يا ناس العام تعالوا ادوني رايكم

[مدنيّة]

السلام عليكم ورحمة الله

والله ياناس العام عايزة رايكم في موضوع
نقل المواضيع اللي بقت ظاهرة بشدة
ومافيها حفظ لحقوق الغير

الصراحة انا احترت اعمل شنو ؟
برسل مسج علي الخاص للعضو الناقل بنبهه فيها
في من يأخذ بالتنبيه وفي اللي ما بكلف نفسه حتي عناء الرد عليّ

اها في رايكم الحل شنووووو ؟؟

[معتز الريح]

حلين يا مدنية ..
يا اما تتكرموا وتعملوا ليهم قسم تسموهو قسم المنقول ..
أو تهملوا الموضوع وما تردو عليهو ..

[مدنيّة]

حلين يا مدنية ..
يا اما تتكرموا وتعملوا ليهم قسم تسموهو قسم المنقول ..
أو تهملوا الموضوع وما تردو عليهو ..

المشكلة يا معتز انه احنا قاعدين نهمل بس في كتيرين من الاعضاء بيكونوا ما عارفين انه موضوع منقوووول ؟؟
يعني الاهمال بجي من تلاتة اربعة والبقية بتدخل وترد

بس فكرة القسم دي نشوف راي الناس فيها شنو

[مختار بازى]

القسم الجديد دا ما في زول بيدخلوا بعد ما يعرف انو الموضوع دا صاحبو ناقلو وما كاتب عليهو منقول يعني غشااااااااااااااااااانا ودا سبب كافي للعزوف من المواضيع الزي دي
والمحافظة علي المنتدي بعيد من انو بكرة جاي واحد يطالب بي حقوقو من الموضوع
عشان كدا انا بري انك طالما رسلتي ليهم وما بردو تستخدمي السلطة بتاعتك
وفي الحالة دي عندك عدة خيارات
علي حسب الموضوع ذات فائدة تعدلي فيهو وتكتبي كلمة منقول
غير كدا تحزفيهو
والله الموفق

[خالد عبدالماجد]

علاج هذه الظاهرة يكون بالرد على المشاركة المنقولة رداً يفيد بالعلم بهذا النقل وإحراج الكاتب الذي تجاهل ذكر عبارة منقول وبالتالي بعد فترة سيحرص كثيرون على ذكرها أو على عدم النقل .
هذا الشئ لاتقع مسئوليته على المشرفين فقط بل على كل الأعضاء الرافضين للنقل دون منح الكاتب الحقيقي حقه .

[ود ام تريبات]

الغالية
مدنية

علاج هذه الظاهرة واضح .. يحزف الموضوع الذي تم نقله ... مع تنبية العضو بانه قد قام بعمل مخالف لقوانين المنتدى... في حالة التكرار يحظر العضو .. ذلك تفادياً للاشكالات القانونية وحفاظاً على تميز منتدانا من غيره ...

ولكم مع كل فجر جديد الف تحية وسحابة امنيات

[صلاح ودالطاهر]

الغالية
مدنية

علاج هذه الظاهرة واضح .. يحذف الموضوع الذي تم نقله ... مع تنبية العضو بانه قد قام بعمل مخالف لقوانين المنتدى... في حالة التكرار يحظر العضو .. ذلك تفادياً للاشكالات القانونية وحفاظاً على تميز منتدانا من غيره ...

ولكم مع كل فجر جديد الف تحية وسحابة امنيات

انا اويد راي الجميع وخاصه ود ام تريبات وتشكري يامدنيه انا شخصيا اي موضوع يجي في منتدي النفاج بحذفو والرهيفه التنقد

[صلاح ودالطاهر]

المشكلة يا معتز انه احنا قاعدين نهمل بس في كتيرين من الاعضاء بيكونوا ما عارفين انه موضوع منقوووول ؟؟
يعني الاهمال بجي من تلاتة اربعة والبقية بتدخل وترد

بس فكرة القسم دي نشوف راي الناس فيها شنو

مدنيه اول ما تعرفي يكون ردك واضح وظاهر بالخط العريض منقووووووووووووووووووووووووووووووووووووووووووووووو وووووووووول والرهيفه تنقد

[عثمان جلالة]

