الجلك داء جبار خلاص

[portbail]

أستقيظ من النوم باكراً

يريد التوجه للجامعة

نادي بأعلي صوته:

هو :أمي أبوي داء مشي وين؟؟؟

الأم :والله كدي شوفوا علي الصالون

أبوي ...أبوي... أبوي

الوالد :مالك ياولد؟؟؟

هو :داير المصاريف بتاعت الليله ماشي الجامعةعندنا محاضرات مهمة...

الوالد :طيب هاك ياولد

هو :يأبوي خمسة الأف بتسوي شنوا؟؟؟

مممممممممممممم

الوالد:ياولد أنا عندي مصنع قروش يلا أتوكل علي الله

هو: في دوأخلة والله الجلك داء جلده

الكمساري :السوق ... السوق ... السوق

هو:الله الحافلة دي كلها بعرفها أحسن أقعد وراء

أف أف أف

هو:البنت دي عجباني وشكلها تقييييله لكن اليله بخش فيها ...

هو:لو سمحتي شويه كداء

هي:رفعت رأسها ورمقته بنظره من النظاره

أتفضل

هو:أسع أقول ليها شنوا؟؟ ممممم ،أنا شيفك معانا في الجامعة صح

هي :لا والله أناأمتحنت السنه دي ودايره أقدم للجامعة ياداب كده

هو:طيب جبتي كم

هي: والله 84.5%

هو:والله نسبة كويسه بدخلك برأحه



الكمساري :طق طق طق يلا ياشباب أدونا القروش



هو: طبعاً أثنين ،الباقي علشان ما أنساه طوالي قاعد أنسي قروشي عند الكمساري تصوري المره الفاتت نسيت 50 الف والله ما عارف أعالج النسيان داء كيف ؟؟؟

هي:والله بتحصل مره خالتي حصل ليها نفس الكلام داء

الكمساري : خلاص يا شباب أخر محطه

هو : يلا ننزل ، مستعجلة ولا نشرب لينا عصير

هي : لا و الله مره تانية

هو : يازوله لازم والله

هي : مدام أصريت أوكي



هو : عندكم شنوا؟؟؟





الجرسون : عندنا قمردين قريب فروت شعير برتقال أناناس .



هو: تشربي شنوا؟؟؟

هي : والله أناناس

هو : بالله عليك أتنين أناناس بي كم بي 4 الآف

هو : بإحراج الباقي كلوا 4 الآف طيب هاك

أخونا قعد ميطي علشان تشوبر تاني

هو : بعد خلص العصير طيب أشوفك

هي : أوكي باي شكراً علي العصير

باااااااااااااااااااااااااااااااااااااااااي

هو: يأخوانا كداري للجامعة صعب أرجع البيت صعب أعمل شنوا؟؟؟ والله الجلك داء جبار خلاص أهاهاهاهاهاهاهاها
<a href="http://www.sweetim.com/s.asp?im=gen&ref=11" target="_blank"><img src="http://content.sweetim.com/sim/cpie/emoticons/0002006A.gif" border=0 ></a>

[hesho]

معقولة دي الجلك بعد العصير ده جبارالقروش دي قايلنها ماسورة كابه لينا هنا ولى شنو تقبل مرورى ولك التحيه

[صلاح ودالطاهر]

ديل اولاد الزمن ده يا حليل كلمة ابوي وياحليل كلمة يمه وتسلم برتبيل

[portbail]

معقولة دي الجلك بعد العصير ده جبارالقروش دي قايلنها ماسورة كابه لينا هنا ولى شنو تقبل مرورى ولك التحيه

ههه
طبعاً الموضوع ذو أبعاد عديده لكن أقربها للفهم تصرفات الأبناء ورمي قصورهم علي غيرهم والحياة غير المسئولة و التخلي عن الوأقع تكون عوأقبه وخيمة والصراع بين المعقول والا معقول
أضف لذلك الحياة الإجتماعية و النفاق الإجتماعي ومتطلبات العصر و القروش الممحوقة وسرعة إيقاع الحياة وزيادة متتطلبات العصر والمجاراه و المحاكاة <a href="http://www.sweetim.com/s.asp?im=gen&ref=11" target="_blank"><img src="http://content.sweetim.com/sim/cpie/emoticons/00020066.gif" border=0 ></a>

