النتائج 1 إلى 19 من 19

الموضوع: طالب مساعده - مطلوب طباخين

أدوات الموضوع
- مشاهدة صفحة طباعة الموضوع


	25-04-2007 04:31 AM #1 الطويل الملف الشخصي مشاهدة المشاركات عضو فضي Array تاريخ التسجيل Apr 2007 الدولة ست المدائن المشاركات 1,977 طالب مساعده - مطلوب طباخين السلام عليكم يا شباب ودمدنى بصراحه يا شباب انا عندى فكره موضوع انا شخصيا بعتبرها فكره شديده وحأطرحها ليكم وبتمنى انكم تساعدونى فيها انا مغترب عزابى ومجرس من حاجه اسمها الطبيخ ما بعرف اطبخ نهائى ومعاى تانى 5 عزابه كلنا ما بنعرف نطبخ مقضينها سليقه سااااااى مره فتت فاصوليا ومره فتت فول طلبى منكم انكم تساعدونى عشان نعمل بوست بأسم ( مطبخ العزابه ) يعنى البعرف وصفة اى ملاح سودانى ادخل اكتبها لينا كامله لحدى ما نكب الملاح فى الصحن وممكن مشاركات النواعم وكمان الرجال البعرفوا اطبخوا وطبعا ده بعد موافقتكم على الفكره يا ريت تدونى رأيكم فى الفكره وياريت تساعدونى بى صراحه مجرسين شديد [http://www.pc4up.com/][/] رد مع اقتباس


	25-04-2007 05:14 AM #2 ابورجاء الملف الشخصي مشاهدة المشاركات فخر المنتديات Array تاريخ التسجيل Aug 2006 الدولة مدني/ مارنجان حلة حسن المشاركات 3,659 الغالي الطيب الحنين الجميل الرائع ابورانيا اها يا اخوي عشان ما ناخرك ندخل توش طيب عندك الحلة المسبكه دي اهم شئ عن العذابة نبدأ.... المطلوب هنا ما بنقول المقداير عشان ما نطفشك من اولها المطلوب رقم :ـ 1/ لحمة سواكني بدون دهن يعني دهن نهي زندقي.... 2/ كيلو بصل احمر... 3/ طماطم او صلصة والطماطم افضل .. 4/ البهارات المتوفره في السوق اي شئ شمار كسبرة فلفل توم ... 5/ زيت طعام اي شئ العربي الافريقي ما مشكله ... يالا نخش على الطريقه طوالي:ــ 1/ قطع البصل مربعات صغار دواير رقيقه على كيفك المهم ما تخت البصله بي طولها... 2/ قطع اللحمة قطع مناسبة يعني ما تكون خوابير كبيرة ولا قطع صغيرة شديد ... 3/ تكب زيت في الحلة كمية مناسبة ما كتيره شديد ولا شويه خالص تخليه يغلي شويه وتكب البصل فوقي وتحركو لحدي ما يميل للاحمرار او اصفر بني يعني ما تمشي تفحموا لو فحمتو باقي العذابه بضربوا بيك الحيطه وبيطردوك من السكن... 4/ لحمتك تكون مغسله وجاهزة مجرد ما البصلة حمرة تقلب فيها اللحمة وتحركها شوية وتكب ملح بقدر مناسب ما تكتروا وتقفل عليها الغطاء لمدة 3 دقايق مع مراعات ان النار تكون هادئة .... ما تقوم ترفع النار وتحرق الحلة وترفع معها ضغط العذابة وضغطي انا زاتي... 5/ تكب موية بقدر مناسب على ان تغطي كل المحتوى وتقفل الحلة وتخليها تجقجق لمدة نصف ساعة تقريبا وتحاول بين كل لحظة والتانية انك تجي تشوفها وتحاول تقتل البصلة ما تسمع كمان اقتل البصلة تشيل ليك كراع عنقريب وتقع خبت في الحلة بالمفراكه بكل زوق وتقتل البصلة يعني تفجخها بالمفراكه.... وتديها الصلصة او الطماطم بعد ما تكب الموية بي دقيقتين وتكب البهارات من فلفل وكسبرة وشمار بمقدار بسيط ما تكتر الشغله يعني ما تكتر المحلبية يعني نص ملعقة كبيرة من الشمار والكسبرة وربع ملعقة من الفلفل ... 6/ تغطي الحلة وتخليها تجقجق لحدي ما تتسكب يعني تكون مظبوطه الدمعه بقت تقيله شويه وبي كده يكون عندك حلة زي الحلة وتغرف وتكب منها في الصحن ودي ممكن تاكلوها بالهناء بي قراصة او رغيف يعني بالدارجي خبز ... وبي كده نكون وصلنا لنهاية حلقتنا اقصد حلتنا وفي حلة تانية نتلاقى .... ودوما في رعاية الله وحفظه... مع كل الود باقة ورد.... اللهــــم إنـي أعـوذ بـك من نفحـة الكبـريـاء الفوق حقي التحت ملطوش إذا المرء أفشى سره بلسانه ولام عليه غيره فهو أحمق إذا ضاق صدر المرء عن سر نفسه فصدر الذى يستودع السر أضيق ( الإمام الشافعى رحمة الله عليه ) رد مع اقتباس