الرائعة مددون والله لمست كبد الحقيقة وده الخلاني أمس أكتب موضوع ما في جديد ... والله بقت ظاهرة مملة .. يعني يجب معالجتها بالحذف حسب رأي الشخصي .. العام .. هو واجهة المنتدى بشكل عام .. وواجهة مدني مفروض واجهتنا يكون فيها ابداع حقيقي لأنو نحن ناس الإبداع والسودان كلو بشهد بي كده ولا شنو؟

[هشام السماني إبراهيم]

الغالية
مدنية

علاج هذه الظاهرة واضح .. يحزف الموضوع الذي تم نقله ... مع تنبية العضو بانه قد قام بعمل مخالف لقوانين المنتدى... في حالة التكرار يحظر العضو .. ذلك تفادياً للاشكالات القانونية وحفاظاً على تميز منتدانا من غيره ...

ولكم مع كل فجر جديد الف تحية وسحابة امنيات

كلام ود ام تريبات جميل وانا معاو البنقل ياخد حبس مؤقت مع التنبية لسبب الوقف





دمت في رعاية الله وحفظة

[هشام السماني إبراهيم]

مدنيه اول ما تعرفي يكون ردك واضح وظاهر بالخط العريض منقووووووووووووووووووووووووووووووووووووووووووووووو وووووووووول والرهيفه تنقد

وكمان الموضوع ممكن يتم قفلو من المشاركات وبكدا صاحب النقل اتفحم وعلى قول ود الطاهر الرهيفه تنقد

[مدنيّة]

القسم الجديد دا ما في زول بيدخلوا بعد ما يعرف انو الموضوع دا صاحبو ناقلو وما كاتب عليهو منقول يعني غشااااااااااااااااااانا ودا سبب كافي للعزوف من المواضيع الزي دي

طب يامختار ما هو دا المطلوب زاتووو
انه الناس ما تمشي علي المنقول دا
ولو كتب او ما كتب الكل عارف انه دا موضوع منقول لانه في قسم المنقول
!!!!

[مدنيّة]

علاج هذه الظاهرة يكون بالرد على المشاركة المنقولة رداً يفيد بالعلم بهذا النقل وإحراج الكاتب الذي تجاهل ذكر عبارة منقول وبالتالي بعد فترة سيحرص كثيرون على ذكرها أو على عدم النقل .
هذا الشئ لاتقع مسئوليته على المشرفين فقط بل على كل الأعضاء الرافضين للنقل دون منح الكاتب الحقيقي حقه .

والله ياخالد اسال مختار بازي لما جاته حالة نفسية من المنقول دا
بجيب للناقل اللنك بتاع الموضوع
وبرضو لا حياة لمن تنادي
والغريبة انهم ما بيشعروا باي حرج

[مدنيّة]

الغالية
مدنية

علاج هذه الظاهرة واضح .. يحزف الموضوع الذي تم نقله ... مع تنبية العضو بانه قد قام بعمل مخالف لقوانين المنتدى... في حالة التكرار يحظر العضو .. ذلك تفادياً للاشكالات القانونية وحفاظاً على تميز منتدانا من غيره ...

ولكم مع كل فجر جديد الف تحية وسحابة امنيات

هو العيب ما في المنقول يا ود ام تريبات - لاننا ممكن نلقي موضوع منقول بس مفيد جدا -
العيب في النقل الكتير وعدم حفظ الحقوق
وحتي دي مافي في قوانين المنتدي ما يمنع النقل
بس انا شفت الظاهرة بقت كتيرة
وعدم حفظ حقوق الاخرين
قلت نشوف لينا آلية للحد من الظاهرة دي

[مدنيّة]

انا اويد راي الجميع وخاصه ود ام تريبات وتشكري يامدنيه انا شخصيا اي موضوع يجي في منتدي النفاج بحذفو والرهيفه التنقد

والله يا ود الطاهر لو جاك في النفاج موضوع منقول تبقي دي العوووجة زااااتها باعتباره منتدي بتاع ونسة ، يعني هل يعقل انه واحد يجيب موضوع ونسة من منتدي اخر ويخته هنا !!!
غايتو الله يكضب الشينة

لكن لا يصح حذف الموضوع لمجرد كونه منقول مادام مافيه ما يخالف قوانين المنتدي والذوق السليم

[مرتضى التوم]

الاخت مدنية اعتقد ان كل من مر على البوست كان مع رأى حزف الموضوع واظن ان ذلك اكبر استفتاء للرفض من الاعضاء ومعارضتهم للنقل لان معين الابداع ورحم هذه الولود لم ولن ينضب .
لانمانع فى نقل ماهو مفيد ويعود على الجميع بشئ جديد ولكن النقل من اجل التواجد والمشاركة فهذا لا يليق بمنبع الابداع .
لكى الود مدنية ونحن معك فى ما تتخذين من اجراء .

