هجرت طيفك يا عـبير
بعد السنين المُربكه
يا دوب صحيتى لنجدتكْ ؟
وتقلّبى الصفحات كمان
عايزانى أرحم آهتكْ
ما إنتى إخترت الطريق البشبهكْ
لما كنتى فى ضفتى
والحب بعيد من ضفتكْ
إخترتى تأويل الحديث
ما بين حنانى وخفتكْ
والله حبيتك شديد
حبيت دلالك وطلتكْ
والقدله فيك والأمسيات
أوراق شذاك وخضرتكْ
ونعومة الكلمات رُقاق
من ثغرك الياقوت ... تطل
شهقة رميـشكْ
وبسمتكْ
وحبيت أكيد فيك الحياة
لكن حصدت جبال سراب
مسعوره
راقده فى سكتكْ
ورجعت أضحك من بعيد
من صوت روايتكْ
وغفلتكْ
والرقه والورد اليتيم
شهقات مشاعرك ولحظتكْ
وسذاجة الأقدار هناك
فرحانه ترقص وتشتعل
زى لون طموحكْ وقفزتكْ
لكنى إتعافيت تمام
بعد السنين فى حسرتكْ
وهجرت طيفك يا عبير
والليل كمان منى إبتعد
والهم لبد ..
من صدمتكْ
عقبالك إنتى ... أقولا ليكْ
عقبالك إنتى
فى صحتكْ
رد مع اقتباس
المفضلات