ومشكور علي المرور

[portbail]

ديل اولاد الزمن ده يا حليل كلمة ابوي وياحليل كلمة يمه وتسلم برتبيل

داء الجيل الجديد وديل فرسانه
<a href="http://www.sweetim.com/s.asp?im=gen&ref=11" target="_blank"><img src="http://content.sweetim.com/sim/cpie/emoticons/0002007B.gif" border=0 ></a>

[مختار بازى]

حمد الله علي السلامـــــــــــة برتبيل ورمضان كريم

[سواااح]

هذا زمانك ..

يا .. مهااازل ،،

[الفارس البنفسجي]

هذه اللوحة الاجتماعية للاسف موجودة وبكثرة في مجتمعنا.

نأمل ان يكون هذا البوست دعوة لأصحاب القناعات الزائفة
والتملق الإجتماعي للتوجه نحو مدرسة الواقعية حيث البساطة
والمصداقية.

[ودكمبال]

الاخ/ برتوبيل
ده الحاصل والسرد رائع وانت اروع .
قف...تقبل الله منا ومنكم الشهر الكريم
قف... منتظريين منك موضوع كارب عن المناقل.
ود
ك
م
ب
ا
ل

[ودكمبال]

داء الجيل الجديد وديل فرسانه
<a href="http://www.sweetim.com/s.asp?im=gen&ref=11" target="_blank"><img src="http://content.sweetim.com/sim/cpie/emoticons/0002007B.gif" border=0 ></a>

يعنى لما الواحد يتزوج يطلب من الله ان يرزقة بنات ولا شنو عشان الواحد مايسمع كلمة الجولك دى.

[فدوى الحسن]

ده اكبر غلط عدم الاحساس بالمسؤولية ... ومعرفة تعب الاباء والجري وراء المعايش الجبارة ده كلو عشان اوفر للاولاد متطلباتهم وبعد ده كلو مافي كلمة شكرا... ولا كثر خيرك ويديك الصحة والعافية...

[عبدالرحيم سعيد]

هو يابرتبيل الجامعة والحب بمشن مع بعض المصيبة مابعد الجامعة والشهادة الشغل وين وبعدين( الجلك دي) مابقولها الا واحد يستاهل يدهو تعريفة وهذه وخزة للضمير الانساني للالتفات لفضائل الفائتات

[portbail]

حمد الله علي السلامـــــــــــة برتبيل ورمضان كريم

الله يسلمك مختار أخوي ، ورمضان كريم يعود علينا وعليكم بالخير و البركات وتصوموا وتفطروا علي خير
ومشكور علي المرور والتعليق
<a href="http://www.sweetim.com/s.asp?im=gen&ref=11" target="_blank"><img src="http://content.sweetim.com/sim/cpie/emoticons/00020114.gif" border=0 ></a>

[portbail]

هذا زمانك ..

يا .. مهااازل ،،

عزيزي سواااااااااااااااح

مشكور علي المرور و التعليق
<a href="http://www.sweetim.com/s.asp?im=gen&ref=11" target="_blank"><img src="http://content.sweetim.com/sim/cpie/emoticons/00020071.gif" border=0 ></a>

[portbail]

هذه اللوحة الاجتماعية للاسف موجودة وبكثرة في مجتمعنا.

نأمل ان يكون هذا البوست دعوة لأصحاب القناعات الزائفة
والتملق الإجتماعي للتوجه نحو مدرسة الواقعية حيث البساطة
والمصداقية.

