طبعاً حتقولوا خير الامور اوسطها اكيد افضل لكن عندما تعرف بأنك انسان جاد او هزلي بيكون احسن لانو الناس بقت تعرف مويتك ويتجنبون ما يعكر صفوك
لو بقيت جادي اي كلام تقلوا صاح غلط الناس بتصدق ودي الحاجه الحلوة بس عيبها انك لو قلت كلام طلع منك في ساعة غضب او اتسرعتا في الكلام الناس بتمسكو عليك (ما بتقدر تنملص) وتاني في حاجه في ناس بتقول علي الزول الجادي دا مكشر اربعه وعشرين ساعه ولا الزهجان وغيرها
اماالهزلي مشكلتو مشكله اي كلام اقلوا صاح غلط الناس ما بتصدقوا وفي قصه حصلت واحد هزلي حب زميلته في الجامعه وصارحها لكن البت ما صدقتو لانو ماجادي مش ما قدر اقنعها وهي زي ما بقولوا (الغنمايه تاكل عشاها) لكن دي صورته في عيون الناس كدي. واحلي حاجه فيها ممكن تقول اي كلام ويكون جارح وتعتذر وعادي بقلوا دا ما جادي وما مسؤول
رد مع اقتباس
المشاركة الأصلية كتبت بواسطة الفارس البنفسجي
المفضلات