سؤال

[MASS77]

الاخوه الاعزاء
سؤال احب ان اطرحو بدون مقدمات
كثيره
بيروت تطبع والخرطوم تقرا
الزوق السوداني دوما معافي ومتناغم ولا يرضي بالاقل جوده في المجال الفني
الاذن السودانيه تسمع وتنتقد
من الصعب ان تقنع الشعب السوداني بعمل هش لا ن روح الفن تتجسد
في دواخلهم
كل تلك الحروف سمعناها منذ زمن وكانت تعكس رهافة الحس السوداني وتزوقه وكانت تعكس الزوق السوداني زمااااااااااااان
هل بتفتكروا او تعتقدوا انو
الاذن السودانيه لا زالت نظيفه في مجالها السمعي للجميل ؟؟؟؟؟؟؟؟؟
والزوق السوداني في مجال الفن لا زال معافي دون تلوث ؟؟؟؟؟؟؟؟؟؟
النقد للمستمع او المشاهد هل لا زال حيا ويعكس التقدم او التدهور للفن السوداني ؟؟؟؟
وهل لا زال فننا سليم ومعافي ويعبر عنا كسودانيين ؟؟؟؟؟؟؟
كلها اسئله للاجابه ؟.

[نزار حسن محمد]

نعم برغم كل شى اكرر برغم كل شى مازال الانسان السودانى متميزومازالت حواء السودانيه بتول

[مدنيّة]

تعرف ياماس الاذاق اتغيرت برغم انها بتعشق الجميل بس الذوق العام خرب والله

مرة يسمع لود اللمين ومرة يسمع لراجل المرة

شفت كيف ؟؟ الذوق بقي يتحدد علي حسب الحالة النفسية

[هيثم بابكر]

بكل اسف شباب في الجامعات ولاكثر من مرة بسالهم عن الفنان صلاح بن البادية بقولو ماسمعو بيه ومرة سالت عن الفنان عبدالعزيز المبارك برضو قالو ما سمعو بيه ، تصدق هذا الكلام دا حال شبابنا مستمعين اليوم ، يعني حاارد اقول شنو في الذوق بعد دا ..... موسيقى وصراخ بدون الحان او كلمات . دا البعرفوه والبعجب شبابنا

[MASS77]

الزوق في فهمي اختلف
لانو بقينا لو سالنا البعض اخر مره قري جريده
ولا روايه ولا سمع قصة تجربة فنان ولا فتش
للاغاني زمان بتلقي الرصيد صفر
وامكن انا عندي نظره بي انو الاطلاع الكتير من عوامل الذوق
فلو ما اطلعت ما بكون تزوقك ربما سليم
والله ياهيثم انا مره في دردشة مكتوب كتبت مقاطع من اغنية المصير
لابراهيم عوض (نحن في ما ضينا قوه تتحدي الصعاب ) في واحد رد لي
قال لي انت كوز سالتو ليي قال لي لانو الكلام ده قالوهو الكيزان
وفي واحد سالتو من اغنية (قدر الزمن ) قال حقت محمود
لكن برضو عاوزين نعرف راي الباقين وبعدين نلخص

[الفارس البنفسجي]

الأخ ماس بالإنجليزي

اسئلتك كلها موضوعية جداً .. واللي عاوز أقولوا ان الإنسان ابن بيئته ... ونحن الآن نعاني من تغيير جذري في ثقافة الجيل الحالي ... عشان نجاوب على كلامك دا لازم نسأل السؤالين ديل ، ما هي ثقافة الجيل الحالي ؟ وما هي البئية الثقافية أو الحضارية لهذا الجيل؟
وما تنسوا، هذا الجيل حتماً سيحمل الشعلة في يوم من الأيام.وكلام أخونا هيثم دا ما تجهلوا .. واقع برغم المرارة.
ثقافة هذا الجيل مرتبطة بالنت والفضائيات وعالم الإتصالات المفتوح بكل ابوابه ، والله يا جماعة لو ما كلام سيدنا محمد (ص) بأن الخير فيّ وفي امتى إلى يوم القيامة ، كان زماااااااااااااااااااااان أنتهينا.

[MASS77]

الاخ الفارس
اصدقك نسبه كثيره من جيل اليوم بدون بوصله محدده في الثقافه
والله امكن امشي المكتبه ما بلقي فيها الا الناس الكبار امد الله في ايامهم وماندر
تلقي في شبب بشتري جريده او كتاب وهو مقتنع انو عاوز يستفيد
ايضا نظرة الشباب للماضي بي انو ما بتناسب معاهم دي المصيبه
اما الحضاره عند الشباب وعشان ما اقع في الانتقاد بقول اعظمية الشباب الحضاره عندهم ما بني علي الفضائيات والنت او العولمه واسف لانو هجومي شديد علي الشباب
ولاني منهم وعاوز القيم والثقافه والالمام الزمان يرجع

[Madanawi]

حبيبنا Mass ،

بالجد كلامك ده ذكرني قول الشاعر أمير الشعراء أحمد شوقي وهو يرثي تاريخنا في الاندلس .. فيقول

قم ناج جلق وانشد رسم من بانوا
مشت على الرسم احداث وأزمان

هذا الأديم كتاب لاكفاءله
رث الصحائف باق منه عنوان

الدين والوحي والاخلاق طائفة
منه وسائره دنيا وبهتان

بنوا امية للانباء ما فتحوا
وللاحاديث ما سادوا ومادانوا

كانوا ملوكا سرير الشرق تحتهم
فهل سألت سرير الغرب ماكانوا

عالين كالشمس في اطراف دولتها
في كل ناحية ملك وسلطان

يا ويح قلبي! مهما انتاب أرسمهم
سرى به الهم أو عادته أشجان

لولا دمشق لما كانت طليطلة
ولازهت ببني العباس بغدان

مررت بالمسجد المحزون أسأله
هل في المصلى أو المحراب مروان

تغير المسجد المحزون واختلفت
على المنابر أحراروعبدان

فلا الاذان آذان في منارته
اذا تعالى ولا الآذان آذان

آمنت بالله واستثنيت جنته

دمشق روح وجنات وريحان

************************************************** *************************************
بسمة وهمسة :

بيروت تؤلف والقاهرة تطبع والخرطوم تقرأ

[مدنيّة]

الزوق في فهمي اختلف
لانو بقينا لو سالنا البعض اخر مره قري جريده
ولا روايه ولا سمع قصة تجربة فنان ولا فتش
للاغاني زمان بتلقي الرصيد صفر
وامكن انا عندي نظره بي انو الاطلاع الكتير من عوامل الذوق
فلو ما اطلعت ما بكون تزوقك ربما سليم
والله ياهيثم انا مره في دردشة مكتوب كتبت مقاطع من اغنية المصير
لابراهيم عوض (نحن في ما ضينا قوه تتحدي الصعاب ) في واحد رد لي
قال لي انت كوز سالتو ليي قال لي لانو الكلام ده قالوهو الكيزان
وفي واحد سالتو من اغنية (قدر الزمن ) قال حقت محمود
لكن برضو عاوزين نعرف راي الباقين وبعدين نلخص

ذكرتيني ياماس صاحبتي كانت في سنة خامسة كلية الهندسة جامعة الخرطوم وكانت معاهم خطيبة اخوها وبتكلموا عن مصطفي سيد احمد قالت ليها بلعب وين هو