عزيزي البنفسجي
أشكرك علي مرورك الرائع و الإضافة الثره لهذا البوست وحقيقة عدم القناعة قد يجر علي أصحابها ويلات لا تحمد عقباه .
معاً للتصدي و محاربة الزيف و النفاق الإجتماعي و الولوج للوأقعية
مع خالص شكري وتقديري لمروركم الرائع
<a href="http://www.sweetim.com/s.asp?im=gen&ref=11" target="_blank"><img src="http://content.sweetim.com/sim/cpie/emoticons/00020118.gif" border=0 ></a>

[محمد عبد الله عبدالقادر]

الاخ والوميل العزيز ابو مصطفى ( العربي)
الظاهر عليك متابع للجيل الجديد كويس ومراقب تمام وفعلاً ده حال الكثير من هذا الجيل - اذكر ونحن صغار ظهرت كلمة العجوز والعجوزة كناية عن الام والاب وكنا جميعا نستحى من قولها مع الغريب قبل القريب، وحكاية الواحد يكابس في الباص عشان يقعد جنب واحدة عجبتو والرشاقه البسويها عشان يلفت نظرها والتجاوب الغريب من البنات لاي واحد يدفع ليها ويعزمها بارد( شوف الخفه) والله يهديهم ويديك العافية وسلمت يداك

[portbail]

الاخ/ برتوبيل
ده الحاصل والسرد رائع وانت اروع .
قف...تقبل الله منا ومنكم الشهر الكريم
قف... منتظريين منك موضوع كارب عن المناقل.
ود
ك
م
ب
ا
ل

عزيزي ود كمبال
أشكرك علي مرورك الأروع ، تقبل الله منا ومنكم الصيام وجعلنا من صيام الشهر الكريم ، علي العهد إنشاء الله وسوف أكتب عن المناقل التي يوجد بها أهلي بالشعبية و صنقعت و المزاد وبلد الصديق الزميل والدفعة بصحيفة الراي العام ضياء الدين بلال عبد المحمود له حبي ولك.

<a href="http://www.sweetim.com/s.asp?im=gen&ref=11" target="_blank"><img src="http://content.sweetim.com/sim/cpie/emoticons/00020116.gif" border=0 ></a>

[portbail]

ده اكبر غلط عدم الاحساس بالمسؤولية ... ومعرفة تعب الاباء والجري وراء المعايش الجبارة ده كلو عشان اوفر للاولاد متطلباتهم وبعد ده كلو مافي كلمة شكرا... ولا كثر خيرك ويديك الصحة والعافية...

عزيزتي فدوي
مشكوره علي المرور و التعليق الجميل حقائق غائبة عن بعضهم الأب أيضاً شمعة تحترق لتضئ لهم الطريق وأجباً علينا العرفان بالجميل .
مع حبي
<a href="http://www.sweetim.com/s.asp?im=gen&ref=11" target="_blank"><img src="http://content.sweetim.com/sim/cpie/emoticons/00020134.gif" border=0 ></a>

[portbail]

هو يابرتبيل الجامعة والحب بمشن مع بعض المصيبة مابعد الجامعة والشهادة الشغل وين وبعدين( الجلك دي) مابقولها الا واحد يستاهل يدهو تعريفة وهذه وخزة للضمير الانساني للالتفات لفضائل الفائتات

عزيزي عبد الرحيم
والله صدقت في كل كلمة قلتها لكن هذا القصص كثيره و الوقت قصير جداً لسردها جميعاً ولكن تظل المحبة موجودة علي الدوام و الدعوة لإصلاح حال الجميع.
مع خالص شكري وتقديري وإعجابي
<a href="http://www.sweetim.com/s.asp?im=gen&ref=11" target="_blank"><img src="http://content.sweetim.com/sim/cpie/emoticons/000200A1.gif" border=0 ></a>

[portbail]

الاخ والوميل العزيز ابو مصطفى ( العربي)
الظاهر عليك متابع للجيل الجديد كويس ومراقب تمام وفعلاً ده حال الكثير من هذا الجيل - اذكر ونحن صغار ظهرت كلمة العجوز والعجوزة كناية عن الام والاب وكنا جميعا نستحى من قولها مع الغريب قبل القريب، وحكاية الواحد يكابس في الباص عشان يقعد جنب واحدة عجبتو والرشاقه البسويها عشان يلفت نظرها والتجاوب الغريب من البنات لاي واحد يدفع ليها
ويعزمها بارد( شوف الخفه) والله يهديهم ويديك العافية وسلمت يداك