[مدنيّة]

مدنيه اول ما تعرفي يكون ردك واضح وظاهر بالخط العريض منقووووووووووووووووووووووووووووووووووووووووووووووو وووووووووول والرهيفه تنقد

المشكلة ياود الطاهر اني اكيد ما ح اعرف كل المواضيع المنقولة
وكنت حابة اننا نرسي لآدب حفظ الحقوق في المنتدي
ولما اعرف بفضل اني ابعت مسج علي الخاص بقول منعاً للاحراج بس لا حياة لمن تنادي الا من رحم ربي
وعلي فكرة في اسامي الواحد ولا بحتاج يرجع يبحث عشان يتاكد من انه موضوعهم منقول
بيكفي الاسم فقط عشان تكون واثق منه موضوعه منقول

[مدنيّة]

الرائعة مددون والله لمست كبد الحقيقة وده الخلاني أمس أكتب موضوع ما في جديد ... والله بقت ظاهرة مملة .. يعني يجب معالجتها بالحذف حسب رأي الشخصي .. العام .. هو واجهة المنتدى بشكل عام .. وواجهة مدني مفروض واجهتنا يكون فيها ابداع حقيقي لأنو نحن ناس الإبداع والسودان كلو بشهد بي كده ولا شنو؟

اكيد مدني = كل الابداع

وحتة الحذف دي وضحتها فوق يا جلالة

[مدنيّة]

كلام ود ام تريبات جميل وانا معاو البنقل ياخد حبس مؤقت مع التنبية لسبب الوقف





دمت في رعاية الله وحفظة

ياهشام قلنا النقل للفائدة مافيه حاجة بس النقل الكتير وعدم حفظ الحقوق هو دا اللي بيعمل مشاكل

[مدنيّة]

وكمان الموضوع ممكن يتم قفلو من المشاركات وبكدا صاحب النقل اتفحم وعلى قول ود الطاهر الرهيفه تنقد

قلت نقفله من ما يجيبه وكفي الله المؤمنين القتال

[مدنيّة]

الاخت مدنية اعتقد ان كل من مر على البوست كان مع رأى حزف الموضوع واظن ان ذلك اكبر استفتاء للرفض من الاعضاء ومعارضتهم للنقل لان معين الابداع ورحم هذه الولود لم ولن ينضب .
لانمانع فى نقل ماهو مفيد ويعود على الجميع بشئ جديد ولكن النقل من اجل التواجد والمشاركة فهذا لا يليق بمنبع الابداع .
لكى الود مدنية ونحن معك فى ما تتخذين من اجراء .

مرتضي وضحت حتة الحذف دي فوق

وبالجد المواضيع المنقولة دي بقت بتشكل هاجس لينا في العام

ويحلنا الحلا بلة

[مختار بازى]

كلام ود ام تريبات جميل وانا معاو البنقل ياخد حبس مؤقت مع التنبية لسبب الوقف





دمت في رعاية الله وحفظة

هو يعني الحبس دا بي سبب ما ساااااااااااااااااااااي ؟؟؟؟؟؟؟؟؟؟؟؟؟

[عمر البشير]