	25-04-2007 05:28 AM #3 الطويل الملف الشخصي مشاهدة المشاركات عضو فضي Array تاريخ التسجيل Apr 2007 الدولة ست المدائن المشاركات 1,977 شكرا ليك يا ابو رجاء دايما فى الطليعه وصدقنى انا كدى زاد حبى للموقع شديد ومبسوط بى وجودك معانا وكمان بى حلتك دى قدمته لى عون كبير انا والمساكين المعاى ديل والليله العشا حأكون بيها ويا ريت لو شرفتنا غايتو عازمنك معانا نديك العنوان ؟ لكن الداير اعرفو ده ملاح شنو وبعدين كمان ما عندنا مفراكه لكن شكلك طباخ درجه اولى دى من سيئات الغربه وتانى بشكرك يا ملك وبتمنى ليك الصحه والعافيه والتقدم فى حياتك العامه [http://www.pc4up.com/][/] رد مع اقتباس


	25-04-2007 05:56 AM #4 ابورجاء الملف الشخصي مشاهدة المشاركات فخر المنتديات Array تاريخ التسجيل Aug 2006 الدولة مدني/ مارنجان حلة حسن المشاركات 3,659 المشاركة الأصلية كتبت بواسطة abo-rania شكرا ليك يا ابو رجاء دايما فى الطليعه وصدقنى انا كدى زاد حبى للموقع شديد ومبسوط بى وجودك معانا وكمان بى حلتك دى قدمته لى عون كبير انا والمساكين المعاى ديل والليله العشا حأكون بيها ويا ريت لو شرفتنا غايتو عازمنك معانا نديك العنوان ؟ لكن الداير اعرفو ده ملاح شنو وبعدين كمان ما عندنا مفراكه لكن شكلك طباخ درجه اولى دى من سيئات الغربه وتانى بشكرك يا ملك وبتمنى ليك الصحه والعافيه والتقدم فى حياتك العامه الغالي حبيب الشعب طباخ العزابة ابو رانية لكن الداير اعرفو ده ملاح شنو ؟؟ ده ملاح ام بقبق(بالضمه) يا اخيو لحمة وبصل وصلصة وبهارات في خدار هنا يكون دي الدمعة يعني حلة مسبكة (الدمعة المارقة من عيني )... وعزومتك مقبوله وكأنك ضبحت لي ومشكور على شعورك النبيل... ونحن هنا كلنا عزابة وضايقين عذابها اسكت ساااااااااي.. والمنتدى كلوا تحت امرك وانا بوصف ليك طباخ درجه أولى (شبارقة) احسن واحد في الوطن العربي قاطبة يعمل بيض مسلوق ... انت عارف يا ابو رانية انا حسيت اني لو جيت عملت ليكم الحلة دي مش احسن والله خايف عليك من الكعه وتنوموا بلا عشاء .... ودوما في رعاية الله وحفظه... مع كل الود باقة ورد.... التعديل الأخير تم بواسطة ابورجاء ; 28-04-2007 الساعة 10:55 PM اللهــــم إنـي أعـوذ بـك من نفحـة الكبـريـاء الفوق حقي التحت ملطوش إذا المرء أفشى سره بلسانه ولام عليه غيره فهو أحمق إذا ضاق صدر المرء عن سر نفسه فصدر الذى يستودع السر أضيق ( الإمام الشافعى رحمة الله عليه ) رد مع اقتباس


