قالو زمان كان في واحد مرته شابكها ليك بنات بنات بنات لمن انتبه لقي انو عنده (10) بت ،،، المهم سأل ربنا ينعم عليه بي ولد عشان يكون كابتن للتيم ده ،،،، المهم الراجل ربنا أكرمه بي ولد الراجل داير يطير من الفرح ،،، دلع لي الولد فاق الحد ،،، الراجل الشغل بقي بزوغ بدري منه عشان يحصل يقعد مع الولد ،،، المهم الولد بحبا وخلاص داير يمش ،، قام ابوه قال يجيب ليه عجلة خشب ام تلاته عجلات ديك عشان تساعده في المشي وما يقع ،،، عنده خشب كده شالو مشي بيه لي نجار صاحبة وقال ليه سوي لي عجله لي ولدي ده ،،، النجار قال لي : تعال بعد أسبوع ،، الراجل جاء النجار قال ليه اديني بس اسبوع ،،، والاسبوع مر والنجار يماطل في عمك لمن الولد مشي ومشي وكبر ودخل المدرسة وبعدها الجامعه وعرس ، اها مرت الولد ولدت ليها ولد ،،، والولد بتعلم في الحبيان ،،، أبوه قام قال يجيب ليه عجله بتاعت خشب ،،، اها جد الولد ناداه قال لي : ياولدي انا زمان كنت داير اعمل عجله عن النجار فلان واديته الخشب بس ماطلعت من قسمتك ،،، اها يا ولددي امش ليه الظاهر من قسمت ولدك ،،، اها الراجل مشي لي النجار ،،، وحكي ليه :- قال ليه ابوي زمان قال ليك سوي لي عجله والعجله دي كان مفروض تسويها لي ،،، لكن ما مشكله ،،، أسي انا جابو لي ولد وداير العجله . النجار قال ليه :- قول لي ابوك الشفقان اصبر وكان مستعجل تعال شيل خشبك ،،، ده شنو الراجل الشفقان ده !!!!
رد مع اقتباس
المشاركة الأصلية كتبت بواسطة بت أم درمان
المفضلات