و من جديد جيت تاني أكتب

[بت أم درمان]

بسم الله الواحد الأحد

والسلام عليكم ورحمة الله


من جديد جيت تاني أكتب أول مشاركاتي

أنا زماااان لمن كنت في المدرسة لمن كنا يادوووب بنتعلم نقرأ ونكتب

أمي وأبوي كانو بقولو لينا ا لأولاد الفالحين الحلوين لازم إكونو شاطرين في المدرسة

عشان الاساتذة إحبوهم والناس تحبهم

كنا مصرين نتعلم نكتب ومصرين نقرأ

وأي كلمة تلاقينا نستهجاها لمن نقراها وبعد كدا نسأل عن معناها

إتخطينا المرحلة دي بكل فرح وحب للمدرسة والمدرسات

وصلنا المرحلة المتوسطة ...

وكنا عارفين يعني شنو نكون مجتهدين ومتميزين...

عشان نكون الأوائل دائما مع شوية منافسة شريفة حلوة

برضو إتخطينا المرحلة دي بكل فرح ووصلنا الثانوي ...

هنا كنا مصرين نجتهد ونكافح ونتعب بدون ما يكلمنا زول أو يوجهنا لان خلاص بقينا فاهمين وناس واعيين...

لي ؟

بس عشان كنا متأكدين بدون الاجتهاد والكفاح والسهر والمثابرة ما ممكن نجيب نسبة كويسة

عشان تدخلنا كلية كويسة

كانت المنافسة صعبة شديد

كوووول الفي الفصل دايرين يتميزو

دايرين يجمعو اكبر عدد من الدرجات

دايرين ندخل الجامعة يعني ونكون في احسن الكليات

دخلنا الجامعة بي فرحة

وبقينا ناس مسؤلين وكنا في كل مرحلة متميزين

واتخرجنا والحمدلله

وبررررضو جني وجن الملاحق


ومن جديد جيت تاني اكتب

و أبدأ من الصفر

[مهيد ود السفاح]

الرائعه بت ام درمان
اولاً حمداً لله سلامة العوده
وكتاباتك مصدر الهام , والتميز ديدنك دوماً , المهم انك تجتهدي وتكتبي , وخلي لينا متعه الاطلاع .

ولك ودي

[عثمان جلالة]

نبني فـــ تهدمها الرياح فلا نضج ولا نثور

أجمل ما في العوده الجديده .. الصورة الرمزيه يا بت أم در ... بما لا يدع مجالاً للشك إنو مقولة نبني ... فــ .......... تسير في الشكل الصحيح

لك الود ،،، رغم الملاحق " الملاحق دي ما جميلة إلا في اللحمه المحمرة"

[الجندي المجهول]

بت امدرمان
الثورة - شارع الوادي - شارع النص - شارع الشنقيطي
امدرمان القديمة حي العرب- المظاهر- ود البنا-العمدة-ود ارو-الملازمين- بيت المال-المسالمة(غزال)-الركابية- ود نوباوي - الدباغة-ابوروف- القماير- العرضة- الموردة- العباسية -حي الضباط-الشهداء- البوستة-
امبدة ( بكل تقسيماتها)
الامتدادات بكل امتدداتها ...
الحلوين
ناس مدينة النيل - المهندسين-
مسجد النيلين - قصر الشباب-الاهلية-شرق النيل-كلية التربية-الاسلامية-التقانة-المعهد الدولي
شارع المدارس - صينية ازهري-قسم الكبجاب-استاد ود نوباوي- القمة ( هلال مريخ ) الموردة

وكرش الفيل كبيرة بجيك تاني


قبل ما انسى الذكرتهم ديل كلهم بيرحبو بيك ( من جديد) ولي عودة

[أم وعد]

بت امدرمان .... لك ودي وكل الحب
عدنا والعود أحمد ... ولو حتي نبدأ من السالب منتدنا لازم يستمر
الجندي المجهول .. عايزا اضيف بيت الخليفة والطوابي ... هي ام در شموخ التاريخ وزهو الحاضر ..
وكل الود

[سروية]

الف حمدا لله علي السلامة العزيزة بت ام در
لو حتي نبدا من الصفر المنتدي لازم استمر

[بت أم درمان]

الرائعه بت ام درمان
اولاً حمداً لله سلامة العوده
وكتاباتك مصدر الهام , والتميز ديدنك دوماً , المهم انك تجتهدي وتكتبي , وخلي لينا متعه الاطلاع .

