أرجوكم ساعدوني يا أخوات

[أمـ بكلمتي ـيرة]

السلام عليكم
أنا مشتركة جديدة في المنتدى
صراحة الحفزني إني أشترك موضوعاتكم الحلوه وياريت تتقبلوني معاكم
وياريت كمان تلاقوا لي حل لمشكلتي
أنا مخطوبة وخطيبي دايرني أحسسه بأهميته عندي وما عارفه أعمل ليه شنو لأني خجوله جدا وماعارفه أتصرف معاه كيف
ياريت تنصحوني وتوروني كيف أحسسه بالإحساس ده من غير ما أخدش حيائي
بليز ساعدوني

[غيداء نورالدين]

[غيداء نورالدين]

السلام عليكم
أنا مشتركة جديدة في المنتدى
صراحة الحفزني إني أشترك موضوعاتكم الحلوه وياريت تتقبلوني معاكم
وياريت كمان تلاقوا لي حل لمشكلتي
أنا مخطوبة وخطيبي دايرني أحسسه بأهميته عندي وما عارفه أعمل ليه شنو لأني خجوله جدا وماعارفه أتصرف معاه كيف
ياريت تنصحوني وتوروني كيف أحسسه بالإحساس ده من غير ما أخدش حيائي
بليز ساعدوني

اميرة بكلمتي
والله انا ما عندي فكرة عن الحاجات دي بس بقول ليك ان شاء الله حتجدي حل لي مشكلتك عند النواعم
الاكبر مني والمجربين مثل هذه المشكلات
وربنا يوفقك وتجدينا عند حسن الظن




اختك غيود

[abuwaad2]

الأحساس موجود عندك .. وهو عدم قدرتك بالاباحة له بما يحتويك من feeling تجاهه صدقيني لو حس بذلك سوف يوليك كل الأهتمام والحب ومساعدتك على البوح بما يعتريك ربنا معاك وربنا يحقق أحلامكم بالقريب ونسمع عنكم كل خير

[أمـ بكلمتي ـيرة]

اهلا غيداء نور الدين شكرا على الترحيب
وإن شاء الله تعجبكم مواضيعي الجاية
وربنا يسمع منك وتتحل مشكلتي

[أمـ بكلمتي ـيرة]

اهلا abuwaad2
شكرا لك على النصيحة بس أنا مابحس بخوف ناحيته كل المشكله إني ما بعرف أعبر بالكلام
وإن شاء الله حآخذ بنصيحتك

[salwa]

الاخت الغالية

اميرة بقلمي

الحياء الموجود عندك نعمة كبيرة وانا برجوك انك تخليك كما انتي لانه صفة زي دي والله وهبها ليك المولى وغالية كمان ..وخطيبك اكيد رغم انه يفتقد لكلام منكي قد يبسطه للحظات ولكن ما بالك ان رجع لنفسه ووفكر في حياءك الجميل ده والله انه حيكون مبسوط بيك لدرجة اكبر واعلى وممكن انتي تعبري ليه عن ذلك بهدايا او بتقدير بطرق ذي دي مثلا او كلمات ممكن تعبر ليه عن تقديرك ليه بس تخليك محتفظه بهذه الدرة النفيسة فيك ..الا وهي الحياء

وهو اكيد ربنا بيحبه االاداه واحدة في مثل اخلاقك
ربنا يديم المحبة بينكم

[fathi farah]

[COLOR="Red"]يا أختي هذا الحياء موجود وعند كل البنات ولازم يكون في حياء لكن إنت لازم تتعلمي أن تكوني صريحه معه وما تخجلي لان ده مستقبل بينكم وحياة إنشاء الله أبدية وأكرر لازم تكوني صريحة والكلام عن الإعجاب ما فيه شئ بس لازم يكون بين الأهل لانها خطوبة [

[أمـ بكلمتي ـيرة]

يامراحب أختي سلوى
شكرا على نصيحتك الغالية دي وإن شاء الله حمشي عليها

[أمـ بكلمتي ـيرة]

fathi farah يامراحب
الصراحة أصلا موجودة بينا لأن المواضيع دي ما بتطلب غير الصراحة بس هو داير أعبر ليه عن مكانته عندي قدر شنو حاولت بشتى الطرق البعرفها بس ما عرفت أوصل ليه مشاعري
شكرا على النصيحة وححاول أعمل بنصيحتك

[طلال الصول]