سلام هوي
مداخله مع الاعتزار حسب راي ان يكون النداء في العنوان( يا ناس المنتدي) وليس( يا ناس العام) إلا اذا كان المقصود بناس العام اشخاص بام عينهم وعندها اقول آسف بكل ما تحمل الكلمه من معني (اني ادخلت نفسي في ما لا يعنيني) واذا كانت الاخري (المنتدي)فعندها سادلو بدلوي.
وهو يمثل رائي الشخصي، والشخصي فقط.
فانا بشوف انو حذف المواضيع التي لا ترقي الي سمعت المنتدي وتمس بها يجب حذفها ومن الافضل ارسال رساله ولو كانت تنبه علي حذف الموضوع. وانا متاكد انو البعض بيزعل علي حذف مواضيعه بس بقول ليهو (الحق ما بزعل)وما تراه انت من وجهة نظرك انه ليس من حقه ان يحذف فقد يراه الغير من وجهة نظر اخري لابد من حذفه(والجمل ما بشوف عوجة رقبته) لاسباب يجب ان توضح من قبل المشرف الذي حذف الموضوع حتي:
لا يكبتو روح المشاركه في العضو الذي كتب الموضوع في انه يكتب قد ياتي بالفائده المرجوه.
وارجو ان يتقبل الامر بكل سرور.
اما عن المواضيع المنتقوله فان شخصياً لا اري فيها شيئاً اذا كتب عليها منقول.
مع فائق احترامي وتقديري.

[مدنيّة]

سلام هوي
مداخله مع الاعتزار حسب راي ان يكون النداء في العنوان( يا ناس المنتدي) وليس( يا ناس العام) إلا اذا كان المقصود بناس العام اشخاص بام عينهم وعندها اقول آسف بكل ما تحمل الكلمه من معني (اني ادخلت نفسي في ما لا يعنيني) واذا كانت الاخري (المنتدي)فعندها سادلو بدلوي.
وهو يمثل رائي الشخصي، والشخصي فقط.
فانا بشوف انو حذف المواضيع التي لا ترقي الي سمعت المنتدي وتمس بها يجب حذفها ومن الافضل ارسال رساله ولو كانت تنبه علي حذف الموضوع. وانا متاكد انو البعض بيزعل علي حذف مواضيعه بس بقول ليهو (الحق ما بزعل)وما تراه انت من وجهة نظرك انه ليس من حقه ان يحذف فقد يراه الغير من وجهة نظر اخري لابد من حذفه(والجمل ما بشوف عوجة رقبته) لاسباب يجب ان توضح من قبل المشرف الذي حذف الموضوع حتي:
لا يكبتو روح المشاركه في العضو الذي كتب الموضوع في انه يكتب قد ياتي بالفائده المرجوه.
وارجو ان يتقبل الامر بكل سرور.
اما عن المواضيع المنتقوله فان شخصياً لا اري فيها شيئاً اذا كتب عليها منقول.
مع فائق احترامي وتقديري.

اهلا بيك ياود البشير
انا قلت ناس العام لانه المنتدي اللي فيه المواضيع المنقولة بكثافة ومااعتقد في منتدي تاني بتكون فيه مواضيع منقولة احتمال يكون الثقافي واحد يجيب ليه قصيدة بس اكيد ح تكون معروفة المهم انا خصصت العام لانه المتأثر بهذه الآفة ولك العتبي حتي ترضي لو كنت اخطأت في التسمية

اكيد المواضيع التي لا ترقي لسمعة المنتدي يتم حذفها علي الفور مع ارسال رسالة توضيحية لصاحب الموضوع دي مافيها اختلاف

بس احنا كلامنا علي المواضيع المنقولة بكثرة هذه الايام وكيفية الحد منها وكيف نجعل العضو الناقل يحترم حقوق الغير ويحفظها

[ابوالنور]

طبعا يا مدوووووووووووووووون

انا عندي ليك حل وحل موقت عسي نلقي حل جزري

طال ما نحنا اسره واحده وكلنا بتهمنا سيدةالمدائن وعليك الله شوفي نحنا كم في المنتدي بس لو كل واحد جي عبر لينا عن نفسو وطبعا اكيد فينا كميه من الموهبين ليه ما نتحدث عن نفسنا ليه
نجيب كلام الناس التانين وعليكم الله يا ناس المنتدي لو في اليوم اترفعت 3 بوستات بس
يعني بديك فرصه انك ترد علي الزول وانك تعرفو بقول في شنو لكن انا اذا بجي خاشي المنتدي بلقي لي 15 بوست اترفعت اقدر ارد علي منو واخلي منو ناهيك عن الشبكه الزي الزفت
يلا حلي ليكم
نطلع بوست كبير ونكتب عليه محاربة المنقول في الفتره من 25 /8 الي 25/9 تحت شعار لا للمنقول
اها النشوف رايكم شنو