ولك ودي

اخي العزيز مهيد ود السفاح قبل ايييي شي انت كيفن عضو جديد زينا

وتاريخ انتاسبك لهذا الصرح من 2007

تاني شي اشكرك على كلماتك الرقيقة

و اتمن ليك كل الخير

وليك كل الود والتحايا العطرة

[بت أم درمان]

نبني فـــ تهدمها الرياح فلا نضج ولا نثور

أجمل ما في العوده الجديده .. الصورة الرمزيه يا بت أم در ... بما لا يدع مجالاً للشك إنو مقولة نبني ... فــ .......... تسير في الشكل الصحيح :d

لك الود ،،، رغم الملاحق " الملاحق دي ما جميلة إلا في اللحمه المحمرة" :d:d

الاخ

العزيز الراقي جدا عثمان جلالة

بنقول الحمد لله على كل حال

خاصة ان الهدم ساااهل علا لكين العمار صعب ربنا يقدرنا بس

طبعا الصورة الرمزية دي عشان نتفائل بان يكون كل القادم ربيع


ياخ فعلا معاك حق الملاحق في اللحمة المحمرة جميلة

بس المشكلة اجيبوها ليك باااردة ودهنا جامد

اما الملحق الانا داخلاهو دا ربنا يقدرني عليهو صعب علي شديد

[بت أم درمان]

بت امدرمان
الثورة - شارع الوادي - شارع النص - شارع الشنقيطي
امدرمان القديمة حي العرب- المظاهر- ود البنا-العمدة-ود ارو-الملازمين- بيت المال-المسالمة(غزال)-الركابية- ود نوباوي - الدباغة-ابوروف- القماير- العرضة- الموردة- العباسية -حي الضباط-الشهداء- البوستة-
امبدة ( بكل تقسيماتها)
الامتدادات بكل امتدداتها ...
الحلوين
ناس مدينة النيل - المهندسين-
مسجد النيلين - قصر الشباب-الاهلية-شرق النيل-كلية التربية-الاسلامية-التقانة-المعهد الدولي
شارع المدارس - صينية ازهري-قسم الكبجاب-استاد ود نوباوي- القمة ( هلال مريخ ) الموردة

وكرش الفيل كبيرة بجيك تاني


قبل ما انسى الذكرتهم ديل كلهم بيرحبو بيك ( من جديد) ولي عودة

الجندي المجهول - كورومبووووو

الحل : السودان بي كل اتجاهاته شرق - غرب - شمال - جنوب

صح؟

بس الأهم عندي من كوووول ديل مدني وما جاورها وبالاخص حتة كدا ما دايرة اقولا

اشكرك يا راقي

كلك ذوق والله واحييك انت وكل الذكرتهم ولم تذكرهم

امتناني وتقديري

[بت أم درمان]

بت امدرمان .... لك ودي وكل الحب
عدنا والعود أحمد ... ولو حتي نبدأ من السالب منتدنا لازم يستمر
الجندي المجهول .. عايزا اضيف بيت الخليفة والطوابي ... هي ام در شموخ التاريخ وزهو الحاضر ..
وكل الود

حبابك والله ام وعد

والسالب دا الما مندورو علا ربنا كريم علينا

وام در يا ربوع سودانا نحييك

تسلمي يا امها

تحياتي وتقديري

[بت أم درمان]

الف حمدا لله علي السلامة العزيزة بت ام در
لو حتي نبدا من الصفر المنتدي لازم استمر

سروية يا القديمة الجديدة

مرحب بيك والله منورة من جديد

اسمعيني تاني ما تعملي كدا وتختفي فجأة

[مدنيّة]