	25-04-2007 08:57 AM #5 الطويل الملف الشخصي مشاهدة المشاركات عضو فضي Array تاريخ التسجيل Apr 2007 الدولة ست المدائن المشاركات 1,977 ياريت والله يا ابو رجاء لو جيت وعملتها على الاقل نتعرف عليك وتانى شى تحلنى من الكعه بتاعت الشباب وياريت الاخ شبارقه لو ممكن ادخل واكتب لينا طريقة ملاح الخضره لأنو الملاح المفضل عندنا وبالمناسبه ياابو رجاء أنا خلاص طالع من الدوام ماشى اشترى اللازى منو واظبط الحله وشايل حبت اضافات وكمان كشتينه عشان سهرتنا تبقى صباحى مع انو فى دوام بدرى على العموم اشكرك من كل قلبى يالذيذ [http://www.pc4up.com/][/] رد مع اقتباس


	25-04-2007 10:12 PM #6 الطويل الملف الشخصي مشاهدة المشاركات عضو فضي Array تاريخ التسجيل Apr 2007 الدولة ست المدائن المشاركات 1,977 ياشباب عاوزين همتكم معانا , من امس غير حلة دمعه ماعملنا حاجه عايزين حله للغداء والا نتغدا بى حلة الدمعه تانى انشاء الله وصفة ( السخينه ) [http://www.pc4up.com/][/] رد مع اقتباس


	25-04-2007 10:51 PM #7 ابورجاء الملف الشخصي مشاهدة المشاركات فخر المنتديات Array تاريخ التسجيل Aug 2006 الدولة مدني/ مارنجان حلة حسن المشاركات 3,659 المشاركة الأصلية كتبت بواسطة abo-rania ياشباب عاوزين همتكم معانا , من امس غير حلة دمعه ماعملنا حاجه عايزين حله للغداء والا نتغدا بى حلة الدمعه تانى انشاء الله وصفة ( السخينه ) يا جنا هووووووووووووووووووووووووي انت يا دوب بتتعلم وكمان عايز كل يوم حلة ... اتغدوا بالحلة ومعاها بطيخة لزوم التحلية ... اليوم بوريك طريقة تجهيز الشطه الخدراء بالدكوة... المكونات شوف المكونات دي حلوة كيف 1/ شطة خدراء كمية مناسبة وحسب الطلب... 2/ ليمون . 3/ دكوة الطريقة :ــ تدق الشطة كويس فجخها فجيخ الجن اديها حبة ملح قبل تفجخها... بعد دقيت الشطه كبها في صحن صغير او متوسط بعدين تقطع الليمون وتكب الدكوة بمقادير مناسبة ولو في فلفل يااااااااااااااسلام وتوم كمان تطلع حاجه ميه ميه وتخلهم مع بعض لحدي ما يتماسكوا وما يفكو بعض اصلوا وبعد داك تاكلوها بالهناء والعافية .... تخريمة مع المشاققة:ــ لو ما عايزين تتغدو بالحلة اقلبوها رجلة لان الرجلة فيها مواد حديديه.... الطريقة سهلة جدا ... تجيب الرجلة تقطعها دقااااااااااااااااااااق وتغسلها طبعا عندكم عدس ما عزابة بعد قطعت الرجلة دقااااااااااااق خت الحلة حقت امس في النار تكون هااااااااااااادية تزيدها موية طبعا وتكب الرجلة من فوق ليها والعدس بعد تغسلوا طبعا وتخليها لمدة من 15 الى 20 دقيقه مع المراقبة عشان ما تروح في حق الله تحرق يعني ولو حرقت امشي اقرب بخاري جيب جنازة وتعال قبل الشباب ما يصلوا وانت عارف لو وصلوا ولقوك حرقت الحلة.... ودوما في رعاية الله وحفظه... مع كل الود باقة ورد.... اللهــــم إنـي أعـوذ بـك من نفحـة الكبـريـاء الفوق حقي التحت ملطوش إذا المرء أفشى سره بلسانه ولام عليه غيره فهو أحمق إذا ضاق صدر المرء عن سر نفسه فصدر الذى يستودع السر أضيق ( الإمام الشافعى رحمة الله عليه ) رد مع اقتباس


	26-04-2007 03:48 AM #8 الطويل الملف الشخصي مشاهدة المشاركات عضو فضي Array تاريخ التسجيل Apr 2007 الدولة ست المدائن المشاركات 1,977 المشاركة الأصلية كتبت بواسطة ابورجاء يا جنا هووووووووووووووووووووووووي انت يا دوب بتتعلم وكمان عايز كل يوم حلة ... اتغدوا بالحلة ومعاها بطيخة لزوم التحلية ... اليوم بوريك طريقة تجهيز الشطه الخدراء بالدكوة... المكونات شوف المكونات دي حلوة كيف 1/ شطة خدراء كمية مناسبة وحسب الطلب... 2/ ليمون . 3/ دكوة الطريقة :ــ تدق الشطة كويس فجخها فجيخ الجن اديها حبة ملح قبل تفجخها... بعد دقيت الشطه كبها في صحن صغير او متوسط بعدين تقطع الليمون وتكب الدكوة بمقادير مناسبة ولو في فلفل يااااااااااااااسلام وتوم كمان تطلع حاجه ميه ميه وتخلهم مع بعض لحدي ما يتماسكوا وما يفكو بعض اصلوا وبعد داك تاكلوها بالهناء والعافية .... تخريمة مع المشاققة:ــ لو ما عايزين تتغدو بالحلة اقلبوها رجلة لان الرجلة فيها مواد حديديه.... الطريقة سهلة جدا ... تجيب الرجلة تقطعها دقااااااااااااااااااااق وتغسلها طبعا عندكم عدس ما عزابة بعد قطعت الرجلة دقااااااااااااق خت الحلة حقت امس في النار تكون هااااااااااااادية تزيدها موية طبعا وتكب الرجلة من فوق ليها والعدس بعد تغسلوا طبعا وتخليها لمدة من 15 الى 20 دقيقه مع المراقبة عشان ما تروح في حق الله تحرق يعني ولو حرقت امشي اقرب بخاري جيب جنازة وتعال قبل الشباب ما يصلوا وانت عارف لو وصلوا ولقوك حرقت الحلة.... ودوما في رعاية الله وحفظه... مع كل الود باقة ورد.... يا ابو رجاء وصفتك بتاعت الشطه طبعا مبالغه خلت لسانى اسيل بس كان ناقصها ( ام فتفت ) اما العدس ده اساسى عندنا بنعرف نعملوا علمونا ليه فى معسكرات الالزاميه لأنو مافى شئ غير العدس لكن خلاص كرهتو زى كراهتى لى كفيلى . وملاح الرجله بنعملو لكن اتغدينا بى باقى الدمعه بس الحله مسكت والدمعه بقت لونها اسود غايتو الشباب ادونى كعه بى يد الفندق [http://www.pc4up.com/][/] رد مع اقتباس


	28-04-2007 05:54 AM #9 الطويل الملف الشخصي مشاهدة المشاركات عضو فضي Array تاريخ التسجيل Apr 2007 الدولة ست المدائن المشاركات 1,977 يا شباااااااااااااااااااااااب النفيسه فى ملاح خضره حلفتكم بالنبى وخصيمكم النبى ملاح خضره انشاء الله بايت [http://www.pc4up.com/][/] رد مع اقتباس


	28-04-2007 08:03 AM #10 ابورجاء الملف الشخصي مشاهدة المشاركات فخر المنتديات Array تاريخ التسجيل Aug 2006 الدولة مدني/ مارنجان حلة حسن المشاركات 3,659 المشاركة الأصلية كتبت بواسطة abo-rania يا شباااااااااااااااااااااااب النفيسه فى ملاح خضره حلفتكم بالنبى وخصيمكم النبى ملاح خضره انشاء الله بايت الغالي المتشهي ابو رانيا نخش ليك في الخدره طوالي اولا تجيب لحمة ضاني حكاية الضنبية دي انساها .. وطبعا الخدرة بتعرف تورقها وتفرمها ما بيوصوك عارفك... تعمل الطبيخ عادي زي الوصفة القديمة مافي اي تغير اللهم الا ما تخليها تسبك نهائي يعني مجرد ما كتلته البصلة وخليتها تجقجق لمدة خمسه دقايق تجيب الخدره المفرومه وتكبها وتديها حبة مويه اوعك تكتر المويه عشان ما تبقى شوربة خدره بعدين تخليها على نار هاااااااااااااااااااااااااااادية لحدي ما تحس انها استوت بعد داك تأكلها بالهناء والسرور تصدق ما حصل سويتها لكن ياها الطريقة على ما اظن ولو ما نفعت عندك الحلول الجاهزة بس قبل العزابة ما يصلوا عشان الكع وكده ... تخريمة ومشاققة:ـــ انت ما تجرب تعمل مديده حلبه عشان تبقوا سمااااااااااااااااااااان زي ما قالت عمتي ... ودوما في رعاية الله وحفظه... مع كل الود باقة ورد.... اللهــــم إنـي أعـوذ بـك من نفحـة الكبـريـاء الفوق حقي التحت ملطوش إذا المرء أفشى سره بلسانه ولام عليه غيره فهو أحمق إذا ضاق صدر المرء عن سر نفسه فصدر الذى يستودع السر أضيق ( الإمام الشافعى رحمة الله عليه ) رد مع اقتباس


	28-04-2007 09:30 AM #11 مختار بازى الملف الشخصي مشاهدة المشاركات عضو ذهبي Array تاريخ التسجيل Dec 2006 الدولة حنتوب المربعات حى الرياض مربع 2 المشاركات 5,587 اخونا وحبيبنا ابو رانيا التحيه ليك من علي البعد كان بودي اساعدك لكن الايد قصيرة والعين بصيره نحنا اخوانك عايشين نفس المشكلة واخيرا لقينا حل من الوصفه بتاعت المقرب الي نفسي جدا جدا ابو رجاء والف هناء ان شاء الله كن كالنخلة عن الاحقاد مرتفعا ترمى بحجر فتعطى اطيب ثمرى رد مع اقتباس


	29-04-2007 03:53 AM #12 الطويل الملف الشخصي مشاهدة المشاركات عضو فضي Array تاريخ التسجيل Apr 2007 الدولة ست المدائن المشاركات 1,977 المشاركة الأصلية كتبت بواسطة ابورجاء الغالي المتشهي ابو رانيا نخش ليك في الخدره طوالي اولا تجيب لحمة ضاني حكاية الضنبية دي انساها .. وطبعا الخدرة بتعرف تورقها وتفرمها ما بيوصوك عارفك... تعمل الطبيخ عادي زي الوصفة القديمة مافي اي تغير اللهم الا ما تخليها تسبك نهائي يعني مجرد ما كتلته البصلة وخليتها تجقجق لمدة خمسه دقايق تجيب الخدره المفرومه وتكبها وتديها حبة مويه اوعك تكتر المويه عشان ما تبقى شوربة خدره بعدين تخليها على نار هاااااااااااااااااااااااااااادية لحدي ما تحس انها استوت بعد داك تأكلها بالهناء والسرور تصدق ما حصل سويتها لكن ياها الطريقة على ما اظن ولو ما نفعت عندك الحلول الجاهزة بس قبل العزابة ما يصلوا عشان الكع وكده ... تخريمة ومشاققة:ـــ انت ما تجرب تعمل مديده حلبه عشان تبقوا سمااااااااااااااااااااان زي ما قالت عمتي ... ودوما في رعاية الله وحفظه... مع كل الود باقة ورد.... يا ابو رجويه كفايه علينا الدمعه والخضره المديده دى حقت الجنس الناعم نحن ما بتنفع معانا الجكن هارينا شحم الواحد داير اطرشق الرجيم ماجاب حقوا [http://www.pc4up.com/][/] رد مع اقتباس


