن سواي متنفر
    هفالي المضى وموجة دموعي تدفر
    بقيت متجرسا،لي اليتيمه تغفر

    محمد عبد القادر الحاردلو
    ود العيكورة 00 متكأ النيل الأزرق وشرفات ودمدني 00 أهل الترحاب
    والبشاشة وسباتات رمضان وكرم أهل بلدي

    حبابك في خيمة الدوبيت ونرجو المزيد من الابداع

    مهـــــــــــــــــــــــــــــــــــــــــيــــرة
    ولدت في يوم ماطر
    ففاجأني الصوت وهو يتجول وحيدا

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid