كان عرستها ما عافيه منك

[انيس التوم]

صاحبنا بحب البت بالسنين لكن الظاهر في شويه خلاف بين الاسرتين المهم صاحبنا جاء وقرر يعرس وفجاء كان صوت الام عالي جدا ياخي كان عرستها انا ماعافيه منك وده اخر كلام الام ودخلوا الاجاويد والجيران وكل الحبائب بس كان راي ام صاحبنا واحد كان عرستها ما عافيه منك اه الولد بحب البت وما ممكن يتخلى عنها والام مصره علي كلامها .
السوال الصعب صاحبنا ده يتصرف كيف يضرب بكلام امه عرض الحائط ويتزوج ويعيش في دوامة عدم العفو وتانيب الضمير اما يترك البت الي الابـــــــد

[mohd.dafalla]

ياخوي الزول دا لو عرس البت ما حيرتاح نهائي

احسن له يرضي امو من كل الجوانب ويحب البت من جانب واحد

ان كان الامرين صعبين لكن امو هي الاهم والبت غيره في وحب يزول بمرورالسنين لكن غضب الام يضل باقي الى ما لا نهاية

لكن عربتك شده وغسيل عده لكن شكلها في كوريا من الشجر الوراك والبارك المحترم
مااااااااااااشاء الله

[ابراهيم]

الأخ الأعز أنيس التوم
تحياتي ليك
صراحة الموضوع صعب لكن لكل مشكلة حل يمكن في البداية والدة الراجل ترفض بشدة وتقول ما عافية ليك لكن أكيد في الآخر الام بتحس بمصلحة ابنها أكتر من اي زول تاني مهما كان ...
مسألة الخلافات العائلية دي معقدة بروحو ضحايها كتييرين في حين إنو ربما الزواج دة يكون الحل الامثل للخلاف بين الاسرتين .. عموماً انا لو في محلو بجرب جميع الحلول الممكنة حتى تقتنع الوالدة ولو فشلت طبعاً لا يمكن اتزوج بدون رضاها .. هي برضو أم ورضاها يعني رضاء الله سبحانه وتعالي .. والخير في ما اختاره الله.
ولك تحياتي وتقديري

[مدنيّة]

والله صعبة
بس امه هي الاولي
ويخلي الدنيا كلها من اجل رضاها

وحواء وااااااااااااااااااالدة

[ابوندى]

والله صعبة
بس امه هي الاولي
ويخلي الدنيا كلها من اجل رضاها

يقوم بالتأجيل لفترة اخرى عسى ان ينصلح الحال بين الاسرتين , وايضاً تحاول البنت راب الصدع من جانب اسرتها وتتقرب لامه قدر الامكان
وممكن ان ينصلح الحال وتعود المياه لمجاريها

ايضا يعزف الولد امام اهله عن الزواج وينزوى جانبا عسى ان يستدر عطف الام وتغير ما اقرتة

[هشام السماني إبراهيم]

رضى الام وبعدين اشوف نفسو ويخلي الباب موااااااااااااااااارب

[انيس التوم]

ياخوي الزول دا لو عرس البت ما حيرتاح نهائي

احسن له يرضي امو من كل الجوانب ويحب البت من جانب واحد

ان كان الامرين صعبين لكن امو هي الاهم والبت غيره في وحب يزول بمرورالسنين لكن غضب الام يضل باقي الى ما لا نهاية

لكن عربتك شده وغسيل عده لكن شكلها في كوريا من الشجر الوراك والبارك المحترم
مااااااااااااشاء الله

بالجد والله رضاء الوالدين زيوا مافي لكن المشكلة شنو الولد بس الحب

[انيس التوم]

الأخ الأعز أنيس التوم
تحياتي ليك
صراحة الموضوع صعب لكن لكل مشكلة حل يمكن في البداية والدة الراجل ترفض بشدة وتقول ما عافية ليك لكن أكيد في الآخر الام بتحس بمصلحة ابنها أكتر من اي زول تاني مهما كان ...
مسألة الخلافات العائلية دي معقدة بروحو ضحايها كتييرين في حين إنو ربما الزواج دة يكون الحل الامثل للخلاف بين الاسرتين .. عموماً انا لو في محلو بجرب جميع الحلول الممكنة حتى تقتنع الوالدة ولو فشلت طبعاً لا يمكن اتزوج بدون رضاها .. هي برضو أم ورضاها يعني رضاء الله سبحانه وتعالي .. والخير في ما اختاره الله.
ولك تحياتي وتقديري

مشكور الاخ الاستاذ ابراهيم علي هذه النضائح القميه ودمت لنا يا عزيزي

[انيس التوم]

والله صعبة
بس امه هي الاولي
ويخلي الدنيا كلها من اجل رضاها

وحواء وااااااااااااااااااالدة

عشان كده يا مدنيه حقوا الناس تنسى الخلافات ولا شنو هسه المسكين ده زبنوا شنو

[انيس التوم]

رضى الام وبعدين اشوف نفسو ويخلي الباب موااااااااااااااااارب

يا فردة الجمرة بتحرق الواطيه

[مدنيّة]

صاحبنا

والله يا انيس اصحابك ديل كم ماعارفة

حيرتنا زاتووووووووووو

[عثمان جلالة]

رضى الام وبعدين اشوف نفسو ويخلي الباب موااااااااااااااااارب

رضى الأم .. أولا .. وأخيرا ... والباب البجيك منو الريح .... سدوا بى مسامير واستريح

[Madanawi]

أعتقد أنه إذا عرفت أسباب الخلاف سيكون وضع الحلول أسهل

بالعموم أمه أولى بالطاعة وهي لن تعمل شئ ضد مصلحة إبنها

تقارب وجهات النظر ومحاولة إيجاد حلول ربما تساعد في حل المسألة

الأقارب والإيواء الى ركن رشيد مثل كبير العائلة ربما يكون حل مرضي

[هشام السماني إبراهيم]

يا فردة الجمرة بتحرق الواطيه

والله كلامك صح نااااااااار

[هشام السماني إبراهيم]

والله يا انيس اصحابك ديل كم ماعارفة

حيرتنا زاتووووووووووو

هو دا ساهل اخرتو بخلصو ولا ولا

[مدنيّة]

هو دا ساهل اخرتو بخلصو ولا ولا

بالحالة الشايفها دي
ما اظن

[هشام السماني إبراهيم]

رضى الأم .. أولا .. وأخيرا ... والباب البجيك منو الريح .... سدوا بى مسامير واستريح

انتا قاصد منو ياقريبك

[النيرو]

رضاء الام مقدم علي كل مصلحة ( حتي لو فيها تعاستك ) لان الجنة تحت اقدام الامهات (امك ,امك ,امك )وماممكن الزول يبدل اخرتو بدنيا زايلة .علي العموم حتي لو رضت امك عشان تجاملك فصدقني جبل الجليد البيناتم ماحيزوب واخير تحاول تنسي وماتنكد علي روحك باقي حياتك . والسلام

[abomazeen]

أعتقد أنه إذا عرفت أسباب الخلاف سيكون وضع الحلول أسهل

بالعموم أمه أولى بالطاعة وهي لن تعمل شئ ضد مصلحة إبنها

تقارب وجهات النظر ومحاولة إيجاد حلول ربما تساعد في حل المسألة

الأقارب والإيواء الى ركن رشيد مثل كبير العائلة ربما يكون حل مرضي

بس .... ده الحل وما في أكتر من كــده يا فرده !!!

أعمل حسابك ...

قال سيدنا المصطفى صلى الله عليه وسلم في معنى حديثه وهو يوصي صحباته عندما سألوه من هم أحق الناس بحسن صحابتي ذكر لهم الام ثلاثة مرات .....

والمعنى واضح ...

[انيس التوم]

والله يا انيس اصحابك ديل كم ماعارفة

حيرتنا زاتووووووووووو

والله والله والله يا مدينه شوفي الحليفه دي اي زول قاعد معانا في كوريا هنا سببوا شاكوش تصدقي يا مدينه نحن قاعدين في جزيزة يعني اقرب لينا استراليا وتاني مافي حاجه بالجد اخر الدنيا مويه بسسسسسسسسسسسسسسسسسسس وديل كلهم من مدن مختلفة الخرطوم- مدني -كوستى الخ ولسه الباقي في الطريق علي فكرة الناس دي انشاء الله حيكونوا اعضاء جدد بالمنتدى باذن الله

[انيس التوم]

بس .... ده الحل وما في أكتر من كــده يا فرده !!!

أعمل حسابك ...

قال سيدنا المصطفى صلى الله عليه وسلم في معنى حديثه وهو يوصي صحباته عندما سألوه من هم أحق الناس بحسن صحابتي ذكر لهم الام ثلاثة مرات .....

والمعنى واضح ...

صلى الله عليه وسلم

[معتز حمدتو]

أخي العزيز انيس
سؤالك في قمة التعقيد صراحتنا ،،، ولكن الجنة تحت اقدام الامهات
ولك قصة حدثت حقيقتا وفي وجودي حيث كان لي صديق عزيز وفي يوم عقد القرآن قالت الام نتيجة لخلاق حصل في تلك الحظات بين العروس وامه بانها ما عافيه منُ اذا تزوج هذه البنت وكان كلامه وكانه صادف ابواب السموات في تلك اللحظة . وقد قام الصديق بالزواج الا انه ومنذ اول الايام للزواج وهو لا بين الاحياء ولا الاموات واصبحت حياته جحيم لدرجة انه سالني مرة بما اقترفه من ذنب ولم اتوانا في في قول ما كان رغم ان امه دعت له كثيرا بعد ذلك وانها عافية منه وحتي اخرها وانا بمعيتها في حج هذا العام بالدعاء بالعفو والرضي علي ابنها .
ولك القياس على ذلك

[meshanshow]

تعرف يا انيس الكلام ده ما اتقال لي صحبك بس و لكن اتقال كثير لي ناس تانين

[عوض الكواكب]

صاحبنا بحب البت بالسنين لكن الظاهر في شويه خلاف بين الاسرتين المهم صاحبنا جاء وقرر يعرس وفجاء كان صوت الام عالي جدا ياخي كان عرستها انا ماعافيه منك وده اخر كلام الام ودخلوا الاجاويد والجيران وكل الحبائب بس كان راي ام صاحبنا واحد كان عرستها ما عافيه منك اه الولد بحب البت وما ممكن يتخلى عنها والام مصره علي كلامها .
السوال الصعب صاحبنا ده يتصرف كيف يضرب بكلام امه عرض الحائط ويتزوج ويعيش في دوامة عدم العفو وتانيب الضمير اما يترك البت الي الابـــــــد

والله امي ثم امي ثم امي ثم امي
ودي حتة مابتناقشوا فيها اثنين
وحتي لو حصل خلاف بين الام والزوجة
لو الواحد مننا متزوج لابد الارضاء ياتي الى الام
وهذا اهم التنازلات في مبدا الحياة الزوجية
ولو مافي تنازلات قد تصل الى مرحلة الطلاق
ناهيك انو او باعتبار ما سيكون انو المسألة بداية مشروع الزواج اللي حيكون مستمر مدى الحياة