ماذا قالوا عن المغتربين !!

[شبارقة]

الكلام ليكم يا المنططين عينيكم..
أولاً: قالن النسوان:
1ـ مغترب ليبيا واليمن، ضياع زمن وغربة بلا تمن
2ـ مغترب السعودية أمراض نفسية (أكيد بسبب الكفيل).
3ـ مغترب الكويت عمار بيت (دا الوحيد الفالح).
4ـ مغترب أمريكا دقة ومزيكا.

ثانياً: قالوا الغنايين:
1ـ الغريب عن بلدو مهما طال غيابو مصيرو يرجع تاني لي أهلو وصحابو( ويييييييييين!! تعالوا شوفوا ناس السعودية).
2ـ الما مغترب يبقى تاجر غرب يا ناس (دا كان زمان الغربة سف تراب، والغرب لحق الرقدو).
3ـ وللبعيد المن زمان سافر رحل أهدي السلام (قول ليهو الرماد كال قدومك).
ثالثاً: قال شبارقة:
يا أخواني .. يا أخواتي .. المغتربين والفي السودان منعصرين، أقول ليكم وبكل صراحة الغربة أصبحت ما جايبه همها، والسودان وضعو انتو عارفين ، بس الواحد في بلدو بعيش عزيز ومكرم، ومافي واحد يقول ليهو عينك في راسك ، تاني حاجة يا أخوانا كلمة ( ودالسرور الجاب الشنط باللوري،وملى مرتو دهب) وقولة (جا سميييييين وابيض) وبوبار النسوان، وفشخرتن أحسن نطنشا ونخت نفسنا في الواقع،،،
ولا رأيكم شنو؟؟؟

[ياسر كوستى]

بلادى ان جارت على عزيزة واهلى ام ضنو على كرام

[سواااح]

شبارقة ..

يا زول مالك علينا
ما كفاية العلينا
ولا انت بتزيد النار جمر ؟؟
كدع رايك شنو نريح شوية
مع حبيبو نادر خضر ؟؟

دمـــــــــــت ،،

[سواااح]

[المسافر]

( قول عني ما تقول صوبي كم صعب الوصول )

وستلم يا شبارقة وللغربة محاسن ومساوي كتيرة وننسى المحاسن . . . ونبقى مع المساوي وأغلب المساوي ما تظهر إلا في دولة الخليج ( الأعراب أشد كفراً ونفاقا ) مش !!!!!!

ودمت

[وليد عمر سعيد]

ليبيا تخجل سنتين جاي بي مسجل


والله انا معاك يا شبارقه

الناس تبقى راجعه لي احضان


ام المدائن

[سواااح]

انتو يا جماعة ..
شبارقة مسكتو الجوازات ولا شنو ؟؟

[عصام هبار]

عمر امة محمد مابين 60 و80 .
فلننظر كم منها قد تساقط بعيد......
خوف....من التلفون ...من الكفيل...من المراة...ومن الظروف...ومن المستقبل ومن....
نجمع الفلوس ولا نستمتع بالحياة .....
نجمع ولا ندرى انعيش لنصرفها ام....
نفقد الصحة والعمر ونخاف....وكلام كتير...

[عثمان جلالة]

كلامك عين العقل يا شبارقه ... لكن البقنع الديك منو ......

[ابوشوتال]

اولا سلام عليك

وكت الكلام دة كلو في يلا خروج نهائي كلنا العندو والماعندو اتوكلنا علي الله

[روبش]

هي اصلاً خربانا واخير نتم الناقصة وربك كريم

[عصمت صلاح الدين]

لعمرك ما ضاقت بلاد بأهلها ولكن أخلاق الرجال تضيق .
الهجرة من الوطن رجا وهم فلو كتبت كلمة مهاجر وعكست أحرفها تجدها تتكون من كلمتين هما كلمة رجا وكلمة هم فانت فعلاً ترجو جمع المال و الغنى وتعاني هم الغربة وكما قال أخونا الكابلى الغربة أقسى نضال .
لاكين أطمنكم السودانيين بالخارج سمعة طيبة و شعب مميز خالص عن غيره.
وآخر عظمة

[جنيـــــدو]

السودان الدايرنه ده طلعتوا منه ليييييه ؟
أكيد حتقولوا الظروف ووو ...

ما لكم طيب
---
بقت ذي المثل ( جبناك يا شبارقة تعينا لقيناك يا شبارقة تُعان )
---


--
سافر ففي الأسفار خمس فوائد .....
---



---
المكتوب في الجبين ...
---

[جنيـــــدو]

{قُلْ مَن يَرْزُقُكُم مِّنَ السَّمَاءِ وَالأَرْضِ أَمَّن يَمْلِكُ السَّمْعَ والأَبْصَارَ وَمَن يُخْرِجُ الْحَيَّ مِنَ الْمَيِّتِ وَيُخْرِجُ الْمَيَّتَ مِنَ الْحَيِّ وَمَن يُدَبِّرُ الأَمْرَ فَسَيَقُولُونَ اللّهُ فَقُلْ أَفَلاَ تَتَّقُونَ }يونس31

[جنيـــــدو]

{وَمَا مِن دَآبَّةٍ فِي الأَرْضِ إِلاَّ عَلَى اللّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا كُلٌّ فِي كِتَابٍ مُّبِينٍ }هود6

[GREY MAN]

والله يا شبارقه نحنا هجرتنا كانت للعلم
وما جربنا ناركم....فربنا يقويكم وترسلو الدولارات
والموبايلات

[DANY]

4ـ مغترب أمريكا دقة ومزيكا.


يا شبارقه دى حقت عم عزيز عيسى وود الماحى !!

[شبارقة]

يا جماعة المشاركة دي من شهر ديسمبر 2006م
البحت في الأرشيف وطلعها منو؟؟

أنا غايتو غيرت فكرتي ، وارتديت عن الكلام القلتو!!

[جنيـــــدو]

للأخ عصام هبار

نص حديث رسول الله صلى الله عليه وسلم أنه قال (أعمار أمتي ما بين الستين والسبعين)

رواه الحاكم وصححه ووافقه الذهبي. ورواه الترمذي وابن ماجه

[Madanawi]

فكرتك جميلة شديد يا شبارقة
كدي .. أتقدم انت .. وادينا التقرير من هناك
وعلى ضوء النتائج .. نحن بنوريك خبرنا شنو!!

[moh_alnour]

بلادك حلوة ارجع ليها
دار الغربة ما بترحم
وزي ما قال اخونا جلالة البقنع الديك منو ؟

[سمسم]

الغريب مهما طال مصيرو يرجع لى بلادو
واكيد الغربه لها تمن ,لكن مااى غربه غربه العشر سنين والخمسه سنين بس

[s nger]

اللهم ارجعنا الى وطنا اللهم امين امين امين

[nehroo]

نكورك ليكم ما تجوا ................ نجيكم تكوركوا

[معروف الجزولي]

[ ]عزيزي شبارقه ايهما اهون الغربه داخل الوطن ولا خارج الوطن اظن 50% من السودانين مغتربين داخل بلدهم اظن المعني واضح وعليك الله ما تقلب علينا المواجع - تشكر