يابنوتة ح نكتب ونكتب لغاية لما لاكتابة تفتر مننا

لو عضو جديد بحقه ولا بحق السيرفر

روحنا مازالت كما هي

مرحب بيك ياعثل من جديد

[الجندي المجهول]

الجندي المجهول - كورومبووووو

الحل : السودان بي كل اتجاهاته شرق - غرب - شمال - جنوب

صح؟

بس الأهم عندي من كوووول ديل مدني وما جاورها وبالاخص حتة كدا ما دايرة اقولا

اشكرك يا راقي

كلك ذوق والله واحييك انت وكل الذكرتهم ولم تذكرهم

امتناني وتقديري

عليك الله قوليها ( النشوفها الفي بالي )

[بت أم درمان]

يابنوتة ح نكتب ونكتب لغاية لما لاكتابة تفتر مننا

لو عضو جديد بحقه ولا بحق السيرفر

روحنا مازالت كما هي

مرحب بيك ياعثل من جديد

والله يا ام جمال الكتابة دي اصلها ما بتفتر

ونحن وراها وراها

والاهم كما قلتي روحنا

وثقتنا بان الجميع موجودين ومتميزين

ومرحب بالجميع

تحياتي وتقديري ليك يا ندنية

[بت أم درمان]

عليك الله قوليها ( النشوفها الفي بالي )

من غير ما اقول هيييي زاااااااتااااا الفي بالي

[الملكة اسماء ( ام محمد )]

[بت أم درمان]

صحبتي الغالية ملكة القلوب والاماكن كووولها

تسلمي يا رب

وانتي كمان كوني كما انتي الملكة النجمة ودائما منورة

[الجندي المجهول]

من غير ما اقول هيييي زاااااااتااااا الفي بالي

طيب انا زاتي كنت ساكن هناك

[بت أم درمان]

طيب انا زاتي كنت ساكن هناك

وانا اقول الشبه دا اصلو ما غريب علي

[ابو لوزة]

عاد يابت امدرمان
نسوي شنو هسي اليوم الخميس
انا ماشي اشتري لي قلم رصاص
واستيكه وبراية وكراس مسطر
عشان اتعلم القراية والكتابة من
اول . اشتري ليك معاي

[بت أم درمان]

عاد يابت امدرمان
نسوي شنو هسي اليوم الخميس
انا ماشي اشتري لي قلم رصاص
واستيكه وبراية وكراس مسطر
عشان اتعلم القراية والكتابة من
اول . اشتري ليك معاي

انا جبت حاجاتي وبدأت خلاص

وان شاء الله تكون بداية موفقة للجميع

[مهيد ود السفاح]

انا جبت حاجاتي وبدأت خلاص

وان شاء الله تكون بداية موفقة للجميع

(أ ) اسد
( ب ) بنت
( ج ) جرس
(د ) دجاجي يلقط الحب ويجري وهو فرحان
كأن عيونه خرز لها في الشمس الوان

انا رجعت عضو جديد بسبب الازمه الاقتصاديه وانا هسي في ( kg1 )

[بت أم درمان]

(أ ) اسد
( ب ) بنت
( ج ) جرس
(د ) دجاجي يلقط الحب ويجري وهو فرحان
كأن عيونه خرز لها في الشمس الوان

انا رجعت عضو جديد بسبب الازمه الاقتصاديه وانا هسي في ( kg1 )

بسبب انتباهك ده مفروض يفططوط

نديك مميز طوالي كدا رايك شنو

بس لازم تكتب ليك في اليوم

ما اقل من 20 مشاركة على الاقل لمدة اسبوع بس

[العاقب مصباح]

منورة يا جديدة انتى


شدى حليلك ربنا يقويك ويبقيك عضو برونزى


http://209.85.229.132/search?q=cache...ient=firefox-a

[moh_alnour]

حنتقابل و نرسم في حشى الأيام تصاويرنا
نضيع في زحمة الفرقة و تحس باللهفة ناس غيرنا
مع ضوء الشمس تشرق تعابيرنا و ملامحنا
صحي الأيام مشت لكن أنحنا الليلة موجودين
لا بنتعب و لا واقفين و لا كملت مشاويرنا