وين أنت يا فقيري
مشتاااااااااااااااااااااااااقين والله هل تعلم يا محمد نحن لينا كم من بعض 17 سنه تقريباً ما تقابلنا ولكنك تظل أخي وصديقي محمد فقيري ذلك الرجل الرائع بحوش ودمدني الثانوية و الله يافقيري لو جيت السودان تشوف العجائب غايتوا يا حليلنا وحليل أيامنا السمحة ، أشكرك علي مرورك الجميل الرائع وقد قراءات دعوتكم للتوأصل تأكد أخي أننا لم نفترق لنتواصل فلكل الزملاء مكانة خاصة في قلوبنا ووجداننا ولهم الحب و الجمال علي أمل اللقاء.<a href="http://www.sweetim.com/s.asp?im=gen&ref=11" target="_blank"><img src="http://content.sweetim.com/sim/cpie/emoticons/000200C3.gif" border=0 ></a>

[محمد عبد الله عبدالقادر]

وين أنت يا فقيري
مشتاااااااااااااااااااااااااقين والله هل تعلم يا محمد نحن لينا كم من بعض 17 سنه تقريباً ما تقابلنا ولكنك تظل أخي وصديقي محمد فقيري ذلك الرجل الرائع بحوش ودمدني الثانوية و الله يافقيري لو جيت السودان تشوف العجائب غايتوا يا حليلنا وحليل أيامنا السمحة ، أشكرك علي مرورك الجميل الرائع وقد قراءات دعوتكم للتوأصل تأكد أخي أننا لم نفترق لنتواصل فلكل الزملاء مكانة خاصة في قلوبنا ووجداننا ولهم الحب و الجمال علي أمل اللقاء.<a href="http://www.sweetim.com/s.asp?im=gen&ref=11" target="_blank"><img src="http://content.sweetim.com/sim/cpie/emoticons/000200C3.gif" border=0 ></a>

يا ابو مصطفى في داعي هسي لعدد السنين ده والله شفقتني 17 سنة لا حول الله يا زول انحنا ما ( جلكنا) خلاص ، وفي لهفة للحضور الى السودان وتاكد انك نمرة واحد في اللستة يا عربي
سلام

[عوض صقير]

portbail

ديالوك يخدم قضية أو فى الحقيقة قضايا كثيرة

من أهمها قضية عدم الشعور بالمسئولية لمعظم شباب هذا الزمن !!!

تشكر وفى أنتظار المزيد

[عثمان جلالة]

حبيبنا أبو مصطفى ...... لك التحية ويا حليلنا نحن زمان ..... زماااااااااااان ... كنا بنطلع على الجامعة ... بدون قروش ونجي من الجامعة بى قرووش !!!!! رأيك شنو!!!!! لكن الزمن اتغير

[الزبير محمد عبدالفضيل]

نقوووووووووووووووول الله يهديهم وطبعا دي الاجيال القادمه الي معترك الحياة


وربنا يجعلهم من الذريه الصالحه


(((( ربي أجعلني مقيم الصلاة ومن ذريتي ربي وتقبل دعاء ))))

[ابوندى]

علمونا اهلنا بان نعمل ونكد اثناء الاجازة منذ ان كنا بالمتوسطة (البورت والرى والحفريات) وغيرها , لذا عرفنا كيف يجمع اهلنا المال ليعطوه لنا , فكنا نشعر بالقناعة لاى مصروف مهما كان .........وهذه انعدمت فى الوقت الراهن لذا نجد اغلب الشباب على شاكلة السرد اعلاه , وكل واحدٍ عندما ينصحه اهله بالعمل يظن بانهم غير قادرين على مصاريفة ضارباً عرض الحائط بالدروس والعبر من ذلك ,,,,واهمها الاحساس بالمسئولية