	29-04-2007 03:57 AM #13 الطويل الملف الشخصي مشاهدة المشاركات عضو فضي Array تاريخ التسجيل Apr 2007 الدولة ست المدائن المشاركات 1,977 المشاركة الأصلية كتبت بواسطة مختار بازى اخونا وحبيبنا ابو رانيا التحيه ليك من علي البعد كان بودي اساعدك لكن الايد قصيرة والعين بصيره نحنا اخوانك عايشين نفس المشكلة واخيرا لقينا حل من الوصفه بتاعت المقرب الي نفسي جدا جدا ابو رجاء والف هناء ان شاء الله خلاص انا بعتمدك معاى يا مخو فى (مدرسة الدباخين المامعرسين ) انا وانته الطلبه وابو رجاء الاستاذ بس لازم تدفع حق الحصه ما بندخلك معانا مجانى [http://www.pc4up.com/][/] رد مع اقتباس


	29-04-2007 08:38 AM #14 طلال الصول الملف الشخصي مشاهدة المشاركات عضو فضي Array تاريخ التسجيل Feb 2007 الدولة جزيرة الفيل المشاركات 1,245 ابورانيا سلام كيف حالك اول حاجة في اختراع اسمو المطعم وعندهم حاجات جميلة اسمها الاشتراكات الشهرية عز الله اي طبخة بعرف اسويها حتى مديدة الحلبة لكن لي تلاتة سنة ما سويت لي كباية شاي رد مع اقتباس


	29-04-2007 09:11 AM #15 سواااح الملف الشخصي مشاهدة المشاركات فخر المنتديات Array تاريخ التسجيل Feb 2006 الدولة مدني - الدرجة الاولي المشاركات 7,978 بس فول وعدس يالعزابة والله حالكم يحنن !!!!!!!! العقول الصغيرة تناقش في الأشخاص، والعقول المتوسطة تناقش في الأشياء، أما العقول الكبيرة .. فإنها تناقش في المبادئ !! رد مع اقتباس


	29-04-2007 11:46 PM #16 الطويل الملف الشخصي مشاهدة المشاركات عضو فضي Array تاريخ التسجيل Apr 2007 الدولة ست المدائن المشاركات 1,977 المشاركة الأصلية كتبت بواسطة طلال الصول ابورانيا سلام كيف حالك اول حاجة في اختراع اسمو المطعم وعندهم حاجات جميلة اسمها الاشتراكات الشهرية عز الله اي طبخة بعرف اسويها حتى مديدة الحلبة لكن لي تلاتة سنة ما سويت لي كباية شاي اول حاجه يا طلال اكل المطاعم ما بنفع معانا نحن السودانين تانى شئ شكلك بقيت كسلان زى اخوانا السعودين عشان كدى ما قادر تسوى شاى [http://www.pc4up.com/][/] رد مع اقتباس


	29-04-2007 11:58 PM #17 طلال الصول الملف الشخصي مشاهدة المشاركات عضو فضي Array تاريخ التسجيل Feb 2007 الدولة جزيرة الفيل المشاركات 1,245 عليم الله يا ابو رانيا الكسل دا آخر حاجة تتقال علي لكن بقيت ما بحب اخش المطبخ . تاني شي ياخوي المطاعم السودانية اكيد اكل الطباخين فيها ما بطال لأن شايف يعني حتى الاسر هنا الكلام دا سر بيني وبينك سامع تلقاهم بي مزاج يشترو من المطعم ما عارف الواحد معرس لي ... رد مع اقتباس


	29-04-2007 11:58 PM #18 الطويل الملف الشخصي مشاهدة المشاركات عضو فضي Array تاريخ التسجيل Apr 2007 الدولة ست المدائن المشاركات 1,977 المشاركة الأصلية كتبت بواسطة سواااح بس فول وعدس يالعزابة والله حالكم يحنن !!!!!!!! يعنى عشان عزابه بتقول لينا كدى يا سواح طيب اعطف علينا وادينا وصفة السجوك [http://www.pc4up.com/][/] رد مع اقتباس


	30-04-2007 10:23 AM #19 مختار بازى الملف الشخصي مشاهدة المشاركات عضو ذهبي Array تاريخ التسجيل Dec 2006 الدولة حنتوب المربعات حى الرياض مربع 2 المشاركات 5,587 وانا موافق بس ابو رجاء يحدد وعيونا ليهو كن كالنخلة عن الاحقاد مرتفعا ترمى بحجر فتعطى اطيب ثمرى رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 07:19 PM

Powered by vBulletin® Version 4.2.5
Copyright © 2026 vBulletin Solutions, Inc. All rights reserved.
Translate By Almuhajir

ودمدني