لو ما فهم من نفسو احسن تخليو

[أمـ بكلمتي ـيرة]

ياهلا طلال الصول
شكرا على مشاركتك
لو مافهم براه أخليه؟؟؟؟
المواضيع عمرها ما بتتحل بالشكل ده
لازم أحاول أحل الموضوع بشتى الطرق وأنا متأكده زي ما أنا بدور على حل هو كمان بيدور على حل
وإن شاء الله حنتوصل لحل

[نور العيون]

و الله على حسب علمي و تجربتي انو لازم يحس انو هو كل حاجه بالنسبة ليكي
بان يحس بانو انتي مهتهمة كالاتي
اولا زيدي شوية من الاتصالات ما الدرجة ايلي تحسسو انو مراقب
اظهري لية بعض الغيرة
اساليه من امورة و كان مع منو او عمل شنو في دوامو او في خلال اليوم
يعني اظهري ليه بعض الاهتمام شوية و يعني شيء من هذا القبيل

[مختار بازى]

ياهلا طلال الصول
شكرا على مشاركتك
لو مافهم براه أخليه؟؟؟؟
المواضيع عمرها ما بتتحل بالشكل ده
لازم أحاول أحل الموضوع بشتى الطرق وأنا متأكده زي ما أنا بدور على حل هو كمان بيدور على حل
وإن شاء الله حنتوصل لحل

طيب كدا انتي ما عاااااااااااااااارفة بتتحلا كيف يلا ورينا همتك
والله يا اخت الصراحة والجراءة الالتمستهم فيك ما موجودة في كتيرات
كيف مشكلتك قدرتي ترحيها علي الملاء ما تقدري تصارحي بيها خطيبك؟؟!!!!
انا معاك الحياء لابد منو بس كمان لو فات حدو بيبقي مسيخ وبيجلب للراجل بالذات انو دا نوع من النقاصان
فيك انتي شخصيا وانتي عندك الجراءة التوصلي بيها ليهو الفهم دا بي عدة طرق قولي لي جبتة الكلام دا من وين ؟؟ من موضوعك دا بس انتي اتريسي حبة كدا وختي الرحمن في قلبك وخليك صريحة معاهو بقدر الصراحة والجراءة الكتبتي بيها الموضوع دا
يلا ان شاء الله نسمع عنك كل خير اخوك مختـ بازي ــــــــــــــــــــار

[أمـ بكلمتي ـيرة]

يامرحب نور العيون
شكرا على نصيحتك وجربتها وبقى يقول لي اتغيرتي وين كان ده من زمان
وشكرا تاني على نصيحتك

[أمـ بكلمتي ـيرة]

هلا أخ مختار بازي
يا أخ مختاار أنا عرضت مشكلتي لأني مالقيت حل
وبعدين منو قال ليك إني ما صارحته
بس الحمد لله بفضل الله ثم النصايح الجاتني من الناس الطيبين ديل اتحلت مشكلتي
والله طوالي بدعي ليكم الله يخليكم يارب

[أبو مهدي371]

انتي اميرة بكلمتها فكيف لا وكلمتك تخرج من فهم عميق لما سوف تقولينه لذلك تحسبين لها الف حساب
من خلال موضوعك انا احتمال اكن فهمت مايريد حبيبك من ان تشعريه باهميته عندك مع علمه التام بانه ان لم يكن مهما لما ارتبطي به اصلا .
ولكن نحنا معشر الرجال نحتاج منكن احساس الكلمات الرقيقة التي بها تزوب قلوبنا وتسهر بها عيوننا
فكلمت( احبك )اذا خرجت من فم المحبوب تزيد من مكانته عندنا وتجعله التاج الذي نزين به رؤوسنا
اما انتم ايها البنات السودانيات علي وجه الخصوص الخجل عندكم موروث لذلك الطبيعة شكلت هذه الفطرة
لكن ايقني تماما انه لا يريد منك اكثر من كلمت (احببببببببببببك )حتى يحس انه امير بحبك يااميرة بكلمتها
فارجوا ان كنتي مقتنعة به تماما لا تحرميه منها وسوف تري النتيجة .
ارجوا الا اخدش حيائك ولكن هو الواقع .

[أمـ بكلمتي ـيرة]

هلا أبو مهدي
شكرا على نصيحتك
نصيحتك دي ورتني شنو بالضبط المحتاج ليه خطيبي
وإن شاء الله بعمل بنصيحتك