خواطر حمار

[مازن الجمّال]

<center>
الحمار ..

الحمار الكان منتن وجلده أجرب ..
أصبح مهندم وحكمه أنصب ..

ولة الغنم !! ..

أخدت حقوق مكبوبة كب ..

خلت خنازير الزمن محبوبة حب ..

زمناً يخلي الحُرّ مكب ..
وجسمه لي نهش الكلاب لحماً مُلبّ ..
فاطر براطيش في الصباح وفي الليل مُسبّ ..
جاريه جنزير الزمن من جيده غصب ..
مصبوبة في رسه المواجع المُرة صبّ ..
محفورة في عقله المأسي الباقية تبّ ..

ضاق الزمان وازداد كُربّ ..

وسعادته غابت في الظلام وزادت هرب ..

شمت الغراب في فقرنا وزداد في الطرب ..
ماظن نرجع للزمان هيبته القبيل ترهِب رهِب ..

بس نحن برضو نقول حقيقة بدون كضب ..

خاوي الحقير .. واشرب غُلب ..

راســـــ ــــتا

[مازن الجمّال]

<center>
ناس تاكل كباب بالسيخ

وناس بالسيخة مفلوقة ..

ناس كاساتها موية ورد

وناس بالموية مسلوقة ..

وناس تتمنى فول سادة

يسد جوعاً ملا عروقها ..

وناس تلبس حرير صافي

وناس في جلدها مقلوقة ..

كسا الظلم السواد الناس

غراب الشوم نعق فوقها ..


طغى الحكام واتمادوا

وصوت الحق لبد خايف ..


همد فجر الخلاص مكتوم

وصوت الحق كان شايف ..


صوت الحق وقف حيران

وكان فجر الخلاص نازف ..


حاول .. يداوي لجروحه

وكان جرح الفجر جارف ..


أبت فجواته تتضمد

ده جرحا كان وكان خارف ..


سقط فجر الخلاص مصروع


وعرف انه الزمن ضايع

وعرف انه الوطن ضايع


وعرف انه الهناك مكبود

محاوطنه العبيد السود ..


ولاح في أفقه تاريخ كان

وما حيعود ..


لكن هو .. كان عارف .. !!



راســــــ ـــــتا

[aborawan]

راستا مان وبدون زعل بتاعت الحمار دي لو قلت ليك فهمتا منها شئ اكون كذبت عليك

[امير عبدالباقي]

والله نفس الشي ياراستا مان وبدون زعل بتاعت الحمار دي لو قلت ليك فهمت منها شئ اكون كذبت عليك
لكن التانيه حلوه

[waheeb]

أخير أنتو يا أمير و أبو روان ،،، قاصد شنو يا راستا

[aborawan]

هههههههههههههههههههههه والله حكياتك حكاية يا وهيب الحال من بعضو والله انا التانية دي قريتا ما اكذب بس ما قدرت اصل للشئ المطلوب من الكتابة ولحدى هسه محتار الحقنا يارستا

[امير عبدالباقي]

Rasta man والله قراتها كم مره لكن فهمتها في الاخر وحلو مضمونها بس كلماتها صعبه شويه ونقول ربنا يفرج علينا ويطلع فجر جديد وتعم الراحه لجميع المواطنين وتزدهر البلد
رجعتنا الي ايام الجامعه ؛ بس ابعد من السياسه نحن ماناقصين
لك تحياتي

[مازن الجمّال]

الحلوين ..

ابوروان

امير

وهيب

شكرا كتير على المرور وما تهتموا كتير .. ده كلام مساطيل

وتقبلوا مني الهدية دي :

http://www.sudanforum.net/forum/view...=30644&start=0

[الزين]

وين انت يا اخوى انا دخلت بى وراك مع الفجراوى ...الظاهر نمت انت؟؟

ما قلتو نوبه...........!


المهم الله يكرم السامعين لقيت حمارك صاحى مع خواطروا يودى ويجيب ..قلت الشى (شيطان) اتوكلت على الله وقلت بسم الله القى الحمار قاعد فى بكانو...!يعنى حمار بالجد ....!المهم قلت اعلق لى يمكن جيعان ...وحاتك ياخوى ابى بالتقطعو ما ياكل حاجه ....حاو ...تر ..ما اشتغل بى الشغله سارح فى خواطر الجن دى .......قلت اشاور صاحبى بطرى يمكن يلقى لى حل ..قمت كدى اتصلت عليهو قام سالنى سوال عقدنى قال لى : الحمار ده مسجل فى جمعية الرفق بالحيوان .. قلت ليهو علمى علمك ...قال عندو علاقه بى حمار الشيخ الوقف فى العقبه ؟؟ قلت ما بكضب عليك الحمار ده جابو راستا انا ليقتو هنا بس...!!اخد لى مسافه لامن انا قلت قفل السماعه ..تانى سالنى طيب ببقى للحمار البحمل اسفار الزمان داك قريبو ...قلت يمكن بالكضب ساكت علشان ما امرق ملوص...قال هو قريب من الحمار المرق من البلد زمن نميرى وقال لى نميرى (نحن حمارين ما بنكون فى بلد واحده) ولامن قال الكلام ده انا قلت ليهو ياخى ده اظنه حمار (سيد الكارو ) بتاع غنا البنات لانو سيد الكارو دى واحد قريبى وعرس بى سبب الاغنيه دى والحمار من ديل سرح فى خواطرا....قام سكت شويه وحسيتو وزى الزعل كده وبى نهره قال : انت اصلك من يومك غبيان !! شفت ياراستا حمارك جابى الشتميه...!! الله يسامحك.

[امير عبدالباقي]

والله ياراستا المفروض الشعب يعمل حمله ضد الحمير وتلمها في زريبه واحده حتي تنظف البلد من الحمير المنطلقه ومعزبه السعب